تحذير. انذار. هجو. انتبهو

[قشاع الرمث]

السلام عليكم ورحمة الله وبركاته
قلت احذركم لايصير لكم ما صارلي .

طبعا اي واحد يبي يكشت او يقنص يبي يحمل
اغراظ واجد يعني تنزل السياره من ورا . ويبي يدور
حل لهالمشكله رحت للرمايه واخذت يايات لي ولعمي كلهن
اقوى نوعيه اواكبر مقاس انا معي جيب سفاري باب واحد موديل
2000وعمي معه vxr94 كلنا بعد خمس شهور خربت معنا الكارونه
سالنا طبعا بعد ما غيرناهن عن السبب قالو اليايات ترفع الموتر اكثر من اللازم
ويطول العامود يصير مشدود بقوه وتخرب الكارونه مع الوقت صار لازم لنا شي يرفع
السياره من ورى ولا يظر الموتر ركبنا نفس الياى بس الوسط ورفع الموتر 2 سانتي وابشركم
من افظع ما يكون من تحط قشق يرجع الموتر للوظع الطبيعي او ينزل سانتي على حسب الحمل لاكن
الاولات كانن يرفع 8 سانتي وهو سبب المشكله .
حبيت اعلمكم للفائده.

تحياتي ..

[صقرنجد]

جزاك الله خييير

أخوي قشاع الرمث

لكن سؤال واحد بس


ليش ترفعونه مع ورا

إذا كانت الإجابة علششان الأغراض في حل مبتركة وسهل



والله أعلى وأعلم

[قشاع الرمث]

السلام عليكم ورحمة الله وبركاته

حياك الله اخوي صقر نجد
نرفعه من ورى لانه لا حملت اغراظك
يحب الارض من ورى يعني ينزل بالمره
لدرجة انك تحسبك حاط العالي وهو الواطي ..

بس وشو لا تقول لي ( الكعكه )
لاني ركبتها قبل وصارت تطلع عندي صوت مع المطبات .

تحياتي ..

[مثابر]

طيب ليش ما جربت البالون اللي يحطونه في الياي

[الربذي]

[اخوي قشاع الرمث هذا من اثر غبار الرمث اثنا قشعة فننصحك بتغيير هذة المهنة :D
اشكرك على هذة النصيحة يالغالي ولاعدمناك فية موضوع لعلاج نزول السيارة اثنا التحميل كاتبة احدالاخوة وهو ان هناك بالونات تركب وسط اللياي وتعبى هوا وحمل عفشك وتوكل على الحي القيوم اذاماقراتة ادورة لك واحط الرابط
اخوووووووك

[قشاع الرمث]

السلام عليكم ورحمة الله وبركاته

حياكم الله وما قصرتو .
وبالنسبه للبوالين ما دريت عنهن الا
عقب ما ركبت الثانيات .
لا كن الرمث وغباره ما له دخل:)
قلت اعلمكم لحد يصيرله ما صار لنا .

تحياتي ..

[Khalid AlGhamdi]

جزاك الله خير على التحذير

بس سؤال كم كلفتك الكرونه ؟؟

[قشاع الرمث]

السلام عليكم ورحمة الله وبركاته

هلابك اخوي MaxPowerوحياك الله
بالنسبه للكارونه ما لقيتاه لحالها لازم دفرنش كامل
وجابه لي واحد من الكويت تشليح كلفني ثلاثه الاف
غير التركيب .

تحياتي ...

[ابو مرهش]

طيب يالاخو انت النوع الثاني الي ركبته حاليا هل اهو حق الرمايه ولا الوكاله ؟
وانا بغيت استشيرك ولا يهونون الربع بالنسبه لليايات والمساعدات الاستراليه الي بالرمايه لآني ناوي اركبها على الباث فندر وبصراحه من كلامك صرت متردد ؟ وهل الموتر بعد تركيب هاليايات تغير عليك بشي ؟

[المسفهل]

مشكور وماقصرت على هذه النصيحة الثمينة ..
والسعيد من وعظ بغيره .. فنصيحة الاخ حتى
لا يقع أحد منا بما وقع فيه أخونا الغالي قشاع
الرمث فجزاك الله خيرا وبارك فيك .

[بــرق الشمال]

اخوي مشكور وماقصرت بس عندي اضافه بسيطه بعد
اذنك فيه بالرمايه يايات في اكس آر 97 تصلح لشاص قدام
وللفي اكس آر الجديد ولكن اذا بغيتهن ركبهن عن طريقهم
او شخص تعرفه زين لأن اليايات واحد اكبر من الثاني التحذير
هذا علشان ماينعكسن لك وبعدين اذا بغيت تركبهن قدام راح ينزلون
الدفرنس بس لااحد يخاف علشان كذا اقول لكم ركبوهن عن طريقهم
فيه محل ممتاز بس اطلب منهم واللي مايبي فيه حل ثاني ممكن يركب كعكات
خلفيه تجي وسط الياي بس ممتازه جدا وخصوصا السفاري هالكلام من
واقع تجربه وشكر لكم.....:)

[ابو مرهش]

ياقشاع الرمث الله يهديك بطيت علينا بالرد ؟

[قشاع الرمث]

السلام عليكم ورحمة الله وبركاته

الله يحيكم جميعا .
وما سويت الا الواجب ( 3000 ماهي شويه:( )

وهلابك اخوي ابو مرهش بالنسبه لليايات
التاليات من الرمايه ونفس النوع الاشترالي بس
اظعف نوع .
ونصيحه اذا بتركب منهن ركب اضعف نوعيه
لان القوي يظر السياره مثل ما صار معنا ويظر
ظهرك تطله كنك راكب شاص مديل 83 .

وبعدين قبل ما تركب شاور واسال الي جربوه
على الباثفندر .

وفيه البوالين شكلهن حليلات وعليهن ظمان
بس ما جربتهن يني ما افتيك .

مع تحياتي ..

[ابو مرهش]

مشكور ماقشاع الرمث وماقصرت وبالنسبه للياي الخلفي بأذن الله بركب استرالي والامامي بخليه حق شد البلد لآنه بصراحه مايحتاج تغيير هل فيها ضرر؟؟

ويالربع احد جرب المساعدات الاستراليه الي بالرماليه يعني تستاهل تتركب على الموتر ولا مساعدات شد البلد ازين مع العلم ان مساعدات السياره تفقعت علي بسرعه لآنها ماتتحمل الجور والدعس عليها ؟

[قشاع الرمث]

السلام عليكم ورحمة الله وبركاته

انا ركبت المساعدات الاستراليه صراحه ممتازه
وبالنسبه للياي ركب ورى اضعف نوعيه وخل حق
الوكاله قدام عشان ما ترتفع السياره واجد .

مع التحيه .