المساعد الشخصي الرقمي

مشاهدة النسخة كاملة : ممكن مساعدة يا اهل الباترول


ابو العطاء
29/07/2009, 12:55 AM
عندي اسئله ممكن الاجابة عليها لو سمحتو يا اصحاب الخبرة

السوال الاول: وش معنى الجيب باترول الفتك
السوال الثاني : اشتريت جيب 2003 سوبر سفاري وابي اغير زيت القير وين تنصحوني أغير الزيت و أين تقع صيانة الحمراني الذي بالصناعية القديمه بالرياض
السوال الثالث : عندي المكيف ما يبرد الا اذا حطيته على المروحه 3 أو 4
السوال الرابع : المطبات اذا كلتها كني في هايلوكس وش حلها

أرجو ان تكون الاجابات على شكل اجوبه مختصرة وبخط رقم 6 او 7 لاني شايب ولا اشوف زين و شكرا لكم
سديراوي 13
29/07/2009, 03:31 AM
وعليكم السلام ورحمة الله
على البركة الموتر "الله يعطيك خيره ويكفيك شره"

1- معنى فتك هو VTC اذا قريتها بالعربي وتعبر عن مكينة 4800.

2- نصيحة غير الزيت عند الورشه اللى تتعامل معها او اللى حول بيتك " وللاسف اخوي مااعرف وصف صيانة الحمراني اللى بالصناعيه "

3- مااعرف موديل الباترول اللى معك فيه فلتر للمكيف او لا " اذا كان فيه فلتر نظفه واذا كان مافيه نظف الثلاجه "

4- غير اليايات والمساعدات.


واالله يعطيك طول العمر والصحه
ابو العطاء
29/07/2009, 04:59 AM
1000 شكر اخوي سديراوي على الافاده


بس يقولون زيت القير ما يغير الا في صيانة الوكالة


ممكن احد يفيدنا اقدر اغير زيت القير غير صيانة الوكالة

وان كان مافيه الا الوكالة ارجوا تفيدونا عن مكان الصيانة اللي في الصناعية وشكرا
سوبر VTC
29/07/2009, 05:23 AM
اقتباس من ردود الاخوان لموضوع سابق





أخ ماجلان حفظك الله ورعاك

بحكم تخصصي دعني اقول لك أن

VTC تعني Valve Timing Control وليس كما ذكرت

وهي تعني ان توقيت التحكم بزمن فتح صمامات التفريغ والتعبأه متغير فهو يطول في السرعات المنخفضة والمتوسطة ويتأخر وقت اغلاق الصمام في السرعات العالية وهو مشابه لالنظام المستخدم في تويوتا VVT

وله فوائد منها زيادة عزم الدوران و القوة الحصانية وتخفيض استهلاك الوقود

ودمتم سالمين :j




المقصود بالصمامات هي بلوف الهوا و بلوف النار او تفريغ العادم الشكمان

موفق
محمدالعريني
29/07/2009, 07:06 AM
<بالنسبه للزيت انا غيرته في الوكاله ب 500 يال اجور الزيت 337 ريال قيمت 4 ونص لتر اللتر الواحد ب 75 ريال واجور التغيير ب 160 ريال موقع الوكاله في صناعية الدائري مخرج 18 اذا جيت في الصناعيه اسئل اي واحد ويعلمك محلها لان مركز الصيانه حقهم ضخم جدا جدا
ارجو اني افدتك</message>
محمدالعريني
29/07/2009, 07:09 AM
وبالنسبه للمطبات اذا انت ماعندك مانع تحط 1400 ريال في مساعدات انصحك بمساعدات الرمايه الاستراليه وما فيها عيب الا انها غاليه جدا والا ركب منورو هي اللي تجي بعدها ب 650 ريال

واللي يقولك مساعدات في اكس ار او شاص تراها وعره وقاسيه بالحيل تفكك الموتر
ابو العطاء
29/07/2009, 10:55 AM
الف شكر اخوي محمد الله يوفقك ويزوجك
سوبر VTC
29/07/2009, 11:30 AM
الف شكر اخوي محمد الله يوفقك ويزوجك




طيب و انا :director: :no: :no: :no:
ابو العطاء
30/07/2009, 12:50 AM
الله يزوج الجميع هههههه طلع الموضوع زواج
طخيمان
30/07/2009, 03:38 AM
شف طال عمرك بالنسبة لزيت القير ما يغير ولكن ينزاد فقط وانا رحت للوكالة اول ما شريت موتري الباترول وزدت زيت القير وكان ناقص عند نص لتر وزادوه ب40 ريال وخذوا 120 على ما اظن فحص

والشيء الثاني انصحك انك تاخذ كتاوت طرمبة بنزين وتخليها احتياط معك في الموتر
المميـز
30/07/2009, 07:13 AM
السوال الثالث : عندي المكيف ما يبرد الا اذا حطيته على المروحه 3 أو 4
بالنسبه للمكيف هذي المشكله من ( فلتر المكيف ) يبي له تنظيف او تغيير
السوال الرابع : المطبات اذا كلتها كني في هايلوكس وش حلها
شكل الموتر اللي انت شريته مركب عليه راعيه الأول ياي
استرالي قاسي ( حق تحميل عفوش )




الله يهنيك بالموتر ويعطيك خيره ويكفيك شره :)
جيب شراع
30/07/2009, 01:29 PM
انحش من وكاله الحمراني حرامية
رح لاي ورشة معروفة وغير زيت القير مع الفلتر
واذا الموتر ماشي تمام زد الزيت بس
وبالنسبة للمكيف احتمال غاز الفريون ناقص وبالمرة غير فلتر المكيف سعرة رخيص
واما المطبات يمكن كفراتك محجرة لان الشياب يحبون يحجرون الكفرات