من عنده خلفية عن اسعار زيوت السيارات ....لهذا الشهر 8 /2009 ...؟؟

[yaserx]

من عنده خلفية عن اسعار زيوت السيارات ....لهذا الشهر 8 /2009 ...؟؟

مثل :

الترا 7 و سوبر شل .....

[alyos13]

سوبرشل 125ريال

[yaserx]

^^^^^

اما عاااد سوبر شل ...... 125 ريال كرتون 24 علبة ....!!!

لقيت الموزعين يقولون بـــ 180 ريال الترا 7 ...!!

[سوبر VTC]

^^^^^

اما عاااد سوبر شل ...... 125 ريال كرتون 24 علبة ....!!!

لقيت الموزعين يقولون بـــ 180 ريال الترا 7 ...!!



انا اشري الترا سفن العلبه ب10ريال من حقين الجمله

الكرتون تقريبا ان كان ما نسيت ب210 او اكثر

تطلع العلبه ب8.75

اخبر زيت سوبر جي تي علبه حديد اماراتي الكرتون ب130ريال
العلبه ب5.41
مهب شين اذا كانت تمشي به 5000الاف كيلو
بعضهم يقول انه مكرر

موفق

[بو خالد77]

انا اشري الترا سفن العلبه ب10ريال من حقين الجمله







وينهم حقين الجمله لاهنت؟؟

[سوبر VTC]

[/center]

وينهم حقين الجمله لاهنت؟؟



المحلات بشارع علي بن ابي طالب خلف الصناعيه القديمه من شرق
اقرب مخرج مخرج 17 الدائري الشرقي اطلع غرب تجيك اول اشاره لف يسار وجهك جنوب ترقا فوق جسر سكه القطار تجي اول اشارة
عدل جنوب يجن المحلات على اليمين و اليسار بعد مسجد او جامع العويضه



مثلاً ( الترا سفن ) اشتري الكرتون الواحد من الصناعية بسعر 180 ريال يعني 180 تقسيم 24 علبة تقريباً بحيث يصبح سعر العلبة الواحدة 7,5 ريالاً.
كما ان سعر زيت ( جي تي اكس ) 15 ريال عند المشحمة وسعر الكرتون في الصناعية 220 ريال تقسيم 24 علبة تقريباً فيصبح سعر العلبة الواحدة 9,2 ريالاً .
وقس على ذلك في جميع انواع الزيوت .
كما لا ننسى سعر فلتر الزيت: فعلى سبيل المثل فلتر الكامري في المشحمة من 20 الى 25 ريال ومدري أصلي او لا في حين سعره في الوكالة 14 ريال .
وسعر فلتر الجمس عند المشحمة من 30 الى 35 ريال في حين سعره 14 ريال في الوكالة .
فلو فكرت اخي الكريم وقمت بشراء الزيت من الصناعية بالكرتون وشريت الفلتر من الوكالة وقمت باعطاء راعي المشحمة 10 ريال عشان يغير الزيت مع الفلتر. كم ثم كم ستوفر خصوصاً في حال عندك اكثر من سيارة .
ولله الموفق للجميع .... و دعواتكم .
( ملاحظة يجب ان يكون الكرتون نضيف خالي من خرخرة الزيوت )


اخي ابومرضي الصناعية القديمة طريق الخرج تجد محلات بيع الزيوت بالجملة



اخوي ابو مرضي مثل ما قالك قناص سدير 999
في الصناعية القديمة قريب من مسجد العويضة
كما اشكر الجميع على مروركم وتعليقكم على الموضوع



لمن يبحثون عن التوفير ومقهورين من الارتفاعات الغير مبررة


أحد الزملاء ممن أثق في كلامه قال لي بانه أشترى


كرتون الزيت بسعر (210 ريال) الي علبته بسعر( 14 ريال) عند محلات تغيير الزيت يعني تطلع العلبة


بسعر 8.75 ريال وتباع عند محلات الزيوت بشارع الريل وذيك الاماكن
خلونا نسوي حسبه بسيطه :-


نقول راعي الغيار بياخذ عليك (5 ريال ) عند كل تغيير
زين ماعلينا من السيفون


الي سعره ( 15 ريال ) عند قطع الغيار ويبيعونه بسعر (25ريال )
بنتكلم عن الزيت فقط
الكرتون فيه متوسط خمس تغييرات = ( 24 علبة زيت)
يعني بياخذ عليك العامل حدود (25ريال ) عند أستعما لك للكرتون الواحد من الزيت في كل مرة تغير الزيت ياخذ (5 ريال)
ولو جمعتها على سعر الكرتون 25+210=235 ريال
بينما يباع عليك الكرتون عند محلات تغيير الزيوت بسعر 360 ريال !!


أذن الفرق طلع 360-235 = 101 ريال
تصير وفرت مبلغ ( 101ريال )!!:confused:


لا ولو يحصل تغيّره بنفسك ياسلام



فيه بعض الناس عجّاز :o أو مايهمه كـــم يدفع كلامنا هـــذا كله يصفق به أقرب جدار عنده فنحن لا نعنيه في هذا الموضوع وتحياتي
غير منقــــــــــــــــــــــــول




قبل ست شهور كنت اغير الزيت 35 ريال سوبر جتي


والحين اغيره 60 ريال و 90 مع السيفون

واذا سيارتك جيب تاخذ 8 علب حدث ولا حرج

ولا ابو هنود يتشكى ويقول زيت الحين غالي شوف

سعر على علبه 13 ريال والسيفون ما فيه كلام 25 ريال

ـــــــــــــــــــــــــ

وكتشفت الحقيقة المره ان حنا مضحكوك علينا

مريت وكيل زيت سوبر جتي القفاري وسئلته عن سعر الكرتون قال 190 ريال

ما كاسرته على طول شريته يعني 24 قسمه 190 تطلع العلبة = 7.90

ومر وكيل شفريلت وشري كرتون سيفون 150 ريال قسمة 12 = 12.5

والله ومر البنشر قلت غير زيت مع سيفون وستانس قلت لا تستعجل


ركض بريوح يجيب سيفون قلت انا جيب سيفون http://www.bramjnet.com/vb3/images/smailes/smailes107.gif http://www.bramjnet.com/vb3/images/smailes/smailes107.gif

قال ما فيه مشكل وركب السيفون والنفس شينه قال ايش يبغى زيت قلت كم زيت قال والله الحين غالي 13 ريال علبه قلت لا الحين يجي رخيص

احسب علبه 10 ريال لا ويطمر ويجب العلبة ويقول شوف مكتوب سعر 13 ريال

قلت انا جيب زيت http://www.bramjnet.com/vb3/images/smailes/smailes55.gif http://www.bramjnet.com/vb3/images/smailes/smailes55.gif يوم ضاق صدره صدق

قال كيف انت جيب سيفون ونت جيب زيت انا شيل 10 ريال

قلت حقك خذ 10 ريال

يعني اول 5 علب * 13 = 65 وسيفون 25 = 90 ريال
الان 5 علب *8 = 40 وسيفون 12 +10 ريال شغل ايده = 62

وحبيت اطرح الموظوع علشان ما ينضحك علينا

حنا شعب وناسه تضحك على الواحد وهو مستانس

من الاسهم الا شاعر المليون الى .... والقائمة تطول


هذا الموضوع مميز :good:
على هذا الرابط

ضحكو علينا وقالو الزيت غالي - منتديات مكشات (http://www.mekshat.com/vb/showthread.php?t=86521)