ماهي أفضل كاميرا تصويرا ؟؟؟؟؟

[ابرهيم الدهمش]

السلام عليكم


( الكتاب واضحه من عنوانه )
ابي اشتري كاميرا تصوير دجتيل
ماهي أفضل انواع الكميرات للي عنده خلفية
مع العلم لست محـــــــــــــــــــــــترف تصـــــــــــوير

[ابرهيم الدهمش]

وش دعوه وين الشباب

[الضب المنسم]

السلام عليكم

الكاميرات كثيرة وأنواعها كثيرة

هذي الكاميرا عاجبتني وسعرها في موقع امازون 3750 دولار بالريال14062 ريال
Canon EOS 5D Mark II




http://i25.tinypic.com/lf9m8.jpg

http://i28.tinypic.com/2salbu9.jpg

وهذا موقع لمواصفاتها

http://www.dpreview.com/news/0809/08091705canon_5dmarkII.asp

(http://www.dpreview.com/news/0809/08091705canon_5dmarkII.asp)

الكاميرا السابقة للمحترفين

وهذي تصلحلك تصوير شبيه بالاحترافي سعرها بالسوق زين
360 دولار 1350 ريال تقريبا
Canon Powershot SX10IS


http://i27.tinypic.com/2d80v1f.jpg

http://i30.tinypic.com/2w5jbtc.jpg

[ابرهيم الدهمش]

14062 ريال كثير والله

[Mohammed_S]

حياك الله يا ابراهيم

شف طال عمرك الدعوة هواية وحب وعشق لهالفن الحلو

ثانيا ما يمنع انك تحاول بكاميرة شبه احترافية مثل ما ذكر لك اخونا الضب عن كاميرة Canon Powershot SX10IS
هذي جدا حلوة ومفيدة لك ومنها تحاول بها وتجرب الأوضاع اللي بهالكاميرة وبعد تقدر تشوف مواضيع تشرح لك عن أوضاع التصوير وكيفية التقاط الصور ومحاولة تطبيقها

بعدها تكون عرفت كيفية التصوير والتقاط الصور واوضاعها وقتها تفكر بأنك تشتري كاميرة ميزاتها أفضل وأقوى واحدث من اللي معاك

وبالنسبة لي أفضل الكاميرات المعروفة واللي أنصحك بها لا تفكر في غير الكانون والنيكون
والكاميرة تكون على حسب الميزانية اللي أنت مخصصها للكاميرا

وهذا اللي عندي والله يوفقك واحنا بانتظار لقطاتك الجاية ان شاء الله

اخوك / محمد

[ابومتعب 2009]

السلام عليكم


اخوي ابراهيم ..

انت قلت وش افضل انواع الكاميرات :) وعلشان كذا فيه كاميرات فوق المية ألف ريال

مثل هذي هاسلبلاد بـ 31000 دولار بس




http://www.bhphotovideo.com/images/images345x345/531073.jpg

وفيه اللي بألف ريال وشوي مثل Canon Powershot SX10IS

http://www.bhphotovideo.com/images/images345x345/588204.jpg

اولاً: تحتاج تحدد ميزانية للكاميرا شامله العدسات والاكسسوارات مثل الحامل الثلاثي وذاكرة اضافية وبطاريه اضافية وشنطه وخلافه.
ثانياً: الافضل انك تبدأ بالكانون شبه الاحترافيه مثل اللي فوق ، وتتعلم عليها ، وبعدين اذا حبيت تطور هوايتك تبدأ تشتري كاميرا احترافيه.

اتمنى تكون اجابتي وافيه.

[ابرهيم الدهمش]

يعطيكم العافيه
بس حدودي 2000 ريال

[شمالات نجد]

أنا مع الأخوان

خذ كانون sx10 رائعة جداً وسعرها بحدود 1500 ريال في السعودية

فيها تحكم شبه احترافي ولا تحتاج لتغيير عدسة والكلوز فيها رائع وسرعة الفوكس كذلك ممتازة وعدستها شبه عريضه كذلك تعطي زوم حقيقي عالي يصل إلى 20 مره.. وغيره

أمتلكها الآن وهي تستاهل الإقتناء

أما إذا أردت كاميرا احترافية إلى حد ما فعندك 400 دي.. رائعة جداً ولكن يتبعها اقتناء عدستين على الاقل وبعض العدة

وفقك الله والجميع

سلام

[م1كشات]

تبي الصراحة مافي مثل الكانون

ان اخذت من الرخيص او الغالى

يعني على قد ميزانيتك خذ من كانون

وتجنب شركات الغسالات والالكترونيات الى تصنع كمرات

ال جي & وسام سونج وطقتها اقول خلكم على مكيفاتكم وغسالاتكم احسن

[دوسريه كول]

كاميرا ...بـ مية الف << ومع سعودي ؟؟؟ اساسا ماسمعنا بالمحترفين السعودين نهائي الا اذا بيرزها لاخوياه ويصورهم هذا شي ثاني عموما خذلك ياخوي كانون توي ماخذتها من ممتازه ............. وبالتوفيق

[ترابيع]

كاميرا ...بـ مية الف << ومع سعودي ؟؟؟ اساسا ماسمعنا بالمحترفين السعودين نهائي الا اذا بيرزها لاخوياه ويصورهم هذا شي ثاني عموما خذلك ياخوي كانون توي ماخذتها من ممتازه ............. وبالتوفيق
اخطئتي اختي بحق المصورين السعوديين ..

هناك مبدعون كثر في هالمجال .. يصعب حصرهم .. لكن اذكرك ان افضل مصور في العالم .. على ما اظن العام الفائت هو المصور السعودي فيصل المالكي ..

[فتى سدير]

ياجماعة الخير كاميرا Canon Powershot SX10IS وين القاها بالرياض وهل القائمة حقتها بالعربي

[فوتو فن]

مرحبا اخوي ابراهيم ..
والله انا يا اخوي من رأيي اك تاخذ لك كاميراhx1 سوني شبه احترافيه مميزاتها حلوه مررره وفيها تصوير بانورامي وهي معي الان وماشيه زي الفل ما توقعت تصويرها كذا توكل على الله وخذها
وبالتوفيق لك ان شاء الله
فوتو فن

[ناصر الجربوع]

أخوي ابراهيم
نصيحتي لك اشتر كاميرا Canon IXUS 980
شيريته انا وبصراحة روعة
السعر ان ماخاب ضني 1500ريال فقط
مميزاته
هنا
http://www.sfari.com/forums/sfari46/travel38656/

هذي صورته
http://burnyourfuel.com/My_Files/Canon/Digital-Camera/canon-ixus-980-is.jpg

تقبل مروري

[النادر الحسون]

انا مثلك والله تعبت وأنا ابحث عن كاميرا زينه وسعرها معقول وفي النهاية وبعد المشوره من أهل الخبرة أشتريت كاميرا نايكون D90 شبه احترافيه صراحة حلوه كثير وسعرها معقول بـ 1850 ريال مع العلم ان الدقة 12 بكسل والزوم 24 وفيها ميزة تصوير بانوراما ومانع اهتزاز وتصور فيديو ...............

[رمال النفود]

أدخل الموقع هذا

http://www.cam4sell.com/ (http://www.cam4sell.com/)

وقد زرت هذا المحل بحي صلاح الدين بالرياض .

[أبو جاسر؟]

G10 و G9 ..

رهــيبــاات ..

:)

[فارس شمال]

من تجربتي للكاميرا Hx1
منها انها كاميرا رائعه تلبيلك جميع مطالبك كمصور هاوي وسعرها مقبول 1750 عند كام فور سل بالرياض
سهله التعامل - بالعربي مواصفات ترتقي انها تكون في مصف الكاميرات الاحترافيه

وتكون مدخل لك للتصوير الاحترافيه اذا عرفت تسوق عليها زين .. وتدخل عالم الاحترافيه بشكل سهل

يعني تبيها تصوير لك كنقاوه وكصفاوه تنفع تعليم تنفع بتاعه كلو

الكانون تصوير نضيف نعم اتفق معك لاكن تجمع بين كل شيئ احتاجه كمصور هاوي لا

يندر اجد كاميرا بمواصفات ال Hx1 من فيديو عالي الوضوح لتصوير بانورامي لمتحسس الابتسامه ( والله فليتها قدام الكاميرا كل شوي افق خشتي وهي تلقط بالصوره ههههه)
المقارنه بين وجه الطفل والبالغ وتعطيك الخيار لمن الصوره المقدمه .

و و و انا شخص شريتها من كم يوم كثر ماشفت فيها من الميزات واعجبتني

وذا غاليه شوي في احد الاخوه هنا يبي يبيعها مستعمله ونضيفه على كلامه ( شبه جديده )

اشترها وتكون لك ولزمن

تحياتي لك

[رمال النفود]

دائما يخطأ الناس في سؤالهم عن الكميرات ..
فتجدهم يبحثون عن أفضلها ولا يعلمون أن أفضلها عسير المنال ، إذا يصل بعضها إلى عشرات الآلاف من الريالات !

لذا عند التفكير في شراء الكاميرا ينبغي تحديد كم هو المبلغ المقرر لشرائها ؟
لكي يستطيع الآخرون مساعدتك للحصول على كاميرا جيدة بالسعر المناسب لك ..