هل من مغيث فأدعو له بشأن كرونة شيروكي

[ABU-NAIF]

تكفون ياهل الخبرة عندي جيب شيروكي م98 دبل استخدام امريكي
معاناتي من الكرونة الخلفية
اشتريت الجيب والكرونة خربانة وغيرتها بجدة وسافرت تقريباً مسافة 900 كيلو وما أن وصلت الى ورجعت خربت مرة اخرى فأشتريت من بابلغوم كرونة جديدة وركبتها وبعد يوم واحد بغت تقلبني السيارة صلبت الكرونة وانكسر عمود الدوران من الأمام فسحبتها الى ميكنيكي اخر فك الكرونة وركبها من جديد ووزنها غيرت زيت من الوكالة وع الدواء وعند التجربة وجد السيارة تمشي كذا متر وتحاول تمسك الكرونة رجع فك عمود الدبل مشت السيارة تمام فوقفت في حيرة من امري تحليل اليكانيكي ان الكرونة الامامية والكرونة الخلفية غير متساوية في سنون التاج فهل هذا ممكن ولا أعلم مذا افعل فهل من منجد فأدعو له وشاكراً لكم

[ابو عبدالملك 2]

الله يعينك انا ما اداني الشيروكي علشان خراباته والا هو خفيف في الرمل

[ABU-NAIF]

مشكور اخوي أبوعبدالملك 2 على مروروك لاهنت

[khaled77]

اخوي ابو نايف

الله يكون في عونك على هالشروكي والله عذاب

انا كان معي شروكي وكل ما خرب فيه شي كل الورشات تقول زين هذا وغير هذا ولا اشوف شي زان

وخذ العلم وانا اخوك لا تروح لاي ورشة دور على الورش المتخصصة بالشروكي اذا كنت من القصيم او قريب
من القصيم في ورشة اسمها الثويني شغله ممتاز ومتخصص بالشروكي




نصيحة: صلحة ولا يردك الا المعارض 4 سنين ما شفته منه الا الورشات

[ABU-NAIF]

مشكور اخوي خالد على النصيحة ولاكن والله كان عندي شيروكي قبله هاذا الي معاي وبعته ونزلت المعارض وانا حالف ماخذ شيروكي ولاكن اش تقول عن واحد صارت الورش تمشي بدمه ههههههههههههههه مشكور على المرور مره اخرى

[يوكون2666]

اول شئ هل الدبل عنك نظام مشبوك ( دفع رباعى ) او عادى

اذا اكان مشبوك ماعليك الا انك تناظر للكفرات هل ارتفاعها واحد ؟؟؟

واذا كان نظام عادى تتاكد من عدد سنن الكرونه اذا كان قير عادى فيكون عدد السنون 43/14

واذا كان قير تماتيك فتكون 41/11

[بواسامه]

فك عامود الدبل وانص المعارض واصدق مع اللي بيشتريه منك

شكل الموتر خريج ورش
ويعرفون الميكانيكيين زين

افتك منه الله لا يرده
والله يعوضك خير

[ABU-NAIF]

اخي يوكن 2666 الله يعطيك الف عافية الجيب قير اتماتيك استفسار لاهنت إذا اختلفت مقاس الكارونة المامية عن الخلفية ممكن تكون سبب ومشكور مرة اخرى

[ABU-NAIF]

بواسامة مشكور على النصيحة اخوي

[سوبر VTC]

هلا اخوي

كلم على هالرجال بالرياض ابو فهد 0504441451

او ابو ابراهيم الرشيد بعنيزه 0555175062 كلمه الصبح اذا مارد ارسل له رساله قل انا من جده عشان يرد عليك

ابو علي الثويني بعنيزة 0505170834
او العامل اللي عنده رشيد 0501328782

او ابو تركي الفهيد ببريده تراه ما يقصر :good: 0505142758


و افضل حل تدخل منتدى تطعيس غالبيتهم شباب و راعين شيروكيات

و فيه شخص اسمه كرامه له موضوع مثبت عن الشيروكي كلن يساله عن

الشيروكيات

الله يعينك

[ABU-NAIF]

اخوي سوبر لم اجد اي كلمة توفيك بحقك لاعدمناك
والله يوفك وعطيك على قد نيتك