النحل البري وش العمل معه ؟؟

[قناص خلاوي]

السلام عليكم ورحمة الله وبركاته

صبحكم / مساكم الله بالخير يالربع

مالكم بطولة الهرج

حصلت لي خلية نحل بالبيت
حجم الخلية كبير ماهوب صغير
لكن أخوكم غشيم بالنحل
كيف اقدر استفيد منها
وهل النوع هذا من النحل يعطيك عسل أو هو نحل بخيل على مايقولون ؟؟

بانتظار أهل العرف بلا مهونة للجميع ...

[ذيب طريف]

والله ماعندي علم يفيدونك الشباب مايقصرون

[قناص خلاوي]

تسلم يالذيب
بانتظار أهل العلم

[الخماش111]

والله مالي علم بالنحل وان شاء الله يردون عليك اهل الخبره تقبل تحياتي الخماش111http://dc03.arabsh.com/i/00371/v4k7x7pt2hl7.jpg

[المعاون2]

و الله انا ماعرف عن النحل ؟؟؟؟؟؟؟؟

[كموص]

أخي قناص خلاوي ... الأخوة الكرام سلمكم الله ...
في جدة وفي حوش منزلي عندي شجر منقا ونخل وسدره كبيرة , أول مرة كانت الخلية للنحل ولا أعلم حتى الآن هو نحل أوتقليد نحل لأنه صغير جدا ولونه أسود فوق السدرة والسنة اللي بعدها في شجرة منقا والسنة هذه في شجرة المنقا الكبيرة وضايقونا كتير جدا جدا ولكن لم يقرص أحد من العيال وأخيرا أسقطوا الخلية ...!!! ولكن في جميع السنوات كان العسل قليل ألا هذه السنة يعني 150 غرام , زي ما قال الأخ قناص نحل بخيل , وطعمه فيه شوية مرار , وأنا أيضا أريد معلومات عن هذا النحل أو ما هو...؟؟؟

[قناص خلاوي]

الله يجزاكم خير جميع
وونتظر أهل العرف بالنحل يفيدوننا

[حر الجوف]

اخوي خذ العلم مني طلع ابوخمس وصلح الغداء عليهن <<< امزح

[قناص خلاوي]

اخوي خذ العلم مني طلع ابوخمس وصلح الغداء عليهن <<< امزح

الله يوسع صدرك بالعافية
أبوخمس أو أم خمس :D

[ابولولو]

اخوي قناص فيه حقين النحل بدوار سلام اذا تشك ان فيه عسل جبلك واحد منهم ويطلعه لك وعشان النحل مايهج ياعسل ويبقا النحل

[slagoro]

اعتقد ان هذا النحل البري او القزم.
يبني هذا النحل قرص واحد فقط ولا يمكن تربيته وعسله قليل لا يتجاوز 200 جرام

[قناص خلاوي]

اخوي قناص فيه حقين النحل بدوار سلام اذا تشك ان فيه عسل جبلك واحد منهم ويطلعه لك وعشان النحل مايهج ياعسل ويبقا النحل

تسلم اخوي اعرف شارع سلام
لكن النحل بعيد عن الرياض واااااجد
لاهنت اخوي

[قناص خلاوي]

اعتقد ان هذا النحل البري او القزم.
يبني هذا النحل قرص واحد فقط ولا يمكن تربيته وعسله قليل لا يتجاوز 200 جرام

الله لايهينك اخوي
تربيته مارجيت من وراه تربية
ودي اعرف هو يعطي عسل او لا
وكيف طريقة استخراج العسل منه
لأنه صراحة صار مؤذي بالبيت ومضيق
شكلي بشغل عليه لي الدينمو واغرقه :)
تسلم اخوي

[ابوعبيد الله الصالحي]

ياخوي ياليت تصوره لنا

لا بعض النحل لايستفاد منه

[قناص خلاوي]

ياخوي ياليت تصوره لنا

لا بعض النحل لايستفاد منه

إن شاء الله اخوي
بصوره وانزل الصور قريب

[قناص خلاوي]

هذي الصورة وان شاء الله تكون واضحة >>

http://www.up.elebda3.net/up/hony.jpg

[فتى الوادي]

عندي شجرة (ليم ) يعني ليمون ابو زهيرة ... لقيت فيها خلية نحل .. لكن كان الشبك فاضي ..
وهذه صورة لها :

http://www.mekshat.com/pix/upload03/images121/mk213_resized_image(058).jpg

http://www.mekshat.com/pix/upload03/images121/mk213_resized_image(057).jpg

[قناص خلاوي]

عندي شجرة (ليم ) يعني ليمون ابو زهيرة ... لقيت فيها خلية نحل .. لكن كان الشبك فاضي ..



تسلم اخوي
ننتظر اهل المعرفة يفيدوننا
هالنوع من النحل يعطي عسل أو لا ؟؟
كيف نطلع العسل منه ؟؟
إن كان مافيه عسل وشلون نطرده لأنه بصراحة مضيق على غير فود :)

[نيمس]

هذا يا طويل العمر يقولوله النحل الاندنوسي وهو غير قابل للتربية وكثير التنقل وعسله قليل ولكن سمعت انه ذو جودة عالية ... والله اعلم

[1GL1000]

اسعد الله مساك
أخوي النحل البري زي البدو رحال كل شهرين ثلاثة في بلد والعسل اللي ينتجه هو لاستعماله الشخصسي خخخخخخخخ
يعني انتاجه قليل
ولا ينفع أنك تربية وتصنع له منحل .. لانه زي ماقلت لك ... نحل طرقي

على فكره ... هو من انواع النحل الغير عدواني نادراً العدوانية يكفى انك تدخن عليه بدخان حطب او خيشة وتطرده وتأخذ ما تبقى من القليل من العسل .... ولكنه ماتسوى المحولة يادوب نصف فنجال شاهي انتاجه

ان كان لك رغبة في انشاء منحل ... انصحك بالتوجه الي احدى المديريات الزراعية بمنطقتك قسم المشاتل وهناك يدربونك على كيفية عمل منحل وطرق التعامل معه ومع الامراض اللي تصاب بها النحل

تحياتي لك ارجو ان اكون افدتك

وحشتني لسعات التحل
نحال سابق

[قناص خلاوي]

هذا يا طويل العمر يقولوله النحل الاندنوسي وهو غير قابل للتربية وكثير التنقل وعسله قليل ولكن سمعت انه ذو جودة عالية ... والله اعلم

الله يطول عمرك اخوي
مامت على تربيته ولا فكرت فيها
بصراحة طول عندي ولا دفع الايجار
وودي اطرده واعوض قيمة الايجار ببيعة عفشه اللي بيتركه
لكن الظاهر ما من وراه لا إيجار ولا عفش:):):)

[قناص خلاوي]

اسعد الله مساك
أخوي النحل البري زي البدو رحال كل شهرين ثلاثة في بلد والعسل اللي ينتجه هو لاستعماله الشخصسي خخخخخخخخ
يعني انتاجه قليل
ولا ينفع أنك تربية وتصنع له منحل .. لانه زي ماقلت لك ... نحل طرقي

على فكره ... هو من انواع النحل الغير عدواني نادراً العدوانية يكفى انك تدخن عليه بدخان حطب او خيشة وتطرده وتأخذ ما تبقى من القليل من العسل .... ولكنه ماتسوى المحولة يادوب نصف فنجال شاهي انتاجه

ان كان لك رغبة في انشاء منحل ... انصحك بالتوجه الي احدى المديريات الزراعية بمنطقتك قسم المشاتل وهناك يدربونك على كيفية عمل منحل وطرق التعامل معه ومع الامراض اللي تصاب بها النحل

تحياتي لك ارجو ان اكون افدتك

وحشتني لسعات التحل
نحال سابق


أسعد الله كل أوقاتك بالعفو والعافية اخوي

أجل دامه طرقي الله يسهل عليه
الضيافة ثلاث ايام وهو له كم شهر مضيق بالبيت :)

ان شاء الله بدخن فيه بخياش أو كرب نخل :)

بس بيالة هالعسل اللي تعبان عليها شلون اطلعها من الخلية ؟؟

اعصرها أو أضربها بالخلاط أو اربصها بماء أو اطبخها أو أكشن عليها :):)

وأبشرك مالي اهتمام بالنحل ولا هنا نية اربيه
الله يخلي البقالات نشتري لانجليزا وطقته اسهل واسرع :)

اما عن اللسعات كانك مشتاق الله يحييك سير علي وابشر بالخير
والله ياعليهن لسع ماهوب طبيعي
اخر مرة جتني مع الخشم :)
الله لا يوفق العدو لا وتركت الابرة بعد يالله طلعتها بمنقاش :):)

لاهنت اخوي

[قناص خلاوي]

وينكم ياراعين النحل ؟؟

[AZAZY]

حفظك الله اخي قناص خلاوي حبيت البي طلبك وفتحت الرابط ولكن الصورة غير واضحة لتحديد النوع ولكن كم عدد اقراص الشمع وما هو حجم كل قرص وكم عدد النحل تقريباً
ويمكن معرفة كمية العسل بالتدخين على الأقراص بقطعة كيس رز وملاحظة العسل في اقراص الشمع
ويمكن اخذ الآقراص التي بها عسل وتقطع بالسكين قطع صغيرة وتضغط باليد وتعصر في وعاء عميق
اين يوجد النحل حالياً وكم شهر له في مكانه

[قناص خلاوي]

الله لا يهينك اخوي AZAZY (http://www.mekshat.com/vb/member.php?u=22249)
وعسى عمرك وعمر من يعز عليك طويل على الطاعة
التصوير لك عليه شوي >> بالجوال
عدد الأقراص >> واحد
الحجم >> تقريبا 25 *20 سم

أفهم من كلامك اخوي ان العسل يكون واضح على القرص من برا ؟؟
طيب لو دخنت فيهن النحل يبي يهاجر ويترك البيت >> ياليت :)
وهذي كم صورة زيادة اخوي وان شاء الله توضح نوع النحل >>


http://www.up.elebda3.net/up/1111111111111111.jpg


http://www.up.elebda3.net/up/22222222222222.jpg


http://www.up.elebda3.net/up/333333333333.jpg


http://www.up.elebda3.net/up/44444444444444.jpg

[مراسل الخير]

هذا النحل القزم وهو من النحل المتنقل كل شهرين ثلالثه في مكان وهو غير مستانس ولا يمكن تربيته انا نحال وحاولت فيه ولم انجح لكن ازيدك معلومة ماحد حطها وهي ان العسل في الجزء العلوي المنتفخ كما في الصوره الاولى ولك مني جزيل الشكر.

[قناص خلاوي]

هذا النحل القزم وهو من النحل المتنقل كل شهرين ثلالثه في مكان وهو غير مستانس ولا يمكن تربيته انا نحال وحاولت فيه ولم انجح لكن ازيدك معلومة ماحد حطها وهي ان العسل في الجزء العلوي المنتفخ كما في الصوره الاولى ولك مني جزيل الشكر.

الله يجزاك خير اخوي مراسل خير ويجعلنا واياك ومن يقرا من اهل الخير

طيب وش رايك انتظر عليه شوي او ادخن فيه من اليوم ؟؟
وكيف اطلع العسل من الخلية وهل الشمع هذا يوكل ؟؟

[مراسل الخير]

الله يجزاك خير اخوي مراسل خير ويجعلنا واياك ومن يقرا من اهل الخير

طيب وش رايك انتظر عليه شوي او ادخن فيه من اليوم ؟؟
وكيف اطلع العسل من الخلية وهل الشمع هذا يوكل ؟؟
لاتؤجل عمل اليوم إلى الغد بعد التدخين يبتعد النحل عن الشمع واستعن بغصن شجره عشان تنفض باقي النحل عن الشمع وقصه بسكين شريم وبالعافية وبقلي ملعقة:D الشمع مثل اللبان ومفيد للثة .

[قناص خلاوي]

لاتؤجل عمل اليوم إلى الغد بعد التدخين يبتعد النحل عن الشمع واستعن بغصن شجره عشان تنفض باقي النحل عن الشمع وقصه بسكين شريم وبالعافية وبقلي ملعقة:D الشمع مثل اللبان ومفيد للثة .

الله يحرم وجهك ومن يعز عليكم عن النار أنت ومن يقرأ ويأمن على الدعاء
تم
ان شاء الله بدخن فيه والله يعين الجيران على الدخنة :):)
لاهنت اخوي

[مراسل الخير]

الله يحرم وجهك ومن يعز عليكم عن النار أنت ومن يقرأ ويأمن على الدعاء
تم
ان شاء الله بدخن فيه والله يعين الجيران على الدخنة :):)
لاهنت اخوي
لا تنسى تعطيني اخر العلوم واي خدمة على الخاص .

[ابوعبيد الله الصالحي]

اخوي شاهد موضوع مخصص لهhttp://www.mekshat.com/vb/showthread.php?t=140589

[ابوعبيد الله الصالحي]

كان عندي بالمزرعة بناء قرص واحد فقط وقمت عليه واخذت القرص ورحل النحل يوجد به عسل قليل جداااااااااا