رديتر الالمنيوم [الأرشيف]

مخاوي باترول

31/07/2009, 01:04 AM

السلام عليكم

شخبار الشباب ان شاء الله بخير

سؤالي للي قد جرب رديتر الالمنيوم حق الباترول موديل 88 موب الاصلي

فيه نوع الي يبيعون ب550 ريال وفيه نوع الاردني بس مدري عنه

ياليت الي قد جربه يعطينا انطباعه عنها وش العملي وحق الكرف
يعني يستهال من يشتريه ولا اشتري الاصلي مشكلته غالي شوي ب 1200

ننتظر نصايحكم

ريحه سمر

31/07/2009, 01:19 AM

صباح الخير اخوي
انا شاري قبل ثلاث اسابيع رديتر من محل يقول انه من الامارات حطيته للجيب الربع

بس احس في حراره بالسياره
ورحت للمهندس قال لي غير الرديتر فقلت له جديد قال هذا النوع ماينفع ركب اصلي
وانا محتار الحين
فنصيحه ركب تماتيك للمروحه ورديتر اصلى مع انه غالي شوي
بس قبل هذا غير التماتيك المروحه اولا وشوف
وتقبل تحياتي

ابويارا1001

31/07/2009, 02:16 AM

شوري عليك ركب اصلي

صدق غالي بس يكد معك سنين ولا تشكي من الحرارة

طبعا شيك المروحة والكلش حقها

واهم شي كاور المروحة اشتر جديد وتأكد من الوصله الصغيرة الي تحت انها راكبه صح

لانها تركب على كلبسات وتنفك مع الحرارة اربطها بمسامير

لو ماهي موجوده الحرارة ترتفع وانت واقف لان هوا المروحة يدور داخل الكبوت ما يدخل من عند الرديتر

وبالتوفيق

التعـ King ـديل

31/07/2009, 03:00 AM

انا مركب المنيوم اردني وناسي الحراره

سوبر VTC

31/07/2009, 03:26 AM

السلام عليكم
فيه نوع الي يبيعون ب550 ريال وفيه نوع الاردني بس مدري عن ننتظر نصايحكم

و عليكم السلام و رحمة الله

مر راعي ورشه متخصص بالباترول و رجال ثقة

و شاوره عن الاديتر اللي ب550ريال

طيب انت ذكرت نوعين نوع ب550 و النوع الثاني اردني :no:

و الا انا غلطان ؟

وشو اللي ب550ريال

موفق

الوسيطاء

31/07/2009, 03:39 AM

اخوي انا عندي واحد شريته رمضان الي راح والموتر موقف ومامشاء وبعته وفكيته

وركبت واحد سعودي ولاكن اذا لك رغبه با الشراء هاذا رقمي 0505257476

والا المنيوم ميزته الصداء ماتشوفه يعني مويه للسرندل صافيه ولافيها وسخ

وفتحات تبريد الرديتر اكبر وياخذ مويه اكثر لانه له وصله للقيرالتماتيك للباترول

وانا ماركبته الا بعد مشاورات ويقولون حق التويوتا افضل بس يبيلك تطبق عليه

خراطيش نفس المقاس وتشيل القواعد الي تحت

سوبر VTC

31/07/2009, 04:17 AM

اهم شي ياخوي تغسل سلندر المكينه عند حقين الاديترات

يحطون لك مع الغسيل فلاش او اذاحبيت زيت فرامل

لانك اذا ما غسلت السلندر راح مع الايام يدخل الوسخ على الاديتر و يسكر عليك الاديتر من جديد همن يحتمي الموتر

و همن يالله تروح تسيخ الاديتر من جديد

اهم شي السلندر

هريدي900

31/07/2009, 04:19 AM

هلا اخوي مخاوي الاديتر الاردني الالمنيوم مجرب وممتاز وسعره تقريبا بي 400 لكن انتبه فيه انواع منه وفيه منها مطابق لي الاديتر حق شد البلد الالمنيوم وتحصله عند العمودي في الصناعيه القديمه بجنب وكالة نيسان...
والله يدبر الصالح لك.

مخاوي باترول

31/07/2009, 12:57 PM

سوبر VTC

31/07/2009, 01:28 PM

مشكورين ياشباب على الردود

انا مركب مراوح سوباارو وموتري عليه مكينه 8سلندر
ولا ودي اركب شي ما استفيد منه
الاديتر الي ب550 مدري وش هو بس الضاهر صيني

الاديتر الاردني وين القاه فيه
اخوي الوسيطا رديترك وش نوعة

احد الربع مثلك مركب مكينه جمس ال اس ون 6 لتر
باترول م91
وحاط اديتر نحاس حق كابرس قديم
مركب مرواح سوبارو ريش كبيره
اظنه 3 او 4 رصات
يجلده احيانا بالخط 190
الظهر بعز الحر يوقف تقريبا نص ساعه و المكيف شغال
و الحرارة ثابته ما شاء الله :good:
و يسافر عليه للكويت
و يقنص عليه للشمال
موفق

الوسيطاء

31/07/2009, 03:03 PM

رديتري المنيوم وكاله وصراحه كان فيه قبله راكب على 96 وكاله جلس حوالي 13سنه

وبعدين بدى يهرب بعد ماشريت الموتر وبعدين شريت مثله وكاله جديد وركبته فتره وبعته

مخاوي باترول

31/07/2009, 04:59 PM

اخوي الوسيطا

الرديتر الي بتبيعه وش نوعه وكم حدك ولا تقولي سم عطنا حدك ان جاز لي ولا الله يرزقك بالي تبيه

abbadi

31/07/2009, 05:03 PM

عليكم السلام
اخوي مخاوي باترول ركبت رديتر المنيوم اردني قبل خمس شهور على باترول 93 والحمدلله ما شكيت من شي

مخاوي باترول

01/08/2009, 02:16 PM

مشكورين يا شباب

اخوي الوسيطا يا ليت ترسلي رقمك على الخاص

لاني ما اقدر ارسل رسائل خاصه

محيط

01/08/2009, 02:22 PM

ياخوان انا اعرف اكثر من شخص مركب اديتر اردني على مكسما وعلى اتماء وعلى كذا سيارة راعي المكسما مركبه له اكثر من سنه والحراره جدن راعه واحد مركبه على كابرس نفس الاصلي نصيحه ركبه وانت مرتاح

بواسامه

01/08/2009, 02:28 PM

ركب اردني واربح العافيه
وللمعلومية تراه صيني بس يجمع في الاردن فقط
وانا جربته وماشفت منه شر
اكيد موب يكد مثل حق الوكاله
بس تعوض بام شوشه لين تجيك المنقوشه

سوبر VTC

01/08/2009, 02:34 PM

بس تعوض بام شوشه لين تجيك المنقوشه

هذي هالحكمه طالعه من عصارة القلب و المعاناة :D :p

بند اجور :no: ==> مداعبه

بواسامه

01/08/2009, 03:02 PM

هذي هالحكمه طالعه من عصارة القلب و المعاناة :D :p

بند اجور :no: ==> مداعبه

اي والله من قلب
جعلك تسلم

مخاوي باترول

02/08/2009, 01:21 AM

ههههههههههههههههههههههههه

عجبتني الحكمه

مشكورين على التفاعل يا شباب
وان شاء الله بركب الاردني