ارتفاع غريب في حرارة الشاص ...لأهل الخبرة ...

[خالدي نجد]

السلام عليكم و رحمة الله و بركاته

الله يحي كلن باسمه

بحكم خبرة اغضاء هذا المنتدى الضخم

بغيت استفسر عن حرارة الشاص اللي معي 2006 اذا تعديت سرعة 120 تبدأ الحرارة ترتفع الى ان توصل النص و انا امشي 160... فوق النص

و اول ما ارفع رجلي عن الدعسة ,ينزل عداد الحراة الا مستواه الطبيعي؟؟؟ مع وجود تفتفه بسيطة بالسيارة و هي واقفه...

الحل تكفـــــــــــون لمن واجه مثل هذي المشكلة ..

[عاشق الشعبيات]

وعليكم السلام ورحمة الله اخوي خالدي نجد اتوقع أن شاء الله ان هالمشكلة بسيطة وهي إنك تقوم بالتشييك على توماتيك المروحه طبعا وهي طافيه السيارة تقوم تحرك المروحه وتدفها وتشوف اذا دورتها خفيفة فهي تعبانه واذا كانت ثقيلة فهي ممتازة بعدين لو صار توماتيك المروحه سليم تروح سيدة على طول لمحلات تنظيف الأديتر (( تسييخ )) وتسيخ الأديتر وتغير بلف الحرارة وغطاء الاديتر وبإذن الله تروح الحرارة ....وإذا ضبط الشغل لا تحرمنا من دعوتك ،،،

[سوبر VTC]

و عليكم السلام و رحمة الله

ابدا بالاسهل قبل الخساير

امسك المروحه بيدك و هو يشتغل :no: اكلمك جد :D:p
اذا احتمى راح يشبك الكلتش و تدور المروحه غصب
معنى كذا ان الكلتش مضبوط :good:
لكن دام انك اذا نزلت تحت 120 فمعنى كذا ان الكلتش تمام :good:
لكن الشبهه تدور حول (((البلف))) اذ كان فتحه ثقيل يسبب ارتفاع الحرارة لان الماء مايدور بسرعه
من اجل ان تقوم المروحه بتبريده و بالتالي يحتمي الموتر
بعد البلف ركب غطاء من احد خوياك نفس موترك و جرب

اذا ماضبط فالمشكله بالخراطيش يمكن تنسفط مع السرعه
او انك تسيخ الاديتر

اذا كان الموتر واقف افتح الغطاء و دس بنزين اذا دار الماء
فالطرمبه تمام :good:

اذا كانت الخراطيش رخوة او مهترئة تعبانه جدا => غير بجديد

موفق

[موادع الشرقيه]

ماشاء الله تبارك الله
موترك جديد
اذا كنت مركب اي جهاز كهربائي او الكتروني في السيارة مثل ريموت للأبواب وغيره غير شد البلد شيك عليه اول

قد صارت لي
ركبت ريموت للسيارة من محلات الزينه
وبعد فتره صرت اذا تعديت 120 ترتفع الحرارة على طول وكل ما اسرعت كل ما ارتفعت زيادة واذا رفعت الدعسة نزلت وطلعت من الريموت ملتمس

بالتوفيق إن شاء الله

[غربي هواوي]

شوف البلف وغطاء الرديتر

[ممتر البران]

خذ الحل فيه دبه تحت باب المعاوني فكها وفرغ الرصاص اللي بوسطها ما تكلف ثلاثين ريال
وما جاك عندي وبالمارية مركب عليها شخال وهذي هي اللي تكتم الموتر وترفع حرارته والظاهر انك راعي جور وتسدد الرصاص اللي فيها وانتظر ردك ولا ابي الا دعاك

[قطب 999]

موديل سيارتك بعده في التمرين لكن شيك على هذه الاشياء بالترتيب
الرديتر اغسله بماء مظغوط من الخارج ويجب ان يصل للرديتر حيث ان وجود رديتر المكيف يقلل من ظغط الماء(شف لك حل)

تسييخ الرديتر اذا كان وسخ ومسدود
خراطيش الماء
البلف
الكلتش
وزن البلوف
طرمبة الماء

[شاص&نص]

و لا يهونون الأخوان لكن خل موترك على ما هو تراه طبيعي في مكينة ال 4500 إذا تعديت ال 120 و خصوصا حول ال150 و طالع أن الحرارة تاصل النص و هذا صاير معي في موتر مثل موترك و في Gxr فلا تحرك عشان ما تبلش
و أهم شي أنها ما تعدي النص مع السرعات العالية
أخوك أبو عبدالكريم

[خالدي نجد]

الاخوان الاعزاء ، عاشق الشعبيات ، سوبرvtc . موادع الشرقية ـ غربي هواوي ، ممتر البران ،قطب 999 ، شاص نص ،، فعلا .. كفيتو و وفيتوا

بيض الله وجيهكم

و اسف جدا على التاخير

و بالنسبة للحرارة ,,ان شاء الله بقوم ببعض التشييكات من مثل التماتيك و و الخراطيش ثم الدبة اللي تحت المعاوني .. و استشيركم فيما يستجد علي

[خالدي نجد]

يا جماعة الخير ,, في رجال نصحني بغسيل سلندر المكينة ..لاني وجدت في الزيت بعض

الاوساخ عند تغييره ،، هل فيه محلات متخصصة بهذا الشي.. لا هنتوا

[كيبك كبك]

نفس المشكله الي عندك عندي ونفس الوتر ،، اذا صار المكيف شغال والموتر واقف ترتفع

الحراره عندي الي قبل النص ،، وفيه تفتفه وهو واقف وغيرت البواجي والاسلاك بس مافاد

اتوقع والله اعلم انه كهرب لان عندي التماتيك حق المكيف مره يشبك ومره مايشبك

نبي اخر الاخبار ،، موفق إن شاءالله

[ذيب عالية نجد]

شيك على خراطيش الماء الداخل والخارج من الأديتر تقريباً مشكلتك منها لاتعبّث في غسل السلندر دام الموتر مضبوط وبعدين الحرارة العادية في أغلب سيارات التايوتا النصف فهذا طبيعي والتماتيك لايعمل 100% حتى تصل الحرارة من النصف وفوق
أما مسألة إختبار تماتيك المروحة مثل ماقال اخونا سوبر Vtc أمسك المروحة والموتر طافي وخل احد يشغل السيارة وانت ماسكها بعد ماتحتر ستدور المروحة رغماً عنك ولاكن خلك خذر أخي
والله يعطيك من خير موترك ويكفيك شره
سلام

[خالدي نجد]

اخواني : كيبك كبك,, ذيب عالية نجد

اشكركم على المرور ..


و ان شاء الله بباشركم بكل ما يطرا علي بخصوص الحرارة بعد ما افحص الخراطيش

[MNH]

و لا يهونون الأخوان لكن خل موترك على ما هو تراه طبيعي في مكينة ال 4500 إذا تعديت ال 120 و خصوصا حول ال150 و طالع أن الحرارة تاصل النص و هذا صاير معي في موتر مثل موترك و في Gxr فلا تحرك عشان ما تبلش
و أهم شي أنها ما تعدي النص مع السرعات العالية
أخوك أبو عبدالكريم


موترك جديد وانا اؤيد الاخ في كلامه

[وافي 00]

انا لله وانا الية راجعون ... دربالك تطيعهم يودونك بداهية ..:D


مثل ماقال اخونا سوبر Vtc أمسك المروحة والموتر طافي وخل احد يشغل السيارة وانت ماسكها بعد ماتحتر ستدور المروحة رغماً عنك[/SIZE]

[ذيب عالية نجد]

انا لله وانا الية راجعون ... دربالك تطيعهم يودونك بداهية ..:D
الله يجزيك الخير وماقصرت على هذا الكلام الجميل
وإذا كنت ماتعرف بهذه الطريقة فليس لك الحق في قول هذا الكلام

[ahmad995]

البلف او طرمبه الماء
او الرديتر او شخاله الكنداسة

[badwi]

اخي العزيز السلام عليكم ورحمة الله وبركاته
اعاني من نفس المشكلة شاص 2002 فاذا كان عرفت المشكلة فارجو ابلاغنا عنها للفائدة وجزاك الله خيرا

[احمد النزهه]

ركب بلف ديزل او بلف حرارة ياترول كبليتر وماء رديتر مستوبيشي
ورد لي نصيحه لك وبالتوفيق

[الللبيسر]

السلام عليكم ورحمة الله وبركاته
بعد مشييئة الله ثم حلول الأخوان وفقهم الله
يبقى فك سير المكينة والتأكد من صلاحيته
وتدوير البكرات جميعا باليد للتأكد فيما إذا كان أحدهما فيه ثقل
دمتم بخير

[ميكا مكشات]

إذا كان الموتر يتفتف ويحتر غير وجه الراس لأنه يدخل هواء على البلوف والله أعلم

[salih100]

موضوع قديييييييييييييييييييييم