رايكم بالنيسان (( الفتك )) لاصحاب الخبرة

[السفير14]

السلام عليكم ورحمة الله وبركاته ..



اهلا وسهلا بكم اعضاء مكشات الكرام ,,






سؤالي اخواني الاعزاء وش رايكم في الفتك ( طبعا جديد ) ..




اشوف ناس تمدحه وناس تذمه ,, والصراحة شي يحير !!!




والواحد ما وده يشتري الا على سنع ..




فياليت تعطوني خبرتكم ..





انا ادري ان اللاند كروزر افضل .. ولكن للاسف ما حصلت واحد نظيف ,,




<وخاصة اني معجب بـ 2007 .. (( اللي يعرف لاند تظيف للبيع يعطيني خبر )) >

[سيف الظفير]

توكل على الله تراه طيب ومذكور بالخير والفتك ما فيه شكه يا بعد حي

[مدمن فتك]

مايحصل اللاند افضل من الفتك الجديد
الفتك الحين شيخ الجيوب
توكل على الله واشتره

[ابرق نثيل]

من وجهة نظري الفتك وتجربتى بعد 100 الف كيلو ماتركت بر يخطر ببالك
وصلت لنتيجه ان الفتك كما هو مذكور عنه ومايحتاج شهادة من هم على شاكلتي :D
وراعي الولع يشريه لو باع ثوبه

خدمة الوكيل = ماحصل لي الشرف ورحت مره ولن اتعودها بمناسبة تشيك 1000 كليو
الموتر وشهو من لحية = 90%
اعطال ميكانيكية يعني لله في لله من نفسه = 0%
خربات كهربائيه = 80% احتمال يتعطل عليك ريليه - كتاوت ب 50 ريال منظم الهواء في حال عدم تغيير فلتر الهواء بانتظام
هل الموتر حساس = ههههه حساس اذا ابطيت بالديرهو ما دخلت به البر تحسه مثل خويك يشره عليك :D

الصيانة الوقائيه = سهله وتحمي باذن الله ولمده طويله جداً من اعطال (طرمبة البنزين- منظم الهوا- الحرارة- التكييف - كهرباء السياره - الميكانيكة )
هل كهرب السياره ضعيف كما يقال = لا المشكله في الريليه او الكتاوات صناعه رديه.

قابلية الموتر لاضافات المكاشيت = 100% كل ماتحلم فيه يركب بالموتر
هل تجد خبراء في الباترول وحلول للمشاكل = نعم وبنسبه 100%
هل يتفكك وتسمع اصوات = نعم ولا نعم اذا هو شد بلد ولا اذا ركبت مساعدات شاص ويايات استرالي وكفرات بالون ماتسمع اصوات اطلاقا
هل تفكر بغيره = لا ماعاد تشوف اي موتر غيره
هل يطربك في البر = 100%
هل يصرف بنزين = يصرف مع الدعس ويكفي 700 كيلو ب 50 ريال
هل جربته في كافة التضاريس الوعره = 100% ناجح في كل الظروف وله مني حبة خشم
مستوى الفخامه = 60% ماهو فخم
هل جربته في التعطيس والمراقي = لاا قياده هادئه
وانت في البر هل يخليك تسوس انه يتعطل = ماشاء الله آمن من الاعطال بتوفيق الله
قطع غياره = الاستهلاكيات متوفره
اذا ماتبي الوكيل الحمراني تقدر تسافر للخليج وتاخذ احلى صيانه = اعتقد ايه
ليش يذمونه = اللي مايعرف للصقر يشويه
ليش يمدحونه = هذا بلا بوك ياعقاب
هل ينفع للتدعيس والاستمتاع بصوت التفته = لا يطيحن مسامير الثلاجه بنسبة 8%
وش يميز الكروز عنه = الفخامه والدعايه المظلله والغلا اللي غير سنع

[موادع 1]

اخوي السفير
مساك الله بالخير
عز الله الاخوان ما قصرو والاخ ابرق نثيل ما قصر كفى ووفى
وباسلوب جميل ومرح
وانا ما عندي زود على كلامهم الحقيقة الفتك فارض نفسه فرض
ويكفيك انه ياباني ودفرنسين فعلية
ولكن
أرى ان تنتظر حتى نزول 2010 يمكن يتغير الشكل وتصير تسرعت وراح موديل موترك
ويمكن ينزل الجديد ويرتفع الشكل القديم مثل ماهو حاصل بالكروزر ومثال ذلك
كلامك انك معجب وتبحث عن الشكل القديم
ولكن الركادة زينة والمدة قريبة رمضان او حوله
استخر رب العالمين والله يدلك على اللي فيه الخير

[قرم العيال]

توكل على الله وخذ 2009

قبل لا يخلص عند الوكيل ,,

تراهم يحترون الـ 2010

و 2010 مايدرى وشو من لحيه !!