مشكلة الدريشة اغلقها وتنفتح ؟؟!! [الأرشيف]

مشاهدة النسخة كاملة : مشكلة الدريشة اغلقها وتنفتح ؟؟!!

الوعل888

28/07/2009, 05:29 PM

السلام عليكم ورحمة الله وبركاته

مدري من صارت معه نفس هالمشكلة

الموتر 2002 لاندكروز جي اكس ار
توضيح : -" تعرفون المفتاح حق الدريشة اللي يفتحها ويسكرها تقريبا درجتين نزول وارتفاع درجة لانزالها شوي شوي ودرجة اكبر للتحكم الاتوماتيكي سواء فتحها الى اخر شي او تسكيرها الى اخر شي "
نجي للمشكلة :
غيرت مكينة دريشة السائق و صارت مشكلة اذا اردت اغلاق الدريشة وانا ضاغط الزر لاجل تنغلق اتوماتيك اول ما تصل الى اعلى " يعني عند ربلة القزازة " تنزل الدرشة

يالله اسكرها على شوي شوي من غير الضغط بالزر الاتوماتيكي يعني ارفع اشوي " الدعوة صارت اختال " :confused:

الفتح ما فيه مشكلة لكن الاغلاق

والغريب الان الدريشة مغلقة واذا ضغطت الزر الى اعلى تنزل " فقط وهي مغلقة "
مدري شسالفة برمجة والا ايش

بواسامه

28/07/2009, 06:15 PM

اتوقع الخلل من المفاتيح
وقيمة المجموعه بحول 650 ريال تو اخوي مغيرها جديده
ولا ابحث عنها في التشاليح

ابودعسان

28/07/2009, 07:04 PM

الوعل888

30/07/2009, 05:52 PM

ماقصرتم وبارك الله فيكم وكثر الله خير وفرج الله همكم وكشف غمك وازال كربكم

غربي هواوي

30/07/2009, 08:14 PM

يمكن اللي ركب المكينة ما ضبطها

الوعل888

31/07/2009, 11:07 PM

ممكن غرابي
لكن اخشى يكون فيها برمجة اوشيء

وشكرا لك

غالي

31/07/2009, 11:58 PM

ياخي استغفر الله هالصيف مشكله

حررررررررررررررررررر

والله ثم والله الجمس خربت علي دريشتين

الاولى مكينه ويمكن من شهرين

والثانيه الثلاثاء الي راح البلاستيك حق السير الي يرفع القزازه لقيناه مايع من الحراره اعوذ بالله

والسياره الثانيه فيها نفس مشكلتك

لما ارفع دريشتين بنفس الوقت

وحده منهم تنزل وتنفتح لاخر شيء

حتى مااعرف اوقفها لازم تنفتح كلها

والصراحه خليتها الله يستر ماتخرب لكن منيب مصلحها

الله يعين أخوي بس من هالحر :(

البوعينين99

01/08/2009, 02:19 AM

هذا حساس الأمان الي مايخلي الدريشه تسكر على احد هو الي يفتح لك الدريشه كل ماسكرتها.
الأكيد ان الي ركب لك مكينه الدريشه سوى شي غلط .

أرجع له خله يضبط شغله.

الله يوفقك

على قد الحال

01/08/2009, 06:52 AM

السلام عليكم يا خوي:

صارت معي بالجي ستاندر 2008 و يوم رحت للوكالة قالوا زيتنا المكينة و إنصلح الوضع الحمد لله.

أبو أسامة

01/08/2009, 06:58 AM

انا كان عندي نفس مشكلتك موتري باثفندر
بس انا صدمت على باب السواق
ويوم ركبوا الدريشه صارت اذا سكرتها بالتماتيك اذا وصلت اخر شي تفتح مره ثانيه تقريبا 10 سم
وطلعت المشكله الباب مهو متساوي مع الدريشه من فوق وعدلوها ومشى الحال
انت ممكن من اللي ركب لك المكينه ارجع له ممكن رافع الذراع اللي يرفع الدريشه
وترى في بعض السيارات نظام امان اذا رد الدريشه شي ترجع تفتح
نفس موتري

هذا الكلام السليم ........ تأكد من وزنية الدريشة مع الباب وتأكد من ربل الدريشة يعني إطارها لايكون في منطقة منه شيء منديل أو غيره لأن الدريشة عندك فيها سفتي حماية يعني إذا إصطدمت بأي شيء ترجع تفتح وعشان تتأكد بعد ما تضغط على الأوتو حط قلم على حافة الدريشة العلوية وشف إيش راح يصير ....
يعني موضوعك بسيط لا يلعبون عليك ويفتحون ديكور باب الجيب كل شوي بعدين تسمع أنواع القرقعه ..... مر على سمكري وخله يوزن لك برواز الدريشة قدامك ماراح تأخذ أكثر من 3 دقائق ...... إن شاء الله ......

والسلام عليكم ورحمة الله ........