افضل طريق لابها

[بليزر]

الطريق الأول وادي الدواسر
ومسافته تقريبا 1020 الى ابها من الرياض محسوبه بواسطة الماب سورس
ولكن به تحويلات تصل الى ال7 تحويلات وفي بعض المناطق يضيق الخط مع كثرة الشاحنات وزحمة المسافرين عليه
الطريق الثاني طريق الطائف وحتى بعد ظلم بـ90كلم ومع مفرق الخرمة الى بيشه الى الخميس وأبها
المسافة 1230 لكن منه 600 كلم على طريق الطائف والباقي630كلم طبيعة الخط لا أعرفها جيدا
فعهدي به من فترة طويلة تصل ال10 سنوات
المطلوب منكم يالأخوان وش تشورون عليه وما خاب من شاور

[الجيب الربع]

السلام عليكم ورحمة الله وبركاته

درب بيشه لانك يطيح عنك مسافه في طريق سريع ولكن بعد ماتلف على طريق الخرمه انتبه من البعارين ومن بيشه أرى أن تتجه الى سبت العلايا الطريق أجمل وأبرد

تروح وترجع بالسلامه ان شاء الله

[ابوفزعه]

احسن لك تروح مع طريق الوادي لانه اقرب وصلحوا اكثر الطريق وماهو على خبرك

صح ان فيه تحويلات بس احسن لك الطريق لاباس فيه


واتمنى لك الوصول بالسلامه والعافيه


وبعدين اذا انت رايح تتمشى فيه طريق الحجاز اللي هو من الطايف على الباحه على النماص

على ابها هذا بهالوقت على كيف كيفك بس واحد من الزملاء يقول انه صاير زحمه من المصيفين

[شلفان]

أخوي بليزر

السلام عليكم ورحمة الله وبركاته

في حال استخدمت السريع ثم بيشة ثم النماص ثم ابها ( كن حذر ومنتبه ) لأن الطريق من السريع إلى بيشة ثم النماص خط واحد رايح وجاي وفيه بعارين و لأنك أول مرة تروح معه على ماأعتقد .

لاتنسى تفحص السيارة وخاصة الكفرات والسيور وماء الأديتر وتهريبات الزيوت حتى لاتتعطل .

تروح وترجع بالسلامة ان شاء الله .

أخوك شلفان :D

[عزوتي نايف]

بسم الله الرحمن الرحيم
السلام عليكم ورحمة الله وبركاته
حبيت اسال الاخوان عن افضل طريق لابها هل اذهب مع رنيه او الوادي او بني سعد او شمرخ اوالساحل
انا ذهبت مع هذه الطرق كنت راكب وصغير السن تقريبا لي 10 سنوات ماذهبت معها وش رايكم الاسهل والافضل والامتع وش تنصحوني به وافضل السكن وانزل الاسعار وين يكون الفرعا الواديين وسط ابهاوالله يعطيكم العافية
اخوكم عزوتي نايف

[حرباش]

حياك الله أخوي
بالنسبه للطرق المأديه الى ابها كثيره ولكنك ماحددت مكانك .

(أولا اذا انت من أهل الغربيه جده ، ينبع ، المدينه)عليك بطريق الساحل ويبدأ من طريق جده مكه السريع ،والمفرق حقه قبل مكه تقريبا بـ 30 كيلو ، وتمشي بخط الساحل الين توصل مثلث المضيلف تلف معه وتتجوه للمخواه ثمن يجيك مثلث وعلى ابها،
طبعا من يوم تمسك المخرج الين المضيلف تقريبا 250 كيلو
المضيلف الى المخواه 70 كيلو
المخواه الى ابها ثقريبا 430 كيلو
هناك خط جديد من جده وشغالين يوسعونه ولكن صراحه مادري من وين يبتدي ووين ينتهي


(ثانيا اذا انت من أهل الشرقيه والرياض)
عليك بطريق الخرج خميس مشيط مرورا بوادي الدواسر وماحولها
الرياض الى الخرج 80 كيلو
الخرج الى وادي الدواسر 630 كيلو
الوادي الى خميس مشيط 360 كيلو
خميس مشيط الى ابها 30 كيلو


(واذا كنت من اهل الطايف او اردت ان تذهب عن طريق الطايف)وهذا من وجهه نضري افضل طريق وذلك لأنه مرتفع عن سطح البحر ويمتاز بمناضره الجميله ويمر بمناطق عديده منها ، الباحه وبلجرشي وبني عمر وقرن والنماص وبالسمر وبالحمر واخيرا الى ابها
الطايف الى الباحه عن طريق شمرخ واذا اردت سلك الخط السياحي (بني سعد) هناك مفرق بعد الطايف على طريق الباحه يشير الي منطقه بني سعد ويؤدي الى الباحه
الطايف - الباحه 200 كيلو
الطايف - بني سعد - الباحه 245 كيلو
الباحه - النماص 200 كيلو
النماص - ابها 200 كيلو

ولك ياسيدي الفاضل ان تختار مايناسبك من هذه الطرقات وبالنسبه للمناطق السياحيه في ابها والسكن مطبي عنها ولكن ممكن الشباب اللي راحو قريب يفيدونك

بالنسبه للكيلوات تزيد 5 او تنقص 5 لأنه صعب احفضها بالكيلوات
ومن عنده تصحيح من الشباب للمعلومات اللي سبق سردها تكفون لا يبخل علينا

أي سؤال انا حاضر
وتقبل تحياتي اخوك حرباش ;)

[كزاز]

يااخى معلوماتى قديمة .
من ابها الى خميس مشيط 30كم ثم طريق وادى هشبل من اخر وادى هشبل الرياض 997كم وسيدة جاش وتثليث مفرقهم يسار القار انت اذهب سيده الى وادى الدواسر والوادى من مفرق تثليث 206كم تدخل وادى الدواسر ثم سيدة تجد لوحة الرياض 645كم والسليل 70كم ( يوجد فى وادى الدواسر مطار ) ثم تدخل السليل وسيده تجد لوحة البديع 200كم ليلى 210كم وتمر البديع وسيده وليلى وسيده. من تطلع من ليلى حوطة بنى تميم 140كم والرياض 300كم وسيدة وتدخل حوطة بنى تميم وسيدة الدلم 85كم والخرج 70كم وتدخل الدلم ثم سيدة من الدلم للخرج 25كم ومن الدلم للرياض 100كم . ومن الخرج للرياض 80كم وسلامتك واسمحلى يااخى معلوماتى قديمة قد يكون تغير شى .


من السودة الى وادى الدواسر 430كم .

[عزوتي نايف]

بسم الله الرحمن الرحيم
السلام عليكم ورحمة الله وبركاته
يعطيكم العافيه اخوي حرباش وكزاز
انا اخوي حرباش من اهل الرياض وناوي عمره واحتمال كبير اروح من الطايف لابها انشاء الله وجزاك الله كل خير ارشدتني واشكر جهودكم وجميلكم وكذلك اخوي كزاز
اخوكم عزوتي نايـــــــــــــــــــــــــــــــــــــــــــــــ ـــــــــــــــــــف

[فتى التويم]

عز الله ان حرباش عطاك العلم وما خلا لنا شي نقوله