المساعد الشخصي الرقمي

مشاهدة النسخة كاملة : مشكلتي مع الكلبريتر<<عاجل>>


عاشق البسمه
26/07/2004, 04:39 PM
السلام عليكم ورحمة الله وبركاته
في البداية احيي هذه الوجوة الطيبة....

لاأطول عليكم. . . .
عندي باترول 96كلبريتر أول مابدأت المشكلة كنت اذا دعست بنزيم تسمع صوت فقع
ووديته لورشه معروفة وقال لي يحتاج تنظيف كلبريتر ونظفه ...طلع الموتر تمام وما تم يوم
الا وبدا الموتر يطفا . . . رجعت لخوينا وبعد مافحصه قال مالك الا كلبريتر جديد!!

السؤال وش رايكم اركب غير الأول او انكم تدلوني على راعي ورشه ...بحيث اني ماأدور غيره

الرجاء الرد عاجلا لاني بوجه سفر بإذن الله
تحياتي :cool:
عاشق البسمه
26/07/2004, 07:54 PM
ولا. . . . !!!:eek:
اعقاب
26/07/2004, 10:22 PM
وعليكم السلام ورحمة الله وبركاته

ركب جديد ورتاح
الفحل 2003
28/07/2004, 12:02 AM
الاخ عاشق البسمه
السلام عليكم ورحمه الله وبركاته

عندي لك مهندس ما فيه مثله بالرياض واسمه ( امير ) وهو باكستاني وتلقاه في صناعية أم الحمام بالرياض ووصف الورشة اذا كنت جاي من طريق العروبة ومتجه غرب ، واذا تعديت اشارة اليورمارشية وانت متجه غرب تجيك اشارة الحرس الوطني أو اشارة شارع المعذر الشرقي بعدين لف يسار وتجيك تقاطع واشارة حقت جامع الملك خالد على اليمين انت رح سيده ( على طول ) وامسك طريق الخدمة ، تجيك الصناعية على اليمين ، ادخل مع اخر مدخل للصناعية وانت متجه للغرب تجيك على اليمين ورشه تفتح غرب اسمها ورشه المحيذيف وجنبها ورشة اسمها ورشة النصار هالورشتين تلقى الباكستاني ( امير ) وتراه المعلم حقهم ، المهم خله ينظفه ويظبطه لك وتراه رخيص وشغله زين بس عليه زحمه ، والله يعينك على الزحمه ، يالله كود تدخل موترك صبح الخميس أو صبح أي يوم في الاسبوع .

وانا اسف للاطاله بس الزين زين .
وسلامتكم

اخوكم
الفحل
2003
Khalid AlGhamdi
29/07/2004, 03:12 PM
وعليكم السلام ورحمة الله وبركاته

حياك الله ياعاشق البسمه ، والله الحل مثل ماقال عقاب ركب جديد وارتح

والله عندي خوي دايم اطلع انا وياه للبر وموتره باترول ماخلى ورشى في الصناعية وكل ماقالوا فيه ذاك المياكنيكي اللي مايخرش الميه :D ينطلق يمه

اظن مافيه احد بالصناعية مافك ذاك الكلبريتر

واخرتها ركب له واحد جديد ومن يومها الا يومك وهو ماشاء الله مرتاح :good:

لذلك اختصر على نفسك الطريق وركب جديد وريح نفسك
عباث
01/08/2004, 02:26 AM
السلام عليكم ورحمة الله وبركاته
ركب كلبليتر جديد بس حق سدرك لان اعطاله قليله اما الباترول بتركب جديد ويخرب بعد فتره قصيره
المهم الميكانيكي يعرف يركبه لان الاسلاك تختلف شوي
وانا عمموما مجرب التجربه هذي وانجحت معي

تحياتي لك
عاشق البسمه
14/08/2004, 11:00 AM
33CC99
واوجه سؤال لــ عباث

ســـــــ هل يظبط كربريتر السدرك على الباترول((يعني فيه أحد جربه))


تحياتي:)