المساعد الشخصي الرقمي

مشاهدة النسخة كاملة : اسأل الله العلي العظيم ان يرزق من يساعدني بالمشوره


حسين2006
04/08/2009, 05:40 AM
السلام عليكم ورحمة الله وبركاته
.
اخواني الاعزاء
.
اسأل الله العلي العظيم رب العرش العظيم ان يرزق من يشور علي من حيث لايحتسب وان يدخله الجنة ويصلح له شانه ويبارك له بماله....
.
ياخوان
.
بصراحه احترت في السيارة المناسبة لوضعي
.
اريد شراء سيارة لايتعدى سعرها 40 الف ريال
تكون السيارة دفع رباعي اربعة ابواب علماً بان طلعات البر عندي قليله يعني بالاسبوع مره واحده وبصراحه احترت ..... بين الباث فندر ...... الباترول ....... الاكسبديشن .....
.
ارجوكم شوروا علي بالمشوره المناسبة لوضعي ..........
.
وفق الله الجميع
.
والسلام عليكم
العريني1
04/08/2009, 05:47 AM
انصحك ويناسبك الباترول ..1999 -sgle 2000
بحدود هالسعر تحصل بس احرص على النظيف..
ايتعد عن الباثفندر كثير الاعطال
الله يوفقك ويرزقك
أبوحمد 505
04/08/2009, 05:52 AM
الله يرزقك بالي فية خير لك ويوفقك بالسيارة اللي تطيب خاطرك

من ناحيتي غير الباترول لاتدور بتلقى بفلوسك واحد نظيف بالحيل والباترول عزم وخفة
لو لقيت مديل 98 أو 99 نظيف خذة

وهذي أولا وأخيرا وجهات نظر
راعي المجهم
04/08/2009, 06:04 AM
إذا تبي تشتري أمريكي

عليك باليوكن 99 أو 2000 النظييييييييييف وماسك سعره

وراحة وقوة وفخامة أفضل لك من الفورد ومشاكله وعطاله ودوخ الر أس

النيسان صراحة مايحتاااااج بس غير مريح في الخط ويشرب بنزين شرب الويل
المميـز
04/08/2009, 06:12 AM
لو قلت تبي تاخذ باترول 40 الف تجيب لك موديل 98 ومن النادر تلقى النظيف
وعمر السياره تجاوز 11 سنه وقطعت ألاف الكيلومترات

ان قلت باثفندر الـ 40 الف حدها 2002 ويمكن الحصول على النظيف

وان قلت الاكسبدشن <<< بصراحه ما ادري عن اسعاره :confused:

وأرشح لك الاكسبلورر موديل 2004 استخدام يكون نظيف وعليه ضمان
وسعره بحدود الـ 40 الف

او تريل بليزر موديل 2004 ولكن ارشح الاكسبلورر على التريل بليزر

وعندنا في المدينه الآن معرض الجربوع مسوي عرض على السيارات الامريكيه
ضمان خمس سنوات او 100 الف كيلو متر

وعليك
بالاستخاره بعد الاستشاره

والله يكتب لك اللي فيه الخير والله ييسر اموووورك
ابو جوري 1
04/08/2009, 06:16 AM
جزاك الله خير

اولا انا اشوف انه على حسب عدد العائلة الي معاك
ثانيا اللي اشوف انك بتاخذ باترول موديل 99 والا دون حرام و حنا الحين على 2010 لأنه مستقبا لو تبي تبيع ما بيجيب لك شي و انت عارف الاسعار كيف
من وجهة نظري الباثفاندر افضل على القيمه اللي عندك تحصل 2003 او 2002 افضل لك مستقبلاً
الفورد بالنسبة لي لا و الف لا

و جهة نظر
حسين2006
04/08/2009, 07:10 AM
رحم الله والديكم
.
واسأل الله العظيم لكم التوفيق على هذه النصائح والتي سعدت بها واستفدت من استشارتكم وانتظر باقي الاخوان
جهام القصيم
04/08/2009, 07:20 AM
وعليكم السلام خل عنك المجموعة التي في الاعلى او خذ لك برادو أفضل الموجود تلقى في هالقيمة 2001 او 2002 نظيف او كد او مد0 وفق الله الجميع ملاحظة لو حطيت مع المجموعة برادو اتوقع التوصيات سوف يكون للبرادو0 مع ملاحظة ان سيارتي باترول
كساب الطيب
04/08/2009, 07:24 AM
ابي اعطيك علم اخوي
الباترول يشرب بنزين وخص من98 الى2000

الباث كلام اللي جربوه يشرب بنزين

ولاكسبديشن مالي علم به
؟؟؟ياعيني؟؟؟
04/08/2009, 07:41 AM
السلام عليكم
الصراحه ياخوي حسين الباترول 99 الصراحه ماينبغى بريال ثقيل وقديم واذا جيت بتبيع ماجاب شي هذا اولا . وثانيا الباثفيندرحلو خفيف على العرق بس قطع الغيارغالي مرة ..وثالثا الاكسبدشنحلو وخفيف على العرق وانا مجرب لكن انا اقول اذا انت بتتحمل غلا قطع الباث فهذا احسن .....
لا تنسى الاستخارة .....الله يدلك على اللي فيه خير لك


لا اله الا الله


تقبل تقديري واحترامي
أبا مجاهد
04/08/2009, 07:49 AM
الخيار الاولالباترول 2000-2001
او الجمس اليوكن 2002-2001 الدبل (اوسع من الباترول وعزم اقوى) وطبعا افضل من الفورد

وجهة نظر ونسأل الله لك التوفيق
ابرق نثيل
04/08/2009, 07:59 AM
من وجهة نظري ليش ماتاجل موضوع الموتر في الوقت الحاظر لان خيارات 40 الف ماهيب طيبيه

وتفكر في فورنتشر تايوتا بدون دفع رباعي ماهو غالي 69 تقريباً

اقتراحي انك تنتظر لين يصير معك 60 او 70

وتاخذ الـ،فورنتشر موديل 2008 بدون دفع رباعي و 4 سلندر بما انك مانت راعي بر
سوبر VTC
04/08/2009, 09:08 AM
و عليكم السلام و رحمة الله

ان بغيت اخوي حسين2006

اشير عليك تاخذ باترول صالون م95 او 96 او 97 قير عادي مكيفين مكينه بخاخ

داخلي بيج اللون عشبي او اخضر بفضي :good: :good:

او لون بحري بفضي

موتر راسي و كد و مد و زبونه والم عند البيع و طلابته واجد

طبعا هالمواتر على حسب النظافه النظيف ياصل 48

اذا كان داخليه رصاصي او ازرق يمكن يبدا سعره ب33الف

عليك بالاستخارة بعد الاستشاره

موفق
رحال7
04/08/2009, 09:42 AM
انصحك تدور على برادو 6 سلندر نظيف قدر المستطاع حتى ولو زودت القيمه شوى...هذا ان شاء الله الحل الافضل لك

او كما ذكر الاخ سابقا خذ فورتشنر جديد طبعا 4 سلندر موتر ضعيف لكن الجديد بيخدمك على الاسفلت مع العنايه اعوام واعوام واعوام

ابعد عن الفورد والامريكى بشكل عام رغم ان املك امريكى

وهذا والله اعلم

اذا وجدت طلبك اطلب مهله يوم او يومين واستخر! هذا مهم جدا
escape_man
04/08/2009, 10:16 AM
وعليكم السلام خل عنك المجموعة التي في الاعلى او خذ لك برادو أفضل الموجود تلقى في هالقيمة 2001 او 2002 نظيف او كد او مد0 وفق الله الجميع ملاحظة لو حطيت مع المجموعة برادو اتوقع التوصيات سوف يكون للبرادو0 مع ملاحظة ان سيارتي باترول


كلام سليم واعجبني هالرأي وحبيت اني أأكد عليه
سيد النشاما..
04/08/2009, 10:32 AM
أن بغيت رأيي

أنا عن نفسي
ماراح أشتري موتر ألا إذا كان فيه ؟؟
1-المنظر ( الكشخة )
2-العزم
3-التحمل

4-قطع الغيار ( رخيصة )
5-أسعار البيع

..........
والسعر اللي معك 40
عندك الباترول 98 , الباثفندر 2002

لاتتعداهن
إذا عائلتك كبيرة اخذ باترول وذا صار خلاف ذلك 0 خذ باثفندر
أشهد أن هالمواتر تشفي الغليل

وخل عنك البرادو اللي موديله2001 , 2002 اشكالها تجيب المرض
( صح إذا تبي الأشكال الجديدة مو مشكله بس غالية اسعارها )

وكذلك اللاند كروزر تقدر بهالمبلغ , تاخذ فكسار موديله 96 وتحت
صحيح موتر يتحمل ويمسك سعره بس ثقيل طينه في البر ومافيه عزم
وكذلك شكله ماعجبني هههههههه

عموما الرأي هذا يخصني واختلاف الرأي لايفسد للود قضية
النداوي HZ2AF
04/08/2009, 10:45 AM
ما عندي خبرة غير أنه معي باث ولله الحمد مية بالمية لكني بانصحك بالإستخارة....... أخوك النداوي
الضرغام11
04/08/2009, 01:00 PM
انا رأيي من راي اخوي سوبر فتك خذلك باترول 97 ولا 96 بخاخ تلقا بالراحه بأقل من 40 الف وموتر عملي واقل خراب وصرفيه من الــ98 والــ99 ولاتنسى الاستخاره..
حسين2006
04/08/2009, 02:50 PM
جزاكم الله خيرالجزاء
البوعينين99
04/08/2009, 03:35 PM
مثل ماقالوا الجماعه
باترول 97 أو 96 أو الأفضل لاندكروزر 97 أو 96 هالأثنين أفضل موترين بتلقاهم بهالسعر


والله يوفقك
أبوالمثنى
04/08/2009, 04:23 PM
ما فكرت بالباجيروا من 2003 الى 2006 تراها سيارة كرف ويابانيه 100%100

انا انصحك فيها واستخر قبل كلش
حر الجوف
04/08/2009, 04:42 PM
انا نصيحتي تاخذلك باثفاندر 2003,2002 حولها نظيف ويمشي مغك احسن من انك
تشتري باترول له عشر سنوات ويبغاله توظيب مكينه
ابورانا
04/08/2009, 04:56 PM
الصلاة خير من النوم ==والابل اخير من الغنم

باترول باترول 99 -98
عاشق النفود 111
04/08/2009, 05:06 PM
مثل ماقالوا الجماعه
باترول 97 أو 96 أو الأفضل لاندكروزر 97 أو 96 هالأثنين أفضل موترين بتلقاهم بهالسعر


والله يوفقك

لو تلقى نظيفات من هل موديلات لا تتردد

بالتوفيق اخي الفاضل
fusfus
04/08/2009, 05:26 PM
السلام عليكم اخي الكريم اسمع يالطيب اهم ما على الواحد راحته وراحه اهله وانا والله لو اني في محلك ما ادور غير الجمس الصالون الدفع الرباعي تلقى 2001 او يمكن 2002 نظيف وبالقيمه اللى تبحث عنها فهو موتر كد ومد وشيك لك بأي وقت وغير هذا وذاك فهو مريح مع احترامي لباقي السيارات موتر العوائل معروفه والرأي اولا واخيرا لك ولا تنسى الإستخاره تحياتي للجميع.
ابولولو
04/08/2009, 05:37 PM
الله يعينك علي كثر الاراء والشباب ماقصرو ويقلون اذا بغيت اتحيره فخيره اجزم علي شي معين واستخر فان فيه خير كثير
الربذي
04/08/2009, 06:42 PM
تبي الي قطعه متوفره ورخيصه وكلا يعرفله وبيعه حلو واعطاله قليله وسعره مناسب صراحة هو الباترول دورلك 99 نظيف بس ماتلقى الا بحدود 46الى 52 اما اليوكن فاعطاله كثيرة مره وخصوصا الدبل ...والاكسبدشن صراحه بيعته صعبه وايضا بواجيه ماتلقى الا بالوكاله لو تخرب عليك لازم تروح للوكاله تجيب منها قطع وغير معروف بالسوق يعيفك حياتك اذا حبيت تبيعه .هذا موضوع عن اليوكن واحد من عشر مواضيع عن اعطال اليوكن ..http://www.mekshat.com/vb/showthread.php?t=218308
حسين2006
05/08/2009, 12:43 AM
جزاكم الله خير على النصائح
.
يارب اغفر لكل من مر على هذا الوضوع
حسين2006
05/08/2009, 03:09 PM
جزاكم الله خير على النصائح
.
يارب اغفر لكل من مر على هذا الوضوع