منع البستم والديزل في مغاسل السيارات !!! وش تعليقك ؟؟

[الرسيفر]

منعت وزارة الشؤون البلدية والقروية استخدام الديزل والبستم في مغاسل السيارات
وذلك بسبب تسرب الشحوم والزيوت من المغاسل إلى شبكات الصرف الصحي وما يسبباه من أثر بالغ على محطات المعالجة وقرروا واستبدالها بالمغاسل اليدوية والآلية .

وبما إن أعضاء المنتدى راعي بر ومطامر فوق هالرمال وبالطين بالله وش تعليقك على هالقرار :no2:

لأنه بصراحة أكثر من يبي ينظر هم راعين البر يعني بالله إذا طبيت بطين وشلون يبيروح هالطين بدون بستم يرفعه ويغرق تحتي يالموتر بالماء .

لا والله وقعدنا به .

[احمدالصالح]

يارجال عساك سالم ماعمرهم نزلوا قرار وطبقوه وسع صدرك واركب سدرك

[سوبر VTC]

مشكور اخوي

سبق انه صدر تعميم من وزارة الداخليه العام او العام الاول

بعدم استخدام البستم داخل المدن بالاضافه الى منع الديزل

موفق

[مخايل دخنة]

مشكور ياخوي الرسيفر

على نقل الخبر وان شاء الله مايطبقونه

وعلى قولة الشباب مارح يصدر هالقرار

تقبل تحياتي

[مكشاتي كوكتيل]

حبيبي الرسيفر لا تخترع ثم ماعاد تلقط الذبذبه زين :)

لا قعدنا به ولا يحزنون

القرار غير ملزم يعني ماعندك أحد.

وبعدين لو طبقوا القرار (وركزوا معي على لو لأن القرار صعب تطبيقه) فراح يكون ممنوع داخل المدن ومسموح به في مغاسل المحطات اللي على الخطوط والمحطات اللي في اطراف المدن

[ابولولو]

ياابن الحلال لايضيق صدرك جبلك ماطور هواء صغير وحطه عندك وبريال ديزل ومخمخ علي كيفك باالسياره واغسل وابسط بس لا يضيق صدرك وانا اخوك واذا بغيت ماطور كبير ايجار 20 ريال يوم كامل ياعمي كيف ولاتنسانا باالغسيل هههههههه

[أبوحمد 505]

ياخي رافعة الهدروليك اللي بالمغسلة كم تكلف راعي المغسلة يروح يخسر وبعدين يطلع هالقرار
أنا أتوقع أنة ماهو بصاير شي

[الرسيفر]

أجل تتوقعون ما راح يطبق هالقرار

والله يا بض الأحيان إذا جيت من البر ومبربس بالطين ما ينفع بالسيارة إلا التربيص وعقبه الغسل

لكن مثل ما قلتو أغديهم ما يطبقونه وشكرا لكم جميعا على التفاعل والردود

[فاقدخوي]

يالربع ترو الديزل من اكبر ملوثات الهواء يعني هالقرار يصب في صالحك انت كمواطن ولو واحد منكم جنب بيته مغسلة سيارات والله لاتطلع نفسه من الديزل ويشوف انواع الالتهابات في الاطفال

الشيء الثاني ان الديزل يلعب لكم في الجلد الداخليه في السياره جلد البودي وجلد الشاص لانه يفقعها مع طول الوقت



الاهم من هذا كله القرار له اكثرخمس سنوات وتطبق على جميع المغاسل واي مغسله تستخدم ديزل تسكر وين عايشين انتم:D

[سوبر VTC]

الشيء الثاني ان الديزل يلعب لكم في الجلد الداخليه في السياره جلد البودي وجلد الشاص لانه يفقعها مع طول الوقت

هههه :D:p:D
عايشين ياخوي بالمريخ :j

عموما ياخوان تاكيد لكلام اخوي فاقد خوي
ضرر الديزل شديد جدا على الربلات و كراسي الغمارة و الركب.......الخ

هالحين لو تروح لغالبيه البناشر تلقاهم يخلطون مع الشحم ديزل
عشان يخف بمعنى يحلونه بالديزل :mad:
شم ريحته تحصل ريحه ديزل + بالاضافه ان لون الشحم اسود
و عقب ما تشحم عنده بفتره
ستلاحظ ان ربلات الركب منشقه و منفقعه و صايره لينه بسبب الديزل :no:
و يدخله التراب و خطر انه تطيح الركب بسبب احتكاك التراب مع رمانه الركبه

فاحذروا ذلك :eek::eek:

[سكب]

والله ثم والله قرار حكيم
وشوف اكثر المغاسل بجانب الاحياء السكنية يعني جيران وادمان في نفس الوقت من الديزل
شوف المدينه المنورة ماشاء الله لايمكن تحصل مغسلة داخل المدينه على الخطوط السريعة فقط
والديزل من اخطر المواد على الناس ويمكن يتسرب للمياة الجوفية ويسبب تلوث
لا وتحصل العمال سكنين في نفس المغسلة في غرفة 3في 3 وغير نظاميه
عقبال محطات البنزين

مشكور اخي الحبيب

[الإستراتيجي]

أعجبتني فكرة أحد المغاسل في أحد مناطق المملكة

دخلت عليه قال فيه غسيل بالماء الساخن

قلت غسل

والله أن الماء حول ما يغلي ويطلع البخار ويوم خلص مغسل السياة طلعت السيارة أحسن من يوم أشتريها

طلع وسخ وغبار متواجد في وسط الربلات

وإلي أعجبني أكثر أنه بعد غسل السيارة بالماء الساخن غسلها بالصابون من تحت السيارة ثم نظفها وغسلها وبخها بالهواء ينشفها

صحيح المبلغ فوق السعر لكن الشغل عسل يعني التغسيل كان بسعر 55 ريال

بس يستاهل

وصحيح أخذ حدود الساعة لتغسيلها فقط


بس ما راح تفكر تغسلها من تحت إلا بعد شهر إلا إن كانك تدخل البر على طول فهذا يحتاج له منقع ماااء في شارع كل ما طلع من البر يجيك عليه على طووووول

[1ملسون]

والله انا رايي من راي الجماعه
عندنا بالخبر من نشم ريحة ديزل نتلفت ولازم تكون مغسله سيارات
ريحته تشق المخ
اما عن البستم فعني انا من زماااان ما اخليه يرش شي تحت

واذا اضطريت وقت المطر خليته يرش علبة زيد جديده يفتحها قدامي علشان تعزل الطيب بس وبعد ما ارجع من البر والا يوقف المطر رجعت غستلها بمويه من تحت
كل هذا علشان الاسلاك والربلات
لان الحاره مع الديزل تنشف الاسلاك ومع الوقت تتقطع
وبالتوفيق

[كيبك كبك]

يالرجال بطاهم اسبوعين بالكثير ويهونون عنها

[شمالات نجد]

بالنسبة للغسيل بالديزل عساهم يمنعونه ويكونون متشددين في هالشي

أما رفع السيارة ما أتوقع يمنع لأنه ظروري

وفعلاً مثل ما قال أحد الأخوان أنا جربت الغسيل بالبخار الحار بمبلغ (35) ريال شامل غسيل السيارة داخلية وخارجية يرجع السيارة جديدة مكينه وشاص ودفرنسات

بالتوفيق للجميع

سلام

[RASHED1384]

اخوي شبح ثرمدا واخوي شمالات نجد وين القا المغاسل التي تسخدم الماء الحار في الرياض الله لايهين الجميع

[شمالات نجد]

اخوي شبح ثرمدا واخوي شمالات نجد وين القا المغاسل التي تسخدم الماء الحار في الرياض الله لايهين الجميع

أنا خارج الرياض حالياً وجاني خبر بالتلفون أن المحطة اللي فيها المغسلة أحترقت وسكروها لكن مدري عن نفس المغسلة شغاله أو مع البيعه

شفها في شارع السويدي بعد مكتب موبايلي وقبل النفق وأنت متجه غرب ولا أدري هي قريبة منك أو لا لكن شغلهم مضبوط

الله يوفقك والجميع

سلام

[ابويارا1001]

عندنا بالشرقية تم منع الديزل من اكثر من سنه

بالمحطات اللي داخل الديرة اما اللي على الخطوط محد حولك

اشوف له بديل صابون يرش بضغط عالي

وغير كذا بعض المغاسل عندهم مسدسات ماء ضغطها عالي جدا تخاف على موترك لا يطير من قوة الضغط

انا مع الشباب ان الديزل يضر بالربلات

ولكن قد تحتاجه في بعض الاوقات

اما بالنسبة للبستم ما اعتقد انه راح يمنع لان ماله علاقه بالبيئة


تحياتي للجميع

[~EmPeRor~]

ياابن الحلال لايضيق صدرك جبلك ماطور هواء صغير وحطه عندك وبريال ديزل ومخمخ علي كيفك باالسياره واغسل وابسط بس لا يضيق صدرك وانا اخوك واذا بغيت ماطور كبير ايجار 20 ريال يوم كامل ياعمي كيف ولاتنسانا باالغسيل هههههههه


هذا الي بيصير يالغالي ههههههههه

[shaheenshah]

والله انا رايي من راي الجماعه
عندنا بالخبر من نشم ريحة ديزل نتلفت ولازم تكون مغسله سيارات
ريحته تشق المخ
اما عن البستم فعني انا من زماااان ما اخليه يرش شي تحت

واذا اضطريت وقت المطر خليته يرش علبة زيد جديده يفتحها قدامي علشان تعزل الطيب بس وبعد ما ارجع من البر والا يوقف المطر رجعت غستلها بمويه من تحت
كل هذا علشان الاسلاك والربلات
لان الحاره مع الديزل تنشف الاسلاك ومع الوقت تتقطع
وبالتوفيق

حبيت اقولك ياخوي ان طريقتك غلط لان تأثير الزيت (زيت المكينة) على الربلات زي تأثير الديزل

[بو خالد77]

حبيت اقولك ياخوي ان طريقتك غلط لان تأثير الزيت (زيت المكينة) على الربلات زي تأثير الديزل

والحل؟؟!!

احترت يالربع

[سوبر VTC]

والحل؟؟!!

احترت يالربع



اخوي تاثير الزيت ليش اشد ضررا من الديزل
ياخوي مواتر مع شيبان ماشيه 30000الف و طالع و لا به الا العافيه
و مواترهم كله زيوت
لا توسوس :no2:

اقرب مثال لشدة تاثير الديزل

دليل بشري ===> :D:p اكلمك من جد :)

هندي طاح بوسط تريله حقت ديزل ==> قضاء و قدر
بحثوا عنه الناس.........
لقوه عقب يومين تقريبا بوسط تانكي التريله

توقع وش حصلوا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لقوا جلده و لحمه متفتف :no: من تاثير الديزل

يعني اذا مسكته من عند يده => تقطع قطع صغيره

[الإستراتيجي]

اخوي شبح ثرمداء واخوي شمالات نجد وين القا المغاسل التي تسخدم الماء الحار في الرياض الله لايهين الجميع


المغسلة أخوي في منطقة جيزان طريق بترومين لكن هذه من أكثر من ثلاث سنوات


أيضا مثلها لقيت في جدة بس مصادفة ,

الماطور من حرارته أحسه بيحرق وجهه


الماطور لوحده وعليه صوت مرعب ، الي يمسكه له مقبض خاص و حركات ودلع بس الحرارة ما تخليه يتهنا

كل دقيقة يفك ويضغط من الحرارة

والمشكلة أنه حتى ماسك بيده الثانية بفوطة من حرارة الممسك

على كل حال كنت ذاك اليوم من الخوف قلت بس بتشب سيارتي

بس الحمد لله من شغلتها وهي تدعي لي من البسطة

في الرياض والله ما أدري بس درتها دوران أبحث مالقيت ، حتى الشرقية درت أدور فيها قلت أكيد متطورين بس نفس المشكلة مالقيت ويمكن أهل البلد يفيدونا أكثر ...

الرياض حتى الآن أبحث ... أحد المغاسل بالوصف وصلتها لقيت فيها عمالة كانت تشتغل وتنظف بشكل دقيق جدا

حتى أنه يمسك الحزام وينظفة ثم ينظف فتحات المكيف بفرشة أسنان :)

بس ما طول صاحب المغسلة تغيروووو وجاك عمالة عايدي تنظيف أي كلام

[الإستراتيجي]

أنا خارج الرياض حالياً وجاني خبر بالتلفون أن المحطة اللي فيها المغسلة أحترقت وسكروها لكن مدري عن نفس المغسلة شغاله أو مع البيعه

شفها في شارع السويدي بعد مكتب موبايلي وقبل النفق وأنت متجه غرب ولا أدري هي قريبة منك أو لا لكن شغلهم مضبوط

الله يوفقك والجميع

سلام

عساها تشتغل والله يعوض صاحب المحطة خير ...



راح أشوف المغسلة إن شاء الله في الغد ملزومين بمثلها

[ها وي الطير]

حبيبي الرسيفر لا تخترع ثم ماعاد تلقط الذبذبه زين :)

لا قعدنا به ولا يحزنون

القرار غير ملزم يعني ماعندك أحد.

وبعدين لو طبقوا القرار (وركزوا معي على لو لأن القرار صعب تطبيقه) فراح يكون ممنوع داخل المدن ومسموح به في مغاسل المحطات اللي على الخطوط والمحطات اللي في اطراف المدن
مشكور اخوي على موضوعك الرائع
بس صراحه اعجبتني توقيع مكشاتي كوكتيل هههههههههههههههههههههههههههههه

[--البتار--]

منع الديزل الله يقويهم عليه لأنه يضر مثل ما قال الأخوان لكن غسيل البستم وش دخله المفروض مايمنع

[نيسان 807]

هذى افضل مغسله على وجه الارض وهى كل مره اجيها اهون بسبب الازدحام ولازم تترك موترك لمين بكره يعني تحجز مكان من الليل بس شغلهم ممتاز ان واقف عليه يرجع لك السيارة جديده وهي على طريق النهضه وانت وجهك جنوب تجيك على اليمين في حي الربوه ويمكن اغلب الشباب يعرفونها ...

[0راعي الجبيل0]

:D هذا والله رد على .... حملة خلوها تصدي .. عز الله اللي صدت سياراتنا بالقرار هذا ...

؟؟؟ تخبط بالقرارات ؟؟؟ ودعم غير مباشر للتجار على حساب المواطن


هههههههه

[كموص]

الغسيل بالديزل خطأ شائع عندنا , بخ السيارة بقليل من القاز ثم غسلها بالماء لا يؤثر على الجلود أطلاقا , منذ عدة سنوات أجبروا محطات الغسيل ببناء تنقية لمياه الغسيل لا تكلف الا القليل جدا , ألا أنهم أوقفوا التفتيش كالعاده يا سعادة ...!!! على كل حال كان اولا بسفلتة شوارع المدن والبلدات والقرى والطرق الموصلة لها , ولكن الظاهر واحد من تجار استيراد معدات الغسيل الآلي أستورد كمية كبيرة وأقنعهم بفوائدها الجليلة , ولما تنتهي الكمية ترجع العادة يا سعادة ...!!!

[sulaiman.fj40]

يالربع ترا القرار صائب من عدة نواحي واهمها تقليل عدد فيران الارض(البنقال) لانهم اقذر مافيا مافيه شي مادخلوا فيه0 من استئجار محطات البنزين الى نبش الزبايل في الشوارع والغريبه انهم يزيدون مع الايام.وش الحل

[مغترررب]

المشكلة مو منع الديزل والبستم بس

المشكلة مانعين ظغط الماء

[ابوطاقية]

اغسل سيارتي بستم كل شهر بالبيت مع ها الجهاز الالماني عطي الله انشهد ان الي صنعه فنان
http://www.morclean.co.uk/images/Washman_High.jpg

[بدوي جنوبي]

تُغرم 5000 الاف المغسله
اللى تستخدم ديزل

[صعافيق 911]

صباح الخير .. الله يرحم الحال متى صار عند البلديه قراراااات ماطبقوا التسمم بالمطاعم يطبقون غسيل البستم .... وبعدين متى صار همهم مصلحه المواطن او التلوث اهم شي المتخلفين اللي بالمغاسل يترزقون الله مساكين ... بس المواطن بكيفه ....
كلام كثير عن القرارات بس الله يرحم الحال .... ؟؟؟ !!!!