المساعد الشخصي الرقمي

مشاهدة النسخة كاملة : طيري مريض ........فزعتكم


صقار مبتدئ
30/07/2009, 11:55 AM
السلام عليكم و رحمة الله و بركاته حبايبي اعظاء منتدى مكشات المحترمين اليوم دق علي اخوي الصغير و هو بعد صقار و صقارته ماشاء الله زينه المهم قال طيرك رد عشاه اليوم شفت الطير ما فيه ريحه و مرشه( اغزكم الله ) ما عليه ملاحظات بس الطير يغمض عيونه وديته للبيطري عطاه مضاد حيوي مع فيتامين 12 و قال تعطيه لمدة ثلاثة ايام عطيته اليوم و غيرت العلف الى قماري اكله صار بارد و اول كان يعلف بشراسه اللي عنده علم و معرفه بهذا المرض يدني و الله يجزاكم بالخير
أبو_خالد
30/07/2009, 12:05 PM
كيف يعني رد عشاه ؟؟

يمكن تقصد الروباجة .. تراه طبيعية!
صقار مبتدئ
30/07/2009, 01:01 PM
لالا الله يسلمك يعني استفرغ الطير ما صرف عشاه
@قرناص@
30/07/2009, 01:27 PM
اخوي ..

اسئل اخوك رد عشـاه مع الريش والا بدوووون يمكن تكون روباجة وهاذا طبيعي ،،

الطير اذا علف وفيه ريش يردهـا ..


واذا بدون ريش طيرك اكيد فيه قلآع ،، وتاكد من العلف ونوعه لطييييييير ،،
مشبر البران
30/07/2009, 05:17 PM
زي ما فالوا الأخوان
حمد الدجران
30/07/2009, 05:19 PM
اخوي صقار مبتدئ

طيرك يمكن والله العالم ان فيه التهاب فرسه الي هي قانصه

استمرعلى العلاج الحالي وان شفت مافيه

تطور قل للبيطري يسوي له منظار

يمكن يكون مثل ماقلت لك التهاب فرسه

اواقلاع فرسه من الداخل

هذا والله اعلم
صقار مبتدئ
30/07/2009, 06:17 PM
هلا والله اخواني يا قرناص رد عشاه لحم الله يعزك و الطير صار بارد و يغمض عيونه المسكين من الالم
صقار مبتدئ
30/07/2009, 06:20 PM
حمد الدجران اسعدني مرورك يالغالي و هو قالي ان عنده التهاب بس وش هو الفرق بينها و بين القلاع مع اني اعطي طيري حبوب قلاع باستمرار تفادباً للاصابه و الله المستعان
حمد الدجران
30/07/2009, 07:37 PM
حمد الدجران اسعدني مرورك يالغالي و هو قالي ان عنده التهاب بس وش هو الفرق بينها و بين القلاع مع اني اعطي طيري حبوب قلاع باستمرار تفادباً للاصابه و الله المستعان



مادام انك تعطيه حبوب قلاع فاكيد الي في طيرك التهاب فرسه والله اعلم


ومن ضواهر هذا المرض برود في الطير وقت العلف


تاخير في تصريف العلف وعيونه اتغضي وده يشرب ماء اكثر من المعتاد نزول في الوزن اذا طول وهو مريض


وانصحك بحبوب عند الدكتور فارس الي في الشرقيه اسمها حبوب التهاب الفرسه


ولا تكثر عليه العلف حاول تعطيه علف خفيف مثل الفري المجمد وبدون عظم


عشان يصرف العلف


وانشالله ان تكون استفدت واي استفسار ثاني انا حاااضر
صقار مبتدئ
30/07/2009, 08:05 PM
طيب هذي الحبوب ما توجد الا في الشرقيه ما توجد مثلا في جدة و لا لها اسم محدد
حمد الدجران
30/07/2009, 08:42 PM
مادري والله اذا هي موجوده في جده ولا لا يفيدونك الاخوان بخصوص وجودها في جده

واسمها بالضبط ماعرفه لاكن عندنا في قطر وفي الشرقيه مشهوره( باسم كورس فارس للتهاب الفرسه)

وتجي كبسولات داخلها العلاج اكثر من مره حاولت معرفها نوع العلاج الي داخل الكبسوله

لاكن ماعرفت
..@القناص@..
30/07/2009, 09:32 PM
ان شاء الله ماعليه الا العافيه
قناص الهمله
30/07/2009, 10:05 PM
الله يشفيه
لعيون مكشات
31/07/2009, 12:04 AM
المرض اللي تقول جا في شيهانتي كل ماسال احد يقولي هذي الشياهين تمرض فالربطه وتصحى وعقبه قلت خلني اشوف ويزيد برودها واذا نقزتها ومقربلها الدس دوبها تمسك بصببعي الاول وتاخذلها وقت تكفخ لين تعدلها ولا ترغب العلف وترغب الماء وترد قطع لحم ريحتها قويه
قلت ابي اوديها البيطري جيتها 6 الصبح مثل ماهي رحت تقهويت جيت ابي اخذها الا هي جمب وكرها وكل السب اني تاخرت عليها
اسرع ودها للبيطري مانفع البيطري ودها للدكتور فارس اللي بمستشفى الطيور
تقبل مروري
ملاحظه .. المرض جلس معها 4 ايام والخامس الصبح ودعت
والله يشفي طيرك
صقار مبتدئ
31/07/2009, 09:30 AM
الله يخلف عليك اخوي مكشات طيري باقي فيه حس شوي و الحمد لله يوم بانت الاعراض عليه على طول وديته البيطري وعطيته المضاد مع الفتمين و بعد ربع ساعه اكل قمريه توي صايدها له وما كثرت له علف و اليوم بعد صلاة الجمعه بشوف علومه و بردلكم خبر بس بالله عليكم اللي يعرف طبيب في جدة ولا خبير طيور يدلني عليه
صقار مبتدئ
31/07/2009, 01:55 PM
السلام عليكم و رحمة الله
ابشركم الطير احسن بدى يحذف من ريش و ينضف نفسه و يناقز من على الوكر لكن بستمر على العلاج لمدة خمسة ايام و بشوف
وش رايكم بالعسل
عروق الدهنا
31/07/2009, 02:05 PM
الله يشفيه

والاخوان ماقصرو

الله يعينك











تحياتي
رجم 2
31/07/2009, 02:46 PM
فيه خبير طيور بالرياض الله يعينك على الجيه واقول ياصقار مبتدئ الطير يصر نفسه والا لا اذاكان يصر نفسه ومافيه علف يكون فيه قلاع داخلي واذا كان يغمض عيونه على قولتك بس يكون فيه دود والله اعلم وهوخير المشافي والمعافي اما الطبيب البيطري بالرياض فهو خالد العويدي.وتقبل مروري
راعي غضبان
01/08/2009, 01:57 AM
افادوك الشباب الحق المستشفى كانه ماتحسن والله يعافي طيرك ويستر عليه وتقبل مرورررررررررررررررررررررررري