استفسار : ما معنى هدد - فتك - هلي

[me 6210]

انا من اشد محبي هذا المنتدى لما فيه من معلومات تجعلك ما تفتح منتدى اخر

بس ودي احد يجاوبني على الاستفسار الي بالموضوع لاني كثير اسمعها ولا ادري معناها واعتقد كثير مثلي ما يعرفها

مثل هدد ماذا يفرق عن غيره

[NEWASSER]

حياك الله اخوي
الهدد الاسم الشائع للند كروزرg وهو الاستندرد في اللاند كروزر
والفتك ترجمهvtcوهو الباترول اللى مكينته4800 سي سي اكبر مكينه على الياترول
والهلي تدليع للهايلكس
وسلامتك
:d

[حزوبر]

مشكور أخوي me 6210 على طرح هذا التساؤل ، وانا مثلك مدري وش الفرق ومن الأخوان نستفيد
الشكر موصول للأخNEWASSER على إفادتنا
بس وش الأفضل للأستخدام وش تنصحوني يالربع ؟ فتك أو هدد

[مدمن فتك]

الهدد : الجي والجي اكس من اللاند كروزر ..
الفتك: الباترول اللي مكينته 4800 وتعمل بنظام الفتك..
الهلي: تصغير للهايلكس
اما اخوي حزوبر انت اللي تحدد يعني حسب استخدامك اما علي انا فتك بدون تردد

[خشيمان]

الهدد على كلام مختصين فيه هو اللاند gx اللي يجي صداماته سود ومواصفاته فل مثل : فتحة دفلك ونش
وما يجي الا قطري وبدأ من 2003 بس مع الوقت صاروا الناس يسمون اي جيب GX هدد حتى لو مواصفاته مب فل (هذا على حسب كلام خوينا والا أنا مالي علم)
اما الفتك فهي الأصل VTC وهي تقنية مستخدمة في مكينة الباترول 4800

والله اعلم

[مرير الشوق]

الهدد طال عمرك : هو الجي G لاند كروزر مثل ماقالوا الشباب
وسموهـ ( هدد ) على اسم هدد الصيد والقنص لأن السياره هذي محببه عند اهل الصيد واكثر الصيادين يقتنون مثل نوعية السيارات هذي ..
--------------------
الفتك : هو السفاري اللي مكينته 4800 ... وهو نوعية في مكينة السفاري علماً بأن السفاري 4500 لا يسمى بالفتك ...
-------------------
والهلي : هو اسم دلع للهايلكس ..

والله يسهل اموركم ان شاء الله

[سيف الظفير]

سم السيارة بأسمها وارتاح

[أسير الطيب]

أقترح على مشرفي هذه الخيمة المتميزة أن يفتح موضوع في المواضيع المثبتة تحت عنوان المصطلحات والمسميات الدارجة لأنواع السيارات وقطع غيارها أو أي عنوان آخر بهذا المعنى للخروج من المحلية وكسر الحواجز أمام المتابعين من الدول العربية لأنه في الخليج نجد صعوبة في فهم بعض المصطلحات فيما بيننا فما بالك بالنسبة لهم , طبعا هذا الإقتراح ليس حكرا على هذه الخيمة فالخيام الأخرى زاخرة بمسميات يصعب على غيرنا فهمها .

[سوبر VTC]

اقتباس من ردود الاخوان لموضوع سابق




اقتباس:
أخ ماجلان حفظك الله ورعاك

بحكم تخصصي دعني اقول لك أن

VTC تعني Valve Timing Control وليس كما ذكرت

وهي تعني ان توقيت التحكم بزمن فتح صمامات التفريغ والتعبأه متغير فهو يطول في السرعات المنخفضة والمتوسطة ويتأخر وقت اغلاق الصمام في السرعات العالية وهو مشابه لالنظام المستخدم في تويوتا VVT

وله فوائد منها زيادة عزم الدوران و القوة الحصانية وتخفيض استهلاك الوقود

ودمتم سالمين :j



المقصود بالصمامات هي بلوف الهوا و بلوف النار او تفريغ العادم الشكمان

موفق

[me 6210]

أقترح على مشرفي هذه الخيمة المتميزة أن يفتح موضوع في المواضيع المثبتة تحت عنوان المصطلحات والمسميات الدارجة لأنواع السيارات وقطع غيارها أو أي عنوان آخر بهذا المعنى للخروج من المحلية وكسر الحواجز أمام المتابعين من الدول العربية لأنه في الخليج نجد صعوبة في فهم بعض المصطلحات فيما بيننا فما بالك بالنسبة لهم , طبعا هذا الإقتراح ليس حكرا على هذه الخيمة فالخيام الأخرى زاخرة بمسميات يصعب على غيرنا فهمها .


وانا معاك في هذا الاقتراح 100%100

والله يا خوي تدخل موضوع في شي له مصطلح ما يعرفه الا شريحة من الناس وما تدري عن اي شي يتكلمون !!

الان عرفنا الفتك وهو الي يرمز له ب vtc

لكن الهدد ما اتفق عليه الشباب يعني اي لاند كروزر G هو هدد

[المميـز]

الهدد : وصف للاندكروزر الـ gx وسبب الوصف هذا لانه خفيف ويهد من هداد الطير :)
الفتك : مسمى دارج بين الناس بسبب كلمة VTC المكتوبه على باب الباترول موديلات 2002 - 2003 - 2004 أما الآن الكلمه صار غير مكتوبه على الموديلات الجديده
الهلي : مثل ماتفضلوا الاخوان وقالوا دلع للهايلكس

وطلعت قصيده قال فيها الشاعر :

يازين مركب الهلي ... للمكده ماتملي

[ياليل خبرني]

معنى فتك
اللعاب

[هاوي الكدري]

الgx يسمى الهدد نظرا لاقبال اهل الصيد على شرائه ولانه خفيف وفزته قويه
الvtc الفتك ماكينته 4800 من 2002 يسمى فتك وفزته قويه مره
الهلي تدليع للهايلكس
هلي يابعد كل خلي
هذا مثل وارد عند اصحاب الهليات
هلي غماره فن وشطاره
ودمتم برعاية الله

[صنيدح1234]

على مائعتقد ان الاخوه سبقوني ولاكن
غيراتايوتا لاتدور جيب هدد2008

[الفيصل2009]

أقترح على مشرفي هذه الخيمة المتميزة أن يفتح موضوع في المواضيع المثبتة تحت عنوان المصطلحات والمسميات الدارجة لأنواع السيارات وقطع غيارها أو أي عنوان آخر بهذا المعنى للخروج من المحلية وكسر الحواجز أمام المتابعين من الدول العربية لأنه في الخليج نجد صعوبة في فهم بعض المصطلحات فيما بيننا فما بالك بالنسبة لهم , طبعا هذا الإقتراح ليس حكرا على هذه الخيمة فالخيام الأخرى زاخرة بمسميات يصعب على غيرنا فهمها .

كلامك عين العقل