محتار البرادو ام اليوكن

[فتى الحلوه]

بسم الله الرحمن الرحيم

يالربع نبي فزعتكم المشوره بين هالموترين

الأول: اليوكن 2010 الدبل القيمه 135000 بالنسبه 2009
http://www4.0zz0.com/2009/08/02/14/773845650.jpg
بصراحه الموتر شيخ منظر وقوه ومواصفات حلوه
بس اسمع ان خراباته واجد مثل القير
واخوكم راعي بر اخاف يتفكك ويصرصر
يحلف واحد من الربع انه غرز وطاح صدامه الأمامي والرجال يقول بايع بايع

الثاني: ابرادو 2010 vx2 القيمه 135000 بالنسبه 2009
http://www4.0zz0.com/2009/08/02/14/565812657.gif
http://www4.0zz0.com/2009/08/02/14/422276024.gif
http://www4.0zz0.com/2009/08/02/14/579280832.jpg
http://www4.0zz0.com/2009/08/02/14/150289671.jpg
الموتر اكبر ميزه انه تويوتا كد ومد لا خرابات ولا ورش

:D وبصراحه انا اعشق التويوتا كان معي هايلكس 99 استخدمته ثلاث سنوات زيت وفحمات وبطاريه وبس
وفي الأخير البيع بمكسب 300 ريال
عقبه شريت جيب انفنتي اسخدام امريكي :confused: ماباقي ورشه ما مريتها وقطع غيار نار:mad: بس ماباقي مكان في السعوديه ما وصله ولا عرق إلا رقاه
بس اذا خرب راح الراتب:no2:

الرجاء التصويت مع ذكر المميزات والعيوب وألف شكر مقدما لجميع أعضاء المنتدى

[NEWASSER]

السلام عليكم
انا برايي نص المال نظره اليوكن أرز واحلى وقفه
وفي البر ماهو شين بس يبي له شوي مداراه
ومثل ماتفضلت التويوتا تويوتا
استخر وتوكل على الله
ومبروك مقدما وتهريه بالعافيه

[ابوعبدالله678]

الياباني معروف بالقوة والمتانة والتحمل

الامريكي معروف بالراحة والسعه

[الرسيفر]

وش جاب هذا لهذا
يا أخوي هذا ياباني وهذا أمريكي
وخاصة إنك راعي بر عليك بالبرادو أما اليوكن سنة وهو يتفكك

هذا رأيي

[ahmad995]

توكل على الله وخذ لك برادو راحة بال بالطريق وفخامة وكد ومد ويكفي انه تويوتا
يعني شيك بمخباتك خاصة انك راعي بر

واليوكن سيارة كشخه وقوة وخطوط ولا تعيش خاصة الجديد من موديل 2007 في مشكلة بالقير

[فهدبن عبدالله]

خذلك برادو وتوكل على الله

ميزة البرادو انه يتحمل وقوي في البر وعند البيع يحافظ على سعرة

ميزة اليوكن انه فخم ومريح خاصة في السفر
ولكن لا يصلح في البر لأنه ما يتحمل مثل البرادو

[(ابو عبدالله)]

داخل المدينه والبر = البرادو

الخط == اليوكن

والله الموفق

[COBRA999]

اغلب الناس يوكن وتاهو ودينالي حتى شركات تأجير السيارات يأجرونهم وحالت تعطل القير في كم سياره وهذا شي اي وكاله تمر فيه وهي اسمها عيوب مصنعيه والله لا يعود الأفالون الي خذته من بو جميل 2007 ليمتد طافي علي وهو ماكمل 400 كلم على سرعة 100 كلم في شارع عام بغيت ادلخ بالعالم بالموت وقفته وقالو ايش ماندري يمكن ترسبات على البخاخ و واحد من الشباب عنده كامري 2008 وبالصدفه ملاقي له واحد في الوكاله نفس المشكله 2007 مواترهم تنتع ومافيه عزم التيوتا اعطيت فوق حجمها و زاد اسعاره واسعار قطع غياره وعلى ايش لا امان و لا راحه ركوب واسعار قطع خياليه .....

الله يسلم الفورد سو له صياناته ويعيش وقطع غياره الله يدوم الرخص قارن فرامل الفكتوريا وا الاكسبلورر بفرامل الكامري ماقلنا افالون عشان تشوف المغالاه صح .....

وبالنهايه القرار قرار صاحب الرغبه نفسه والله يوفق الجميع

[بنزرت]

سلام
المقارنه غير متوازيه
انت ممكن تقارن بين الجكسر او الفكسر والبرادو
اما انك تقارن بينه وبين اليوكن :confused: ... الصراحه ضلمت البرادو لوجود الفرق الهائل بين السيارتين
واذا كنت راعي بران فعليك بشاص او ربع
اما ان كنت ساعه في البر كشتات .. وساعه في الطريق فاشتري باترول وارفق عليه
سياره 100% برو وطريق .. مابعد اصنعوها للحين

[النيزك الناري]

مثل ماقالو الاخوان الياباني يتحمل والأمريكي مرييييييييييييييييييييييييييييييح والرآي لك وأنت ابخص ببرك وعمرك

[المميـز]

بما انك تقول راعي بر .. وراعي البر نوعين :

فيه من يطلع للبر ويتمشى بسعة صدر ويوصل للمكان اللي هو يبي ويفرش ويجلس :)

وفيه من يطلع للبر ويطامر وياخذ البطانيج والحفر ومايهمه اي شي وراعي صيد
وملاحق طيور <<< هذا مايبي له الا ياباني

اما النوع الأول اللي يوصل للمكان ويجلس ياخذ امريكي وهو يظحك :)

سياره مريحه وسعرها فيها وخرابتها قليله ومكينتها قويه ;)

وعليك بالاسخاره بعد الاستشاره

[ابو شقط]

ياخوي مافي مقارنة ابد بين اليوكون والبرادو ، تقارن 8 سلندر ب 6 سلندر والتقنية والراحة والسعة والفخامة والقوة ورخص قطع الغيار والثبات والرساوة في الخط في صالح اليوكون ، انت ممكن تقارن بليزر او انفوي بالبرادو ، وقارن بين اليوكون والاكسبيدشن او الارمادا او الفي اكس ار

[صقر ا لفز عة]

بــــــــــــم ا لله ا لـر حـمـن ا لـرحـيـم

تــحــيـة /
و بــعـد فــا لـتــا يـو تــا ا فــضــل .....


لـــكــــن أ ذ ا بـــــــتــــــــــشــتـر ي جـي أ م GM فــخــذ تـــا هــو TAHO ....


لأ ن كـــُــل مــصــآ نــع جـي أ م ســـكـرت :no2: أ و بــتـــســكـر:no: مـا عـد ى ا لـــشـفــر و كــد لـــك


و تـــا هــو TAHO مـــن مــصـــآ نــع ا لــــــــــشــفــر !!!

حـــتــى بــا لــمــُــســتــقــبــل تــحــصــل قــطــع غــيــا ر أ صــلــي.........



""" صقر ا لفز عة """

[ذيب صعافيق]

أشوف الربع _حسب ضروفك_يميلون لتايوتا وهو الاحسن بالنسبة لوضعك أنا معي تاهو في هالصيفيه عدم وجهه :hot:

[aka777]

ما فيه مقارنه بينهم

ظلمت البرادو يالغالي

[فتى الحلوه]

بارك الله في الجميع وألف مليون شكر لمن أبدى الرأي والنصيحه
والله اشوف الربع كن ميلهم للبرادو وهذا اللي في النفس
يقولون الأولين : المستشار أمين

وما خاب من استخار
نصلي الإستخاره ونشوف
بس ياليت احد مجرب البرادو يعطينا رأيه

[COBRA999]

نصيحه لك يالغالي اطلب تجربته من الوكاله البرادو واليوكن وثم استخير وتوكل على الله

[الهواوي 502]

نصيحه خذلك يوووووكن مريح ومركب فخم نصيحتي اخذه

[البرااااوي]

برادو

انا اعرف ناس معهم برادو وكلهم يمدحونه

[فتى الحلوه]

والله يالربع اليوم اتصل علي شركة العيسى وقال جات الموافقه متى تمر علينا

وزادت الحيره من بعض الردود اللي يعشقون اليوكن وهو والله شيخ ونظره ولا أروع

لوسمحتوا يااااااااااااااااااااااااااااااااااااااأهل اليوووووووووووووووووووووووووووكن

لوسمحتوا يااااااااااااااااااااااااااااااااااااااأهل البراااااااااااااااااااااااااااااااااااااااااااااا اااااادو

نببببببببببببببببببببببببببببببببببببببببببببي تجارببببببببببببببببببببببببببببببببببببكم

الله لالالالالالالالالالالالالالالالالالالالالالالالالا لالالالالالالالايهينككككككككككككككككككككككككككم

[فتى الحلوه]

وين اهل المكاشيت

[Abu-Hamad]

السلام عليكم ياخوي والله لو تبي تاخذ خذ تاهو ازين من هاذا وهاذا قطع غياره رخيصه و 8 سرندل ومريح وامريكي معروف با الراحه وايذا انت حق بران لا تاخذ برادو خذلك ربع او شاص والله اعلم

[النجم الطائر]

والله البرادوا 2010 ما اتوقع يكون سعره 135الف لأن شكله تغير

[مرور الكرام]

أنا مجرب السيارتين ..

كان معي برادو 2007 في أكس 2

والآن معي تاهو 2009 دبل

البرادو ما يعيبه أي شي وقيمته فيه ..

ولكن بعد ما جربت التاهو حسيت بالفرق من ناحية المركب والرزة وجمال التصمييم

والمواصفات الداخلية

بكل أمانة قيمة التاهو مقاربة ومتساوية مع مواصفاته ..

البرادو قيمته أغلى من مواصفاته ..

وإذا طلبت أيهم أرشح لك ..

راح أقولك وبكل ثقة خذ اليوكون وتوكل على الله ..

ويمشي معاك بالبر إن شاء الله زي الحلاوة بس طبعاً ليس مطامر وتكسير..

فك اللحية الأمامية وتوكل على الله ( مكتوب بدليل المالك ضرورة فك اللحية أثناء الدخول إلى المناطق الغير معبدة وفكها سهل وسريع والهدف هو الحصول على خلوص أرضي أعلى )

وبالتوفيق للجميع

أخوك / ابو عبدالله

[اسد حزين]

اخي انا كنت مثلك محتار جدا بين البرادو والتاهو واليويكن وفي النهايه توكلت على واخذت يويكن ولكن نصيحه استخر واشترالسياره الي اساسا نفسك فيها بغض النظر عن كلام هذا وكلام هذاك لانك بتتعب صدقني ومراح تحصلب نتيجه مرضيه ودوخ وتصدع راسك واذا شريت خلاص بتفك عمرك من التفكير واذا شريت ان شاء الله والله يعطيك خيرها ويكفيك شرها مقدما لاتقول يالتني شريت كذا خلاص انس الموضوع

[دحيم الاول]

اخوي انت تبي رزه مع مطامر بالبراان

تبي رزه خذ يوكن و الله انه ابو الرزه و عاد اذا حطيت له برقع من قدام <<< يلمح لموتره

اما البرادو فأكيد زين لك وش تبي تنقل فيه بالبر هل راح تنقل مثلا شعير او حطب

بصرراحه انت ما عرفنا وش قصدك راعي بر ...... يعني راعي صيد ولا راعي حلال

كلنا نحب البر و التطعيس

[الرحال96]

نصيحة مجرب برادو وبس

طبعا سيارتي برادو 2008 vx2

ما شاء الله ذيب في البر و السفر و الديرة

بس أنا قير عادي 6 سرعات

[ها وي الطير]

السلام عليكم
ياخوي برادو زين للي يبي يكشت والديره واليوكن رعي السفريات ميبيلها حل
اذا كنت تقصد البر معروف انه البرادو
تحياتي لك