>>>> رابطة ملاك الفورتشنر - fortuner <<<<

[جبر الخواطر..]

السلام عليكم شباب
بكل صدق و امانة و بدون تحيز
انا ناوي اشتري فورتشنر 2012 vx1 اوتو
بس حاب اسأل رابطتكم الموقرة عن عدة نقاط الاني بسراحة ابي الموتر يطول معي بأذن الله
1- هل السيارة حقت كرف وتتحمل
2- الجودة و الخرابات لاني سمعت انها ما تصنع في اليابان نفسها
3- زيت المكينة ينقص او لا
لأني سمعت يقولو ان زيت المكينة ينقص بالذات في العايدي
يعني السيارة تعيش او حدها 4 او 5 سنوات في المليان
ومعليش على الإطالة لأني غشششششششششششششيم بالسيارات:confused::confused:
والف شكر مقدما لكل من نصحني:D:D

[musab]

السلام عليكم شباب
بكل صدق و امانة و بدون تحيز
انا ناوي اشتري فورتشنر 2012 vx1 اوتو
بس حاب اسأل رابطتكم الموقرة عن عدة نقاط الاني بسراحة ابي الموتر يطول معي بأذن الله
1- هل السيارة حقت كرف وتتحمل
2- الجودة و الخرابات لاني سمعت انها ما تصنع في اليابان نفسها
3- زيت المكينة ينقص او لا
لأني سمعت يقولو ان زيت المكينة ينقص بالذات في العايدي
يعني السيارة تعيش او حدها 4 او 5 سنوات في المليان
ومعليش على الإطالة لأني غشششششششششششششيم بالسيارات:confused::confused:
والف شكر مقدما لكل من نصحني:D:D




1-السيارة عملية وبقوة

2-السيارة جيدة وماتخرب نادر لكن يعيبها صداماتها بلاستيك ونظام كلبسات

3-زيت المكينة لاينق ابد كل اللي اعرفهم ماينقص معهم ابدا

[جبر الخواطر..]

الف الف شكر اخوي على المعلومات
و اتمنى مزيدا من الردود :good2:

[أَبوابراهيم]

السلام عليكم شباب
بكل صدق و امانة و بدون تحيز
انا ناوي اشتري فورتشنر 2012 vx1 اوتو
بس حاب اسأل رابطتكم الموقرة عن عدة نقاط الاني بسراحة ابي الموتر يطول معي بأذن الله
1- هل السيارة حقت كرف وتتحمل / ولا تقول اح
2- الجودة و الخرابات لاني سمعت انها ما تصنع في اليابان نفسها / دامها من تويوتا لوهي بالصين تطلع ممتازة
3- زيت المكينة ينقص او لا / نهائيا او شيء مايذكر
لأني سمعت يقولو ان زيت المكينة ينقص بالذات في العايدي / الي معي عايدي
يعني السيارة تعيش او حدها 4 او 5 سنوات في المليان / 10 سنوات بالراحة وبعدها على حسب محافظة الشخص
ومعليش على الإطالة لأني غشششششششششششششيم بالسيارات:confused::confused:
والف شكر مقدما لكل من نصحني:D:D
بالخدمة يالغالي

[كيري ميري]

السلام عليكم
الفزعة يالربع معي فورتشنر vx2 موديل 2009أوتو
ما يعشق الخامس كأنه على d4 رحت كم ورشة النتيجة كلتشات
والوكالة مقفلة وش الراي امشي عليه وقت هالعيد والا اوقفه
الشي الثاني والاهم الوكالة صاعهم صاعين اذا تخبرون
ورشه لو بالقصيم والله مادري وش الحل (زنقه زنقه)×

[جبر الخواطر..]

الف شكر اخوي ابو ابراهيم
وتسلم لي :good2:

[musab]

السلام عليكم
الفزعة يالربع معي فورتشنر vx2 موديل 2009أوتو
ما يعشق الخامس كأنه على d4 رحت كم ورشة النتيجة كلتشات
والوكالة مقفلة وش الراي امشي عليه وقت هالعيد والا اوقفه
الشي الثاني والاهم الوكالة صاعهم صاعين اذا تخبرون
ورشه لو بالقصيم والله مادري وش الحل (زنقه زنقه)×





حبيبي كيري ميري <<<عاجبني اسمك


اول شي عيدكم مبازك وتقبل الله منا ومنك صالح الاعمال



بالنسبة للسيارة الاحوط انك توقفها لين تفتح الوكاله



واذا مضطر تستخدم السيارة شف اذا مافيه اصوات او مشاكل ثانية فقط مايعطي خامس امش عليه بس لاتسرع حدك 140 وان مرة مرة 150


واذا لقيت لك محل زيت فاتح غير زيت القير وفلتر القير ويضبط بإذن الله بدون وكالة

[أَبوابراهيم]

السلام عليكم
الفزعة يالربع معي فورتشنر vx2 موديل 2009أوتو
ما يعشق الخامس كأنه على d4 رحت كم ورشة النتيجة كلتشات
والوكالة مقفلة وش الراي امشي عليه وقت هالعيد والا اوقفه
الشي الثاني والاهم الوكالة صاعهم صاعين اذا تخبرون
ورشه لو بالقصيم والله مادري وش الحل (زنقه زنقه)×
السلام عليكم
اول شيء كل ماتمشي عليه كل ماتروح عليك تغييره لكن اذا تبي نصيحتي رح بالموتر داخل المدينة لمشاوير جدا اساسية وخفيفه ولاتسرع فيه ولا تكرف الكلتش والقير خلك حساس معه

وبالنسبة للصيانة اذا انت بالرياض فخذ العلم مني ود السيارة بكره الصبح وتطلع لك باليل الساعة 1 تقريبا

توي مغير الكلتش لموتري 4 سرندل قير عادي كلفني 1200 ريال "قطع + تركيب" عند ورشة اليرموك الي بالصناعية الكبيرة شغلهم اكثر من ممتاز
القطع 800 ريال وكسور بعد الخصم من عند الحميضي "وكيل قطع تويوتا اصلي" وهو على نفس شارع ورشة اليرموك تقريبا
شغل يد 350 ريال بعد الخصم عند ورشة اليرموك

شغلهم نفس شغل الوكالة وممتاز مشيت على الموتر من غيرته قبل اسبوع اكثر من 200 كيلو وكل شيء تمام الحمد لله

الوصف
وانت بالدائري الشرقي ادخل مخرج 17 باتجاه الغرب وسيد لين تجيك ثاني او ثالث اشارة "انصحك تسأل عند الاشارة" رح يسار وقبل ورشة العضيب رح يمين وسيدا لين يجيك فرع اليرموك الاول على يسارك ثم بيجيك فرع اليرموك الثاني على يسارك ادخل عندهم وخلهم يشيكون على الموتر قبل علشان تتأكد والله يعينك انشاء الله

واي استفسار رقمي موجود في التوقيع

[أَبوابراهيم]

السلام عليكم
اول شيء كل ماتمشي عليه كل ماتروح عليك تغييره لكن اذا تبي نصيحتي رح بالموتر داخل المدينة لمشاوير جدا اساسية وخفيفه ولاتسرع فيه ولا تكرف الكلتش والقير خلك حساس معه

وبالنسبة للصيانة اذا انت بالرياض فخذ العلم مني ود السيارة بكره الصبح وتطلع لك باليل الساعة 1 تقريبا

توي مغير الكلتش لموتري 4 سرندل كلفني 1200 ريال "قطع + تركيب" عند ورشة اليرموك الي بالصناعية الكبيرة شغلهم اكثر من ممتاز
القطع 800 ريال وكسور بعد الخصم من عند الحميضي "وكيل قطع تويوتا اصلي" وهو على نفس شارع ورشة اليرموك تقريبا
شغل يد 350 ريال بعد الخصم عند ورشة اليرموك

شغلهم نفس شغل الوكالة وممتاز مشيت على الموتر من غيرته قبل اسبوع اكثر من 200 كيلو وكل شيء تمام الحمد لله

الوصف
وانت بالدائري الشرقي ادخل مخرج 17 باتجاه الغرب وسيد لين تجيك ثاني او ثالث اشارة "انصحك تسأل عند الاشارة" رح يسار وقبل ورشة العضيب رح يمين وسيدا لين يجيك فرع اليرموك الاول على يسارك ثم بيجيك فرع اليرموك الثاني على يسارك ادخل عندهم وخلهم يشيكون على الموتر قبل علشان تتأكد والله يعينك انشاء الله

واي استفسار رقمي موجود في التوقيع
اعذرني توي انتبه ان موترك اوتو لكن نصيحة رح عموما ولاتتعداهم

[كيري ميري]

بيض الله وجيهكم وكل عام وانتم بخير والله يعيده علينا وعليكم بالخير

[Ezy Man]

السلام عليكم

عندي فورتشنر ابي ابيعه او اسوي له تنازل موديل 2009 ممشاه حول 155 ألف باقي على أقساطه حوالي 40000 ألف (أربعين ألف) مع المتأخر حوالي سنتين إلا شيء بسيط وفيه دفعة أخيرة حدود 16 ألف وقسطه 1520 لونه أبيض أوتوماتيك GX1 بدون دبل كفرات جديدة قبل شهر راكبه دنلوب تخشيب

تحياتي
ابو مناهل

[vx1]

السلام عليكم ورحمه الله وبركاته
عندي مشكله في البوري مايدق ورحت للكهربائي وقالي هاذي شريحت البوري وسألت عنها بالوكاله سعرها 420
احد مرت عليه مثل هالمشكله واذا احد عند خلفيه عن تصليحها لايبخل علينا لان سعرها غالي وشغل يد الكهربائي 80 ريال

[ولد التواجر]

حيالله كلن باسمه

يا اخوان عندي فورتشنر 2011 ماشي 67 الف مرشوشة السمكة و باب السواق معدل .. السؤال كم يسوى الموتر في السوق ؟

[ابو معاذ 999]

اخواني المكشاتيه كل عام وانتم الى الله اقرب وعيدكم مبارك
شريت فورتشنر 2009 سته سلندر vx2 قبل كم شهر ولله الحمد ارتحت للموتر كثيراً مع اني كنت متخوف من كثرة التحذيرات انه هايلوكس مصندق وانه سهل الانقلاب و و و الخ ولكن ولله الحمد الموتر جداً مريح وممتاز ولكن المشكله الى عندي فرامله مانع للانغلاق ABS وعندما امسك فرامل في النفود او امسك بشكل مفاجئ احس باحتكاك الفرامل لدرجة تخوف مما سبب لي القلق .

اخواني هل هذه المشكله عاديه ام لا وهل اقدر افصل الـ abs وهل لفصلها اضرار وشكراً

[musab]

السلام عليكم ورحمه الله وبركاته
عندي مشكله في البوري مايدق ورحت للكهربائي وقالي هاذي شريحت البوري وسألت عنها بالوكاله سعرها 420
احد مرت عليه مثل هالمشكله واذا احد عند خلفيه عن تصليحها لايبخل علينا لان سعرها غالي وشغل يد الكهربائي 80 ريال




حبيبي روح لاكثر من كهربائي لان الشريحه نادر ماتخرب


وبعضهم نصاب مثل ماصار لصاحبي قالوا له الشريحه خربانه


ووصيته يروح لكهربائي ممتاز قال له الشريحه سليمه


وصلحه 50 ريال

[musab]

اخواني المكشاتيه كل عام وانتم الى الله اقرب وعيدكم مبارك
شريت فورتشنر 2009 سته سلندر vx2 قبل كم شهر ولله الحمد ارتحت للموتر كثيراً مع اني كنت متخوف من كثرة التحذيرات انه هايلوكس مصندق وانه سهل الانقلاب و و و الخ ولكن ولله الحمد الموتر جداً مريح وممتاز ولكن المشكله الى عندي فرامله مانع للانغلاق ABS وعندما امسك فرامل في النفود او امسك بشكل مفاجئ احس باحتكاك الفرامل لدرجة تخوف مما سبب لي القلق .

اخواني هل هذه المشكله عاديه ام لا وهل اقدر افصل الـ abs وهل لفصلها اضرار وشكراً




الله يعطيك خيره ويكفيك شره بس ارفق ترا الموتر لاهوب موتر سرعه ولا تطعيس ومراقا ارفق ارف

نظام اي بي اس تقدر تحط له فاصل جنب الدف لوك تفصله لما تدخل النفود واذا طلعت شبكه

[ابو معاذ 999]

الف شكر اخوي musab على تعقيبك على مشكلتي
وللمعلوميه انا لست من اصحاب السرعه ولله الحمد ولكن الفاصل اللي تقوله هل له تاثير على السياره وهل هناك ورشه تنصحني بعمله لديها وشكراً لك

[vx1]

حبيبي روح لاكثر من كهربائي لان الشريحه نادر ماتخرب


وبعضهم نصاب مثل ماصار لصاحبي قالوا له الشريحه خربانه


ووصيته يروح لكهربائي ممتاز قال له الشريحه سليمه


وصلحه 50 ريال

شكرا للك بس ياليت تذكر لي اسم الكهربائي

[أَبوابراهيم]

السلام عليكم ورحمه الله وبركاته
عندي مشكله في البوري مايدق ورحت للكهربائي وقالي هاذي شريحت البوري وسألت عنها بالوكاله سعرها 420
احد مرت عليه مثل هالمشكله واذا احد عند خلفيه عن تصليحها لايبخل علينا لان سعرها غالي وشغل يد الكهربائي 80 ريال
نفس الشيء عندي له يومين مره يطنب ومره لا خصوصا اذا لفيت الدركسون

[أَبوابراهيم]

حبايبي اعضاء الرابطة من جرب منكم ركب
جنوط هلل + انسب كفرات لهن ؟

اتمنى تفيدوني وشاكر مقدما

[vx1]

نفس الشيء عندي له يومين مره يطنب ومره لا خصوصا اذا لفيت الدركسون

امس رحت لاكثر من كهربائي وقالو لي لازم تغير الشريحه واكثر سيارات التويوتا من موديل 2008 تخرب والمشكله انها ماهي بس للبوري فيها مثبت السرعه والايرباق
على العموم انا شريتها من الوكاله بس طلعت مختلفه بالافياش سعرها 425 ورجعتها لهم يمكن فيه اختلاف بين 4 سرندل و6

[لمسة بارع]

السلام عليكم ...
فيه عندي صوت صرصرة في الجلد ومقلقتني وغسلتها بستم وماراحت ماأدري وش حلها

للمعلومية الفورتشنر موديل ٢٠٠٩ خليجي

وياليت تعطوني حل الله يوفقكم لأني كرهت السيارة بسبة الصرصرة...



بارك الله فيكم

[السناعيس .f16]

السلام عليكم ورحمة الله وبركاته
يا اخوان الحين المساعد الاسترالي الامامي على مايركب على الموتر يكون قاسي او لا بعد فتره يكون قاسي
وشريكم في التدبيل ؟؟

[ذيب ولكن]

سلام يارجال

مرة قابلت مسئوول بشركة مقاولات " مشاريع خطوط وغيره" وقال لي اشترينا اعداد من الفورتشنر وانكبنا فيها كل شوي منقلب واحد منها

صحيح انه سريع الانقلاب ؟

[أَبوابراهيم]

سلام يارجال

مرة قابلت مسئوول بشركة مقاولات " مشاريع خطوط وغيره" وقال لي اشترينا اعداد من الفورتشنر وانكبنا فيها كل شوي منقلب واحد منها

صحيح انه سريع الانقلاب ؟
على حسب استخدامك
تبيه جبال ولفات زاوية70 طول الوقت ؟ اكيد بينقلب لوهو لاندكروزر

لكن اذا استخدامك عادي بر وخط وديره مافي امن منه خوصوصا مع ميزة الدفع الرباعي المستمر :good2:

للمعلومية الفورتشنر امن بمراحل كبيرة من الباثفندر والبرادو للميزة الي ذكرتها

[أَبوابراهيم]

امس رحت لاكثر من كهربائي وقالو لي لازم تغير الشريحه واكثر سيارات التويوتا من موديل 2008 تخرب والمشكله انها ماهي بس للبوري فيها مثبت السرعه والايرباق
على العموم انا شريتها من الوكاله بس طلعت مختلفه بالافياش سعرها 425 ورجعتها لهم يمكن فيه اختلاف بين 4 سرندل و6
الله يعينك انا موتري 2007 ولا عندي مثبت ولا اعتقد ان كلامهم صحيح لانه اول مره نسمع بهالمشكلة ولاهيب ابد منتشرة

انا متأكد ان البلا باحد الفيوز او الافياش رح لم اي محل زينة وخله يشيك على فيوزات السيارة الداخلية والخارجية

[أَبوابراهيم]

استفسار يالربع
لامسكتو خط وضغطتو على المكينة بالسرعة ماتلاحظون نقص بالرديتر
انا عندي الرديتر يطلع من مخرج الامان الموجود بالغطى حق القربة !!

يعني يبيلي كل ماسافرت ورجعت اشيك على الرديتر وازيده كانه ناقص

مادري اذا احد قد لاحظ هالشي يفيدنا ؟

[musab]

ايه انا عندي القربة تنقص بس نقص بسيط جدا كل فترة لازم اغلقها

عموما نقص القربة مايضر

[محمد الالوسي]

ايه انا عندي القربة تنقص بس نقص بسيط جدا كل فترة لازم اغلقها

عموما نقص القربة مايضر
السلام عليكم. اخي musab مشكور على جميع مشاركاتك بارك الله فيك والله انا عندي vx 2012 اوتو كل 6 شهور تنقص نصف القربة هل هذا طبيعي وجزاكم الله خيرا مقدما.وهل اضيف ماء عادي ولا ماء الشركة.

[yos999]

السلام عليكم

عندي فورتشنر ابي ابيعه او اسوي له تنازل موديل 2009 ممشاه حول 155 ألف باقي على أقساطه حوالي 40000 ألف (أربعين ألف) مع المتأخر حوالي سنتين إلا شيء بسيط وفيه دفعة أخيرة حدود 16 ألف وقسطه 1520 لونه أبيض أوتوماتيك GX1 بدون دبل كفرات جديدة قبل شهر راكبه دنلوب تخشيب

تحياتي
ابو مناهل
لي رغبة بالموتر

[yos999]

أبارك لكم الرابطة وبالتوفيق
وأي شيئ يخص الفورتشنر 4 سلندر انا جاهز
اخوكم مخضرم في الفورتشنر موديل 2006

أخي استشارة عاجلة
حصلت 2010 نظيف قير تماتيك اربع سلندر بدون دبل
كم يسوى تقريبا
وهل يصلح للسواق
وهل ينفع للبر الخفيف

[رفيق الأمل]

السلام عليكم. اخي musab مشكور على جميع مشاركاتك بارك الله فيك والله انا عندي vx 2012 اوتو كل 6 شهور تنقص نصف القربة هل هذا طبيعي وجزاكم الله خيرا مقدما.وهل اضيف ماء عادي ولا ماء الشركة.



وعليكم السلام :
هذا عادي ياخوي من الحرارة يتبخر وعليك ان تعبيه بماء وكالة افضل لان الموتر جديد وحديث

[رفيق الأمل]

السلام عليكم ...
فيه عندي صوت صرصرة في الجلد ومقلقتني وغسلتها بستم وماراحت ماأدري وش حلها

للمعلومية الفورتشنر موديل ٢٠٠٩ خليجي

وياليت تعطوني حل الله يوفقكم لأني كرهت السيارة بسبة الصرصرة...



بارك الله فيكم


وعليكم السلام :
شف ياخوي عليك توديها الوكالة او اي ورشه موثوق فيها تعمل لها تربيط شامل اوغسيل بستم مع تشحيم كامل يمكن شي بسيط ياخوي حاول معرفته من اين يطلع الصوت

[محمد الالوسي]

وعليكم السلام :
هذا عادي ياخوي من الحرارة يتبخر وعليك ان تعبيه بماء وكالة افضل لان الموتر جديد وحديث
شكرا اخي رفيق الامل على الاجابة وبيض الله وجهك

[الشامخ 66]

السلام عليكم
ادورلي ذي الايام على فورتشنر سته سلندر قير عادي
سمعت انه يخالف واجد من ناحيت طقطقه ودايم يحترق الكلتش ابي نصيحه ممن جرب القير العادي
لان استخدامي كرف وبر ونفود ومطامر
ولو فيه احد خابرلي واحد نضيف قير عادي لايبخل علينا
بعد اذن الاداره 0569974257

[musab]

^^^^^^^

خذ تماتيك لانه عملي التماتيك يتحمل اكثر من العايدي

في الفورتشنر بشكل خاص طبعا

[السنجار]

السلام عليكم ورحمة الله
حياكم الله ياهل الرابطة واعذرونا على الانقطاع عنكم لظروف هالدنيا

وعندي استفسار بخصوص السمكرة ((وابي شوركم)) الله لايهينكم
انا معي فورشنر 2010 قير عادي ماشاء الله نظيف و شبه جديد
وقدر الله وحصله صدمه من الزاوية الامامية اليمنئ ,
ونتج عنه الصدام امامي+الكبوت+الرفرف الامامي يمين+الشمعة يمين
وبسراحه بعد الحادث ايقنت كل اليقين ان عيبه البدي فقط لانه خفيف جدأ و مرن
الان ابي مشورتكم الله لايهينكم ويجزاكم خير ويكفينا واياكم شر الحوادث
هل ادخله وكالة تايوتا او ابحث عن ورشة متخصصة و معروفه
وهل اسعار الوكالة غالية بالنسبة للقطع الموضحه
وكم السعر التقريبي للقطع
وشكرأ لكم

[musab]

فيه ورشة اسمها الوفاء في الرياض طبعا شغلهم احسن من الوكالة بس غالي

وبدي الفورتشنر سيء صراحه مرة وغالي مرة


هذا كلام واحد من منتدى خارجي


ورشة الوفاء بعد زجاج السالم تحصل لوحه كبيره بريجيستون لف من عندها يمين تلقاها على يسارك
هذا رقم واحد هناك 0504455503 ماادري وش اسمه !!
وأرقامهم الثابته 4485782 - 4464480

بس أسعارهم غاليه
الصدمه إلي بتصلحها برى بــ700 عندهم بــ 1800

[الراحل عنيزة]

السلام عليكم
يالنشامى يشرفني انضمامي معكم
وحبيت استفسر عن الفورنتشر
انا معي 12 قير عادي دبل سته سلندر والموتر روعه مشاءالله
لكن فيه حاجه وهي الدبل الخفيف اذا كنت مغرز واذا عشقته ماينفع ولاكنه معشق بس الثقيل مشاءالله
هل فيه حاجه للخفيف ولااضغط زر والقير بالثاني ماينفع الابالثقيل
عطوني الحل

[musab]

الدبل الخفيف يستخدم وانت تمشي وخايف تغرز


الدبل الثقيل يستخدم اذا غرزت وتبي تطلع تشغله


وانت مغرز الدبل الخفيف ماينفع

[الراحل عنيزة]

بيض الله وجهك
طيب يقولون الزر الاخير دوفلك هل هذا صحيح
وثانيا لو ركبت عليه جنوط هلل وكفرات دنلوب يضبط ويخف ولا البلد احسن

[الراحل عنيزة]

السلام عليكم
ادورلي ذي الايام على فورتشنر سته سلندر قير عادي
سمعت انه يخالف واجد من ناحيت طقطقه ودايم يحترق الكلتش ابي نصيحه ممن جرب القير العادي
لان استخدامي كرف وبر ونفود ومطامر
ولو فيه احد خابرلي واحد نضيف قير عادي لايبخل علينا
بعد اذن الاداره 0569974257




خذ من مجرب
التماتيك زينته بالخطوط داخل ديره بالبر اذا كنت تمشي
اما راعي مطامر ومراقى فخذ عادي
وعموما الدفع الرباعي المستمر ماينفع معه الا عادي
ولااذا كان عادي فافصل الدفع الرباعي
وهذا الي بسويه بس بعد سنه ان شاءالله لانه جديد ولاودك يروح الضمان

[الراحل عنيزة]

السلام عليكم
ادورلي ذي الايام على فورتشنر سته سلندر قير عادي
سمعت انه يخالف واجد من ناحيت طقطقه ودايم يحترق الكلتش ابي نصيحه ممن جرب القير العادي
لان استخدامي كرف وبر ونفود ومطامر
ولو فيه احد خابرلي واحد نضيف قير عادي لايبخل علينا
بعد اذن الاداره 0569974257




خذ من مجرب
التماتيك زينته بالخطوط داخل ديره بالبر اذا كنت تمشي
اما راعي مطامر ومراقى فخذ عادي
وعموما الدفع الرباعي المستمر ماينفع معه الا تماتيك
ولااذا كان عادي فافصل الدفع الرباعي
وهذا الي بسويه بس بعد سنه ان شاءالله لانه جديد ولاودك يروح الضمان

[musab]

مشاركة محذوفه :D

[السنجار]

بانتضار بقية اراء الاخوااان بالرابطة

[الراحل عنيزة]

ياخوان انا موتري جديد
وأحيانا اسمع طقه لم جهة الكفر عند السائق مع المطبات والبطانيج والشوارع اللي زفلته الله بالخير ..

مادري هي من الركبه ولا مقص ولا من وين

[musab]

الصوت بسبب التنده وتوصيلات المكيف الخلفي وليست من الكفر :D

جرب طق فتحات المكيف الخلفي وشوف يطلع نفس الصوت

[الراحل عنيزة]

بس الصوت اسمعه من عند الكفر اليسار من جهت السايق

[ابورغد الدوسي]

السلام عليكم ورحمه الله وبركاته
عندي فور شنر 2007
6 سلندر
ايش احسن مساعدات امامي وخلفي
علماً اني ماطلع بر كتير
وابغى النصيح منكم
الله يعطيكم الف عافيه
تحياتي للجميع

[musab]

^^^^^^^^^^^^


اذا طلعاتك للبر مو كثير ركب حقت الوكالة افضل واريح

[الراحل عنيزة]

بيض الله وجهك
طيب يقولون الزر الاخير دوفلك هل هذا صحيح
وثانيا لو ركبت عليه جنوط هلل وكفرات دنلوب يضبط ويخف ولا البلد احسن
وثالثا بغيت ارفعه قال العامل حط ورى يايات استرالي وقدام كعكات
ووش رايكم

[musab]

^^^^^^^^^^^^^

نعم الزر الاخير دف لوك بس مايصلح تشغله إلا اذا تعلقت السيارة والدبل الثقيل يصير شغال

اول ماتطلع من التعليق تطفيه مباشرة


امممممممممم مافهمت وش معنى يخف وش لون يضبط ويخف مافهمت؟؟!!!!

بس عالعموم اذا تبي الدركسون يخف فك الرباعي

وانا اشوف جنوط الوكالة ممتازة جدا وكذلك كفرات الوكالة بردجستون ممتازة ولايهمك كلام الناس عنها

لانها تنفع للنفود والخطوط والشعبان على حد سواء ونادر ماتلقى كفر يناسب ماذكرت نادر جدا

بالنسبة للرفع اذا تبغى مجرد رفع شكل فقط كلام العامل مناسب

اما لوتبغى ترفع عشان تراقي او عشان يثبت الموتر في النفود

لازم تركب مساعدات جبرايل او مونرو او استرالي

[الراحل عنيزة]

بيض الله وجهك عزالله كفيت ووفيت
لكن صوت الطقه عين تروح واحدن يقول من الجلبه حقت الصدام يابسه حط فيها مويه وتضبط

[سطام العطوي]

السلام عليكم ورحمه الله

اخواني عندي جيب فورتشنر موديل 2008 ماشي 77 كم .. الجيب نظيف لون بني ... دبل اوتمتك ... مراتب مخمل ... وحاب ابيعه ... لاني مو حق بر ... كم يجيب لي.

[ابورغد الدوسي]

الله يعطيك الف عافيه اخوي مصعب

[قلايد الخيل]

صبحكم الله بالخير ياربع
في مشكله داخل الرابط تخص الوالد
الله الله افزعوله
http://www.mekshat.com/vb/showthread.php?t=529113

[الشامخ 66]

الله يبيض وجهك يارحال عنيزه
اخوي سطام اذا لك نيه بيع فتراني شراي
وياليت تتواصل معي 0569974257

[الراحل عنيزة]

رد: وين ملاك الفوتشنر يفزعولي بجيب الوالد
يالغالي انا حصل معي نفس مشكلة الوالد وازعجتن اسبوع كامل والسبب هي جلبة الصدام يسار تكون بابسه من سبب الوقوف الطويل فانت رش عليها مويه يوميا وراح تختفي وانا وديته للوكاله وشدوه وضبطوها وراحت مشاءالله
الحل ياتتعب بالماء انت وياه ولاتغيرها
ودمتم سالمين

ولايضيق صدرك ترى الموتر سليم ومافيه الاالعافيه بس مشكلة الوقوف تضر الجلب

[ابو معاذ 999]

اخواني الاعزاء
قبل يومين ولعة عندي لمبة مكتوب فيها كلمة cruisa بجنب عداد البنزين وقمت باطفاء السياره وبعد تشغيلها انطفئت اللمبه
اللى عنده خبره عن سببها وايش تعني لا يبخل على
وشكراً

[سليّم ابو عمر]

السلام عليكم ورحمة الله وبركاته
اخوكم سليمان العمران امتلك فورشنر 2006 قير تماتيك 6 سلندر و ص ص 698 .. من سكان شرق الرياض .. تقريباً سجلت المشاركه بهذا المنتدى لعلي ان اجد او اظفي عليكم بعض الفائده اعذرون قليل دخولي لأي استفسار انا بخدمتكم .. 0566894454 نسأل الله التوفيق في الدارين

[سليّم ابو عمر]

عساي مقبول بهالرابطه تراي اول مره بحياتي اسجل بمنتدى لاتدققون واجد:D

[musab]

الله يحيي كل من ددخل هنا وكلكم فوق راسي الله يرفع قدركم


والموضوع ملك الجميع لبا قلوبكم

[سليّم ابو عمر]

اخوكم مركب هلل وكفرات دنلوب العاديه 275 وأسأل عن اللي مركب حجري (جبلي) كيفه بالنفود تقدر تمشي بدون تنسييم ولا اللي يخبر لنا شي طويل بين الجنط والرفرف مثل الحجري طوله 85 والدنلوب العادي70 اللي حوله اي علم عن الكفرات اللي يصلحن للهلل يفيدنا الله يحفظكم

[musab]

^^^^^^^^^

بالنسبة للحجري في بعض الانواع يجي نقشة خشنة بس انه يفرش

واحد من اصحابي مركبها وهي مفيدة للي يحب المراقا تخدمه وتنثر للي يحب المنوفر

[جبل راف]

السلام عليكم
ادورلي ذي الايام على فورتشنر سته سلندر قير عادي
سمعت انه يخالف واجد من ناحيت طقطقه ودايم يحترق الكلتش ابي نصيحه ممن جرب القير العادي
لان استخدامي كرف وبر ونفود ومطامر
ولو فيه احد خابرلي واحد نضيف قير عادي لايبخل علينا
بعد اذن الاداره 0569974257




خذ من مجرب
التماتيك زينته بالخطوط داخل ديره بالبر اذا كنت تمشي
اما راعي مطامر ومراقى فخذ عادي
وعموما الدفع الرباعي المستمر ماينفع معه الا تماتيك
ولااذا كان عادي فافصل الدفع الرباعي
وهذا الي بسويه بس بعد سنه ان شاءالله لانه جديد ولاودك يروح الضمان

اهلا بك انا معي 6 سلندر 2010 عادي الحمدلله ماشكيت منه ولاهو للبيع
ياجماعة افضل شي لما تغرز السيارة ماتدوس البنزين بقوة والافضل تنسم الكفرات على 25 او 20 وشوي شوي على السيارة وتطلع عادي
البعض تلقى معه افضل جيب لكن يكون غشيم بالبر ويذم السيارة
المشكلة دائما بالسائق
التكاتيك لاتنشدني عنه لاني من اشد المحاربين له

[قرعة نجد]

السلام عليكم ...

عندي يا اخوان يايات امامية استرالية من الرماية نضيفة جدا جدا استخدامها اقل من شهرين وهي للبيع

اللي له رغبة بهن يراسلني على الخاص

[سليّم ابو عمر]

^^^^^^^^^

بالنسبة للحجري في بعض الانواع يجي نقشة خشنة بس انه يفرش

واحد من اصحابي مركبها وهي مفيدة للي يحب المراقا تخدمه وتنثر للي يحب المنوفر

لو تذكر شركة الكفرات ولا عليك امر وان حصل سعرهن كم ان كان لك خبره .جزاك الله خير

[سليّم ابو عمر]

والطبق اللي ورا لقيته 295 عند الرمايه تنزاني وبـ370 عند الكشاته صينييجي تفصيل .. اللي يخبر لنا شي ارخص وازين يفيدنا الله يجزاكم خيير .. واعتذر ان كاني اثقلت عليكم .. عذراً

[الامل بالله]

يااااخوان والله ين السيارة اذا صارت ماشاء الله ،،مايشتغل بها الا قرآن او كلام ما يغضب الله مثل الاناشيد او الشيلات الطيبه ،، يعني تجنبه الردي مثل الاغاني ،،، الخ

والله إن ربي يطرح بها البركه ،،،وأسال مجرب

[XTERRA -2010]

والطبق اللي ورا لقيته 295 عند الرمايه تنزاني وبـ370 عند الكشاته صينييجي تفصيل .. اللي يخبر لنا شي ارخص وازين يفيدنا الله يجزاكم خيير .. واعتذر ان كاني اثقلت عليكم .. عذراً

انا شريته من برق الحيا لاكن مهب حق فورتشنر حق باثفندر لأن موتري فيه تانكي مويه

تم الإرسال من جهازي GT-I9100 بواسطة تاباتوك 2

[abw fahad]

السلام عليكم

كيفكم شباب. شريت فورتشنر 2009 vx2 الموتر نظيف

بس فيه صوت اذا كنت ماشي سرعه منخفضه تقريبا 60ودعس البزين

يطلع صوت طقطقه وخرفشه صادر من المكينه ويزود عند طلوع المرتفعات

واذا شد الموتر اختفي الصوت طبعا القير اتوماتيك

[musab]

^^^^^^^^^^^^^

طبيعي هذا نظام المكينة
اسمه نظام متغير السعة VVT-I

وهو نظام ذكي يساعد في زيادة الاداء عند المقاومة والعكس صحيح

وبالتالي توفير للبنزين وزيادة في الاداء

[musab]

واذا تحس الصوت موب طبيعي جرب تعبي 95

[عاشق الرصاصي]

انظم الى رابطة الفش فش سجل عندك فورتشنر 2008 اللون رصاصي

[abw fahad]

السلام عليكم

كيفكم شباب. شريت فورتشنر 2009 vx2 الموتر نظيف

بس فيه صوت اذا كنت ماشي سرعه منخفضه تقريبا 60ودعس البزين

يطلع صوت طقطقه وخرفشه صادر من المكينه ويزود عند طلوع المرتفعات

واذا شد الموتر اختفي الصوت طبعا القير اتوماتيك



للـــــــــــــــرفع

[سليّم ابو عمر]

انا شريته من برق الحيا لاكن مهب حق فورتشنر حق باثفندر لأن موتري فيه تانكي مويه

تم الإرسال من جهازي GT-I9100 بواسطة تاباتوك 2

وانا كذلك مركب تانكي يفرق؟ وبكم حق الباثفندر .. وعلى طاري التانكي انا مركب تانكي باترول 2009 ماشي معي صح لاني سمعت ان التانكي المفصل للفورشنر مايركب عليه بالظبط

[جمس دينالي]

يالييييييت تفييدوني

http://www.mekshat.com/vb/showthread.php?t=531960

[عاشق الرصاصي]

من يفيدنا في افضل محل في بريده يغير زيت القير والفلتر

[musab]

زيت القير افضل لك الوكالة

[صدى البااادية]

السلام عليكم
يالربع انا رفعت موتري من قدام 2 سم ومن خلف
ياي استرالي 4سم زايد كعكات 2سم
يعني من الخلف 6سم ومع ذلك اذا ركبت التانكي
المنسدح( الارضي) وتركيب الاغراض ينزل الموتر مره نزله غير طبيعيه
مع العلم اني مركب مساعد فكسار
وش الحل هل فيه مساعدات قويه ولا اي صرفه
ولا نغير التانكي
افيدونا بارك الله فيكم

[عاشق الرصاصي]

زيت القير افضل لك الوكالة

بارك الله فيك اخوي لكن بكم سعره بالوكاله والمده اللي يخلصونه فيها

[musab]

السلام عليكم
يالربع انا رفعت موتري من قدام 2 سم ومن خلف
ياي استرالي 4سم زايد كعكات 2سم
يعني من الخلف 6سم ومع ذلك اذا ركبت التانكي
المنسدح( الارضي) وتركيب الاغراض ينزل الموتر مره نزله غير طبيعيه
مع العلم اني مركب مساعد فكسار
وش الحل هل فيه مساعدات قويه ولا اي صرفه
ولا نغير التانكي
افيدونا بارك الله فيكم

ركب ياي حق امممم حق فكسار مثلا او امممم جرب ياي حق شاص النيسان يمكن يركب

[الراحل عنيزة]

خذ النصيحه من مجرب ركب ياي ومساعدات استرالي وراح ماينزل ابد لكن المطب قوي

[musab]

^^^^^^^^^^^^^^^^

جربتها بس للاسف ينزل


الياي الاسترالي بعد سنة واحدة يصبح لين مثل الوكالة تقريباً ^_^

[imt]

للبيع فلتر K&N مع رامير استخدام شهرين اخو الجديد V6
و للبيع ياي استرالي ٤ سم استخدام ٦ شهور

[عاشق الرصاصي]

كم يسواء ياخوان فور تشنر 2008 ماشي 170000 بدي سليم شبه الوكاله بأسم صاحبه من الوكاله

gk اربعه سرندل بدون دبل تماتيك قزاز كهرباء سيدي وكاسيت حساسات
كبوس اماميه كاشفت الضباب وحنايا

[خلي البال]

عندي فورتشنر vx1 2011 اسود ماشي 51000 فاكه وكاله وخالي من الصدمات تماماَ
وابي اعرضه للبيع .. لسبب واحد فقط
بصراحة ظهري عجز يتحمله .. وانا رجال بلغت من العمر عتياً
لكن الفورتشنر موتر ولا احد يجهله .. بر بحر واحيانا جو :)


وانا شايب عظمتي كبيرة .. مابي حيل على المطبات
الا ليت الشباب يعود ثلاث شهور.... فاخبره بما فعل الفورتشنر بظهري:D
عاد اللي يبي يسوم يجيب من الآخر .. لاني مو حق طول مجادلة..ادوخ بسرعة وانام

الموتر نظيف جدا .. خذوا الكلام عني واعتبروكم شفتوه واقتنعتوا
يبقى السعر فقط

[musab]

خلي البال موترك يجيب فوق 100 الف بالراحة لذلك لاتقبل بسومة اقل


الشي الثاني خذ لك سكويا او تاهو مثلا او اذا تبي صندوق سييرا

والباثنفندر الجيل الجديد موب شين


كل ذكرتهم لك مريحاااات حيييل

[عاشق الرصاصي]

كم يسواء ياخوان فور تشنر 2008 ماشي 170000 بدي سليم شبه الوكاله بأسم صاحبه من الوكاله

gk اربعه سرندل بدون دبل تماتيك قزاز كهرباء سيدي وكاسيت حساسات
كبوس اماميه كاشفت الضباب وحنايا

غريبه محد رد علي

[مخاوي 2004]

غريبه محد رد علي

يسوى الموتر اخوي من 75 وفيها الى الثمانين كانه نظييييييييييف

اعرف واحد من الربع شاري له 2008 فكس1 تماتيك 87 ماشي 80


بالتوفيق

[imt]

لبيع فلتر K&N مع رامير استخدام شهرين اخو الجديد V6
و للبيع ياي استرالي ٤ سم استخدام ٦ شهور

[عاشق الرصاصي]

يسوى الموتر اخوي من 75 وفيها الى الثمانين كانه نظييييييييييف

اعرف واحد من الربع شاري له 2008 فكس1 تماتيك 87 ماشي 80


بالتوفيق

بارك الله فيك

[خوة نشامي]

موفق باذن الله

[سليّم ابو عمر]

للبيع فلتر K&N مع رامير استخدام شهرين اخو الجديد V6
و للبيع ياي استرالي 4 سم استخدام 6 شهور

انا جازم لشرية الياي وهذا جوالي ارجوا الاتصال عاااااااااجلاً قبل الجمعه ان حصل 0566894454

[سليّم ابو عمر]

مطلوب:طبق فورشنر قماش تنزاني

[سليّم ابو عمر]

مطلوب:طبق فورشنر قماش تنزاني

مستعمل طبعاً

[احمد قعيش]

عندي موديل 2006 ماشي عليه 230000من جده للرياض لأبها لنجران لجيزان للمدينة للدمام الخ غير البحر والطعوس والجبال ..عملت فحص دوري وتم اجتيزه بنجاح اخدته لصيانة تايوتا عشان اكشف على زيت الجربكس والدفرنس اخدو مني 380 ريالا فقط وشفت الزيوت بنفسي وكأنني حطيتها امس ..
بالعربي الفصيح سيارة كرف ومكده ومتماسكة ومناسبة للعائلة الصغيرة ...
عيبها لا تتعدى ال130 كيلو في الساعة ولاتنعطف بحده .
هذه عيوب وليست عيوب في نفس الوقت .
ليه السرعة الجنونية والانعطاف الحاد ..
سق على مهل وأنا متأكد انه تعمر معك عشرون سنة

[احمد قعيش]

عندي فوتشنر2006 سته سلندر السيارة رائعة وعملية ولا يوم احتاجت لاصلاح والحمد لله اخدتها للصيانة لأنني ناوي على سفر من نجران لجده والمدينة والعودة ..
فقالو ان الكلتش يحتاج لتغيير ..هذا الكلام سمعته منهم قبل ثلاث سنوات ولم اغيره والسيارة نفس العزم والقوة وكأنها جديدة

[احمد قعيش]

سيارتي فورتشنر 2006 قير عادي ماشية الى الان 230000تقريبا ..لم يحدث بها تهريب من اي مكان ولله الحمد

[محمد الالوسي]

حبيت اسأل الاخوان في الرابطة موتري vx 2012 انتبهت الى ان هناك مكان في اعلى الباب اللي خلف السائق في الزاوية الداخلية من الباب بان الدهان طري و ليس ناشف ويلزق باليد هل من المعقول انها فيها حادث وصبغ وان الوكالة باعتها على انها جديدة وعلى الزيرو ... الفزعة اخواني ماذا افعل.علما بان الموتر عندي من 10 اشهر و مطلعه من الوكالة

[قدها ونص]

سيارتي فورتشنر 2006 قير عادي ماشية الى الان 230000تقريبا ..لم يحدث بها تهريب من اي مكان ولله الحمد

اخوي احمد انا ناوي اشتري للوالد الله يحفضه فورتشنر عادي اقل شي بدون دبل
وكلامك طمني بس هل تنصحني اخذه اصفار 87 الف

ولا اشتري اربع سلندر دبل مستخدم

وهل يصلح لعايله هو يشيل لركاب بس مو شايف اي مكان للعفش .؟

[musab]

حبيت اسأل الاخوان في الرابطة موتري vx 2012 انتبهت الى ان هناك مكان في اعلى الباب اللي خلف السائق في الزاوية الداخلية من الباب بان الدهان طري و ليس ناشف ويلزق باليد هل من المعقول انها فيها حادث وصبغ وان الوكالة باعتها على انها جديدة وعلى الزيرو ... الفزعة اخواني ماذا افعل.علما بان الموتر عندي من 10 اشهر و مطلعه من الوكالة

مالك الا الوكالة روح لهم وشوف وش يقولون


ياتقنعهم او يقنعونك


ممكن تصور لنا الدهان اللي تقول؟

[أ.الخزاعي]

السلام عليكم ورحمة الله وبركاته
ياشباب معي فوتشنر 2006 ستة سلندر اخذته مستعمل قبل سنتين وثمان اشهر وكان ماشي80 الف
وماعملت صيانة له بس غيرت بواجي ومساعدات وفلتر هواء واقمشة فقط
والسيارة الحمد لله زي الفل والآن ماشية فوق الميتين وابي اعمل صيانة بس الوكالة غالية ممكن تنصحوني اغير ايه

[musab]

متغيرش حاجه

فقط غير السير واذا سيارتك تماتيك غير زيت القير وسفون القير كدا كفايه ^_*

[ttb2007]

السلام عليكم
مساكم الله بالخير يا أعضاء الرابطه
أنا عضو جديد عندكم

وان شاء الله اني بشتري فورتشنر 2013
اتوماتيك 6سلندر + دبل ( vx1)
لكن بستشيركم قبل مااجزم

1- سمعت ٱڼ 2012 متعب بالطريق ومزعج مو مثل الموديلات الي قبل ( آڼـــا مجرب 2007 ومريح)؟؟؟؟
2- هل يجي مكيفين؟؟؟؟؟
3- هل فيه ثلاجه؟؟؟

واخيراًً هل تنصحوني فيه؟؟؟؟

[musab]

فيه مكيفين بس الثلاجه لا وانا انصحك فيه اظن 2012 ما يفرق عن اللي قبله بالطريق


والافضل تعطينا استخدامك للسيارة عشان نعطيك الجواب الصحيح ^_^

[الراحل عنيزة]

انا معي 12 ولله الحمد الموتر مشاءالله موتر بر وقوي لكن عيبه الوحيد اذا جاء بالخط هواء الله يعينك ولا مريح

[ttb2007]

فيه مكيفين بس الثلاجه لا وانا انصحك فيه اظن 2012 ما يفرق عن اللي قبله بالطريق


والافضل تعطينا استخدامك للسيارة عشان نعطيك الجواب الصحيح ^_^



استخدامي سفريات كثيره
وكشتات على الخفيف

يعني يهمني الراحه بالطريق
للعلم ان ماعندي مبلغ كافي يالله اقدر على الفورتشنر


ولك مني جزيل الشكر

[ttb2007]

انا معي 12 ولله الحمد الموتر مشاءالله موتر بر وقوي لكن عيبه الوحيد اذا جاء بالخط هواء الله يعينك ولا مريح


بورك فيك اخوي الراحل

[musab]

اذا يهمك الراحه وكشتات خفيف صراحه الفورتشنر السفر مرو مريح


بس عملي جدا جدا جدا ماله مثيل



بس اللي مريح وبديل عن الفورتشنر


عندك التاهو و فورد اكبلورر او اكسبدش مدري شسمه بالزبط اللي صغير


والسكويا رووووعه الباثفندر الجيل الجديد حلو برضو


والارمادا



هذي مريحات خط وتنفع كشتات خفيفه

[ttb2007]

اذا يهمك الراحه وكشتات خفيف صراحه الفورتشنر السفر مرو مريح


بس عملي جدا جدا جدا ماله مثيل



بس اللي مريح وبديل عن الفورتشنر


عندك التاهو و فورد اكبلورر او اكسبدش مدري شسمه بالزبط اللي صغير


والسكويا رووووعه الباثفندر الجيل الجديد حلو برضو


والارمادا



هذي مريحات خط وتنفع كشتات خفيفه

مشكور اخوي
لكن ماودي اطلع عن تويوتا

نيسان ماهو عملي - علطول يتفكك
وفورد سعرها يطيح بسرعه

لكن هل 2013 او 2012
ماهو بأريح من 2007

لاني امس مسكت خط ب 2007
وماشاء الله روعه ومريح

فمشكلتي اخاف ان الجديد تغير فيه شيء او اقل راحه

[musab]

الجديد ماتغير شي جوهري ابدا


مثل اللي قبل تماما وخصوصا في الخط والراحه



الفورد قصدي تاخذه مستعمل طايح سعره

والباثفندر الجيل الجديد مايتفكك مثل اللي قبله وبعدين اذا كشتاتك خفيفه مايهمك يتفكك ولا لا لان ماراح تجور عليه في البر

[bnsa]

السلام عليكم
معي فورتشنر vx 6 موديل 2012
حبيت اسئل عن صوت المكينه كان فيه صوت بلوف مثل الطقطه هل هو عادي ماشي 12 الف
سئلت واحد قال عادي الوكاله بعيدة عني

[musab]

عادي الستة سرندل صوته غريب شوي ^_^ انا يك اول ماجربته دخلني الماء :D

[imt]

للبيع فلتر K&N مع رامير استخدام شهرين اخو الجديد V6
و للبيع ياي استرالي 4 سم استخدام 6 شهور

ابوتركي
0566558118

ارجوا مراعاة اوقات الاتصال

[ttb2007]

الجديد ماتغير شي جوهري ابدا


مثل اللي قبل تماما وخصوصا في الخط والراحه



الفورد قصدي تاخذه مستعمل طايح سعره

والباثفندر الجيل الجديد مايتفكك مثل اللي قبله وبعدين اذا كشتاتك خفيفه مايهمك يتفكك ولا لا لان ماراح تجور عليه في البر


بارك الله فيك اخوي
ومشكور على المعلومات

[سليّم ابو عمر]

السلام عليكم
معي فورتشنر vx 6 موديل 2012
حبيت اسئل عن صوت المكينه كان فيه صوت بلوف مثل الطقطه هل هو عادي ماشي 12 الف
سئلت واحد قال عادي الوكاله بعيدة عني

لا عادي هذا صوت البلوف كما وصلني العلم .. ولو تفرغ الشخالات بتسمعه اقوى وقالي اذا بغيت يروح(مع انه مايضر) عب 95

[ttb2007]

مساء الخير
عذراً على كثرة الاسئله
لكن لاول مره بشتري سياره وكاله
ولازم نتأكد قبل

بسأل هل الفل كامل ٦ سلندر ٢٠١٣

قير التوماتيك ٥ تغييرات او ٤ تغييرات

لان ٤ سلندر يجي ٤ تغييرات

[musab]

^^^^^^^

يجي 5 تغييرات الاوتوماتيك

[ahma1]

السلام عليكم ...

عندي يا اخوان يايات امامية استرالية من الرماية نضيفة جدا جدا استخدامها اقل من شهرين وهي للبيع

اللي له رغبة بهن يراسلني على الخاص
كم مقاس اليايات وياليت رقم الجوال على الخاص لكي اتواصل معك لا استطيع ارسال رسائل خاصة

[ttb2007]

^^^^^^^

يجي 5 تغييرات الاوتوماتيك


بورك فيك اخوي
وماقصرت افدتنا الله ينفع فيك

[ahma1]

العضو قرعة نجد ارجو التواصل معي ودي باليايات اذا مقاسها 3سم ارسلي جوالك على الخاص لا استطيع مراسلتك بسبب قلت المشاراكات

[imt]

لقد تم بيع الفلتر واليايات والله يرزق الجميع

[ابو سلطان خ]

السلام عليكم
حياكم الله
فورتشنر فل كامل2009(قير عادي)
باقي المواصفات هنا بالموضوع
7777
http://www.mekshat.com/vb/showthread.php?t=535781

ورزقنا الله واياكم
والله يكتب اللي به الخير
-

[الشامخ 66]

السلام عليكم
الصراحه ارفع ثوبي اجلال لهذه الرابطه
أتشرف بلانضمام معكم في هذه الرابطه 2007 vx2

[musab]

^^^^^^^^^^^^


هههههههههههههههههههه ارفع ثوبي هههههههه

طلع سروال السنه هههههههههههه

[الشامخ 66]

يالربع وش افضل ورشة المميز او المواهب ودي اركب دعاميه
ووين موقعها بضبط
وش أقضل الدعاميه السوده او النيكل

[الشامخ 66]

ميزة هذي الرابطه كنك تكلم جدار محد يرد

[bnsa]

لا عادي هذا صوت البلوف كما وصلني العلم .. ولو تفرغ الشخالات بتسمعه اقوى وقالي اذا بغيت يروح(مع انه مايضر) عب 95


مساء الخير اخوي سليم
انا من شريته اعبي بنزين 95
ولكن بما انك تقول عادي يعني كل فورتشنر 2012 نفس الصوت

[سليّم ابو عمر]

مساء الخير اخوي سليم
انا من شريته اعبي بنزين 95
ولكن بما انك تقول عادي يعني كل فورتشنر 2012 نفس الصوت

مياك الله بالنور والسرور
اتوقع انه بكل الموديلات انا معي 2006 وفيه هالصوت وواحد من ربعي معه 2008 وفيه هالصوت ايضاً

[سليّم ابو عمر]

ابسألكم ياأخوان انا رفعت موتري بيايات استراليه وجيت ابرفعه قدام بكعكات.. قالي راعي الورشه لازم تغير مسامير المدري وشو ..المهم لازم اغير مسامير قدام ؟ ومسامير حقات وشو هن ؟ مع اني ابرفعه من قدام 1سم فقط ،

[سليّم ابو عمر]

طبعاً رافعه بيايات من ورا :good:

[musab]

ابوعمر تبي نصيحتي لاتقرب الكعكات تراهن غير امن

تبي ترفع ركب ياي استرالي امامي 3 سنتي وقصه لفه وحدة


وراح تدعي لي

[musab]

ميزة هذي الرابطه كنك تكلم جدار محد يرد



ههههههههههههههه والله ياانت حااااررررررررر هههههههه

تعوذ من الشيطان واشرب لك كاس شاي ربيع ينعنش


الدعامة من ناحية الشغل كلهم مثل بعض المميز والمواهب


وانا افضل المواهب لانه هو الاصل


واللون راجع للذوق بس انا افضل اسود احس تعطي شكل وتعوض مكان الدعامة البلاستيكيه




ووصف الورشة "موب متأكد من الوصف"


الدائري الجنوبي يجي مخرج الخرج شمال ادخل معه


ثم من فوق الكبري يجيك اشارة السالم الشهيرة


خذ معها يمين ثم اول اشارة اظن يوتيرن بتجيك عاليمين


والصفه اللي عاليمين عموما كلهم ورش حدادة فنانين

[الشامخ 66]

الله يبيض وجهك
تراني جايبها من باب المداعبه

[قرعة نجد]

العضو قرعة نجد ارجو التواصل معي ودي باليايات اذا مقاسها 3سم ارسلي جوالك على الخاص لا استطيع مراسلتك بسبب قلت المشاراكات

آسف على التأخير ولك رسالة على الخاص

[ربيع الخرج]

السلام عليكم..
أعود لكم إخواني بعد انقطااااع طوييييل.. استفسار بسيط موتري فورتشنر 2011 في اكس 1 الموتر وصل ممشاه 60 ألف مادري فيه صيانة معينة بالوكالة لأشياء محددة،،، وجزيتم خيرا

[musab]

وعليكم السلام ورحمة الله وبركاته..

مرحبا بعودتك اخوي ربيع الخرج


شف بكون معك صريح

اذا عندك سيولة حلوه اعمل الصيانة عندهم بشكل مرتب لان صيانتهم صحيح غاليه بس حلوه وخصوصا عندما يزيد ممشى السيارة


واذا انت ماعندك استعداد تسوي صيانة اسحب على مندوب مندوبهم

ولاتغير إلا زيت مكينة وسيفون وفحمات وقماشات


واذا موترك مشى 120 الف غير زيت القير

ثم بعدها كل 80 الف غيرها وانتهى


ولاتقرب زيت الدفرنس إلا اذا الوكالة بيغيرونه لان زيت الدفرنس لوخليته 100000000كلم مايضر بإذن الله

[ahma1]

آسف على التأخير ولك رسالة على الخاص

شكرا لك اخي قرعة نجد اطلعت على الرسالة ولكني مسافر وسوف اتواصل معك بعد الاجازة ان شاء الله

[صفحة تربوية]

فورتشنر 2011 ست سلندر ماشي 77000
VX1 قير اوتماتيك

وين احسن ورشة ببريدة تغير فلتر وزيت القير

[musab]

^^^^^^^^^^^

اذا تبي نصيحتي لاتغييره إلا اذا مشى 120 الف لانه اول مره عقب البلد

[ولد البقوم]

مشاء الله تبارك الله

[أَبوابراهيم]

للبيع دعامية المميز مع العدة: معلاق ذبيحة + فاس + مطرقه + مسحات
نظيفة لم تستخدم الى 4 اشهر تقريبا
تركب على الفورتشنر والهايلكس بدون اي تعديل حد 500 سعرها جديد 950 تقريبا
0544098836

صورة لنفس الدعامية اخذتها من النت راكبه على فورتشنر او هايلكس
http://dc01.arabsh.com/i/01706/nw1lvc3cgshb.jpg

[محمد الهديب]

يالربع .. ماصورة الفورتشنر ال6 سلندر اللي بعد الهدرز تركب على البرادو ال6سلندر ولالا ..

[الشماسي]

السلام عليكم ورحمة الله وبركاته...وبعد

عندي مشكلة بالفورشنر 2010 ستة سرندل قير تماتيك

عصا الدبل عندي معلق مايعشق لا خفيف ولا ثقيل

وآخر طلعه قبل اسبوعين كنت معشقه تمام ولا فيه مشاكل

حاولت فيه بجميع الطرق

حاولت اعشقه وانا واقف وماشي ومطفي وبالفاضي والريوس والـ P وضغطته ورفعته مانفع

علماً بأني شيكت على الزيت وكل شيء تمام

والجيب مافيه اي مشكلة بالقير عدا أن العصا حق الدبل ما يعشق للخفيف ولا الثقيل

لمن لديه حل لهذه المشكلة لايبخل علينا بنصائحه

واذا احد يعرف مختص فاهم بمشاكل 4×4 لايبخل علينا ويوصف لنا مكانه أو رقمه

وجزاكم الله خير

[musab]

اخوي الشماسي يبدو ان خابور الدبل يحتاج تنظيف ويضبط ان شاء الله

[musab]

اذا تبغى ورش للدبل في الصناعية القديمة

[الشماسي]

فكيت العصا حق الدبل وحركته ورجعته مرة ثانية والحمدلله ضبط

بس إلى الأن مافهمت ليش علق

جزاك الله خير وماقصرت يالغالي

ليتك ترسل لي أرقام ناس اذا توصي بهم وتعرفهم مختصين بالدفرنسين نتوجه لهم عند الحاجة

ومع التحية

[hgvfdu]

السلام عليكم يا الربع
اللي عنده خبره في كيفية وزن انوار الفورتشنر لأنها مثل ما تعرفون نازله
كيف الطريقه اني ارفعها
للأهمية

[musab]

تحتاج سكروب + واول ماتفتح الكبوت وتشاهد الانوار راح تلاحظ فيه فتحه جواتها زي البكرة لونها ابيض تدخل فيها السكروب وتبرم البكرة لما يرتفع زي ماتبي

[hgvfdu]

يا ما العافية يا مصعب جعلك تسلم علي الافادة
ابجرب واذا ما عرفت ابرجع لك تفهمني اكثر ولو اني اتوقع ان المسأله وضحت بعد مساعدتك لي

تحياتي لك يالغالي :good2:

[musab]

وانا تحت الخدمة طال عمرك اذا ماعرفت صورتها لك بس انت اشر اشارة وابشر باللي يسرك ^_^

[ابوابراهيم202]

ياالاجواد ودى اعرف وش الى تغير فى الفورشنر موديل 2013 عن موديل 2012 لوحصل صور ولكم شاكر ومقدر

[سليّم ابو عمر]

ياالاجواد ودى اعرف وش الى تغير فى الفورشنر موديل 2013 عن موديل 2012 لوحصل صور ولكم شاكر ومقدر

سمعت انه إلى الآن مانزل بالسعوديه الـ 13

[musab]

مااتوقع يتغير شيء خلال الموديلين القادمة على الاقل هذي سياسة تويوتا من عمرها

[وادي النخلة]

السلام عليكم

يا أخوان أنا أبحث عن جيب صغير.. ومحتار ما بين الفورتشنر والأكسبلور

أيهم أفضل كاستخدام وأرخص صيانة

أي من السيارات تنصحوني فيها

وهل الفورتشنر 4 سلندر يمشي بالطريق أو ثقيل.

تحياتي للجميع،،،

[musab]

اذا تهمك الراحه مره ومو راعي بر كثير خذ اكسبلورر


واذا تبي موتر صبور جدا وعملي وينفع للبر والكد والكرف خذ فورتشنر وفي الصيانة مايحتاج اقولك تيوتا ومثل الهايلكس :good2:

[كومبو]

السلام عليكم

يا أخوان أنا أبحث عن جيب صغير.. ومحتار ما بين الفورتشنر والأكسبلور

أيهم أفضل كاستخدام وأرخص صيانة

أي من السيارات تنصحوني فيها

وهل الفورتشنر 4 سلندر يمشي بالطريق أو ثقيل.

تحياتي للجميع،،،



وعليكم السلام
السيارة جيدة جدًا لكن لا تقارن بالستة سلندر
معي واحد قير عادي بدل
ولا أحتاج للستة سلندر

[بن نويشر]

شباب طلبكم ..
أنا مركب جنوط برادو 2007 مقاس 17 ، وكلت مطب وطاح احد الغطيان ..

وين ألقى البديل يالربع ؟؟

هل من الوكالة ولا من أين ؟

وجزاكم الله خير ،،

[musab]

يمكن تلاقي في الغرابي


واذا تبي نصيحتي فك الاغطية الباقية يطلع الشكل احسن

[بن نويشر]

نشوف باقي القروب وش يقول ... لعل وعسى أحد عنده علم ...

[القناص بوصالح]

السلام عليكم ورحمه الله وبركاته
يسعدني ويشرفني الانضمام الى لهذه الرابطه
فورتشنر 2009 v6

[musab]

الله يحيي الجميع ^_^

[القناص بوصالح]

جزاك الله خير اخوي مصعب
عندي استفسار بالنسبه لفلتر زيت القير الفورتشنر v6
هل يختلف فلتر الفورتشنر السعودي عن الكويتي
علما بان اخي غير زيت القير وتفاجى بان فلتر الخليجي(اماراتي موديل 2006)
يختلف عن السعودي ولا يركب عليه
انا موتري وارد الساير وابي اغير الزيت والفلتر لكن اني مترد خايف اتوهق يكون الفلتر يختلف ولا احصل فلتر نفسه

[musab]

غريب صراحه ماظنتتي انه يفرق

عموما اظمن لك غير عند الوكاله


انا اشوف ان زيت القير مايصلح يتغير إلا في الوكاله خصوصا انك ماراح تغير إلا كل سنتين او اكثر

[سليّم ابو عمر]

الأخ مصعب شفت شرحك لطريقة رفع النور .. بس مافهمته الشي الابيض اللي يبرم لازم تفك الاصطب ولا اول ماتفتح الكبوت تشوفه ؟ اذا ماعليك كلافه لو تشرحللنا .. وجزاك الله خير

[musab]

بصوره لك لاحقا مايحتاج تفك شي

[سليّم ابو عمر]

الشي المراد برمه يكون ورا اللمبه من لم الكبوت ولا ؟

[musab]

http://i658.photobucket.com/albums/uu301/mmuussaabb/IMAG1032.jpg

دخل مفك من نوع (+) مع احد الفتحات المشار اليها بالسهم ثم ابدا بالبرم ستجد ان النور يرتفع او ينزل

http://i658.photobucket.com/albums/uu301/mmuussaabb/IMAG1033.jpg



http://i658.photobucket.com/albums/uu301/mmuussaabb/IMAG1030.jpg


تستطيع بمفك (-) انك تبرمه عن طريق الصاموله البيضاء لو تلاحط بامكانك تدخل سكروب (-) وتبدأ بالبرم


http://i658.photobucket.com/albums/uu301/mmuussaabb/IMAG1031.jpg





ملاحظة: قبل ان تحرك النور وقف قدام جدار ومعك قلم وحدد ارتفاع النور بالقلم من الجهتين


عشان اذا حست في الوزنية تقدر ترجعه للوضع القديم ^_^

[سليّم ابو عمر]

جزاك الله خير وماقصرت

[سليّم ابو عمر]

هههههههه جزاك الله خير يامصعب .. شلعت موتري 12 سم عن وضعه الأول :Dورفعه وتنزيله اسهل مما كنت اتصور

[musab]

الرفع الزائد يضيع النور ويعمي العالم ^_^

[سليّم ابو عمر]

لاحظت ذلك العالم يكبسون علي وسيتم تقليل الإرتفاع بأذن الله .. طبعاً قياسي لـلـ 12سم النور يبعد عن الجدار مترين تقريباً

[الراس مرفوع]

السلام عليكم ورحمة الله وبركاته
كيف حالك يا اعضاء هالمنتدى الرائع ..
عندي سؤال عن الفورتشنر
هل مواصفات الامريكي يختلف عن الخليجي
ووش الفرق بينهن

[musab]

^^^^^^^^

اظن ان الامريكي لايوجد فيه فورتشنر بل يوجد سيارة اسمها فورنر والله اعلم

[سليّم ابو عمر]

الفورنر تلقى منه موديلات قديمه فقط وللأسف (طبعاً عندنا) ويبدا اسمه بـ 4 ولا الموديلات الجديده ماتجينا

[حنين الطير]

السلام عليكم جميعا
عندي استفسار

وش الفرق بين مساعدات مونرو الخلفيه عن (اولدمان )

وش تنصحوني فيه للأمامي والخلفي ؟

[سليّم ابو عمر]

انا ماتسد سمعت عن اولد مان لكن سمعت ثناء عظيم على أداء المونرو

[أَبوابراهيم]

للبيع دعامية المميز مع العدة: معلاق ذبيحة + فاس + مطرقه + مسحات
نظيفة لم تستخدم الى 4 اشهر تقريبا
تركب على الفورتشنر والهايلكس بدون اي تعديل حد 500 سعرها جديد 950 تقريبا
0544098836

صورة لنفس الدعامية اخذتها من النت راكبه على فورتشنر او هايلكس
http://dc01.arabsh.com/i/01706/nw1lvc3cgshb.jpg

[أبوعبدالله 20]

الأخوان الأعزاء

يشرفني الإنضمام إليكم

أشتريت قبل أسبوع فورتشنر موديل2012 أوتوماتيك 4 سلندر بدون دبل

ما شاء الله تبارك الله السيارة طيبة بالرغم إني سمعت عنها كلام كثير وأنها ما تنفع وما إلى ذلك من الكلام الغير صحيح.
لكن ماشاء الله تبارك الفررتشنر سيارة ممتازة وأنصح بشرائها

تحياتي

[albara]

السلام عليكم ورحمة الله وبركاته
انا يا اخوان احتاج خبرة اللي قد ركب يايات الرماية لا هنتو
لان معي فورتشنر 2012 بقوة 6 سرندل وركبت عليه يايات الرماية الأمامي اصغر مقاس والخلفي المقاس الثاني وارتفع الموتر زي ما ابغي لكن طلع مطبه قاسي وفي الهويات احسن ان مساعدات بلاده بتنطلق من قوي ما تنمغط ويطلع لها صوت وخبطة اذا انمغط المساعد
فسؤالي هل قد جرب احد وركب مع يايات الرماية مساعدات تحمل طول يايات الرماية ولينه في المطب
أنا لقيت شباب عند الرماية قالو لي جرب مساعدات المرسدس بس مهوب متأكدين منها
فأرجو الإفادة من ذوي التجربة والخبرة

شاكر ومقدر

[musab]

ياياتك الموجوده الان تستطيع تعمل لها تليين عشان ماتقعد تشتري غيرها وتخسر

رح الصناعية القديمة واسأل وين تليين اليايات او اسأل عن ورشة مرات هي واللي حولها متخصيين في اليايات

[musab]

وفيه مساعدات اسمها مونرو لينة وطويله تنفع مع الياي
وكذلك المساعدات الاسترالية الموجودة في الرماية

وفيه مساعدات جبرايل اللي لونها ابيض حلوه ورخيصه بس قاسيه

وبعض الشباب يمدح اولد مان

[سليّم ابو عمر]

تعقيباً على كلام الاخ مصعب الجبرايل تجي ثلاث طقات يعني لاشريت المساعد انت تتحكم بليونته وقساوته من خلال ثلاث مقاسات انت تقدر تزينه هذي من ميزاته لكن خويي اخذه من الوكيل وقاله انه بدون ضمان امّامونرو عليه ضمان سنه

[المتأمل1]

الله يحي الرجال في هالمنتدى الشامخ


وننضم معكم في رابطة ملاك الفورشنر


والصراحة قبل امتلاكي كنت مقتنع اقناع كامل للعادي ،
والأن لما جربته صارت رغبتي للتوماتيك لكثرة سفراتي وحسيت أنه أريح لي من العادي ،


وإلا راعين البر لايرخص عليهم العادي خف ونشاط ،،


وودي بالمبادل للتوماتيك يكون أبيض اللون ست سلندر نظيف
وللمعلوميةالسيارة اللي معي 2009 أبيض نظيف فل كامل قير عادي


للتواصل 0566568111


والسموحة من الإدارة الكريمة

[صفحة تربوية]

انصحكم دائما بعدم تغيير موصفات الوكالة

فهم ادرى بصنعهم

لارفع ولاتنزيل ولايايات ولامساعدات

[musab]

الوكالة تضع معايير تكون متوسطة ومناسبة لجميع الاذواق قد مايقدرون

فهم يريدون اكثر مبيعا لذلك يحاولون يغطون جميع الاذواق


ولكن اذا كان استخدامك خارج عن الروتين المدني "عمل - نزهة خفيف - تحميل بسيط"

لابد من التغيير في السيارة ليتلائم مع استخدامك ^_^

[albara]

أخوي musab
شاكر لك إقتراحاتك والمعلومات اللي افدتني بها
بس انت كذا خيرتني بين الثلاث انواع وانا بيني وبينك خابرهم ومجرب المونرو والرماية قاسيااااااات
أما الجبريال مدري عنها

[musab]

الجبريال قاسي والنوع اللي يجي ثلاث طقات اظن انه نوع قديم انقطع


بس جبرايل مايخرب ابد يمد معك لين تمل منه وترميه

[abu.abdallah]

بسم الله الرحمن الرحيم

السلام عليكم ورحمة الله وبركاته

حياكم الله وبياكم، أتمنى أن تكونوا بصحة وعافية، ومبارك كما هو موضح بالعنوان..

عندي ماصورة شخالات (دبات البيئة) للفورتشنر الـ 4 سلندر والهايلوكس من 2006 وفوق سواء الغمارة أو الغمارتين..

طبعاً الماصورة درجة ثانية نفس الوكالة، مفرغة نص تفريغ، شريتها بـ 350 ريال تقريباً، واستخدمتها ثلاث شهور ورجعت البلد..

فائدتها: زيادة بالعزم خصوصاً إذا فرغتها بشكل كامل (هذي نص تفريغ)

وتراها اخت الجديدة حتى انها توها ماتغير لونها ولا فيها تهاريب ابداً..

هذي صورة للتوضيح:

http://www.mekshat.com/pix/upload05/images250/mk224149_shkalat.jpg



* السعر: أبعطيكم اياه باقل من نص سعرها، لاني مستعجل بالبيع..

150 ريال فقط..


ودمتم بحفظ الله ورعايته

أخوكم: أبوعبدالله، شرق الرياض.
جوال: 0592466680

[XTERRA -2010]

انا ماتسد سمعت عن اولد مان لكن سمعت ثناء عظيم على أداء المونرو

أبو عمر مساعدات اولد مان OLD MEN هي الإسترالية الصفرا من شركة ARB

[قرعة نجد]

السلام عليكم ورحمة الله وبركاته
انا يا اخوان احتاج خبرة اللي قد ركب يايات الرماية لا هنتو
لان معي فورتشنر 2012 بقوة 6 سرندل وركبت عليه يايات الرماية الأمامي اصغر مقاس والخلفي المقاس الثاني وارتفع الموتر زي ما ابغي لكن طلع مطبه قاسي وفي الهويات احسن ان مساعدات بلاده بتنطلق من قوي ما تنمغط ويطلع لها صوت وخبطة اذا انمغط المساعد
فسؤالي هل قد جرب احد وركب مع يايات الرماية مساعدات تحمل طول يايات الرماية ولينه في المطب
أنا لقيت شباب عند الرماية قالو لي جرب مساعدات المرسدس بس مهوب متأكدين منها
فأرجو الإفادة من ذوي التجربة والخبرة

شاكر ومقدر


اخوي ممكن تورينا صورة لموترك من الجنب اذا ما عليك كلافة

[XTERRA -2010]

السلام عليكم ورحمة الله وبركاته
انا يا اخوان احتاج خبرة اللي قد ركب يايات الرماية لا هنتو
لان معي فورتشنر 2012 بقوة 6 سرندل وركبت عليه يايات الرماية الأمامي اصغر مقاس والخلفي المقاس الثاني وارتفع الموتر زي ما ابغي لكن طلع مطبه قاسي وفي الهويات احسن ان مساعدات بلاده بتنطلق من قوي ما تنمغط ويطلع لها صوت وخبطة اذا انمغط المساعد
فسؤالي هل قد جرب احد وركب مع يايات الرماية مساعدات تحمل طول يايات الرماية ولينه في المطب
أنا لقيت شباب عند الرماية قالو لي جرب مساعدات المرسدس بس مهوب متأكدين منها
فأرجو الإفادة من ذوي التجربة والخبرة

شاكر ومقدر

انا مركب مثلك على موتري2012 قدام ياي مقاس 883 يرفع 3cm ويايا خلفي مقاس 803 يرفع 4cm +كعكه 1.5 ورا

بخصوص المساعدات وصوت الطقه الي ورا انصحك نصيحه من غالي و محب لاتركب إلا مساعدات استراليه من الرمايه

و لا تقعد تركب مساعدات فكسار و لا منرو و ....هاذا كله كلام فاضي من مجرب
مافيه مثل الإسترالي لكن غاااااااالي
فا لاتخسر نفسك بمساعدات غيرها .....

واي خدمة نحن نتشرف


ابوثابت


أرسلت بواسطة GT-N7100

[abu.abdallah]

بسم الله الرحمن الرحيم





السلام عليكم ورحمة الله وبركاته


حياكم الله وبياكم، أتمنى أن تكونوا بصحة وعافية، ومبارك كما هو موضح بالعنوان..


عندي ماصورة شخالات (دبات البيئة) للفورتشنر الـ 4 سلندر والهايلوكس من 2006 وفوق سواء الغمارة أو الغمارتين..


طبعاً الماصورة درجة ثانية نفس الوكالة، مفرغة نص تفريغ، شريتها بـ 350 ريال تقريباً، واستخدمتها ثلاث شهور ورجعت البلد..


فائدتها: زيادة بالعزم خصوصاً إذا فرغتها بشكل كامل (هذي نص تفريغ)


وتراها اخت الجديدة حتى انها توها ماتغير لونها ولا فيها تهاريب ابداً..


هذي صورة للتوضيح:


http://www.mekshat.com/pix/upload05/images250/mk224149_shkalat.jpg




* السعر: أبعطيكم اياه باقل من نص سعرها، لاني مستعجل بالبيع..


150 ريال فقط..



ودمتم بحفظ الله ورعايته


أخوكم: أبوعبدالله، شرق الرياض.


جوال: 0592466680



تم بيعها الله يبارك للبايع والمشتري..

[قرعة نجد]

اغراض فورتشنر وغيره للبيع

http://www.mekshat.com/vb/showthread.php?t=543851

[سليّم ابو عمر]

قرعة نجد انا جازم ع الطبق اجيك اليوم .. الرياض بعد اذن الاداره بس للأسف لااستطيع المراسله لقلة المشاركات0566894454

[سليّم ابو عمر]

من هذا المنبر اطالب الاداره بمراجعة نظام ارسال الرسائل الخاصه .. فقط اقتراح

[ابن رغيان]

سجلوني معكم فورتشنر 2008 ابيض 6 سلندر فل كامل

[ابن رغيان]

ابي اعرف وين عيار زيت القير ياشباب عجزت القاه ومن احسن واحد ببريده يغير فلتر القير

وشكرا لجيع

[مكشاتكم]

السلام عليكم ورحمة الله وبركاته

اتشرف بانظمامي لملاك الفش فش

معي فورشنر ستة اسرندل لؤلؤي

ودتم بسعادة وخير

[ابو ليان 10]

اهلا وسهلا برابطة الفورتشنر

سجل عندك فورتشنر 2008 6 سلندر ابيض

كفووووووووووووو

[قرعة نجد]

ابي اعرف وين عيار زيت القير ياشباب عجزت القاه ومن احسن واحد ببريده يغير فلتر القير

وشكرا لجيع


القير لل6 سلندر ماله عيار الا من تحت من عند صرة القير :D

[musab]

القير لل6 سلندر ماله عيار الا من تحت من عند صرة القير :D

^^^^^^^

نفر قرقر فايدة :D

[musab]

ارحبوا ارحبوا ارحبوا

ارحبوا ارحبوا ارحبوا

ارحبوا ارحبوا ارحبوا

منورين الرابطة

[قرعة نجد]

السلام عليكم
يوجد كعكات المنيوم امامية 3سم تركب قدام للي حاب يرفع موتره

حدي فيها 80 ريال

للاستفسار راسلني على الخاص

الموقع الرياض

[وسيع البال]

ياشباب سؤال عن تغيير الزيت
عندي فورتنشر 2006 مشى 70000
قير توماتيك اغير الزيت والا ازوده والا اخليه؟؟؟؟؟؟؟؟

[وسيع البال]

ياشباب سؤال عن تغيير الزيت
عندي فورتنشر 2006 مشى 70000
قير توماتيك اغير الزيت والا ازوده والا اخليه؟؟؟؟؟؟؟؟

[مخاوي 2004]

السلام عليكم كيف حالكم يالنشاما انا معي فورشنر سته سلندر موديل9 مركب مساعدات منور قدام وكعكات قدام 2.5سنتي والموتر مسكته احسن من شد البلد مافيه احد مدبل مساعدات والا مركب قدام ياي استرالي

وهل الموتر متماسك اذا ركبت ياي استرالي افيدوني جزاكم الله خيرا

[مخاوي 2004]

ياشباب سؤال عن تغيير الزيت
عندي فورتنشر 2006 مشى 70000
قير توماتيك اغير الزيت والا ازوده والا اخليه؟؟؟؟؟؟؟؟


غيره احسن لك اخوي

[musab]

ياشباب سؤال عن تغيير الزيت
عندي فورتنشر 2006 مشى 70000
قير توماتيك اغير الزيت والا ازوده والا اخليه؟؟؟؟؟؟؟؟

بالنسبة لزيت الاوتوماتيك

اول تغييره بعد الوكاله 120 ثم 100 ثم كل 80

[musab]

السلام عليكم كيف حالكم يالنشاما انا معي فورشنر سته سلندر موديل9 مركب مساعدات منور قدام وكعكات قدام 2.5سنتي والموتر مسكته احسن من شد البلد مافيه احد مدبل مساعدات والا مركب قدام ياي استرالي

وهل الموتر متماسك اذا ركبت ياي استرالي افيدوني جزاكم الله خيرا

تبي موترك يتماسك

ركب جبرايل اربع ويايات استرالية اربع :good2:

[كومبو]

ياشباب سؤال عن تغيير الزيت
عندي فورتنشر 2006 مشى 70000
قير توماتيك اغير الزيت والا ازوده والا اخليه؟؟؟؟؟؟؟؟

المفروض يتغير على 80.000 كلم أو 48 شهر كحد أقصى

[الشامخ 66]

يا أحبة بنسبه لزيت المكينة كم ياخذ من علبه مع السيفون طبعً سته سلندر

[القناص بوصالح]

تغيير الزيت بدون السيفون 5 علب اما مع السيفون 5 علب ونص
اتمنى اني افدتك :D

[مخاوي 2004]

تبي موترك يتماسك

ركب جبرايل اربع ويايات استرالية اربع :good2:

طيب اخوي الله يعافيك كم سعرهن وهل هن غازيات ووين القاهن لو تصورهن الله يعافيك بادعي لك الله يوفقك

[الغروب1433]

السلام عليكم .....
سجل عندك ...
اتوماتيك فورشنر 2013 vx1

[بيتر بن عدوان]

السلام عليكم
يالربع انا معروض علي موترين ومحتار بينهن وبين سعرهن

2009 ابيض سعودي ماشي 90 فل كامل مراتب جلد ب 95

و 2008 فضي خليجي مراتب مخمل ماشي 147 محدود ب 83

وش رايكم ايهم افضل 2008 او 2009 هل يستاهلن هالاقيام ولا لا اول مره اجرب الموتر

كلهن نظاف وشرط محركات وخاليات من الصدوم

وعندي سؤال مسمار الثلاجه الي دايم تصير مشاكله وينكسر وتخبط المكينه من اي مديل نزل ؟؟

[musab]

بالنسبة للسعر رخيصه اذكر انها ماتتعدى 400

وهي معروفة بالصلابة وعملية جدا لاتكاد تخرب
وهل هي غازية او لا ماادري

ووكيلها موجود في الصناعية القديمة

[musab]

السلام عليكم
يالربع انا معروض علي موترين ومحتار بينهن وبين سعرهن

2009 ابيض سعودي ماشي 90 فل كامل مراتب جلد ب 95

و 2008 فضي خليجي مراتب مخمل ماشي 147 محدود ب 83

وش رايكم ايهم افضل 2008 او 2009 هل يستاهلن هالاقيام ولا لا اول مره اجرب الموتر

كلهن نظاف وشرط محركات وخاليات من الصدوم

وعندي سؤال مسمار الثلاجه الي دايم تصير مشاكله وينكسر وتخبط المكينه من اي مديل نزل ؟؟



خذ 2009 ابيض افضل واذا فيه تماتيك وعادي خذ تماتيك ويستاهل

ومشكلة مسمار الثلاجة موجودة في الربع وليس في الفورتشنر مجرد اشاعات لاتحوس موترك عالفاضي

[الشامخ 66]

ترى الخليجي اغلبه نضيف وإذا جاك فطيمي فتراه زين والفرق بينهما كبير ولا تنسى الإستخاره

[musab]

الخليجي في البرادو يفرق ولكن في الفورتشنر لاشيء يذكر

[كومبو]

الخليجي في البرادو يفرق ولكن في الفورتشنر لاشيء يذكر

صدقت يفرق أن الأربعة سلندر يجي بدفلك

[كومبو]

السلام عليكم
يالربع انا معروض علي موترين ومحتار بينهن وبين سعرهن

2009 ابيض سعودي ماشي 90 فل كامل مراتب جلد ب 95

و 2008 فضي خليجي مراتب مخمل ماشي 147 محدود ب 83

وش رايكم ايهم افضل 2008 او 2009 هل يستاهلن هالاقيام ولا لا اول مره اجرب الموتر

كلهن نظاف وشرط محركات وخاليات من الصدوم

وعندي سؤال مسمار الثلاجه الي دايم تصير مشاكله وينكسر وتخبط المكينه من اي مديل نزل ؟؟

خذ 2009 فرق عن 2008 بفتحات المكيف والأنوار عدسات والتانكي 80 لتر
لكن 2008 تانكي 65 لتر

[بيتر بن عدوان]

ترى الخليجي اغلبه نضيف وإذا جاك فطيمي فتراه زين والفرق بينهما كبير ولا تنسى الإستخاره

ماقصرت وانا اخوك صدقت الموتر فطيمي وفحصنا بديه ومحركاته وتحتي الموتر والله ماشاء الله سليم وداخليه نظيف والحمدلله جزمت وشريته هاذا الي موديله 2008 لان ال 2009 طلع جايه بر وداخليه حوسه صح ممشاه قليل بس صراحتن شاورت اكثر من واحد شافو الموترين قالو الثمانيه والله انظف واحسن مواصفات مسجل ست سيديات وتخشيبه احسن من السعودي وفيه دفلك + كفراته جديده + سبيره جديد للحين مانزل والحمدلله شريت الموتر

وسجلون معكم 2008 هههه

[سليّم ابو عمر]

ماقصرت وانا اخوك صدقت الموتر فطيمي وفحصنا بديه ومحركاته وتحتي الموتر والله ماشاء الله سليم وداخليه نظيف والحمدلله جزمت وشريته هاذا الي موديله 2008 لان ال 2009 طلع جايه بر وداخليه حوسه صح ممشاه قليل بس صراحتن شاورت اكثر من واحد شافو الموترين قالو الثمانيه والله انظف واحسن مواصفات مسجل ست سيديات وتخشيبه احسن من السعودي وفيه دفلك + كفراته جديده + سبيره جديد للحين مانزل والحمدلله شريت الموتر

وسجلون معكم 2008 هههه

مبرووووك الله يطعمك خيره ويكفيك شره ويجعله عوناً على الطاعه والله يجعله ناصية مباركه .. وعز الله انه موتر

[musab]

مبرووووووك كفوووو يااذيب ارررررحب دوك الفنجال قرب القدوع ياولد

[مفلت]

السلام عليكم
يالربع موتري٢٠١٠ مخمل ،v6قير عادي،ابيض ماشي ١٤٠ الف تقريبا
الكبوت و الصدام مغيره اصلي والرفرف الايمن تعديل بسييييط مايذكر
كم يسوا؟
الف شكر

[الامل بالله]

السلام عليكم و رحمة الله و بركاته

استفسااااار ياخوان اليوم غرزت تغريزه جامده و الموتر غطس ولا قدرة اطلع الا بعد فضل الله سحبني احد الاخوان بس يوم رجعت للبيت والموتر واقف فيه نفظه مدري وش السالفه ،،، الفزعه ياخووووان لا تبخلون علينا ،،،،.

[gphoto]

السلام عليكم
ولله الحمد شريت فورتشنر 2013 6 سرندل قير عادي (VX1)
لكن فيه ريحة الكلتش قويه من مجرد تحاول تطلع السياره من الرمل (تلعب به) قرابة الدقيقة تطلع الريحة الكلتش مع العلم ان السيارة جديدة 1500 كيلو
هل فيه حل لهذي المشكله ؟
ولكم جزيل الشكر

[الامل بالله]

السلام عليكم
ولله الحمد شريت فورتشنر 2013 6 سرندل قير عادي (VX1)
لكن فيه ريحة الكلتش قويه من مجرد تحاول تطلع السياره من الرمل (تلعب به) قرابة الدقيقة تطلع الريحة الكلتش مع العلم ان السيارة جديدة 1500 كيلو
هل فيه حل لهذي المشكله ؟
ولكم جزيل الشكر


هذي مشكلت القير العادي وانا اخوك صحن الكلتش ضعيف بالنسبه للقير خف رجلك عليك ان شاء الله وتتعود

[XTERRA -2010]

السلام عليكم ورحمة الله

حياكم الله ياشباب الرابطة جميعا ....

يوجد بادره طيبه من اخواننا في تايوتا العربيه
و اقتراح جميل تم تنفيذه هناك ولاقا صدى طيب من الجميع ونرجوا ان ينجح هنا ان شاء الله


وهو من لديه حساب ببرنامج انستقرام للصور

اضافته هنا ومشاركة الأعضاء معه للتواصل اقرب

رابط الموضوع وحسابات الشباب في تايوتا العربيه
http://www.toyota4arab.com/forum/
showthread.php?t=251757

شرح البرنامج من اخونا فيصل السيف لمن لا يعرف البرنامج

http://www.youtube.com/watch?v=geHCJ_rr-AQ&feature=youtube_gdata_player

[بيتر بن عدوان]

يالربع ابي مشورتكم وش احسن كفرات للحصى والرمل للفورتشنر 2008 جنط 16 !!
موتري كفراته جديده لاكنها عضله قويه دنلوب وابي اغيرهن .

وابي مقاس الكفرات حقات جنط 16 كم مقاسهن حقات بلاده ؟

[ذئب المراقيب]

لي الشرف الانظمام معكم
بعد شراء فورتشنر2013وهذا بفضل الله ثم بفضلكم حيث وجدت مشاركات
عن الفشفش والله يعطيني خيره ويكفيني شره

[XTERRA -2010]

ياشباب قبل فترة ركبت طقم يايات استراليه امام وخلف مع مساعدات منرو امامية و مساعدات استراليه خلف

رحت امس وغيرت المنرو الأمامية لأنها طلعت خربانه وركبت حقت البلد لكن طلع الموتر مرتفع قوه من الأمام وشكله يخوف

وش رأيكم افك الياي الإسترالي و ارجع حق البلد او اكتفي بالكعكات ولا اقص الياي

[musab]

قص الياي ^^^

انا قاصه

[musab]

يالربع ابي مشورتكم وش احسن كفرات للحصى والرمل للفورتشنر 2008 جنط 16 !!
موتري كفراته جديده لاكنها عضله قويه دنلوب وابي اغيرهن .

وابي مقاس الكفرات حقات جنط 16 كم مقاسهن حقات بلاده ؟

برجستون ينفع رمل وحصى من واقع تجربه

[musab]

السلام عليكم و رحمة الله و بركاته

استفسااااار ياخوان اليوم غرزت تغريزه جامده و الموتر غطس ولا قدرة اطلع الا بعد فضل الله سحبني احد الاخوان بس يوم رجعت للبيت والموتر واقف فيه نفظه مدري وش السالفه ،،، الفزعه ياخووووان لا تبخلون علينا ،،،،.

النفظه سببها كراسي المكينة بس استبعد هذا السبب


احتمال الابنص عندك صار ينزل عن المعدل الطبيعى وينفظ

[الامل بالله]

النفظه سببها كراسي المكينة بس استبعد هذا السبب


احتمال الابنص عندك صار ينزل عن المعدل الطبيعى وينفظ

مالك لوا يالذيب الحمد الله غسلت الموتر بستم و راحت النفظه بارك الله فيك

[الامل بالله]

فيه حساب ياخوان في تويتر جروب لمن ارد المشاركه @FORTUNERTiger

كونو معنى ليوجودكم معنى

[الراحل عنيزة]

السلام عليكم
ياجماعه وش حل صفير الهواء الي يطلع مع الابواب الاماميه مع الخط اذا كان هواء شديد نبي الحل

[قرعة نجد]

ياشباب قبل فترة ركبت طقم يايات استراليه امام وخلف مع مساعدات منرو امامية و مساعدات استراليه خلف

رحت امس وغيرت المنرو الأمامية لأنها طلعت خربانه وركبت حقت البلد لكن طلع الموتر مرتفع قوه من الأمام وشكله يخوف

وش رأيكم افك الياي الإسترالي و ارجع حق البلد او اكتفي بالكعكات ولا اقص الياي


اخوي ..

كم رقم الياي اللي انت مركب واذاعندك له صورة وهو راكب على المنرو

[XTERRA -2010]

الي قدام رقمه 883 يرفع 3سانتي
(ما انصحك تركبه لأنه يرفع قوة تقدر تكتفي بالكعكات
او تقص الياي)

الي ورا رقمه 802 يرفع 4سانتي


أرسلت بواسطة GT-N7100

[القناص بوصالح]

السلام عليكم ورحمه الله وبركاته
تم فك مسامير الثلاجه ولله الحمد :good2:

[الراحل عنيزة]

على البركه ولكن مسامير الثلاجه مايحتاج تفكهن بالفوشنر المشكله بالربع والشاص فقط

[musab]

^^^^^^^^^^^
+1

[abo.hesham]

استفسار ..
رفع السيارة ما يؤثر على الدفرنس ؟

[musab]

لا بس يمكن يؤثر على القير وعمود الكردان الرفع الملحوظ يحتاج الى وزن القير مع الدفرنس

[xxkhloodixx]

عندي جيب فورتشنر 2009 طلع بالطبلوون هذه العلامه وش معناها ارجو الرد علي لاني خبرتي قليله بالفورتشنر. http://twitpic.com/bhofsz

[musab]

هذي علامة الايرباق تقريبا طبيعيه اغلب الفورتشنرات تولع عندهم ^_^ انا لي سنة وهي مولعه عندي :D

[hgvfdu]

سلام عليكم ورحمة الله وبركاته

يا اخوان انا ناوي ان شاءالله اركب ونش على موتري فش فش 2011 v6 بس ما قد شفت احد مركبه علشان اسأله وقلت ما لي الا الاخوان في الرابطة هم اللي بيفيدوني ان شاءالله
عاد اللي له خبره في هالموضوع او يعرف احد مركبه او موضوع سبق ان طرح كرما لا امراً يفيدني
ومشكورين مقدماً.....تحياتي