المساعد الشخصي الرقمي

مشاهدة النسخة كاملة : ودي ارفع السياره شوركم ياشباب المنتدى


NEWASSER
29/07/2009, 01:50 AM
السلام عليكم ورحمه الله وبركاته
ياشباب اللى عنده خبره لا يبخل علينا الله يجزيكم خير
معي باجيروا2008 وودي ارفعه وش الطريقه الزينه نركب له كعكات ولابوالين ولا وش الطريقه
ومن الورش اللى متخصه في هالشغلات
اهم شي انها ما تضر الموتر
اللى عنده تجربه يقولي الله يجزاكم خير

اخوكم احمد النويصر
محمدالمحيسن
29/07/2009, 08:22 AM
للرفع

وبيفيدونك اهل الخبره ان شاء الله
NEWASSER
29/07/2009, 03:27 PM
يعطيك العافيه محمد
وين اهل الخبره
ابو شهد جدة
29/07/2009, 03:45 PM
الكعكات افضل وأقوى من البوالين
بس وين الفني الي يعرف يركبهم عشان لايطلعون صوت مع المشي
نيشان نجد
29/07/2009, 08:10 PM
بالنسبه بالرياض فيه محل الرمايه على طريق التخصصي في اليايات واذا بغيت كعكات وفيه البوالين بس على حسب كم تبي ترفعه من سانتي
برهان1
30/07/2009, 01:58 AM
انا معي جيب هوندا وكلمت الرمايه الف مره ماعندك احد يجيب للنيسان والتايوتا بس الضاهر الباجيرو مدري
لكن شارو علي الشباب هنا وركبت كعكات 3سم وطلع الموتر فلله لاتغير مطبه ولا اصوات ولاشيء الحمد لله

وترى الشغل كله على المخرطه واللا الورشه بس بيفك الياي وبيرجعه لا اقل ولا اكثر واللا الشغل كلله على راعي المخرطه

انا بالنسبه لي اشتغلتها عند ميزان المجد اخذ 200 شغل يد و100 المخرطه ورفعت من ورى بس يعني لاياخذ راعي الورشه اكثر من كذا لان الشغله تافهه ماخذت معه ساعة زمن ولاتزود عن 3سم نصيحه لان الموتر بتصير رفعته قبيحه وممكن يسبب مشاكل


هذا والله اعلم

اتمنى ان اكون افدتك
NEWASSER
30/07/2009, 03:02 AM
اخوي برهان بيض الله وجهك
ولله انك كفو بس ودي معلومات اكثر
انا سيارتي فريول ما فيها دفرنشات يأثر ولا لا
والشي الثاني ما طلع عندك حنه ولا صوت يعني اتوكل على الله وارفع
ولو تدلني باتفصيل على المخرطه والورشه ابى امشي على خطاك
وجعل من جابك للجنه
دكتورالانترنت
30/07/2009, 03:08 AM
السلام عليكم ورحمه الله وبركاته
ياشباب اللى عنده خبره لا يبخل علينا الله يجزيكم خير
معي باجيروا2008 وودي ارفعه وش الطريقه الزينه نركب له (كعكات) ولابوالين ولا وش الطريقه
ومن الورش اللى متخصه في هالشغلات
اهم شي انها ما تضر الموتر
اللى عنده تجربه يقولي الله يجزاكم خير

اخوكم احمد النويصر
حنا عندنا باثندر موديل 2005 مركبين (الكعكات) ازين شي الكعكات الناس اكثر شي يركبون الكعكات والورشه الزينه الي في الرياض ازين ورشه اليورموك في الصناعيه مشهوره في التصلحات والتركيب المساعدات والاغراض الي في السياره المهمه ويضبطون لك السياره بدقه متميزه
ابوراس الدحمي
30/07/2009, 03:28 AM
هلا والله اخوي Newaseerوهلا فيك
ما جربت تركب جنوط اكبر ان ودك ترفع السيارة لان السيارة حرام يرصقع فيها واحد ميكانكي مو عارف شغله
وهي باقي جديدة وعاد تراه متسوبيشي صحيح انه قوي وما عليه كلام عشان تنتبه لقطع الغيار, لكن فكر في الاثر اللي تتركة عليك التعديلات
واسئل من ركب جنوط
تحياتي
راعي المجاهيم
30/07/2009, 05:05 AM
اخوي اسمع النصيحة ان كانك سواق راكد


اشقله بكعكات من اليرموك و وسع صدرك لامن خراب و لا من غيره

انا اليوم و الا بكره باروح اشقل الباث


و الشغل كله على السواق هو اللي يخرب السيارة و إلا يزبطها


تحياتي
NEWASSER
30/07/2009, 12:49 PM
بيض الله وجهيكم ياشباب
ما قصرتو يعني اعتمد الكعكات
طيب ياشباب اذا احد رفع سياره وعنده سلبيات يقول لنا
الله يجزاكم خير
؟؟؟ياعيني؟؟؟
30/07/2009, 01:03 PM
انا معي جيب هوندا وكلمت الرمايه الف مره ماعندك احد يجيب للنيسان والتايوتا بس الضاهر الباجيرو مدري
لكن شارو علي الشباب هنا وركبت كعكات 3سم وطلع الموتر فلله لاتغير مطبه ولا اصوات ولاشيء الحمد لله

وترى الشغل كله على المخرطه واللا الورشه بس بيفك الياي وبيرجعه لا اقل ولا اكثر واللا الشغل كلله على راعي المخرطه

انا بالنسبه لي اشتغلتها عند ميزان المجد اخذ 200 شغل يد و100 المخرطه ورفعت من ورى بس يعني لاياخذ راعي الورشه اكثر من كذا لان الشغله تافهه ماخذت معه ساعة زمن ولاتزود عن 3سم نصيحه لان الموتر بتصير رفعته قبيحه وممكن يسبب مشاكل


هذا والله اعلم

اتمنى ان اكون افدتك

السلام عليكم

ترى كلام اخوي برهان 1 مضبوط وانا معه

تقبل تقديري واحترامي
حرنابك
30/07/2009, 02:44 PM
السلام عليكم اخوي ركب "كعكات" والورشة المتخصصة مركز القرعاوي بعنيزة وشكرا لك .:good: :cool: :cool: :cool: :) ;)
patrol 99
31/07/2009, 01:44 AM
بعد إذن صاحب الموضوع أبي ورشة لرفع سيارتي ببريدة
NEWASSER
31/07/2009, 02:36 AM
الله يجزاكم كل خير
توكلنا على الله ان شاء الله هذا الاسبوع ندخلها ونبلغكم بالنتايج
وما قصرتو اخواني على الفزعه:)
سلامي لكم
31/07/2009, 03:29 AM
ممكن تستفيد من ها الموضوع

ترفيع السيارة بالبوالين على الرابط ادناه
http://www.mekshat.com/vb/showthread.php?t=214588