فتك يا أهل الفتك [الأرشيف]

عوادالشمالي

02/08/2009, 03:25 AM

مساء الخير للجميع
السلام عليكم أخواني الشقردية أنا توي شاري جيب فتك 2003 وسمعت أن فيه تعديلات يسوونها الشباب عليه عشان يقوى عزمه وأنا بصراحة ماني راعي تطعيس ولا أحب الترهيمات الزايده أبغى بس تقوى فزته يعني قومته قال لي واحد يكفي تركب هدرز ودبه و بواجي رياضيه وواحد ثاني قال ركب فلتر وأنا أبغى شوركم يا ربعنا وش أركب ووين أحصلها وبك أسعارها أنا من الرياض ولكم الاحترام والتقدير

المميـز

02/08/2009, 03:35 AM

ماشاء الله مبرووووك المووووتر
والله يعطيك خيره ويكفيك شره
خير ما اخترت

بالنسبه للعزم أنصحك بتركيب الهدرز كــامــل إلى فتحة الشكمان وتكون المواصير
من 2 ونص بوصه إلى 3 بوصه لا تركب أصغر لأنها ماتفيدك بشي

وركب دبة يوكن بالوسط لأنها أفضل شي في الوثت الحالي وصوتها حلو جدا

وركب مروحة كهرب واللي تركب على الفتك مروحة جراندشروكي وعندي وحده مستعمله
كان ودك به راسلن على الخاص

وركب فرارات للدفرنس الأمامي علشان يوقف عمود الدوران ويخف الموتر
وتخف صرفية البنزين عليك

نصيحتي لك :
لاتركب بواجي رياضيه ولا فلتر هواء لأنها كلها مضره للسياره

والله يسهل أمرك ويهنيك بالموتر :)

محسن اليامي

02/08/2009, 03:38 AM

يامرحبا

والله الغالي أنا ماعرف في الأمور هذي اسمحلي ان شاءالله الشباب يفيدونك

التعـ King ـديل

02/08/2009, 04:37 AM

انا اوافق اخوي المميز .. ولا تفكر بتغير البواجي ولا اسلاك البواجي وابعد عن الفلتر

هدرز ومرواح وفرارات واشتر راحتك

باترول للأبد

02/08/2009, 05:12 AM

ماقصرو الشباب فيهم الخير وأفادوك

عوادالشمالي

02/08/2009, 07:32 PM

الله يبيض وجوهكم جميعا ما قصرتوا معي
ما عليكم أمر أبغى أسعار الهدرز مع دباته ومكانها في الرياض وإذا فيه نوع معين أبتعد عنه
ولكم التقدير

محيسن1

02/08/2009, 08:08 PM

هلا اخوي عواد الشمالي
مبرررررررروك الموتر
الله يعطيك خيره ويكفيك شره
وانا اضم صوتي لاخوي المميز وخبير نيسان
عليك بالهدرز من واقع تجربه صراحه يفرق معك الموتر

ابوو زيد

02/08/2009, 08:41 PM

شف يالغالي ركب هدرز كامل من الراس الى اخر شي ولا تركب دبة يوكن لانها تكتم شوي ما تستفاد من الهدرز ركب دبه امارتيه الحمرا و بالنهايه دبة الوكاله علشان تكتم الصو ويطلع صوته له نغمه حلوه مره

ولا تنسى العزل حق الهدرز علشان ليات المكيف ماتروح عليك

لا تركب مراوح ترى بتبهذلك بالصيف

ركب لك فلتر اصلي كي ان و وصله للفتلر بس اذا كنت راعي شعبان وانواع التغطس ما يصلح لك

ركب فرارات

ولا تركب بواجي رياضيه

وفر الديلكو شوي وونس عمرك بالنشاااط

وهذا الي مسويه انا بموتري هدرز فلتر فرارات فار الديلكو ومثل ما يقلون عش المغامره

وفي واحد يركب الهدرز بالرياض قايد اذا تعرف اذا تبي رقمه علمني وارسله لك على الخاص

البراق040

02/08/2009, 11:37 PM

السلام عليكم
ولا قصور بالجميع لاكن ياشباب يازين الموتر على حلته بلد
أنا موتري 2004 ماركبتله إلا فرارات بس .

بواسامه

03/08/2009, 12:26 AM

انا اوافق اخوي المميز .. ولا تفكر بتغير البواجي ولا اسلاك البواجي وابعد عن الفلتر

هدرز ومرواح وفرارات واشتر راحتك

هذا كلام العقل:good:
واسمع كلام ابوخالد
الموتر ييزيه العزم اللي في بطنه
نشيط بمعنى الكلمة
واحيانا ترى الزود نقص
فارفق بحلالك يابعدي:D

عوادالشمالي

03/08/2009, 03:45 AM

الله يعطيكم العافية على تفاعلكم مع الموضوع
بس عندي سؤال :
ما يكفي هدرز مع الدبات بدون فلتر ولا مراوح ولا بواجي
الفرارات مركبها والمراوح قد ركبتها في سيارتي السابقة (لندكروزر) وهبلت بي
الخلاصه هدرز مع دبه أماراتيه ومواصير ماتقل عن بوصتين ونص مع الدبه الخلفية حقت بلده هذا ما يكفي و يقوي العزم
أخوكم ماهوب راعي تطعيس راعي طير وهدد

ابوو زيد

03/08/2009, 07:57 AM

لا بيعطيك بيفرق معك وبيريح الموتر

ركب المواصير 3 بوصه مع دبه امارتيه و دبة الوكاله بالاخير

واذا تبي ازود عزم طق لك فلتر اصلي و ونس عمرك

المميـز

03/08/2009, 01:55 PM

اخوي عوادالشمالي

انت ركب الهدرز الحين وسق الموتر واحكم عليه :)

لكن نصيحه لك ... لاتقرب البواجي الرياضيه ولا اسلاك بواجي رياضيه ولا فلتر رياضي

والمروووحه انا كنت مركبه على موتري وماشفت منها الا كل خير ولله الحمد

وريحتني كثييييير بالصيف وصرت ما اسمع حنة الموتر اذا شبكت المروحه بعز الظهريه

عوادالشمالي

04/08/2009, 09:19 PM

ماقصرتوا لكن باقي شي مهم إذا بتوسعون صدركم علي وهو
إذا ركبت اللي قلتوا وش راح يكون صوت الموتر أنا بصراحة ما أبغى صوت أبغى زي صوت الوكالة أو حوله ولكم جميعا كل التقدير يا الزقرت×

ابو عبدالملك 2

05/08/2009, 12:38 AM

اقول خله على طبيعته لان هالامور تنقص عمر الموتر ويصير عمره سنتين فقط

المميـز

05/08/2009, 06:32 AM

ماقصرتوا لكن باقي شي مهم إذا بتوسعون صدركم علي وهو
إذا ركبت اللي قلتوا وش راح يكون صوت الموتر أنا بصراحة ما أبغى صوت أبغى زي صوت الوكالة أو حوله ولكم جميعا كل التقدير يا الزقرت×

انا جربت دبة اليوكن بالوسط

ودبة صغيرة بالأخير تشبه حقت الوكاله

والصوت كان تمااااااام وهااااااادي :good:

وركب لك سده عشان لارحت للبر وماحولك احد ابد << لاحظ ماحولك احد ابد :):D:)

افتح السده وانطرب مع الصووووووووت :)

واسأل وكثر اسئله ماورانا شي اللي نعرفه نبي نرد عليك ان شاء الله

بإنتظااااااار استفساراااااااتك

الشيمساوي

05/08/2009, 08:22 PM

الله يعطيك خير ويكفيك شره

عليك بالهدرز كامل إذا تبي تستفيد منه مره لزم يكون بدبه دايركت(له صوت) عند محل 4500 بالربوه بس غالي

والبحرين شغله ممتاز وسعر زين عند حميد

والهدرز مايعطيك مضبط الا بالفلتر ولا تأخذ الا كي ان الاصلي

تركي98

05/08/2009, 09:46 PM

المميـز

06/08/2009, 05:58 AM

الله يعيطك خيره ويكفيك شره

ورايي مثل كلام اخوي المميز وابو خالد... مراوح كهرب وفرارات وهدرز لان هذي مالها ضرر على الموتر مثل باقي التعديلات..وانت مو محتاج باقي التعديلات الموتر شد بلد نشيط ماشاء الله لافلتر ولا بواجي رياضيه ولا يحزنون حلاة الموتر شد بلد.

انا معي باترول 99 سلق ومركب له مراوح كهرب وفرارات وماشاء الله فرق معي وشف ممشاه
http://www.mekshat.com/pix/upload03/images120/mk77146_km.jpg

http://www.mekshat.com/vb/%5Bimg%5Dhttp://www.mekshat.com/pix/upload03/images120/mk77146_km.jpg%5B/img%5D

ماشاء الله تبارك الله ... الله يعطيك خيره ويكفيك شره

بس عاد ماقلنا ركب الهدرز عشان تمشي هالمشي :):D:)

أرفق على عمرك وراك ناس يبون عمرك ويحترونك تدخل عليهم بالبيت سالم من كل شر :)

على طاري الصوره ذكرتن بنقطه

أنا قبل ما اركب الهدرز كان ضغط المكينه يوصل 3 على سرعة 120

يوم ركبت الهدرز نزل ضغط المكينه إلى 2 ونص او فوق النص بشوي

وهذا اللي يوفر صرفية البنزين لان الهواء يطلع من الموتر بالراحه

وماقدامه اي اعاقات ولا شي يأخره

كاشت شمال

07/08/2009, 06:26 AM

ماشاء الله تبارك الله ... الله يعطيك خيره ويكفيك شره

بس عاد ماقلنا ركب الهدرز عشان تمشي هالمشي :):D:)

أرفق على عمرك وراك ناس يبون عمرك ويحترونك تدخل عليهم بالبيت سالم من كل شر :)

على طاري الصوره ذكرتن بنقطه

أنا قبل ما اركب الهدرز كان ضغط المكينه يوصل 3 على سرعة 120

يوم ركبت الهدرز نزل ضغط المكينه إلى 2 ونص او فوق النص بشوي

وهذا اللي يوفر صرفية البنزين لان الهواء يطلع من الموتر بالراحه

وماقدامه اي اعاقات ولا شي يأخره

اخوي المميز كم موديل موترك؟ وهل هو اوتو او عايدي؟ معي 2008 سفاري 2 وعند ممشى 120 يكون الضغط على 2.5

تركي98

09/08/2009, 11:00 PM

اخوي المميز كم موديل موترك؟ وهل هو اوتو او عايدي؟ معي 2008 سفاري 2 وعند ممشى 120 يكون الضغط على 2.5

اول شي برد على اخوي المميز((اسم على مسمى مشاء الله بمشاركاته المميزه))
ومشكور على دعئك الله يجزاك خير ومن يقرى هالرد.
وبقولك ترى منب امشي هالممشى دايم بس خطمات يعني يطري على الواحد احيانا هبال بس اشوا مايبطي ربع ساعه ونرجع للمشى الطبيعي :D.

وثاني شي حبيت ااكد على كلام اخوي كاشت شمال..صحيح كلامه انا موتري 99 والظغط عند 120 على 2ونص شد بلد من قبل لا اركب اي شي يعني غريبه عندك الظغط على 3 يمكن موديل موترك اقدم شوي او انه فيه مشكله او اني مدري وش السالفه :confused: :D

المميـز

10/08/2009, 01:00 PM

اخوي المميز كم موديل موترك؟ وهل هو اوتو او عايدي؟ معي 2008 سفاري 2 وعند ممشى 120 يكون الضغط على 2.5

موديل الموتر 2002 قير عادي

وفيه شباب معهم اخو موتري والضغط عندهم على 3 عند سرعة 120 والسيارة شد بلد

المميـز

10/08/2009, 01:03 PM

اول شي برد على اخوي المميز((اسم على مسمى مشاء الله بمشاركاته المميزه))
ومشكور على دعئك الله يجزاك خير ومن يقرى هالرد.
وبقولك ترى منب امشي هالممشى دايم بس خطمات يعني يطري على الواحد احيانا هبال بس اشوا مايبطي ربع ساعه ونرجع للمشى الطبيعي :D.

وثاني شي حبيت ااكد على كلام اخوي كاشت شمال..صحيح كلامه انا موتري 99 والظغط عند 120 على 2ونص شد بلد من قبل لا اركب اي شي يعني غريبه عندك الظغط على 3 يمكن موديل موترك اقدم شوي او انه فيه مشكله او اني مدري وش السالفه :confused: :D

تسلم على هالرد الحلو اخوي تركي98 ...

زين الحاله ماتطول معك .. اجل ربع ساعه وتروح :)

أجل لا اوصيك بالربع الساعه هذي اطرب زمانك :):D:) والله يستر عليك من كل مكروه

وبالنسبه لموتري 2002 واعتقد موديلات 2002 فيها المشكله هذي
كونها اول مكينة فتك تنزل عام 2002 وتم معالجة المشكله في الموديلات اللي بعدها

huck

24/09/2009, 12:56 AM

والله ياخوي ما اعرف بهالأمور ان شاء الله افادوك الاخوان
تقبل مروري

ساري 111

24/09/2009, 10:01 AM

نصيحه .. اذا تبي الراحه والأمان خل الموتر شد بلد ..

صدقني كل هالترهيمات تفرق بالعزم شي لايذكر وبعض الاحيان يكون شي نفسي فقط .. فلاتخسر نفسك على الفاضي ..

اللي يفرق مع الموتر مراوح الكهرب .. بس مشاكله واجد اذا هي مهب شد بلد

ساري 111

24/09/2009, 10:11 AM

وهذا اللي يوفر صرفية البنزين لان الهواء يطلع من الموتر بالراحه

وماقدامه اي اعاقات ولا شي يأخره

هههههههههه

الله يصلحك المسأله مهب بهالشكل

تومتيك المروحه اللي على السير كل ماتزود حراره السيارات يثقل على المكينه عشان يساعد على سحب الهواء اكثر الى الرديتر

وانت يوم ركبت مراوح كهرب الغيت تومتيك المروحه ومن هذا المنطلق زال حمل المروحه من على المكينه
وبالتالي تخف المكينه ولكن يصير هناك حمل زايد على كهرب السياره واذا الدينمو ضعيف مايبطي ويخرب

انا معي باترول 99 سلق ومركب له مراوح كهرب وفرارات وماشاء الله فرق معي وشف ممشاه

يوم تصور هذه الصوره وشي الكفرات اللي كانت على موترك ؟؟

كفرات عريضه ؟؟
او كفرات شد بلد ؟؟