المساعد الشخصي الرقمي

مشاهدة النسخة كاملة : العفش


اسد حزين
30/07/2009, 11:34 AM
السلام عليكم ورحمة الله وبركاته

اخواني الاعزاء هذه اول مشاركه معكم
توني شاري سياره يوكن 2009م ولله الحمد والمنه واريد السفر مسافه بعيده ان شاء الله
سوالي هو عندي عفش واجد واريد احطه فوق السيارة وخايف على التنده من مخوش او حكات وش افضل شي في الحاله هذي وجزاكم الله الف خير:confused: :confused: :confused: :confused:
بعض البشر
30/07/2009, 12:56 PM
فصل الشراع الي زي الكيس بسحاب ولا احلى
لن أمل من العطاء
30/07/2009, 01:48 PM
فصل الشراع الي زي الكيس بسحاب ولا احلى
فعلا ولا احلى

ترتاح كثير

وفيه مقاسين طويل وقصير
خذ الطويل افضل يحمل اكثر
وفيه نوع ضد المطر ويتحمل اكثر
اقصد الشراع
نفيد ونستفيد
30/07/2009, 02:35 PM
الله يستر علينا وعليك عليك وتوصل بالسلامة
اخوك مثلك على وجه سفر وبالنسبة للعفش
شريت السلة الخلفية وهي اريح بالنسبة للتحميل والتنزيل
لكن اخوي سيارتنا نفس النوع وعندي مشكلة في
تنزيل الاستبة الله لا يحدنا وياك عليها
كانك تعرف او احد الاخوان يجاوبنا هنا او في الموضوع
اللي طرحته بخصوص هذا الشئ
المودع 2008
30/07/2009, 03:43 PM
اخوي نفيد ونستفيد
السله الخلفيه تثقل على السياره شوي
انصحك اذا كنت من اهل الرياض
لح للغرابي فيه حق عزب هناك
يبيعون شنطه للفوق السياره وتصير مبطنه اسفنج
ماتمخش ولا شئ
وزياده تلقاها جاهزه لا تقصيل ولا شئ
نفيد ونستفيد
30/07/2009, 04:25 PM
اخوي المودع
بالنسبة للسلة الخلفية من وجهة نظري أفضل
خصوصاً إذا كان الواحد رحلته عبارة عن
جولة كل يوم أو يومين في منطقة كذا
تكون السلة الخلفية اريح بكثير وعملية
في التنزيل والتحميل وهذا المقصد
ولكن انصح بعدم السرعة الزايدة
وما يجتمع لك تبي الخف للسيارة والسرعة
لكن من تكون رحلته على طول لمدينة معينة
نعم اوافقك الرأي
وشكرا
اسد حزين
30/07/2009, 09:46 PM
اخواني الاعزاء الف شكرلكل من كلف على نفس عناء المرور والرد وهؤذا ان دل دل على كاتف هذا المنتدى الرائع شكرا كلا باسمه
اخي الغالي
المودع 2008 (http://www.mekshat.com/vb/member.php?u=95876) http://www.mekshat.com/vb/images/statusicon/user_offline.gif

وش اسم المحل او اتمنى ان ترسلي على الخاص اذا كان فيه احراج
بريدي nnnn111120@hotmail.com
المميـز
31/07/2009, 10:50 AM
بالنسبه للمحافظه على التنده من المخوش والتخفيس

مثل ماقالوا لك الاخوان اشتر لك الكيس اللي ينحط فوق السله ولكن
عندي لك فكره ... وهي تحط بأرضية الكيس قطعة بلاكاشه ( خشبه )
يكون سمكها 1 سم ... وبإذن الله راح تحفظ لك التنده من الخفس
لأن الكيس يبي يحفظ لك التنده من المخوش وماهب حافظها لك من الخفوس :)

والحل الثاني بدل السله الخلفيه

اشتر لك عربيه صغيره ( قلص ) تركبها على هوك الموتر واسعارهن بالرياض حلوه ومناسبه

ومن مميزات العربيه او القلص :
مايثقل على الشاص حق السياره ولا على الياي ولا على المساعدات مثل السله الخلفيه
ولا تحرمك العربيه من الباب الخلفي حق السياره ولا تحرمك من استخدام الاستبنه
عند الحاجه لاسمح الله ... والعربيه فكها سهل جدا وماياخذ معك وقت
وتربطها بأي عمود عند السكن اللي تسكن فيه .

هذا الكلام من واقع تجربه لي ارتحت كثيرا مع العربيه والحمد لله على كل حال


والله يسهل دربك وتروح وترجع بالسلامه واهم شي لا تسرع :)
اسد حزين
31/07/2009, 01:17 PM
اخي الغالي المميز
اين اجد القلص الي تقول عليه وكم سعره
الف شكر لحضورك هنا يالغالي
دمت بالف خير ولا يهنون الاخوه الباقين
اخوكم اسد حزين
.أبوعبدالرحمن
31/07/2009, 01:36 PM
افضل شيء

الشراع التفصيل اللي يركب فوق السيارة وتدخل العفش فيه وتسكر عليه بسحاب

أو القلص لكن القلص المشكلة اذا وصلت للديرة اللي انت رايح لها وين تحطه؟


لكن الشراع افضل بكثير
المميـز
31/07/2009, 01:55 PM
اخي الغالي المميز
اين اجد القلص الي تقول عليه وكم سعره
الف شكر لحضورك هنا يالغالي
دمت بالف خير ولا يهنون الاخوه الباقين
اخوكم اسد حزين


العربات انواع كثيره جدا واسعارها متفاوته وكل وحده لها مواصفاتها

لكن اذا انت تبيها للاغراض بس

تلقاها موجوده عند العليان في الرياض على طريق خريص
واسعارها تبدأ من 1800 ريال وانت طالع

ويمكن فيه محلات ثانيه بالرياض أجهلها كوني مو من الرياض

وفيه بالقصيم - الرس
عربات اشكال وانواع والتفصيل على الطلب

وفيه بالقصيم - بريدة
عند السنيدي وخابر اسعارهن تبدأ من 2000 ريال
غربي هواوي
31/07/2009, 02:15 PM
مثل ما قالوا فصل كيس فوق التندة