اجهزة ملاحة للسيارة

[samer11]

سمعت عن جهاز يركب مكان الراديو بالمس --
ويظهر القنوات الارضية--وخدمات اخرى --
ياليت احد يعطينا معلومات عنه ومكان تركيبه بالمدينة

ولكم الف شكر

[المميـز]

http://www.an555.com/images/products/f3f662539ae555c7bd726832e3f6990a.jpg

موديل FJ كروزر و لاند كروزر
شاشة LCD حجم 6.5 بوصة بوضوح tft
قاري USB
DVD/VCD/CD/MP4/MP3/CD-R/CD-RW يشغل
مدمج تلفزيون داخلي
راديو AM/FM بتخزين 30 محطة
PAL/NTSC, تحويل اوتوماتيكي من
مانع اهتزازات
ريموت كنترول صغير بكامل التحكم
يقبل تحكم الدركسون
مدخل AUX
مدخل كاميرة خلفية
امبيليفاير داخلي بقوة 45 * 4 واط
DVD/VCD Changer يدعم
شاشة لمس
مدعم بلوتوث داخلي للجوال
مدعم ب GPS خارجي مع خريطة الخليج

( ولفترة محدودة خريطة السعودية + الكاميرة الخلفية برؤيه ليلية ) مجانا

السعر 2800 ريال



مكان تركيبها في المدينه :
على الدائري تلقاها عند مجمع زينة السيارات مثل ( كل جديد ) و ( كنوود ) و ( الأترجه )
وغيرهم من المحلات الكثيره


انا من المدينه واي خدمه انا تحت أمرك :)


والماركات كثيره والصور كثيره والصناعات كثيره جدا
منها الأصلي ومنها التجاري


انت رح مجمع زينة السيارات وتبي تشوف اشكال وانواع ومواصفات كثيره
وخذ اللي يناسبك


حتى لو كانت صيني توكل على الله وخذها لأنها عمليه

واغلب اللي بالسوق صيني

[samer11]

الف شكر اخي العزيز على هذه المعلومات

[قرناس ارامكو]

مشكوووووووووووور
والله يعطيك العافية

[التعـ King ـديل]

المميز اذا يركب على البرادو 2004 ومتواجد بالرياض خبرني

[samer11]

http://www.youtube.com/watch?v=gSiy0Rlazug&eurl=http%3A%2F%2Fwww%2Etoyota4arab%2Ecom%2Fforum% 2Ft60234%2D2%2Ehtml&feature=player_embedded
وجدت هذا الشرح

[المميـز]

المميز اذا يركب على البرادو 2004 ومتواجد بالرياض خبرني


هلابك اخوي ابو خالد

تركب الشاشه على البرادو وهذي صور توضح

http://up3.m5zn.com/photo/2009/5/7/04/o2tx3ovzc.jpg/jpg

http://img405.imageshack.us/img405/1596/p1010302.jpg

طبعا الشاشه موجوده في شارع الغرابي عند محلات المسجلات بأول الغرابي
وعندك الوكيل حقها اللي هو ( مملكة الخرائط ) أخر شارع الغرابي حول المحطه

موووفق اخوووي

[زعيم سدير]

متأكد ان هذا سعره لأن مره سألتهم قالولي 5050

[samer11]

هل يوجد بالمدينة وكيل لمملكة الخرائط

[ابونايف الروقي]

السلام عليكم

شباب الشاشة هذي تركب على باترول سفاري 2009 ؟


http://img102.herosh.com/2009/08/02/580110398.jpg

[المميـز]

متأكد ان هذا سعره لأن مره سألتهم قالولي 5050

شكلك سالت عن نوعيه من ماركة جي في سي والا سوني والا كنوود او او

لكن الشاشات الصينيه رخيصه وعمليه وعند اليوتيوب كله شاشات صينيه
وكل من ركبها يمدحها ويعطونك عليها ضمان سنه أغلب المحلات اللي في الرياض

[المميـز]

هل يوجد بالمدينة وكيل لمملكة الخرائط


حنا بالمدينه الله يخلف علينا ( محرومين ) من كل شي
مالك الا تروح المجمع اللي على الدائري وتفر على المحلات
وتشوف الشاشه اللي تعجبك وتركبها بس اهم شي ركب شي عليه ضمان

[المميـز]

السلام عليكم

شباب الشاشة هذي تركب على باترول سفاري 2009 ؟


http://img102.herosh.com/2009/08/02/580110398.jpg


كثيييييييير انواااااااااااااع تركب على الباترول

طب الغرابي وتخير بس انت :)

[.أبوعبدالرحمن]

ماشاء الله عليك ياالمميز

[المميـز]

ماشاء الله عليك ياالمميز


الله يجزاك خير يابو عبدالرحمن :)

[samer11]

وش رايك اخي المميز بردماستر وهل يمكن تركيب خرائط الصحراء عليها

[COBRA999]

يعطيك الف عافيه بالنسبه للأمريكي مثل التاون كار تركب عليه شاشات نفس مقاس الديكور

[المميـز]

وش رايك اخي المميز بردماستر وهل يمكن تركيب خرائط الصحراء عليها


الشاشه يجي معها خرائط وتقدر تضيف عليها خرائط
ولكن اذا انت تبي الشاشه لإستخدام
خرائط الصحراء ولطلعات البر ما أنصحك بالرودماستر

نصيحتي لك اشتر أي شاشه بدون ( جي بي اس )

واشتر جوال يدعم العرض على التلفزيون مثل N95 أو N79
واجهزة نويكا الكثير منها يدعم العرض على التلفزيون

وجميع الشاشات اللي تركب على السيارات تدعم خاصية الجوال
وتشبك الجوال على شاشة السياره وتشغل برنـــامــج جـــارمـــن الجوال على شاشة السيارة

وتتحكم من الجوال ولكن العرض على شاشة السيارة

هذي نصيحتي لك واذا الفكره ما أعجبتك ركب شاشة مملكة الخرائط وبس


مر على محل اسمه ( كنوود ) قبل المجمع الأول على الدائري
بجانب محل تأجير السيارات الصافي

خابر عندهم شاشه مواصفاتها حلوه وسعرها مع التركيب 1000 ريال

[samer11]

شكرا على الابداع اخي المميز

[يوكون2666]

طيب اخوانى هل تركب لليوكون 2008 ويطلع شكلها زى الوكاله ؟؟؟؟

[المميـز]

طيب اخوانى هل تركب لليوكون 2008 ويطلع شكلها زى الوكاله ؟؟؟؟


تركب على اليوكن شاشات كثيره

وهذي وحده مركبها أحد أعضاء مكشات ( وحيد الصحراء )

http://www.mekshat.com/pix/upload03/images102/mk3084_01032009202.jpg

http://www.mekshat.com/pix/upload03/images102/mk3084_01032009203.jpg

رابط الموضوع ( ركبت شاشة فيها خارطة المدن كيف اضيف الصحراء( صور) (http://www.mekshat.com/vb/showthread.php?t=192829))

وعندك هذي الشاشه بعد تركب وميزتها تركب بدون تجريح وتخريب اسلاك الوكاله
يعني مصنوعه لليوووووووكن :) مثل اللي تجي على اليوكن الدينالي بالضبط
http://www.ebd3aty.com/gmc/gmc_001%20%2827%29.JPG

http://www.ebd3aty.com/gmc/gmc_001%20%2828%29.JPG

http://www.ebd3aty.com/gmc/gmc_001%20%2824%29.JPG

http://www.ebd3aty.com/gmc/gmc_001%20%2825%29.JPG

أي خدمه جاهز :)

[المميـز]

شكرا على الابداع اخي المميز


العفو اخوي ماسويت شي

وحاضرين لأي سؤال ان شاء الله

[برق بن رعد]

المميز اذا يركب على البرادو 2004 ومتواجد بالرياض خبرني
بيت من كتاباتي
لا جادلك صغير العقل قابله بتطنيش .. وارفع مقامك عن اهل العقول السقيمه




اخي الكريم خبير نيسان :rolleyes:


بيت الشعر الذي في التوقيع:no2:


يوجد به كسور في الوزن


وتقبل ملاحظتي بصدر رحب:j

[سامي الشقة]

انا اشتريت فان من امريكا وركبت علهيا جهاز ملاحة اسمه Eclipse AVN2454 ويجي معه دي في دي فيه خارطة امريكا ويقوم هذا ال DVD ايضا بتشغيل الجهاز . من مدة قمت بشحن السيارة بالجهاز الى السعودية وفقت ال DVD والآن الجهاز لايعمل من دون ذلك ال DVD لكي اسمع للنشيد او بعض الأفلام للأطفال. هل هنالك DVD يقوم بتشغيله وفية ايضا خارطة لمنطقة الخليج

[wail2]

مشكووووور
والله يعطيك العافية

[Skyline]

عزيزي المميز
هل شاشة اليوكن التي عرضتها هنا تركب على دينالي 2004 ، أو أن لكل موديل شاشة خاصة به ،،،
وتقبل تحياتي

[ssk2227]

الله يعطيك العافيه

[بن عاقول]

أخونا المميز جزاك الله خير في هالشهر الفضيل - بالنسبة لشاشة اليوكون أتصور ممكن تركب على التاهو 2007 لكن المشكلة أزرار التحكم في الدركسون يبي يصير ماعاد لها أي قيمة - ولا أنا غلطان ؟ لعلك تشرح لي لأني أفكر أقتني وحدة الأصلية تتجاوز مبلغ 6000 ريال وربما أكثر - وعلى فكرة كم سعرها هذي اللي مهيب أصلية

تحياتي وتقديري

[مؤثر]

مشكور

=======================

[ابن دهيمان]

سبحان الله وبحمده سبحان الله العظيم

[الجندي2005]

شكراً على الموضوع الف تحيه ،،،،،،،،،،،،،،،،،،،،،،،،،،

لكن فيها جانب سيئ الا وهو : قنوات التلفزيون هل من المعقول واحد يتابع قناه ويقود السيارة ،،،،،،،

[المميـز]

عزيزي المميز
هل شاشة اليوكن التي عرضتها هنا تركب على دينالي 2004 ، أو أن لكل موديل شاشة خاصة به ،،،
وتقبل تحياتي


أعتذر على التأخر بالرد

موديلات 2000 إلى 2006 لها شكل مختلف عن موديلات 2007 وفوق

[المميـز]

أخونا المميز جزاك الله خير في هالشهر الفضيل - بالنسبة لشاشة اليوكون أتصور ممكن تركب على التاهو 2007 لكن المشكلة أزرار التحكم في الدركسون يبي يصير ماعاد لها أي قيمة - ولا أنا غلطان ؟ لعلك تشرح لي لأني أفكر أقتني وحدة الأصلية تتجاوز مبلغ 6000 ريال وربما أكثر - وعلى فكرة كم سعرها هذي اللي مهيب أصلية

تحياتي وتقديري


نعم تركب على التاهو ..وتحكم الطــاره ( الدركسون ) يشتغل مع الشاشه 100%

والتركيب الحين بدون تجريح اسلاك ولا تقطيع ..

والشاشه موجوده بالغرابي مع نظام الملاحه جي بي اس وسعرها بـ 2800 ريال مع كاميرا خلفيه
وبدون كاميرا 2600 ريال

وتلقاها عند محل الحوشاني اللي بالغرابي ( الرياض )

[المميـز]

شكراً على الموضوع الف تحيه ،،،،،،،،،،،،،،،،،،،،،،،،،،

لكن فيها جانب سيئ الا وهو : قنوات التلفزيون هل من المعقول واحد يتابع قناه ويقود السيارة ،،،،،،،


قنوات التلفزيون للركاب والاطفال :)

وميزة الشاشه تشغل افلام كرتون للاطفال :good:

[أبوأثير1]

هل تركب على الباترول والبرنامج والخرائط عربي ؟؟؟؟

[المميـز]

هل تركب على الباترول والبرنامج والخرائط عربي ؟؟؟؟


الشاشات اللي تركب على الباترول كثيره جدا

وماعليك الا تطب شارع الغرابي بالرياض وتختار اللي يناسبك وتركيبها بدون ترهيم

وأنصحك تروح محل أفالون أو الحوشاني لانهم لنا تجارب معهم واللي يشتغلون بالمحلات حبيبين :)

[أبوأثير1]

مشكور أخي المميز