عاجل يالربع ... ابي رأيكم في هالموتر

[AHG]

بسم الله الرحمن الرحيم ...

بتكل على الله ثم رأي أخواني الخبراء في هذا المنتدى الأكثر من رائع ...

أنا رجال لدي عائلة صغيره (الله يخليلكم ذويكم) وعندي من ثلاث الى اربع سفرات في السنه ولمسافه اكثر من 800 كلم مره وحده ... والصراحه اني من مده ادور على سياره دفع رباعي تكون فيها المواصفات التاليه:



مواصفات سلامة عالية (والحافظ الله أولا وأخيرًا).

مريحة بالطريق بدون اصوات وثبات. ومكيف ممتاز.

قوة تحمل عاليه . مافيني كل يوم توقف على بالطريق ولا حراره ولا خلافه. اسافر احيانا بالظهر في عز الصيف. بالحقيقه ابي سياره تكرف.

تكون فئة سبع مقاعد يعني اصغر من اليوكن شوي.

إقتصادية. وطبعا سعرها مناسب وقطع غيارها كذلك. وصرفيتها للبنزين ممتازه.

بالنسبة للبر مانب راعي مقناص ولا مطامر بالنفد. اهم شئ اذا طلعنا مع الأهل والربع برحلة ما تغرز بي واقعد اسحبها.

بشكل عام يقولون عني ربعي اني جدا محافظ على السيارات واني رحوم عليهن.:p

مواصفات واكسسوارات داخلية حلوه. بس منب طمَاع.

بعد بحث كنت احس ان الإكسبلورر افضل خيار لين ما شفت في مول موقفين الموهافي داخل الصالة وشدني شكله وإبتديت ابحث عنه. وهذا خلاني في حيره من امري بين السيارتين. بالنسبة للموهافي اعرف انها كوري والسياره نوعها جديد بس اذا شفت كيا اوبرس اتشجع شوي. واتردد لانها ماهي مجربه كثير.وفي نفس الوقت سعرها مغري على الرغم من كثرة المواصفات اللي فيها. ومن قرائاتي حسيت انها اكثر راحه وافضل في الطرقات السريعه من الإكسبلورر. وانتم ابخص.

هل فيه احد جرب السياره ولا بكون انا من المغامرين اذا شريتها ويجلسون الناس ينتظرون اخباري :)


تويوتا من تالي مزودينها ... اسعار نار وجوده إبتدت تتردا.

انتظر ردودكم.الله يجزاكم خير جميعا.

[AHG]

ممكن لو رأي واحد بس يالربع

[بريداووي]

والله ياوخيي مالي بهن بس احس ان الاكسبلور افضل

وش لك بالكيا ووجع الراس

مجرد وجهة نظر

وان شالله مايقصرون معك الاعضاء

[بو جريس 73]

:good: عليك بالأكسبلور والله يوفقك

[1984 SIERRA]

والله يخوي الاكسبلورر اكييد

وان كان ودك بمستعمل و النظيف موديل 2005 ماشي 40,000 راجعني على الخاص << لا تحسب اني شريطي لكن والله ابي لك الفايده وانت براحتك

و لو مالك خاطر بالمستعمل خذلك اكسبلورر وتوكل على ربك من واقع تجربه والله وبعد ظنتي ان الموهافي اغلى من الاكسبلورر ولا انا غلطان ؟؟
ولاتنسى الموهافي كووووري
والاكسبلورر امريكي

توكل على ربك يا رجال واشتر لك اكسبلورر اما جديد او مستعمل ..

تحياتي ,,

[يوكون2666]

اخوى عليك بالاكسبلور تراه احسن من الكورى لان الكورى فترة شهرين ويطلع على حقيقته الى ماتسرك

[كساب الطيب]

اخوي وش رايك تاخذ لك باترول فتك

[نشمي الحوطة]

ترى الباترول ممتاز وكل المواصفات اللي تبيهن موجوده

عليك بسوبر سفاري .. ما يعوق معك بإذن الله ..

خذ لك من الجدد
2007 وفوق

[راعي المجهم]

نصيحة خذ لك يوكن أو تاهو 2000 أو 2001 لك وللزمن

قوة كشخة عزم دبل راحة فخامة

أفضل لك من الفورد ومشاكله وقلة قطع غياره وصيانته

[سوبر VTC]

هلا اخوي

تبي موتر وسيع خذ اكسبيدشن

يجي بعده الباترول

استخر و ييسر الله امرك

[ليالي نجد]

حياك الله اخوي

وانصحك تاخذ من السيارات المعروفة ... والمجربه ... سوى كانت من تايوتا او من نيسان او من جي ام سي

وبالتوفيق ان شاء الله

[قدر مكتوب]

ليش ماتشوف الارمادا

[تنوم]

عليك بالياباني وبس ماتخاف من العطال باذن الله

[غشيم صيد]

اخي العزيز Ahg
مع التواضع انا اعمل في تجارة السيارات من فترة طويلة
ورأيت جميع السيارات وعيوبها
لا انصحك بالكيا او الموهافي لانه يستخدم سنة وبعد السنة تهرم السيارة وتبدأ تدفع فلوس لاصلاحها
انا انصحك بالياباني وارد امريكا اي موصفات امريكية
فهي قوية جدا وهناك انواع كثيرة من اليباني وارد امريكا
مثل الهوندا ادسي او انفنتي Q 57 وهي مثل وشكل الارمادا لاكن تسمى في امريكا انفنتي
وتركب عليها جميع قطع الارمادا لاكن هي بموصفات امريكية عالية ( عابرة للولايات )
ويفظل موديل 2006 لانه تم اصلاح العيوب المصنعية وتعديلها
واقبل مروري

[مرقاب]

اخوي توكل على الله وخذ اكسبلور سياره مجربه وعمليه وسعره جديد 90000 الف معقول الى حد ما بالنسبه الى فئته واقتصادي بالوقود

[المميـز]

دام انك محتار بين الكيا والاكسبلورر

انا ارشح لك الاكسبلورر لانها سيارة معروفه وقديمه وممتاااااااازه جدا
وخاصه الشكل الاخير اللي طلع ووذف ومواصفات حلوه وعليه
عرض الايام هذي يبدأ سعره من 89900 ريال سعودي

وعليك
بالاستخاره بعد الاستشاره

[الضرغام11]

أنصحك بالاكسبلورر اذا كنت معزم على احد السيارتين لأنها معروفه ولها موزعين لقطع الغيار مهب مثل الكيا ما فيه الا الوكاله وقليل تلقى اللي يسوي لها صيانه..

[AHG]

الله يجزاكم الف خير ...

ومشكورين على التفاعل ...

[AHG]

اخي العزيز Ahg
مع التواضع انا اعمل في تجارة السيارات من فترة طويلة
ورأيت جميع السيارات وعيوبها
لا انصحك بالكيا او الموهافي لانه يستخدم سنة وبعد السنة تهرم السيارة وتبدأ تدفع فلوس لاصلاحها
انا انصحك بالياباني وارد امريكا اي موصفات امريكية
فهي قوية جدا وهناك انواع كثيرة من اليباني وارد امريكا
مثل الهوندا ادسي او انفنتي Q 57 وهي مثل وشكل الارمادا لاكن تسمى في امريكا انفنتي
وتركب عليها جميع قطع الارمادا لاكن هي بموصفات امريكية عالية ( عابرة للولايات )
ويفظل موديل 2006 لانه تم اصلاح العيوب المصنعية وتعديلها
واقبل مروري

يطول لي بعمرك ... طيب ياخوي كم هي اسعار الإكسبلورر المستعمل موديلات 2007 و 2008 (سعودي).

صراحة الإستعمال الأمريكي.

[شاقي القميري]

السلام عليكم اخوي انصحك بلبااترول دامك من النوع اللي يدلع الموتر هو صابر على اللي يكرفونه ومريحهم وش لون عاد انت وبالتوفيق واترك عنك مطاريس الأمريكان :D هذا رأيي ولولا اختلاف الآراء لبارت السلع .اخوك شاقي القميري

[قرم العيال]

يصلح لك الأرماد

جدا ممتاز ..

وأسأل عنه من جربووووه

[fusfus]

والله كلن له رأي بس وانا اخوك لا تبعد عن الجمس الصالون فهو معروف منذ القدم وسيارات مريحه وما عليها كلام وقطع الغيار تحصلها بالبقالات بمعنى تحصلها بكل محل والرأي اولا واخيرا لكم وموفق اخي الكريم.

[الربذي]

ياهلا وغلا الله يحفظ لك عائلتك ويصلحهم لك ويخليك لهم ويستر علينا وعليهم انت طلباتك صعبه شوي لكن تقدر تجمعهن..........وصراحة الامريكي ماهو صبور ومايخلي الخربات ولايعترف جديد ولا قديم ناس كثير وضبوا على اقل من الف كم نعم والله واحد يقول مطلعين يوكن 2009 ويوم وصل بالضبط تحت التمرين 550كم فقط فقط خمس مائه وخمسين كم زيت مصنعه فيه وهو يجيم القير وتخيل مقهور هو مره يقول وظبوا القيرعلى الظمان واخر وظب القير على 20الف كم والكثير الكثير ارى ان الكوري اكثر اعتماديه في السنوات الاخيرة وشوف التاجير يكرفون الكوريات كرف ..واعتقد ان اي جيب اذا انه من هونداي وليس كيا كيا فااااااااااااااااااااااااااااااااااااااااااااااااا شلة لكن هونداي رهيبه عندك جيوب هونداي رهيبه وعمليه ورخيصه نوعا ما ..باذن الله تكدها كد وخصوصا الخطوط لانها غير مصممه للبر مثل السفاري ولاند .........لكنها ستعجبك حتما انا عائلتي اكثر من عائلتك ولا اشتري من جيوب الهونداي سنتافيا وغيرها .................................................. .............http://up2.m5zn.com/photo/2009/4/26/12/0mhmzzwjd.jpg/jpgشوف الفيركوز من هونداي اما كيا فشف وش يقول احد ملاكها ومدمني كيا وليس هونداي السيارات التي امتلكتها:
1- كيا أوبيروس 2004 لمدة 4 سنوات.
2- كيا أوبيروس 2005 لمدة 3 أشهر.
3- كيا أوبيروس 2008 لحد الآن.

السيارة لاحظت في موديلاتها السابقة كانت أكثر رساوة ومتانة في التصنيع ولكن يعيبها أصوات الطقطقه في نظام التعليق والمساعدات, وأيضاً المكينة والتسارع تعتبر ضعيفة جداً (200 حصان وتسارع في 8.5 إلى 9 ثواني).

الموديل الجديد منها تم تفادي مشاكل الأصوات والطقطقة, الديكورات الداخلية قلت جودتها بنسبة 20% , رساوة السيارة على السرعات العالية أصبحت أقل من السابق بنسبة 20% ولكن مع ذلك أنا أعتبرها من السيارات الراسية جداً على الطريق , قوة المكينة وتسارع السيارة أصبحت مناسبة جداً ماشاء الله تبارك الله وتعتبر قوية نوعاً ما (265 حصان وتسارع رسمي 6.8 ثواني).
(تسارع سيارتي 5.8 إلى 6 ثواني بعد التعديلات البسيطه ماشاء الله تبارك الله.)

الصيانة معقولة جداً وأسعارها رخيصة (150 إلى 250 ريال لمعظم الصيانات ماعدا صيانة 40 ألف تكلف 1000 ريال)

سعر السيارة مناسب جداً لجميع موديلاتها من 63 إلى 90 ألف (بالنسبة لسيارات أخرى مواصفاتها أقل بأسعار أعلى مثل الكامري والألتيما والمازدا).

سعر البيع بعد الإستخدام يعتبر من أكبر العيوب (حسب تفكير الشخص) حيث يكون سعر البيع بعد سنتين أو 3 سنوات 50% إلى 60% من قيمة الشراء (تزيد أو تنقص).

أتمنى يكون الجميع أستفاد من المعلومات اللي قدمتها.

بعكس هونداي التي تصبر اكثر وتمسك سعرها افضل من كيا ..................

[AHG]

ياهلا وغلا الله يحفظ لك عائلتك ويصلحهم لك ويخليك لهم ويستر علينا وعليهم انت طلباتك صعبه شوي لكن تقدر تجمعهن..........وصراحة الامريكي ماهو صبور ومايخلي الخربات ولايعترف جديد ولا قديم ناس كثير وضبوا على اقل من الف كم نعم والله واحد يقول مطلعين يوكن 2009 ويوم وصل بالضبط تحت التمرين 550كم فقط فقط خمس مائه وخمسين كم زيت مصنعه فيه وهو يجيم القير وتخيل مقهور هو مره يقول وظبوا القيرعلى الظمان واخر وظب القير على 20الف كم والكثير الكثير ارى ان الكوري اكثر اعتماديه في السنوات الاخيرة وشوف التاجير يكرفون الكوريات كرف ..واعتقد ان اي جيب اذا انه من هونداي وليس كيا كيا فااااااااااااااااااااااااااااااااااااااااااااااااا شلة لكن هونداي رهيبه عندك جيوب هونداي رهيبه وعمليه ورخيصه نوعا ما ..باذن الله تكدها كد وخصوصا الخطوط لانها غير مصممه للبر مثل السفاري ولاند .........لكنها ستعجبك حتما انا عائلتي اكثر من عائلتك ولا اشتري من جيوب الهونداي سنتافيا وغيرها .................................................. .............http://up2.m5zn.com/photo/2009/4/26/12/0mhmzzwjd.jpg/jpgشوف الفيركوز من هونداي اما كيا فشف وش يقول احد ملاكها ومدمني كيا وليس هونداي السيارات التي امتلكتها:
1- كيا أوبيروس 2004 لمدة 4 سنوات.
2- كيا أوبيروس 2005 لمدة 3 أشهر.
3- كيا أوبيروس 2008 لحد الآن.

السيارة لاحظت في موديلاتها السابقة كانت أكثر رساوة ومتانة في التصنيع ولكن يعيبها أصوات الطقطقه في نظام التعليق والمساعدات, وأيضاً المكينة والتسارع تعتبر ضعيفة جداً (200 حصان وتسارع في 8.5 إلى 9 ثواني).

الموديل الجديد منها تم تفادي مشاكل الأصوات والطقطقة, الديكورات الداخلية قلت جودتها بنسبة 20% , رساوة السيارة على السرعات العالية أصبحت أقل من السابق بنسبة 20% ولكن مع ذلك أنا أعتبرها من السيارات الراسية جداً على الطريق , قوة المكينة وتسارع السيارة أصبحت مناسبة جداً ماشاء الله تبارك الله وتعتبر قوية نوعاً ما (265 حصان وتسارع رسمي 6.8 ثواني).
(تسارع سيارتي 5.8 إلى 6 ثواني بعد التعديلات البسيطه ماشاء الله تبارك الله.)

الصيانة معقولة جداً وأسعارها رخيصة (150 إلى 250 ريال لمعظم الصيانات ماعدا صيانة 40 ألف تكلف 1000 ريال)

سعر السيارة مناسب جداً لجميع موديلاتها من 63 إلى 90 ألف (بالنسبة لسيارات أخرى مواصفاتها أقل بأسعار أعلى مثل الكامري والألتيما والمازدا).

سعر البيع بعد الإستخدام يعتبر من أكبر العيوب (حسب تفكير الشخص) حيث يكون سعر البيع بعد سنتين أو 3 سنوات 50% إلى 60% من قيمة الشراء (تزيد أو تنقص).

أتمنى يكون الجميع أستفاد من المعلومات اللي قدمتها.

بعكس هونداي التي تصبر اكثر وتمسك سعرها افضل من كيا ..................

الله يرضى عليكم ياخوي ... وما قصرت والله ... بس احب اضيف لك معلومه ... هونداي استحوذت على كيا من ثلاث سنوات على ما اظن ومن بعدها صار التحسن واضح في جوده السيارات ... ومحرك موهافي هو من صنع هونداي ... مشكور وجزاك الله خير .

[البوعينين99]

إن شاء الله تلقى الموتر الي يسرك , بس لو انك قال كم ميزانيتك عشان نعرف وش الموتر الي ينفع لك .

لأن في ناس بتقول لك خذ كذا ولا كذا .

أنت إذا ميزانيتك تسمح خذ لانكروزر جديد أو تويوتا سيكويا.
أما إذا تفكر في شركه ثانيه خذ لك نيسان باترول أو أرمادا.

والله يوفقك.

[شبح الموت]

الاكسبلور اختيار موفق وعملي من الدرجة الاولى

[COBRA999]

السلام عليكم

انا اتبعت نصيحت مجموعه من الشباب وتوكلت على الله وخذت اكسبلورر 2009 من وكالته وماقصر اخوي شاري واحد قبلي بكم شهر عطاني اياه كم يوم اجربه بصراحه ماتوقعت انه كذا ابدا ممتاز جدااااااااااااااااا وحتى على الخطوط الطويله راسي ومريح وعلى فكره علشان بعض الردود ان الامريكي فاشل انا مع وكالت الفورد من سنة 97 كراون فكتوريا ومشت معاي 7 سنوات 380000 كيلو مطلعه وكاله ومن ثم كراون فكتوريا 2004 ومن ثم نصحت الوالد الله يطول بعمره بالاكسبديشن لارج 2008 بصراحه قمه ومايحتاج سيارات يعتمد عليها واسأل المعارض والشريطيه عن ثبات سعر الاكسبلورر وكم هو مرغوب وراح يقنع كل من يعيب بشيء لم يجربه

واذا كان على الاعطال هذي في كل الوكالات تعاني من اخطاء مصنعيه وقسم الصيانه في فورد اذا حدث معاي اي عطل مصنعي راح يتوجب عليه ترك السياره اكثر من 3 ايام اخذ منهم سياره بديله ويصلحون لي المشكله على ضمانهم وماحد يلقى زيه 5 سنوات او 200,000 كيلو وتقدر تدفع 2000 ريال وتخلي الضمان 5 سنوات مفتوح الكيلو ....
وسلامتكم.........
واسف على الاطاله ........................

[عزوز الحجازي]

شوف وانا اخوك

استخر الله وتوكل عليه واعزم على نفسك
بالياباني والامريكي

وكيا ابتعد عنها انا اشتغلت في الوكالة الحاج حيسن رضا والله خايسة كلياً وما تسوا ريال ويخب عليها بعد

[صقرالعرب2007]

على مواصفاتك واستخدامك له

أنصحك وبقووووووه بالباثفندر 2006 وطالع , قوه , متانه , مريح على الخط , تحمممل , مكيف صح , قطع غيار رخيص مقارنه بالجيوب الثانيه , بالعربي خذ ولد سنآيدي

2006 مستعمل نظييييف بـ 65 وفيها

2007 بـ 70

2008 بـ 78 إن كثر

راح تدعيلي ان اخذته , على فكره انا ادور لي على واحد 2006 كانك خابر لي ولا الاعضاء الي عنده يراسلني على الخاص

سياره ماشاءالله تقول وين الكرف بس ودني لمه

[فهدبن عبدالله]

بصراحة انصحك بالأكسبلورر لأنه مريح في الخط وأيضاً يصلح في البر ويعتبر قوي في التحمل

[غشيم صيد]

يطول لي بعمرك ... طيب ياخوي كم هي اسعار الإكسبلورر المستعمل موديلات 2007 و 2008 (سعودي).

صراحة الإستعمال الأمريكي.

السلام عليكم وحمته وبركانه اخي AHG

انا مقيم بالاردن واعمل بالاردن وافيدك باسعار الاكسبلورر عندنا
موديل 2007 تسوى في المنطقة الحرة 15.000 $ نظيفة ووراد امريكا
وموديل 2008 تسوى في المنطقة الحرة 17.000 $ ونظيفة ووراد امريكا

وانا انصحك شرأها من جدة لان اكثر التجار اصدقائي يودون السيارات من امريكا الى جده
وهي غير مستخدمة بالسعودية يعني تكون نظيفة واسعارها حلوة
قمت بالاتصال على صديقي في جده وسألته عن الاسعار قلي الاكسبلورر 2008 تسوى 75.000 ريال في جده
توكل على الله والله يرزقك بالسيارة النظيفة وتشوف عليها الخير

[AHG]

والله يا إخواني انكم اخجلتوني بتفاعلكم ومساعدتكم لي ...

مشكورين وبيض الله وجيهكم...

[ثاقب]

1 باثفندر
2 اكستيرا
3 سوزوكي قراندفيتارا

[ahmad995]

اذا توصل لل 100 الف حرام تشتري غير التويوتا
تلقى لك جي اكس ار كد ومد وفخامة ورساوية بالطريق وعائلي درجة اولى وشيك بمخباتك وتضمنه لو تبي تروح من شمال لجنوب المملكة

[الحر الحمر]

خذلك فتك مكيف وراحه وثابت بالبنشر لا سمح الله وانت مبنشر على سرعه مايحوس فيك ويتحمل كل شي لا تغريزه ولا طعس ولا شي يرده اخذه وتوكل على الله

[ابا سديم]

اقول اخوي خذلك تاهو او يوكن جديد احسن لك من المستعمل وافتك من الورش ولجتها انا معي تاهو 2008 lsالاكسبلور ضيق عليك انت وعيالك وقطع غياره في الوكاله فقط اما التاهو ففي اي مكان قطع غيار(مريح ,برح,انا ماخذه عشان بنتي سديم تسدح فيه ) وبالتوفيق للجميع واسئل اصحاب قطع الغيار عن توفرها للاكسبلور و للتاهو ايضا

[دله وفنجال]

السلام عليكم...


اخوي الغالي Ahg ماودي ازيد عن كلام الاخوان بس الاكسبلورر افضل من الكوري ولا فرق بس فيه نقطه ثانيه...
هل فكرة بلمستبيشي باجيرو اسعاره من 85000 ريال الى 95000 ريال الي مكينته 3000 على حسب علمي ويكفيك انه ياباني 100% والكل يشهدله لاخرابات ولا وجع راس ويشيل كل عائلتك الله يخليهم لك ومن ناحيت الامان فهي من مميزاته والصرفيه اقل من جميع الجيوب الي مثل فأته والشكل جميل جداً وفيه رحابه ومواصفات خطيره...
انا انصحك قبل لاتوهق رح لم الوكاله وشفه وجربه وصدقني تبي اتغير رايك ...
واذا تبي فل كامل هذا واحد من الشباب في خيمة البيع والشراء عنده واحد موديل 2008 فل كامل الحقيقه الموتر نظيف جدا جدا على كلام راعيه بل جديد ولا مشا واجد والرجال حول سعر الاكسبلورر واذا تبي نصيحتي اخذ المستبيشي ولا اخذ الاكسبلورر...

هذا رائيي اذا تبي النصيحه...