وش رايكم اخذ فكسار قير عادي ولا تماتيك [الأرشيف]

AB-123

07/08/2009, 03:24 PM

السلام عليكم

انا ابشتري فكسار ( 8 سرندل) مستعمل موديل 2003 او 2004 او 2005 بس مادري اخذ قير عادي ولا تماتيك وتراي راعي مقناص بس ماجربت الفكسار

عطونا رايكم الله لا يهينكم

شيزار مالديني

07/08/2009, 04:07 PM

هلا بك أخوي

أنا أشوف أنك تاخذ تماتيك

لأن القير التماتيك في الموديلات اللي ذكرت مثل الكزس

صغير وخفيف وما شاء الله عليه

مو مثل 2002 ونازل

والفكسار ترا في البر مايرده شي

توكل على الله بس وبالتووفيق

البوعينين99

07/08/2009, 04:17 PM

تماتيك وأعشق الراحه :D :good:

ميمون111

07/08/2009, 05:34 PM

اذا كنت راعي بر وطرق وعره خذ عادي واذا كنت راعي خطوط وتمشيات في المدن خذ تماتيك وريح نفسك

النداوي HZ2AF

07/08/2009, 05:37 PM

يا رجال هذا كان زمان يمكن تسأل مثل ها السؤال لكن الآن ما يبيلها كلام تماتيك على طول تقبل مرور أخوك النداوي

غربي هواوي

07/08/2009, 07:01 PM

اذا راعي بر خذ عادي

واذا انت تبي تمشيات وسفر وخطوط خذ تماتيك

sameer_1798

07/08/2009, 07:12 PM

خذ الفل تماتيك وهيدروليك و ونش عزالله أنه يطربك في البر ....... والله يوفقك .

االديحاني

07/08/2009, 07:18 PM

لاتاخذ الاتماتيك
لايقربك العادي
معي 2007 في اكس ار ولااحلى
صحراء وخطوط

هاوي geed

07/08/2009, 07:42 PM

والله معي فكس ار 2006 قير عادي فل كامل ناقصه الهيدروليك وصراحة انه رووووعه سواء بالخط أو النفود ولله الحمد لم اشتكي منه ابدا 000

الكايف2

07/08/2009, 07:45 PM

عليك بالتماتيك عطي الله ان كنت راعي بروالا راعي مدينه كلها يصلح لها
التماتيك تلقي الراحه والقوه وكل خير
اخيرا اسأل الله ان يوفقك بالسياره النضيفه

قمة افرست

07/08/2009, 08:03 PM

تماتيك مجربه مايخرب نفس العادي وقانصين قير عادي من وسط غراز فيه
اشتر تماتيك
جميع انواع الجيوب القير العادي مشاكلها تهرب زيوت صوت الفحمة من الغبار والصحراء تطلع
التماتيك ماتدري عنه وبالذات صوت الفحمات مقلق
والاتماتيك فقط شيك على الزيت لاينقص حتى فلترة حديد مايتغير

VXR.2007

07/08/2009, 08:44 PM

التماتيك افظل بكثير اذا انت تبي الراحه

AB-123

09/08/2009, 12:22 AM

الله يعطيكم العافيه

بس واحد يقول انه ثقيل

AB-123

10/08/2009, 02:49 PM

والتماتيك للطرد كيف وضعه ( للقطا والكرك)

البوعينين99

10/08/2009, 09:55 PM

الله يعطيكم العافيه

بس واحد يقول انه ثقيل

كيف ثقيل !!

إذا المحرك 8 سلندر مايصير ثقيل بإذن الله

العرمه

10/08/2009, 10:12 PM

تماتيك ولا تشاور

العايدي فيه طقه في التغيير مزعجه

التماتيك للطرد والوالنفود شي لا يوصف

ثمانية سرندل وعادي اعتقد تناقض ما يصلحن مع بعض ابد ابد

لو كان 6 سرندل يمكن تخاير

ابويارا1001

11/08/2009, 12:31 AM

القير الاوتماتيك اكيد

بس ياخوي دام راعي مقانيص وطرد حرام تاخذ موتر قيمته فوق 100 الف وتكسره بالبر

خذ لك باترول 92 وزود فيه شوي ما يكلفك 25الف طامر فيه بالبر زي ما تبي ماهو بحسوفه

والراي لك طال عمرك

ساري 111

11/08/2009, 01:17 PM

AB-123

11/08/2009, 05:59 PM

وين ردودكم

شاص2006

11/08/2009, 06:12 PM

خذ قير عادي ولا تشاور

قطب 999

11/08/2009, 06:23 PM

عادي بدون تردد

المميـز

11/08/2009, 06:31 PM

البر والخطوط الطويله مايبي له غير العادي وبس

واعتقد ان القير اليباني التماتيك مايقارن بالقير الامريكي التماتيك

فلذلك ابعد عن مشاكل القير التماتيك وتغيير الزيت كل 60 الف وتغيير فلتر قير وغيرها من قطع

راعي البر والردميات مايصلح له التماتيك ابد

جيبي جايزلي

11/08/2009, 06:33 PM

عايدي ولان تندم ابد ابد

خيال الغلبا

11/08/2009, 06:38 PM

لا تاخذ الا تماتيك اذا تبي الراحة

بنزرت

11/08/2009, 06:39 PM

والتماتيك للطرد كيف وضعه ( للقطا والكرك)
مادام الدعوى فيها طرد ...... فمايحتاج تشاور لانك مقرر قير عادي;)

باترول 82

11/08/2009, 07:42 PM

يا اخوان حيرتوا الرجال الله يهدينا وياكم
اللي يقول تماتيك واللي يقول عايدي
عطونا رايكم من واقع تجربه
أنا بالنسبه لي معي gxr 2001 قير تماتيك مريح بالحيل ومجربه في البر مايعلا عليه وهذا هو 6 سلندر كيف الـ 8 سلندر أكيد أنه اقوى وبعدين تقدر تخليه عايدي بمجرد تحويل القير إلى رقم 1 أو2 أو ضغط الزر الجانبي للقير ليصبح في وضع 3
هذا من وجهة نظري
وللجميع تحياتي وتقديري

صقــار

11/08/2009, 10:37 PM

السلام عليكم

تحيه للجميع
مساكم الله بالخير

أخوي ان كانك تبي النصيحه خذ تماتيك لعدة أسباب ((((اسئل مجرب معي تماتيك 2003))):

1-المواتر جميعها او غالبها التماتيك أقل من العادي بنمره ((يعني 4 نمر تماتيك 5 عادي)).لان التماتيك أطول نفس من العادي
لكن الفكسار من 2003 وطالع 5 نمر للعادي والتماتيك.. يعني أنا جربت عادي وتماتيك
فالعادي على 120 سرعه الظغط على 3 والتماتيك 170 سرعه الظغط على 3....
(((فالخط عز الله انه موتر)))

2- بعدين وانا أخوك ان كانك تبي طرد وصيد التماتيك فيه زرين بور وتقدر ترد نمره يعني فيه من 1-5...

3- التماتيك أقل حنه ولا فرق وأخف من العادي بكثير..

4- نفسه خفيفه...

5- فالبر عز الله انه ولد التماتيك خاصة اذا رديته نمرة ...

نصيحتي وانا طولت عليك ابعد عن العادي..

والراي لك قبل وبعد

أخوك ::
أبو عزوز.

الربذي

11/08/2009, 11:00 PM

من واقع تجربه

القير الاوتو داخل المدينه لايعلى عليه افضل من العادي بمراحل

القير العادي عزه
1.بالبر
2.الخطوط الطويله
يتحمل وقليل الاعطال يعني يعيش عمر الموتر ولايشغلك بكثر رد النمر في الطلعات مثل الاوتو اي طلعه يرد نمره
انا معك والله يااخوان سقت جيزب تماتيك احس انها تبط الكبد سقت في اكس ار 2007 و2008 صراحة العادي عندي افضل وانا الان ادور على العادي

طيب افرض انه فضت بطاريته دف ماينفع ........... شي اخر للجر لاينصح فيه ..... للجبال ماينفع ولا بريال اسال اهل اليمن .. اذا بوجهك رياح ودست عليه يرجع نمره وانت مسرع ................ اذا خرب سلفه ماينفع فيه الا السطحة العادي دفه وانتله ..........

انا ايد العادي 100بالمية وكلا ورغبته جاري معه 2004 فاكه وكاله خرب قيره الاوتوا مرتين وكلفه اخر مرة 3600ريال !!!!!!!!!! لاوهو مسافر :confused: :confused: :confused: وتعطل يومين :confused: :confused: :confused: واخر معه سفاري ......نفس الحاية لكن رغبة الناس الكسالى :D هو الاتو وبكثره وخصوصا بالرياض العادي غير مرغوووووووووووووووووب..............

العريني1

11/08/2009, 11:07 PM

يا رجال هذا كان زمان يمكن تسأل مثل ها السؤال لكن الآن ما يبيلها كلام تماتيك على طول تقبل مرور أخوك النداوي

كلام سليم...
كنت اتخوف زيك وارفض الاتوماتيك في الجيوب ودايم قير عادي ..
ويوم جربت شفت الفرق..خصوصا vxr ...:good: :good:

111الشاهي

12/08/2009, 09:38 AM

وعليكم السلام

والله حناء ضايعين من اول التماتيك مريح ونصيحه خذ تماتيك بس خل الاشتراك معك علي طول لاان التماتيك ماينتع

ahmad995

12/08/2009, 10:16 AM

التماتيك زين للبر والمدينة والطرق
اخوي معه تماتيك والحمد لله زي اللوز
كل مكان يروح له وانا اكطلع عليه دايم ممتاز

ابو عزوز99

12/08/2009, 11:46 AM

والله وأنا أخوك عليك بالتماتيك
خاصة في الفكس آر مريح جداً جربته لا يعلى عليه نفود مدينة خطوط وعند البيع يتهاوشون عليه أما العايدي كل من مر من عندك صد عنك . . . .
ومن ناحية الطرد خل الفكس آر وخذلك هدد أخف وخذ عايدي وعند البيع يجيب

مجرد رأي وعن واقع تجربة للفكس آر والهدد من واقع سماع

وموفق يالغالي

يوكون2666

12/08/2009, 12:12 PM

الاراء تختلف من شخص لشخص

لاكن انت من يقرر العادى او التماتيك

انا واقع تجربتى اشتريت في اكس ار 98 تماتيك ماقدرت ارتاح فيه بالبر لانى راعى جلد وكد

طببته المعارض بيومه واشتريت عادى نفس المواصفات وارتحت الحمدلله من الهم الى كان ع راسئ

لو كان امريكى كان قلت لك اختر تماتيك لاكن باليابانى العادى افضل بكثير الا الكسالى التماتيك لهم

تقبل مرورى البسيط

ابا الجرفان

12/08/2009, 12:30 PM

السلام عليكم ورحمة الله وبركاته ياخوان حبيت اشاركم الموضوع عسى الله ينفع الرجال بما ذكرتم بالنسبة ياخوي تاخذ تمتيك والا عادي الفصل في الموضوع جرب الاثنين عادي او تماتيك اذا تسير لك ذلك وشف اللي ترتاحله نفسك اكثر واهم شي اذا كنت راعي بر وطلعات دروبها عسره فأنا من وجهت نظري القير العادي افضل وجب كلا النوعين علق كل واحد في الرمل أو خل بطنه يمسح الرمل وتدري عن الاثنين انا أوافق كل من نصح بالقير التماتيك داخل المدنية أو الطلعات القريبه من أنوار المدينه بالنسبة للعزم والقوة القير العادي افضل يدلك عليها طلعات وجبال الجنوب واخير كما ذكرت لك الخيار والجزر في الاختيار وفق الله الجميع

AB-123

12/08/2009, 07:18 PM

والله انكم ضيعتونا

البرحه

12/08/2009, 07:26 PM

تماتيك......

البوعينين99

12/08/2009, 07:34 PM

هذا الموضوع الي مهب خالص هههههههههههههههههههه :d

الزبده = تبي الراحه خذ تماتيك ماتبي خذ عادي
وترى مايعيبه انه مايشتغل دف !! عنبوه انت بتاخذه طافي ولا بدون بطاريه !!!

الآسيف2

12/08/2009, 07:36 PM

تماتيك اخوي افضل

ابولولو

12/08/2009, 07:43 PM

نصيحه لاتاخذ شي خذ قير علاقي هههههه تراي امزح شفتك انك احترت والله ماودي اقول واخربه زود يكفي الي افدوك موفق خير مبروك عايدي اوتماتيك

الربذي

12/08/2009, 07:51 PM

هذا الموضوع الي مهب خالص هههههههههههههههههههه :d

الزبده = تبي الراحه خذ تماتيك ماتبي خذ عادي

وترى مايعيبه انه مايشتغل دف !! عنبوه انت بتاخذه طافي ولا بدون بطاريه !!!

وش معنى عنبوه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ يعني البطارية ماتقضي والسلف مايخرب ؟؟!!!!!!!!!!!!!!! خرب السلف وانتم ثلاثه بالبر وش تبون تسوون وانت واحد منهم بلكي مافيه بث ؟؟؟؟ مثلا

البوعينين99

12/08/2009, 08:28 PM

وش معنى عنبوه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ يعني البطارية ماتقضي والسلف مايخرب ؟؟!!!!!!!!!!!!!!! خرب السلف وانتم ثلاثه بالبر وش تبون تسوون وانت واحد منهم بلكي مافيه بث ؟؟؟؟ مثلا

خلاص نبي نكلم شركه التويوتا ونيسان وجنرال موتور انهم يلغون التماتيك من الوجود لأن انت اوجدت مشكله مالها حل . ( انتبهوا يالربع ترى اي واحد يروح البر لازم بتفضي عليه البطاريه ولازم يخرب عليه السلف , يعني لحد يروح البر --- أو تدرون شلون لاحد يطلع من البيت أساسا )

وإذا نبي نتكلم بتفكيرك انا بقولك : خرب الكلتش والسياره ماتعشق بتاتا وانتم ثلاثه بالبر وش تبون تسوون وانت واحد منهم ؟

مافي شي ماله عيوب وكل قير له ميزاته وعيوبه فلاتخلي عيب واحد يطغي على كل الميزات.
على العموم انا مابي ادخل في نقاشات عقيمه , ولا بكتب رد غير هذا

باثفندر

13/08/2009, 12:09 AM

العمر الافتراضي للقير العادي اطول من التماتيك ، والعادي راس ماله كلتش ويغير اما التماتيك ...........الخ .

راعي الركيات

13/08/2009, 01:28 AM

لاتاخذ الا التو ماتيك افضل واريح واطول عمر في الصيانه

باترول 82

13/08/2009, 02:34 PM

والله من البلشه اندرج راس الرجال :looney: وانتم قير عادي وقير تماتيك

أقول :director: خذ لك يوكن دينالي والا تاهو زد سفن ون وكلها قير تماتيك ودبل ماتجي عايدي واكشخ وريح راسك وماحد قدك :D :D

ابونادر1111

13/08/2009, 02:54 PM

نصحك بالاوتوماتك وترا عندي واحد 2001 gxr نضيف معروض في قسم السيارات

AB-123

14/08/2009, 10:23 AM

( ياشباب اعذرونا لان الموضوع اخذ اكبر من حجمه بس انا من يوم عرفت نفسي سياراتي كلها قير عادي )

طيب فيه احد منكم معه فكسار تماتيك نفس الموديلات اللي قلت

ياليت يراسلني