السلام عليكم ( معي سوبر سفاري ) 2005 غسلته بستم وماعاد اشتغل ؟؟؟

[السعودي2]

http://www.samysoft.net/forumim/slambasmla/sdfsdfsdf.gif


أسعد الله أيامكم بكل خير وبركة


اولاً : أشكر الإدارة والمشرفين واعضاء هذا الصرح المميز ولي الشرف بالإنضمام إلى هذي الكوكبة المميزة



http://www.samysoft.net/forumim/fwasel/3/109s.gif



ثانياً : عندي مشكلة في سيارتي وأرجوا المساعدة ممن كان عنده خبره أو سمع بها وفقكم الله


يا أخوان سيارتي سوبر سفاري 2005
غسلتها بستم وبعدين راعي المغسلة غسل المكينة بالمويه
طلع لي ألف مشكلة
السيارة قامت تنتع ( تطفي وتشتغل )
وكذلك تولع جميع أنوار الطابلون مثل ( لمبة الزيت - لمبة البريك (الجلنط) - لمبة التشييك)
المهم طفيت السيارة ونفخت جميع الفيوزات والكويلات والكتاوت
وفصلت البطاية
شغلت أشتغلت السيارة
سافرت عند اليوم الثاني عصراً السيارة ما تقبل الخامس إذا قبل الخامس ينتع ويرجع في الرابع ولازم أكون دايس على البنزين على الأخر
بعد صلاة المغرب لمبة اللي في الطابلون حقة الريموت تشر ( شغالة ) بالعادة إذا أشتغلت السيارة اللمبة هذي ماتشتغل
المهم وقفت أبي اصلي المغرب والعشاء الساعة 9 م
وباقي على الرياض 150 كليو متر تقريباً
جيت أشغل السيارة ماتشتغل تلعلع فقط ولا تشتغل
شليت السيارة إلى الرياض لفحص الكمبيوتر ما لقيت من يفحصها يقولون لازم السيارة تكون شغالة
السيارة ما رضت تشتغل
الكهربائي قال لازم إعادة برمجة المفتاح لأن اللمبة اللي في الطلبونمن فوق تشر والسويك شغال
لقيتلي سعودي مبرمج للمفاتيح ورحنا وبرمج المفتاح وقال المشكلة ماهي من البرمجة


الحل ياجماعة دلوني عليه جزاكم الله خير


ملاحظة :
1- تم تغيير البواجي
2- تم تغيير طرمبة البنزين
3- تم تغيير الصفاية
4- تم تغيير فلتر الهواء
5- تم تغيير الفيوز أو ما يسمى الكويل الأزرق اللي مجمع الفيوزات


أسف على الإطالة



http://www.samysoft.net/forumim/nehaya/56527858.gif

[ابولولو]

اخوي السعودي 2احب ارحبك اول واحد وان شاالله الاعضاء الخبراء يفدونك لان الموقع حق فزعات والله يكون بعونك ويزبط

[السعودي2]

اخوي السعودي 2احب ارحبك اول واحد وان شاالله الاعضاء الخبراء يفدونك لان الموقع حق فزعات والله يكون بعونك ويزبط


http://www.samysoft.net/forumim/shokrmror/1/ouipuiopui.gif


وفيك وفي بقية الأعضاء الخير والبركة

[ابوعبدالله678]

اقتراحي لك انك تروح الوكاله

والله يعينك

[العفّار]

من الواضح ان الموتر تعرض للخبطة بالبرمجة ( خصوصا ان هالسيارات حساسات جدا )

اعتقد ان موترك الحين يبي تغيير كتاوت وبعدها لازم تعيد برمجتة !


الكتاوت بدل ماتغيرها خذ كتاوت مروحة المكيف وهي ( الموجودة بالوسط ) وحطها مكان كتاوت طرمبة البنزين الموجودة ( بالاعلى يمين ) .


لان الباترول بشكل عام دايم تتعطل كتاوت البنزين فيه


وفقك الله

[ahmad995]

الله يعينك في مصيبتك
مثل ما قالو الشباب قبلي الباترول مشاكله دايم بالكتاوت

بس تكفى اول ما ينضبط موترك ان شاء الله وده للحراج واشتر سيارة صدزية ( تويوتا )

[ال معلى]

اخوي عليك بالوكاله او انتظر احد يفيدك

[بيطري]

السلام عليكم

الله يعينك أخوي لكن من الواضح أن الأمر بسيط جداً ممكن يكون سلك من ضغط الماء إنفصال أو الدينمو تعرض
لمس أو تعطل كل شيء وارد.
لكن الأفضل أخي تتفقد السيارة إقصد المكينه كل الحساسات واللي مشبوك تفصله ثم تشبكه زين والله ولي التوفيق وإذا
أنت بالرياض أرسل رقم جوالك على الخاص لكن لست بمكانيكي أو كهربائي لكن كثيراً ما اتعرض لمثل المواقف هذه

[شحبار]

السلام عليكم
آخر الكي النار مالك الا الوكاله ولا يلعبون بالسياره تبدل كل شي وبالاخير مالك الا الوكاله
ونصيحه يا اخوان الي سياراتهم جديده لايغسل المكينه بالماء :no2: يكفي نفخها بالهواء

[سوبر VTC]

هلا اخوي

و الحمدلله على السلامه

التويوتا اذا كان السيكيوريتي خربان => تاشر اللمبه

بعكس النيسان => فالنيسان ماتشر اللمبه

اذا كانت لمبه السيكيوريتي والعه عند فتح السويتش

فالمشكله ان السيكيوريتي ماتجيه معلومه يعني فيه كهرب ناقص او ضعيف

او ان المفتاح يحتاج اعاده برمجه

اذا كانت الطرمبه ماله صوت عند فتح السويتش فالطرمبه ما يجيه كهرب

اضرب الديكور اللي يسار الدركسون مكان الكتاوتات عشان تشتغل الطرمبه

او اضرب نفس الكتاوت بمفك على خفيف اقنع راسه

هذه الحركه اذا كانت الطرمبه ما تشتغل





اهم نقطه

شف عندك اسلاك طالع من فوق ماصورة البخاخات تبع البخاخات و تلف يمين ناحيه

جهة السواق يعني بين المكينه و صدر الغمارة من جهة السواق

هذه الاسلاك تنتهي بفيشين فكهن و نظفهن من الماء بالهوا و ان شاء الله يشتغل


على فكره

موتر احد الربع تويوتا عيا يشتغل الموتر نهائيا

حصل المشكله من احد الفيوزات حقت المكينه قاطع غير الفيوز و اشتغل الموتر

تاكد من فيوزات المكينه و ايضا فيوزات الغماره خصوصا فيوز السويتش

بس لاعرف مكانه

موفق و يعينك الله

[بواسامه]

هلا اخوي




و الحمدلله على السلامه


التويوتا اذا كان السيكيوريتي خربان => تاشر اللمبه


بعكس النيسان => فالنيسان ماتسر اللمبه


اذا كانت لمبه السيكيوريتي والعه عند فتح السويتش


فالمشكله ان السيكيوريتي ماتجيه معلومه يعني فيه كهرب ناقص او ضعيف


او ان المفتاح يحتاج اعاده برمجه


اذا كانت الطرمبه ماله صوت عند فتح السويتش فالطرمبه ما يجيه كهرب


اضرب الديكور اللي يسار الدركسون مكان الكتاوتات عشان تشتغل الطرمبه


او اضرب نفس الكتاوت بمفك على خفيف اقنع راسه


اذا كانت الطرمبه شغاله






اهم نقطه


شف عندك اسلاك طالع من فوق ماصورة البخاخات تبع البخاخات و تلف يمين ناحيه


جهة السواق يعني بين المكينه و صدر الغمارة من جهة السواق


هذه الاسلاك تنتهي بفيشين فكهن و نظفهن من الماء بالهوا و ان شاء الله يشتغل



موفق و يعينك الله





عيني عليك بادره
الله يبارك فيك ياسوبر فتك
جعلك تسلم وماتقصر بخبرتك على احد:good:
جزاك الله خير

ونصيحتي لكل صاحب فتك لاتغسل المكينه ابدا ابدا
سواء بستم ولا محلات التلميع
لا يقربون المكينه ابد
لانها حساساتها واجدهه وعلى اسمها
عموما الله يصلح امرك ياراعي الموتر

[أبوهادي]

جرب فصل البطارية لمدة خمس دقايق ثم اشبكها مرة ثانية

واذا استمرت المشكلة شيك على الفيوزات واحد واحد

[سبع الصحراء]

ثانياً : عندي مشكلة في سيارتي وأرجوا المساعدة ممن كان عنده خبره أو سمع بها وفقكم الله


يا أخوان سيارتي سوبر سفاري 2005
غسلتها بستم وبعدين راعي المغسلة غسل المكينة بالمويه
طلع لي ألف مشكلة
السيارة قامت تنتع ( تطفي وتشتغل )
وكذلك تولع جميع أنوار الطابلون مثل ( لمبة الزيت - لمبة البريك (الجلنط) - لمبة التشييك)
المهم طفيت السيارة ونفخت جميع الفيوزات والكويلات والكتاوت
وفصلت البطاية
شغلت أشتغلت السيارة
سافرت عند اليوم الثاني عصراً السيارة ما تقبل الخامس إذا قبل الخامس ينتع ويرجع في الرابع ولازم أكون دايس على البنزين على الأخر
بعد صلاة المغرب لمبة اللي في الطابلون حقة الريموت تشر ( شغالة ) بالعادة إذا أشتغلت السيارة اللمبة هذي ماتشتغل
المهم وقفت أبي اصلي المغرب والعشاء الساعة 9 م
وباقي على الرياض 150 كليو متر تقريباً
جيت أشغل السيارة ماتشتغل تلعلع فقط ولا تشتغل
شليت السيارة إلى الرياض لفحص الكمبيوتر ما لقيت من يفحصها يقولون لازم السيارة تكون شغالة
السيارة ما رضت تشتغل
الكهربائي قال لازم إعادة برمجة المفتاح لأن اللمبة اللي في الطلبونمن فوق تشر والسويك شغال
لقيتلي سعودي مبرمج للمفاتيح ورحنا وبرمج المفتاح وقال المشكلة ماهي من البرمجة


الحل ياجماعة دلوني عليه جزاكم الله خير


ملاحظة :
1- تم تغيير البواجي
2- تم تغيير طرمبة البنزين
3- تم تغيير الصفاية
4- تم تغيير فلتر الهواء
5- تم تغيير الفيوز أو ما يسمى الكويل الأزرق اللي مجمع الفيوزات


أسف على الإطالة






أخوي

بالنسبة للأنوار اللي ولعت عندك بالطبلون إذا كانت تأشر بأستمرار معناتها الدنموا عندك ما يشحن بالشكل المطلوب ويبيلك إما تغييرة أو أنك تغير الفحمات والبوبينه ( تغييرة أفضل من تغيير الفحمات والبوبينه )

شيك على القطع الإلكترونية فيه علبة فيوزات يمين المكينه أنفخها بالهواء وشيك على جميع الفيوزات اللي فيها

حاول تنظيف حساس الفلتر يجي في لي الفلتر اللي رايح من القربة للمكينه بالنص تلقى فيش حاول تفصلة برفق
ونظف الحساس من الداخل بقطعه قماش نظيفه وبرفق ايضا وأنتبه ترش علية اي نوع من انواع النظفات لأنه حساس جداً يكفيه التمسيح بقماش مبلول بالماء شي بسيط

حاول تفصل البطارية لمدة 15 دقيقة بعدها إشبكها عشان برمجه الكمبيوتر

المشكله عندك كهربائية بسبب غسيل المكينه مع العلم بأني اغسل مكينة السيارة من وقت إلى اخر ما واجهت مشاكل ولله الحمد

بتابع موضوعك وإنشاء الله تنحل مشكلتك

وبسأل لك أيضاً بعض الاخوان يمكن لديهم حل ..

[COBRA999]

كيفكم يا لربع ؟؟؟

احب انبه من ناحية غسيل محرك السياره غير أمن واذا سلمت مره ماتامن الثانيه اذا حاب تنظف المحرك عندك خيارين يا نفخ هواء او بخار ....

والله يوفق الجميع

[السعودي2]

http://www.samysoft.net/forumim/shokrmror/1/7575757.jpg

[Magellan]

السلام عليكم
إذا ودك تسمع شوري قبل ماتسوي شيء إضافي وقبل ماتصلح الأشياء اللي ذكروها الأعضاء وتدخل في معمعة الإصلاحات والخسائر المادية راح أقترح عليك حاجة مهمة:

التأكد من عمل كمبيوتر السيارة

لأنه من الواضح أن بعد عملية الغسيل من وجهة نظري المتواضعه إنه حصل مشكلة في كمبيوتر السيارة أدى إلى هذا الخلل اللي تشوفه وتشغيل المنبهات في الطبلون ،لأنه من غير المنطقي إنك تغير كل المذكور بالأعلى وتكتشف بالنهائية أنك خسرت مايقارب 10 الآف ريال ولم تتوصل لنتيجة مقنعه...
طبعا قد تتسائل وتقول لو الكمبيوتر خربان ما أشتغلت السيارة،أنا أقول كلامك صحيح ،لكن هناك إحتمالية لحرق بعض الأي سيات(IC) وليس كلها فبالتالي تشتغل ولكن بالعلعة...
ولاتنسى التأكد من الفيوزات قبل فممكن يكون كذلك منها الخلل

[السعودي2]

أشكر الجميع على شعوركم الطبية والأخوية

والفزعة والشهامة ماهي غريبة على منتديات كشات وأعضائها

اليوم توكلت على الله ودخلت السيارة في الوكالة في الرياض اللي عند شركة الجميع ولقيت الكهربائي سوداني اسمه عبدالرحمن وشرحتله الوضع وقال خل السيارة وإن شاء الله تتسهل الامور

وإنا بدورنا نقول يالله تسهيل أمرك

وأكرر شكري لجميع الأعضاء والإدارة والمشرفين

[القناص]

أحسن ما سويت

والله ان الروحه للوكالة توفر عليك شي واجد من تخبط و بربسة الورش

خصوصا ورش ابوريالين الي مسوين أنفسهم يصلحون كل شي..

إن شاء الله بتنحل مشكلتك وإن ظييقوا صدرك لا قدر الله عليك بهاتفهم المجاني ترى إدارتهم الجديدة ممتازه..

هاتف نيسان المجاني: للشكاوي 8002445555

[ابوريما99]

ليتني لحقت عليك قبل ماتدخل السيارة
وقلت لك شيك على اسلاك الكويلات والكويلات

بس يالله الله يعينك
وحطها في بالك

لأني توي مجربها الاسبوع اللي فات

[ساري 111]

مأجور اخوي ان شاء الله

الباترول لم يتبقى من امجاده سوى الشاصي والدفرنسات اما الباقي من قير ومكينه .. الخ شكله تصنع بالصين

هل يعقل كل المشاكل والبلاوي تظهر بسياره تصنع باليابان ؟؟؟ عااار والله

[المميـز]

المفروووض قبل ماتغسل السيارة تغطي الديلكو بشي

وأعتقد ان اللي ملخبط عليك الدنيا هو الديلكو والله أعلم

بإنتظار رأي الوكاله ... لاتنسانا :)

[سوبر VTC]

الله يعينك و ييسر امرك على هالوكاله الحراميه :mad:

طيب موترك كم ماشي ؟

موفق

[سوبر VTC]

أحسن ما سويت

والله ان الروحه للوكالة توفر عليك شي واجد من تخبط و بربسة الورش

خصوصا ورش ابوريالين الي مسوين أنفسهم يصلحون كل شي..

إن شاء الله بتنحل مشكلتك وإن ظييقوا صدرك لا قدر الله عليك بهاتفهم المجاني ترى إدارتهم الجديدة ممتازه..

هاتف نيسان المجاني: للشكاوي 8002445555



ماتدري و ين الخيره

لكن انا صعبه ادخل موتري على الوكالة قمه النصب

كذا مره يقولون حساس الهوا حق اللهاة خربان ب1600

و مره يقولون اللهاة كامله مع حساساته خربانه ب3600 :mad::mad:

واحد من الربع كهربائي دخل على الصيانه من جوا الورشه

لقى العمال يفكون من سيارة و يركبون بسيارة اخرى :mad:

و ما خفي اعظم

[حرنابك]

انا اقول رححح للوكالة والله يعينكhttp://www.samysoft.net/forumim/slambasmla/sdfsdfsdf.gif

[؟؟؟ياعيني؟؟؟]

السلام عليكم
الله يعينك اخوي وادعوا الله ان موتره يضبط .............

لا اله الا الله


تقبل تقديري واحترامي

[كساب الطيب]

اهم نقطه شف عندك اسلاك طالع من فوق ماصورة البخاخات تبع البخاخات و تلف يمين ناحيه جهة السواق يعني بين المكينه و صدر الغمارة من جهة السواق هذه الاسلاك تنتهي بفيشين فكهن و نظفهن من الماء بالهواء


هذا العلم بارك الله اخوي فيك

اعرف ناس حصلت معهم هالمشكله واحد بفورد واحد بجيب تويوتا وحصلم المشكله بالفيش فيه باقي ماء

[لعّاب المنايا]

انا أشهد إن مكشات فيه رجال بيض الله وجيههم وماتشوف شر ياراعي السياره

[بدران123]

اذا انه له وقت ماشتغل لازم تعرضه واذا امكنك تصبر تراه يخر ويشتغل...


لكن زين ماتسوي والله يعينك..


بدران

[السعودي2]

السلام عليكم ورحمة الله وبركاته

أسعد الله أيامكم بكل خير وسعادة

أولاً : اسأل الله لي ولكم التوفيق فأنتم نعم الرجال ونعم الأعضاء والحمدلله الذي من الله علي بالإنضمام لهؤلاء الرجال

ثانياً : الحمدلله السيارة اشتغلت

المشكلة
( المفتاح خربان يقولون فيه شريحة عطلانه )
تم قص مفتاح جديد وإعادة برمجة للسيارة وعند البرمجة قال عندك الفيوزات أو مايسمى بالكويلات ( اللي في الطابلون عند رجل السايق اليسار ) بأنها قديمة ومع البرمجة ياليت تغيرها قلت ماعندك مشكلة أهم شي تشتغل السيارة والحمد لله على توفيق .

[السعودي2]

سافرت عند اليوم الثاني عصراً السيارة ما تقبل الخامس إذا قبل الخامس ينتع ويرجع في الرابع ولازم أكون دايس على البنزين على الأخر




أما بالنسبة للتنتيع حصلته من حساس الهواء