يمكن انك تجهل هذه المعلومة سنين وحن غافلين عنها

[ابوراس الدحمي]

الحين يالربع
السلام عليكم ورحمة الله وبركاته أولا
ثم عساكم ما تتفاجؤن من هذه المعلومة اللي يمكن ان البعض أو الغالبية مو عارفها
المشكلة يالربع انها صوب عيوننا كل مرة نسوق فيها السيارة ولا حن عارفين
ايش هي

انا عن نفسي 16 سنه اسوق السيارات الياباني (مدري والله عن الامريكي والالماني) على اختلاف انواعها .

لكن اذا اخذت سيارة اخوي مثلا او الوالد الله يطول بعمره او اي واحد من ربعي وابي اعبّي السيارة بنزين اقعد اطلّــع راسي مع الدريشة وادورّوين فتحة البنزين

والا عامل المحطة يجبرني على اني اديور عشان تجي الفتحة من جهة كابينة

البنزين وعاد اذا السيارة سودا وفي الليل ما تشوف شي :D
لكن اللي يحكم الموضوع هو كثرة تعودك على سيارتك وانت عارف من اي جهة

تعبـّــي السيارة وتعامل السيارات الثانية الى انت تسوقها على هذا المبدأ


احسن ما تنعصر رقبة اللي يبي يعبــّي بنزين يناظــر في رسمة كابنية البزين اللي


موجودة في مؤشر البزين قدامك على الطالبون

http://www.freeimagehosting.net/uploads/119fb914ac.jpg (http://www.freeimagehosting.net/)

امبير البنزين في اليمين يقولك ان لي(ماصورة) جاية جهة اليمين يعني فتحة البنزين عندك يمين السيارة
واليسار زي الكلام اللي قلته بالضبط

[الحركساب]

وكلامك على متمه اغلب السيارات اول ما تناظر الطبلون تعرف جهه التانكى اما سهم او نفس صوره الطرمبه يمين او يسار.............ووالله احييك على الملا حظه اللى ما عرفتها الا من قريب....ماكان يخطر على البال

[نيسان 807]

مبدع يبوراس ومعلومة جديدة علي

[ذيب الداهية]

معلومه رائعه توني ادري عنها
يعطيك العافية ما تقصر يا ذيب

[ابوراس الدحمي]

يسعدني والله تواصلكم ولو الود ودّي كان الكل يستفيد

[حرب]

معلومه جديده لي والله يعطيك العافيه
ودائماً اوقف بالمسار الي مافيه زحمه يا يمين او يسار والله يبارك بالي بالتوقيع00

[abo-lma]

معلومة جديدة علي

بارك الله فيك والله يرحم والديك

[لاتكب البيالة]

صراحة معلومة مهمة

انا بسيارتي سهم بجنب علامة البنزين وعارف من شريت السيارة لاني فضولي شوي واي شي لازم اعرف وش فايدته واللي بلا فايدة الغيه مثل لمبة الحزام

[غربي هواوي]

مو كل السيارات

[ابوسعودد]

جاري التاكد من جميع السيارات اللي حولي ... تحياتي لك

[سوبر VTC]

و عليكم السلام و رحمة الله

جزاك الله خير :good:

و معلومه لا تطري على بال غالبيه الناس :no:

موفق

[طيرالحمــــاد]

معلومـــــــــه جديدهـ

نبي نتاكد من السيارات اللي حولنا

[محمدالمحيسن]

يعطيك العافيه على المعلومه

لكن معي باترول 94 انبيره يسار وفتحة التعبيه يمين

شكرا لك

[مركزالعبد]

قبل سنتين طارت هالسالفه بين ايميلات الشباب،،
وسيارات الشركة عندنا امريكيه،، يوم طالعت لها لقيت مالها اساس من الصحة.

خلاصة القول انا مادري ليش هالسهم
((مو كل السيارات ))

[راعي الجروة]

ياجماعة الخير الأمر سهل ، ولا فيه مشكلة ، والحمدلله

[عقريص]

السلام عليكم ورحمة الله وبركاتة
انا أؤويد كلام اخوي مركز العبد
لاني حصلت العلامة في سيارتي تقول فتحت البنزين يميمن وانا عندي العكس
مع العلم ان سيارتي فورد كراون فكتوريا موديل 1999

[NOYEB]

مو كل السيارات


صحيح ليس كل السيارات مرسوم بها علامة خرطوم البنزين في الطبلون

[بو خالد77]

مدري عن الشباب اللي يقولون بعض السيارات وبعضها لا...
لكن انا عن نفسي موتري مازدا3 وفيه سهم عند عداد البنزين يدل على مكان فتحة التانكي ومذكوره الملاحضه هذي في الكتالوج حق الموتر...

لاههنت اخوي على المعلومه...

[0راعي الجبيل0]

حسبي الله عليك وينك من عشرين سنة وانا كل ماغيرت السيارة احتاس يمين --- يسار
والله أول مرة أعرف هالمعلومة منك .... أول أحسب بس الامريكي الجديد اللي يكتبلك وين التانكي ويحطلك سهم ....

عاد عندنا بالشركة السيارات انواع كل ماخذت سيارة باشوف الطرمبة وين موجهه

تحياتي

[ابو عنقا]

جزاك الله خير

معلومة مفيدة وبالنسبة لي أول مرة أدري عنها مع العلم اانني اسوق قبل

25 سنة

ولكن تسلم يالدحمي على هالمعلومة الطيبة والتي لايعرفها إلا القليل جداااااا\


تقبل تحياتي

[يازين البر]

مو كل السيارات


صحيح


أنا دريت عن هالمعلومة من سنتين تقريبا ويوم ناظرت في كم سيارة لقيتها مخالفة في بعض السيارات


وبعضها ما فيها توجيه لمكان باب البنزين


الشكر لصاحب الموضوع

[a.n]

معلومه حلوه بس فيه من يقول غير كذا ودنا انه يثبت على كلامه والا لا يخوي غربي هواوي
(http://www.mekshat.com/vb/member.php?u=101369)

[بدران123]

بيض الله وجهك يابو راس وملاحظه غيرر مسبوقه ومجهود رائع..

بدران

[escape_man]

ايضاً في الباث العلامة مو مثل ماتفضلت طال عمرك

اما الجمس فياسلام

وقف وين ماتبي

[الآسيف2]

المعلومة قديمة بالنسبة لي

والف شكر على مشاركتك بهذه المعلومة في هذا المنتدى

[satam1389]

جزاك الله خير
يالحبيب انا عندي كابرس ومؤشر البنزين يقول يمين لكن مكان التعبئة الحقيقي في الخلف تحت اللوحة

لذلك اشك في المعلومه وتقبل مروري وتعليقي وعسى ماكون احرجتك

[طايربلي جنااح]

اخوي معلومه خااطئه

اناا عندي البااث بالصووره يمين وهوو يساااار

[كساب الطيب]

لو قريت التكالوج حق السياره كان عرفت المعلومه
ايه تشترى السياره والتكالوج محذوف بالدرج ماتفكر تقراه

عموما بيض الله وجهك على هالمعلومه الطيبه لان بعض الناس ما يدرون

[التعـ King ـديل]

انا معي باترول 97 والامبير يسار لكن اللي حق الرسمه يمين من جهه التانكي

[7MOODH]

معلومة جديدة
وجزاك الله خير

[ابوراس الدحمي]

سبق واني قلت لما وضعت هذه المعلومة انني ما ادري عن السيارات الامريكي
وحتى الالماني مروركم جميعا على هذه المشاركة بين اشخاص مؤيدين ومعارضين يعني لي الشيء
الكثير حتى وان كانت المعلومة قديمة كثير من الاخوان ما يدرون عنها
اشكر كل من شارك وكل من انتقد

[ابوراس الدحمي]

سبق واني قلت لما وضعت هذه المعلومة انني ما ادري عن السيارات الامريكي
وحتى الالماني مروركم جميعا على هذه المشاركة بين اشخاص مؤيدين ومعارضين يعني لي الشيء
الكثير حتى وان كانت المعلومة قديمة كثير من الاخوان ما يدرون عنها
اشكر كل من شارك وكل من انتقد

[الربذي]

اخوي معلومه خااطئه

اناا عندي البااث بالصووره يمين وهوو يساااار

صدقت اخوي طاير بلا جناح !!!!!!!!! على مكنسة مثلا امزح

فعلا اليوم وانا مسافر عبيت وتذكرت موضوع اخونا ابوراس والحقيقة انها يشير الى الجهة اليمين وهو يسار

[ابوراس الدحمي]

الموضوع واضح للسيارات الياباني فقط
امريكي الماني -ما ادري عنها
الرجاء قراءة الموضوع جيدا ثم اتشرف بقراءة تعليقاتكم
تـــحـــــياتي

[mo7taj]

بارك الله فيك على المعلومة الطيبة

[المميـز]

الله يجزاك خير على المعلومه الرائعه :good:

سبق وان قرأة عنها في احد المواقع .. ولكن لاتنطبق على كل السيارات

لأن تحديت شباب كثير وأكلتها على وجهي كم مره :):D:)

[سوبر VTC]

الله يجزاك خير على المعلومه الرائعه :good:

سبق وان قرأة عنها في احد المواقع .. ولكن لاتنطبق على كل السيارات

لأن تحديت شباب كثير وأكلتها على وجهي كم مره :):D:)









هههههههههههه :D

لا عمرت تحدى لا عاد تعودها :p :D

[ابولولو]

انا ماكنت ادري عنه الولد علمني عنه شكرا للمعلومه الي غايبه عن كثير من الناس وانا كنت اول واحد موفق خير

[قناص خلاوي]

الله يعطيك العافية اخوي
اخذت موتر واحد من الربع هونداي سوناتا
والبنزين مصفر
يوم جيت المحطة تذكرت كلامك
واناظر العلامة واصفط عليها
قال العامل : التانكي مع الجهة الثانية :):)
الظاهر السوناتا ماهيب مثل باقي المواتر

[مخاوي العريس]

مهو كل السيارات

[حسين2006]

والله اني اول مره اعرف هذه المعلومة
.
شكراً لك

[--البتار--]

يعطيك العافية والله معلومة جديدة

[ريان9]

جزاك الله خير


والله انك صادق

تمسك سرا ورا العالم


واخر شي تتفاجئ ان جهة التعبئه يمين

[فاقدخوي]

مو كل السيارات

[هويدي]

مع احترامي لك يابو راس اشوف ان المعلومه غير دقيقه

موتري انبيرة يسار والتانكي يمين

بس البلا الكامري انبيره بالنص :( يعني التانكي باللوحه زي الكابرس الاول

[شلاش]

اخوي الدحمي

كلامك ينطبق على بعض السيارات
اخوي معي جيب امبير البنزينفي الطبلون يسار وتانكي الوتر يميــــــــــن

لاكن الله يعطيك العفيه

اخوك
شــــــــلاش

[سحبةسيف]

معلومه رائعه وجديدة

[ابو البر]

سياراتي انبيرها في الوسط وفتحت التانكي فوق .

يعني ما ينطبق علي سيارتي الموضوع ......... .
وشكرا لك

[بدوي جنوبي]

مو كل السيارات


صحيح :good:

[الستانس]

ههههههههههههههههههههههههههههههههههههههههههههههههاي

والله توني ادري

[ابويارا1001]

السيارات اللي فيها سهم ينطبق عليها هالكلام

ام جهة هوز البنزين ما هو شرط

مثلا الباترول 90


تحياتي ويعطيك العافية

[هلالي متعصب]

طيب انا عندي الجمس الامبير متجه للأعلى

[hawwamT]

يا سلام عليك...والله اول مرة اعرف المعلومة شكرا لك

[الباذر]

جزاك الله خير



معلومة مفيدة وبالنسبة لي أول مرة أدري

تسلم يالدحمي على هالمعلومة الطيبة




تقبل تحياتي

[نيوتن]

اخوي ماتنطبق المعلومة على كل السيارات مثلا الكامري2006 امبير البنزين على اليمين
والتانكي على اليسار

[بحار seas]

حقيقه اول مره ادري عن هالمعلومه 00

جزاك الله خير 0000

[وضح النقى]

طيب وش تقول بالكابرس الصابونه واللي قبله

حصل لي معه مواقف طريفه





اول هذه المواقف : أول ما شريت الموتر (صابونه ) كان معي اثنين من الزملاء واحد راكب قدام والثاني ورا
جينا عند المحطه بنعبي بنزين الا يقوم اللي ورا ويجي في النص ويقول اللي التانكي من جهته هو اللي يعبي ويحلف على كلامه انه يتم ( ضامن ان التانكي يا يمين يا يسار )
وهو جاهل بالكابرس
وشف أنواع الضحك يوم شاف العامل يفتح التانكي من وراه

والمره الثانيه : عامل مصري جديد في محطه جديده مالها يوم أو يومين مفتوحه
قعد يدور حول الموتر مرتين يدور التانكي
وقعدت اضحك عليه
وبعدها علمته انه ورا صار يطق على الشنطه يبيني أفتح الشنطه ، وانا اطلع راسي من الدريشه واقول له تحت اللوحه وهو يعفس في اللوحه لين يسر الله امره ولقى التانكي

حبيت اشارك بالمواقف الطريفه لتقليل حدة النقاش في الموضوع

تحياتي للجميع