المساعد الشخصي الرقمي

مشاهدة النسخة كاملة : دينمو السفاري


محيسن1
02/08/2009, 12:17 PM
السلام عليكم ورحمه الله وبركاته
اخواني اعضاء مكشات اليوم رحت الوكاله حقت نيسان
ولقيت دينمو التعبئه حق الباترول 4500
سعره نااااار 3200ريال
هل فيه احد يولف دينمو 100 امبير وفوق
؟؟؟ياعيني؟؟؟
02/08/2009, 12:25 PM
السلام عليكم

ان شاء الله يفيدونك الشباب ومايقصرون .....



تقبل تقديري واحترامي
صقر ا لفز عة
02/08/2009, 12:52 PM
رُ ح ا لـــتــــشــلـيح أ و عــنـــد و رش ا لأ جــهــزة مـــثــل ا لــثــلا جــآ ت؟؟؟؟؟؟:j
الضرغام11
02/08/2009, 02:36 PM
فيه دينموات تركب على السفاري غير حقت الوكاله احسن وارخص مثل دينمو اللكزس واعتقد المكسيما لكن الشباب يعطونك العلم الاكيد ان شاء الله..
مبسوط
02/08/2009, 02:56 PM
اخوي
انا مرهم دينمو مكسيما 120انبير على الباترول ب 500 ريال الدينموا + الترهيم وله سنتين زي الحلاوه
توكل على الله
فيه نقطه ثانيه الدينوا ممكن تحصله في التشاليح برخيص من 150 الى 400 ريال بالكثير

اخوك مبسوط
مجنون الفتك
02/08/2009, 02:59 PM
اذا تعرف احد من جماعتك في الكويت يحصلونا لك رخيص انا ركب واحد لموتر 4800 وشريته ب1000 ريال وكاله من التشليح
تحياتي
turkiq
02/08/2009, 03:07 PM
مالي خبرة في الموديلات الجديدة لكن عندي باترول قديم موديل ٨٦ واخذت له دينمو ياباني ... السعر حدود ال٢٠٠ ريال فقط والجودة ممتاااز جدا ... له ٣ سنوات راكب ...

لذلك اسأل اهل قطع الغيار عن الدينمو الياباني لموديل سيارتك يمكن فيه!!
؟؟؟ياعيني؟؟؟
02/08/2009, 04:20 PM
اخوي
انا مرهم دينمو مكسيما 120انبير على الباترول ب 500 ريال الدينموا + الترهيم وله سنتين زي الحلاوه
توكل على الله
فيه نقطه ثانيه الدينوا ممكن تحصله في التشاليح برخيص من 150 الى 400 ريال بالكثير

اخوك مبسوط

السلام عليكم
اخوي مبسوط ولا عليك أمر ابي اعرف وين رهمته فيه اوارسل لي رقمك على الخاص.....


تقبل وتقديري واحترامي
حسحوس
02/08/2009, 06:47 PM
انا زيك رحت لموزع قطع نيسان وقالو لي بسعر خيالي ، قال لي العامل فيه دينمو ياباني قيمته 350 تراه زي الاصلي ، وفعلا ركبته وله الان سنتين زي الورد .

قولوا ماشاء الله .

وحتى لو خرب الحين كثر خيره ، اركب واحد ثاني ب350 وخل نيسان يخيس عنده
محيسن1
02/08/2009, 07:54 PM
الشكر موصول لكل من رد علي الموضوع .......................
واتمني من اخوي حسحوس ان توضح المحل اللي يوجد عنده ياباني ...........................
لان تكسرت رجولي وانا ادور مالقيت الاماليزي واللي قد جرب الماليزي يفيدنا الله يعطيكم الغافيه
مستور الحال
02/08/2009, 11:07 PM
في الخرج كهربائي مصري مشهور اسمه خالد متخصص في الاشياء الالكترونيه ويعدل ويولف ويحول من الكتروني الي عايدي موجود في الصناعيه الجديده اسئل عنه اي احد في الصناعيه ويدلك على ورشته
بس ابغى دعواتكم لي ولوالدي دعوه في ظهر الغيب فقط
الثويرات
02/08/2009, 11:15 PM
السلام عليكم ورحمه الله وبركاته
اخواني اعضاء مكشات اليوم رحت الوكاله حقت نيسان
ولقيت دينمو التعبئه حق الباترول 4500
سعره نااااار 3200ريال
هل فيه احد يولف دينمو 100 امبير وفوق


دينمو الماكسيما يركب نفس البلد بالقاعده السفليه.

لاكن الي فوق الي هي ميزانية الشد لازم تقص باليته له ماتكلفك ولا 30 ثلاثين ريال.

والدينمو خذ ياباني سعره 300 ريال

والشغله عاديه تسويها انت بنفسك مايحتاج تروح لدجالين الحراميه يحط لك بليته اي ( حديده) بطول 4سم تقريبا وياخذ منك 500ريال على ايش.

وذا انت لك جيه للقصيم ابشر تراي بالخدمه .

واذ تبي نصيحتي خذ لك من التشيلح حق بلد وهو طبعا 100 ابير كافي للسياره
محيسن1
03/08/2009, 08:40 AM
اخوي مستور الحال ........
واخوي الثويرات ......
شااااااكر ومقدر....
وجزاكم الله خير الجزاء
؟؟؟ياعيني؟؟؟
03/08/2009, 05:39 PM
السلام عليكم
الله يعطيكم العافية اخواني ................

لا اله الا الله
تقبل تقديري واحترامي
حسحوس
03/08/2009, 06:45 PM
صناعية العروبه بالرياض تدخل من المدخل الثاني من على طريق العروبه باتجاه الشرق ( مالها الا مدخلين فقط ) واذا دخلت تجيك ورشة العاصمه على اليسار امش من عندها وخل الورس على يسارك ، تنتهي الورش تجيك محلات قطع غيار من ضمنها موزع نيسان يبيع فيه هندي هذا هو المحل .
محيسن1
03/08/2009, 08:40 PM
مشكور اخوي حسحوس وبيض الله وجهك
الشلاطي
04/08/2009, 12:36 AM
اخوي الثويرات الورشه اللي بالقصيم وين مكانه
؟؟؟ياعيني؟؟؟
04/08/2009, 03:33 PM
السلام عليكم
محيسن اخوي مبسوط ارسل رقمه على الخاص وان شاء الله ان امورك منحلة



لا اله الا الله


تقبل تقديري واحترامي