البرادو والفورتشنر

[مشحن 2009]

شلون السيارتين في الخطوط وين الاثبت والرساوة كيفها لسياراتين
انا من الشرقية والعمل بالرياض كل اسبوع رايح جاي وابغي سيارة جيب وبعد البحث اخترت يا البرادو او الفورتنشر الكل 6 سلندر يا ريت من المجرب لسيارتين يعطينا التجربة في الخطوط من الثقل والرساوة في الخط

[ابو العطاء]

اخي انصحك :no2: لا تقرب الجيب ما دام انك تقول ابيه للخطوط
اشتر لك سيارة صغيرة افضل على الخطوط وان كانك ناوي ناوي كلهم زينه بس اهم شي 6 سلندر

[المميـز]

اذا تبي تاخذ برادو 6 سلندر فل كامل حلو
اما اذا تبي تاخذ سياحي ما انصحك فيه

لأن الفورتشنر الفل كامل Vx2 قير أوتوماتيك بـ 113 الف بالوكاله

والـ Vx2 قير عادي بـ 109 الف بالوكاله

والـ Vx1 قير اوتوماتيك بـ 108 ألف بالوكاله

والـ Vx1 قير عادي بـ 101 الف بالوكاله

والبرادو يبدأ سعر الـ 6 سلندر سياحي بـ 120 ألف ولا فيه اي مواصفات ابدا ابدا

لكن الفورتشنر اقل فئه بالـ 6 سلندر يجي فيها كل شي

ماعدا الـ Aps ومقعدة السائق ليست على الكهرب والمراتب مخمل

ويوجد نظام الدفلوك على جميع فئات الـ 6 سلندر من الفورتشنر

أخيرا انصحك بالفورتشنر ونصيحتي لك من خلال تجربتي للسياره
ومن خلال تجربتي لها ايضا على الخطوط الطويله والسفر كل اسبوع
كوني مثل حالتك السكن في مدينه والعمل في مدينه ثانيه
عسى الله يعيننا وياك

وعليك
بالاستخاره بعد الاستشاره

[NEWASSER]

السلام عليكم
اخوي مشحن2009 الحافظ الله بس ولله الجيب على الطرق يخوف
وان انت معزم على الجيب اهم شي وانا اخوك مقومات السلامه
واظن البرادو والفورتشنر اسوء من بعض في هالناحيه مثل الجدار الواقف "لامانع انزلاق ولاانحراف"
عموما استخير وحاول تجرب السيارتين قبل ما تدفع الدراهم

[الربذي]

والله اذا انك راعي خطوط فارى ان الصغيره
اخف واقل صرفيه واسرع وامن والامان من الله سبحانه وتعالى ..
الجيب ثقيل شوي . وذا مصمل ارشح لك الفي اكس ار انا اشهد ان مابعده موتر بالسفر ركاده وهدو

وسياراتك البردوا الفورتشنر كلهن اقل تويوتا امان واي لفه اوربكه وانت مسرع او ضرب كفر الله يرحمك مقدما ...ترا الرحمه اقصد الحفظ من المكاره ...مثل يقول شخص على الفطره يارجل رحمني ربي و نجيبت بعجوبة ....

[مشحن 2009]

اذا تبي تاخذ برادو 6 سلندر فل كامل حلو

اما اذا تبي تاخذ سياحي ما انصحك فيه


لأن الفورتشنر الفل كامل Vx2 قير أوتوماتيك بـ 113 الف بالوكاله


والـ Vx2 قير عادي بـ 109 الف بالوكاله


والـ Vx1 قير اوتوماتيك بـ 108 ألف بالوكاله


والـ Vx1 قير عادي بـ 101 الف بالوكاله


والبرادو يبدأ سعر الـ 6 سلندر سياحي بـ 120 ألف ولا فيه اي مواصفات ابدا ابدا


لكن الفورتشنر اقل فئه بالـ 6 سلندر يجي فيها كل شي


ماعدا الـ Aps ومقعدة السائق ليست على الكهرب والمراتب مخمل


ويوجد نظام الدفلوك على جميع فئات الـ 6 سلندر من الفورتشنر


أخيرا انصحك بالفورتشنر ونصيحتي لك من خلال تجربتي للسياره
ومن خلال تجربتي لها ايضا على الخطوط الطويله والسفر كل اسبوع
كوني مثل حالتك السكن في مدينه والعمل في مدينه ثانيه
عسى الله يعيننا وياك


وعليك
بالاستخاره بعد الاستشاره

يعطيك العافية ما قصرت وفيت وكفيك ممكن سؤال
صحيح ما يجاوب معاك بالسرعة ثقيل حدة 140 او يجاوب معاك 160 والماكينة مرتاحة ؟ وعفوا اخوي كم موديل السيارة معاك وكم ماشية الى الان الله يعطيك خيرة ويكفيك شرة وشر الطريق والشكر موصول للجميع

[الدربشي]

مادام أنك تبي جيب يا البرادو أو الفورتشنر وبتجربتي للبرادو vx2 قير عادي 6 سرندل و6 سرعات (تعاشيق) فل كاااامل أنا أنصحك بالبرادو لانو صراحة بالشكل أفضل من الخارج والداخل والديكور الداخلي وتحس انك معاك سيارة يعتمد عليها وماتخاف لا بخطوط ولا بالصحرا ولا بالأودية والطين ولا بالجبال وجيب راسي وعزم أما الفو تشنر من منظره الخارجي تحس انو مايسوا وديكوره الداخلي مقارب لديكور الهايلكس وخفيف وزن بالعربي هايلكس مقفصه . هذا والله تعالى أعلم . تحياتي

[المميـز]

يعطيك العافية ما قصرت وفيت وكفيك ممكن سؤال
صحيح ما يجاوب معاك بالسرعة ثقيل حدة 140 او يجاوب معاك 160 والماكينة مرتاحة ؟ وعفوا اخوي كم موديل السيارة معاك وكم ماشية الى الان الله يعطيك خيرة ويكفيك شرة وشر الطريق والشكر موصول للجميع


اللي تقول عنه مايجاوب :
هذا طال عمرك الأربعــــة سلنــــدر ويفصــل عند سرعة 160

أما الـ 6 سلندر يجاوب معاك بكل الظروف وعلى كل السرعات ويفصل عند سرعة 190

وبالنسبه لراحة المكينه بالمشي للـ 6 سلندر :
عند سرعة 120 يكون ضغط المكينه على 2 يعني مرررريح ومايسحب بنزين

والله يجزاك خير على الدعاء :)

[مشحن 2009]

مشكور اخوي ما اقدر ارد عليك بالخاص بسبب قلة المشاركات في المنتدى واقدر فيك مجهودك والف شكر لك والى الاخوان
شلون المشي بالسفر مريح او مثل ما يقولون غير راسي ومتعب ؟

[المميـز]

شلون المشي بالسفر مريح او مثل ما يقولون غير راسي ومتعب ؟


سيارة مريحة ماشاء الله ... وبالنسبه للرساوه ماعليه
وطبعا اي جيب يفقد الرساوه من بعد سرعة 150 تقريبا

ونصيحتي لك قبل ماتشتري السياره ... استأجرها لك يومين من مكاتب التأجير
وجرب السيارة في كل الظروف علشان تشتريه وانت مطمأن إن شاء الله :)

واي استفسار انا جاهز :)

[النوخذة الأحسائي]

معي فورتشنر 2008 فل اوبشن ..

وماشاء الله زي الحلاوة ..

والله أن مريح بالسفر ..

لكن ما فيه مقارنة في راحته بالفورد مثلا ..

و2009 للفورتشنر ال6 طبعا .. خياااااااااااااال .. أشياء واجد تغيرت .. تانكي البنزين 80 لتر مع صرفيه حلوة .. مكيف سقف لكل المراتب .. مسجل ماعليه كلام بلوتوث وام بي ثري ..

هذا اللي يحضرني .. موتر ما عليه .. بس 6 سلندر أهم شي ..


وإن كانت منت براعي بر ..

فالسيدان أريح بخصوص المشاوير . . .


لكن انتبه تكون راعي بر ثمن تشري سيدان ووقت المطر والعلوم الزينة تنقهر من السيدان :)

[راعي المجهم]

نصيحة إذا تبي سيارة للخطوط خذ صغيرة أفضل مليييييون مرة

الجيب يؤخذ للعائلة والسفر البعيد جداً وعلى رواقه مو سرعة

[البرحه]

اذا تقدر على البرادو vx3 فوالله انه اريح من اللاند

ومكينته نفس مكينة اللاند .. وعزم خيال..وراااسي مب على شكله .. من تجربه

انصحك تجربه .. من موديل 2005 وطالع صدقني اذا مسكت به خط بيدخل مزاجك

[البدراني11]

معي فورتشنر 2008 فل اوبشن ..

و2009 للفورتشنر ال6 طبعا .. خياااااااااااااال .. أشياء واجد تغيرت .. تانكي البنزين 80 لتر مع صرفيه حلوة .. مكيف سقف لكل المراتب .. مسجل ماعليه كلام بلوتوث وام بي ثري ..

:)
هذي كلها موجودة في البرادو من موديل 2004 او 2005




انصحك تجربه .. من موديل 2005 وطالع صدقني اذا مسكت به خط بيدخل مزاجك
انا اقول من موديل 2006 افضل لانه يجي القير 5 نمر تماتيك وال2005 4 نمر4


اما رايي انا الشخصي لك اخوي مشحن فهو ان كان عندك دراهم واجد ويهمك الفخامة فالبرادو افخم من الداخل والخارج
اما اذا ما يهمك اهم شي جيب و6سلندر والمنظر ما يهم فالفورشنر سعر معقول

[الرسيفر]

والله انا لي راي ثاني
إذا منتب راعي سرعة عليك بالبرادو بلا صغيرة بلا هم
خصوصا إن البرادو تانكيين وياباني 240 حصان والفوتشنر235حصان هذا غير إنهم مامدحو رساوته هذا غير إنه تايلندي
هذا غير إن الشكل الداخلي للبرادو أفضل

[ahmad995]

توكل على الله وخذ لك برادو
انا اشوف واحد من العيال جرب كل الجيوب ربع وشاص وباترول وجي اكس
يقول ما شفت مثل البرادو جامع مميزات كل هالجيوب

[شبــ الريح ــيه]

توكل على الله وخذ برادو

سيارة صغيره كبيره

وعلى قولة اخوي احمد 995

جامع مميزات كل الجيوب

والله يختار لك الاصلح

[أبوهادي]

الله يختارلك مافيه الخير

ومن وجه نظري كلهم اولاد عم بس البرادو ياباني وشكله افضل وماخبرنا احد ذمه واشوفه هذي الايام بدأ ينتشر

واللي جربوه يقولون قوي في الرمله ((نوعا ما)) ومريح في السفر

وهذا اللي انت تبغاه

ولا تشتري سيارة الا انت مقتنع فيها ميه في الميه