هل هذا صحي ام لا

[ابوفزعه]

السلام عليكم ورحمة الله وبركاته



اخواني مشرفي واعضاء مكشات



وش رايكم في بعض الاكلات الشعبيه مثل : 1 المندي 2 الحنيذ 3 المظبي

هل هي صحيه او لا وهل لها مساوء


ولو سمحتوا كل واحد يعطيني رايه وش الاكله اللي يراها صحيه

[الرهاوي]

الأكله اللي اراها صحيه هاللي واقفه على الخشبه يابو فزعه.


ولك التحيه.

[علوم رجال]

والله يا اخوي الاطباء يحذرون من الاكثار من اكل المندي ،، يمكن المظبي اخف اشوي ،،،
واشوف ان المشوي هو اصح اكل وانظف اكل

[ابوفزعه]

بس اخوي الحنيذ ذكر بالقران


فهلا اخبرني من لديه علم بفوائد الحنيذ

[الربذي]

بسم الله الرحمن الرحيم
السلام عليكم ورحمة الله وبركاته طابت اوقاتكم بكل خير
اخوي ابو فزعة
تشكر على هالموضوع بصراحة انا كل شي مذكور(( بالقران الكريم ))
من البقوليات او الفواكة من الطيبات اقصد احاول الاكثار منها حتى وان كنت (لااستسيغ طعمها ) احاول الاكثار منها بشتى الطرق لانها لم تذكر عبثا
وبالنسبة للحنيذ تصدق اخوي اني قرات لاحد الدكاترة السعوديين يحذر من المظبي ويقول انة وجد على الاحجار او الحصى الذى يوضع علية الحم مواد والعياذ بالله مسرطنة وقرات لاكثر من د/يحذر من تصاعد الدخان ومعاودة الشوي على الحجر مرات كثير لان كما هو معلوم بان المطاعم التى تعمل مظبي وحنيذ تستعما الحجر مئات المرات لكن طعم مهبول
:confused: :mad:

[راع الاولة]

السلام ياشباب

انا انصحك تبعد عن اكل المطاعم قدر الامكان مندى والا غيرة
الواحد لاراح السوق يفرة مرتين والا ثلاث عشان يحصل ذبيحة نظيفة مافيها امراض والا هزيلة . فى رايك راع المندى ابيدور مثلك اكيد انة بيدور الرخيصة وبس والنظافة يفتح الله .
والبلا ان كان لحم حاشى اكيد بيكون مصدوم والا مرضان.والله اني شفت مرة حاشى بالمصلخ مايقدر يرفع رقبتة انها طايحه بالارض ويبون يذبحونة لا وراعية الى مشتريه جزار قلت للدكتور (البيطرى) حق المصلخ كيف ابتذبحون هذا وهو مريض كذا قالى ( لما نفتحو نبا نشوف) الضاهر انه مضبطة الجزار .

[العودالازرق]

افضل واحسن واصح اكله انك تصلحها بنفسك (مندي او غيره) وسلامتكم.

[nooh79]

السلام عليكم ورحمة الله وبركاته
كل شىء بها الدنيا اذا زاد عن حده صار ضده.
كثرة أكل اللحوم يؤدي الى الأصابة بأمراض نسأل الله العافيه للجميع
1- مرض ارتفاع الكليسترول بالدم.
2- " زيادة الاملاح في البول.
3- " ارتفاع ضغط الدم.
4- مرض البدانه.
5- مرض العظام.

[ابوفزعه]

حياك الله


وانا اخوك ماقلنا زود اكل اللحم قلنا الطبخه صحيه او لا

على العموم مشكور على الرد

[ابودنان]

ابو فزعة ...حياك الله
كل من كل شي .. من كل نوع .. من كل صنف ...
مهوب اللي ذكرت بس .. وغيرهن
بس كل بعقلك ... مهوب بسنونك . :D
===============
يعني بتقنين .
شكرا .

[(محمد العبري)]

أخوي ابو فزعة
كثير من الأطباء ينصحون بعدم الإكثار من الأطعمة المشويه على الفحم ((المندي ، المضبي ، الحنيذ ، المشوي العادي ))
يقولون الدكاتره إن الإكثار منه(( قد ؟؟! )) يسبب السرطان ((كفانا الله شره والغالي علينا )) ويعتقد الأطباء ان السبب الرئيس الي يسبب السرطان هو تشبع الطعام المشوي بثاني أكسيد الكربون وغازات أخر مادري وشي
عموماً كل شيء يكثر منه يكون له مضار لكن التنويع والحرص على الفواكه والخضروات وخص البقوليات ((خس جرجير بقدونس كراث كزبره )) هذي مفيده جداً للجهاز الهضمي
هذي المعلومات الي عندي

[ابوفزعه]

ابودنان

حياك الله ومشكور على مرورك وخفة دمك :D

النقى

مشكور على المعلومات القيمه ويعطيك العافيه

[ذيب الجبال]

ابو فزعه مساك الله بالخير
اسمع حبيبي سم الله وكل وبعدين المشي المشي المشي يحرق الغذاء والله لو تاكل بعير وتمشي نضبط امورك,,,,
ونصيحه عليكم بالتمر ولبن الغنم او الابل وفائده التمر غنيه عن التعريف واذكر قصه يقول لك فيه ناس يشتغلون بارامكو(على مااعتقد)وطلعوا للعمل (طبعا عملهم خارجي) وارسلت لهم فطورهم يوم كلوا تسمموا كلهم وطاحوا مريضين ويالله يالله يمكنون المستشفى الوكاد حديهم ماجاه شي (ماتسمم) سأله الدكتور قال كليت معهم قال ايه واستغرب الدكتور ان ماجاه شي سأله وش كليت بعده قال تمر))))) سبحان الله
لاتواخذونا طولنا عليكم
آخر دعوانا ان الحمد لله

[ابوفزعه]

يعطيك العافيه ياذيب الجبال على المعلومات الحلوه