شيهانه صايدة حباري بلابتوب

[الهواوي 502]

السلام عليكم ورحمة الله وبركاته:

اخواني اعضاء مكشات..

انا عندي لابتوب HP نضيف جدا ..

ومن يبادلني بشيهانه وافيه بلابتوووب وفوقه 1500

وهاذا ايميلي..

hadi-502@w.cn

[سماء نجد]

وربي هذي جديده شلون لقيتها

يعطيك العافيه

[وكري2007]

وشو الطاري يالهوووواوي غريبه منك

[الهواوي 502]

لابتوووب مابيه قلت خلني ابدل واحد من مكشات وازووده

[حامد الحنيني]

حلووووه الله يرزقك

[الهواوي 502]

ارجو من المشرف اقفال الموضوع

[وكري2007]

عاااادي مفيها شي وأنا أخوووك ولا به شي يالهوواوي

مجرد فكررررره وبتحصل انشاءالله وسع صدرك يالذيب

[الهواوي 502]

بيض الله وجهك يالذيب

بس لابتوب مابيه وش اسوي فيه

[لعيون مكشات]

الله يرزقك با الطيبه
و المبادله مافيها ماهو بجايه الا اللي رضي وداري

[A B D U L L A H]

^ ^ ^ ^ ^ ^ ^


( اللهم لك الحمد والشكر )





||


والله يرزقك يآخوي ... بطير حررررررر





عآد لاتنساني إن بعته

[الصقار111]

الله يرزقك بالطيبة الوافية الي تسر خاطرك وتذوق من صيدها والبيع والمبادل مافية شي ياخوان
تقبل مروري يالذيب

[الهواوي 502]

الصقار11

تسلم وبيض الله وجهك ياكحيلان

[بعيد الغازي]

الله يرزقكـ الوافيه الي توسع خاطركـ......

[قرناس الحفر]

الله يرزقكـ الشيهانه الي تذوق صيدها والبيع مافيه شي......

[taag1]

ياجماعة الخير عينو خير الرجال ماطلب شي مستحيل الجهاز النظيف نفترض
سعره (1500)ريال وبزود الهواوي (1500)ريال
يعني يصير المبلغ (3000)ريال
وبهالقيمه ممكن تحصل طيره صايده بس نتتاخر في المقيض شوي
اقول الله يرزقنا واياكم من واسع رزقه قولو آميـــــــــــــن

[مشاريg]

الله يرزك الطير الي تبيه والي ازين منه... وشو واحد مايحتاج للجهاز وش يقعده بالبيت والله مابه شي وان دل على شي فانما يدل على الجدية والحرص على شراء الطير المطلوب..

الله يرزقك الله يرزقك الله يرزقك

[أبو__خــالــد او الوافي]

الله يرزقك

[خلان الأشده]

الظاهر الجماعه مامر عليهم سالفة المقاطيع والرجال ماقال إلا الكلام المعقول اللي عنده ببيع ينطق ماشفنا شي والله يرزقك بالشيهانه اللي تطعمك من صيدها .

[..@القناص@..]

الله يرزقك بالطير الطيب الي يونسك يابعدي ..

[الصارم1]

ومن الي عنده شيهانه طيبه في هالوقت وبيبادلك ولا بوش لا بتووووووووووووب

والله اتوقع مستحيل بس انشالله تلقى

[حمدان502]

الله يرزقك ياخوي بالطير اللي في بالك ، وفالك النادر ان شاء الله ، والبدل مافيه شي ، لا هو عيب ولا حرام ، وتحياتي لك .

[يوسف الخليفة1]

أخواني الفضلاء تحية طيبة لكم جميعا وبارك الله فيكم ولا بأس بالمداعبة أيها النشاما


ولكن دون أن يكدر خاطر صاحب المشاركة فمن خلال رده الأول تبين أنه جاد


وليس له في الردود التي لا يرغب فيها وأعرف أن مقصدكم المداعبة والمزاح


ولكن كما ترون الرجل جاد في كلامه وليس له فيما تقولون وتصرفه سليم وفقه الله


فهذه مبايعة مباحة عنده جهاز لا يريده ويرغب في تبديله بشيهانة


وهذا يدل على حسن تصرفه وعمق تفكيره وسعة إدراكه


فعسى أن يرزقك الله بما تريد ويبارك لك في الصيد أخي الفاضل الهواوي وحياك ربي

[أحمد الشمال]

الله يرزقك بالشيهانة قوووووووووووووول امين

بس انت لو تبيع الاب توب وتزود علية 1500 راح تلقى ان شاء الله على العموم وجهت نظر فقط

والله يرزقك ويحقق مناك

وتقبل مروري

[الهواوي 502]

بيض الله وجيهكم كل واحد بسمه

[شقرااااان]

تبدلني بجوال نوكيا ان 73 معبيه ب100 ريال واطلب زودك

خلنا نتصفح مكشات وحنا قنوص

[راعي غضبان]

اهلا وسهلا اخوي المبادل مافيه شي اما تزوده والا يزودك واخوي ماهو بحاجته مافيه شي البيع والشرى وهذي مقاطيع انا خابر واحد شراله طير بمقاطيع بدون دراهم من ماعز وغنم وناقه مفيها شي والله يرزققك بالشيهانه الطيبه والله يوفققك انشاء الله

[الهواوي 502]

رااعي غضباان...

بيض الله وجهك ياكحيلان

وماقصرت

[شقرااااان]

الهواوي شفيك شقحتني ياخوي

شقلت بتبدل بالجوال ترانا صاملين

اطلب زودك يامال الشحم

[هلالي متعصب]

8
88
888
888888
8888888888
888888888888888

وش جاب سيرة الحقد


الرجال يدور عن علوم المراجل والطيب

ما قال ابي البدل بجوال


تحياتي لكم

[الهواوي 502]

هلالي متعصب..

بيض الله وجهك ياكحيلان وماقصرت

[ابو امنه]

موفق خير يالغالي
اللة يرزقك الطير اللي في بالك

[أبو أمين]

الكمبيوتر كم قيمته؟

[الهواوي 502]

الكمبيوتر مدري بس هو مهب للبيع ابي ابادل احد

[مشبر البران]

سو زي ما قال اخوي احمد الشمال
بع لابتوبك وزد 1500 وأشترلك طير

[@قرناص@]

^ ^ ^ ^ ^ ^ ^



( اللهم لك الحمد والشكر )




||


والله يرزقك يآخوي ... بطير حررررررر





عآد لاتنساني إن بعته


؟؟

مـاقوول الا الله يرزقك يالهواوي بالوااافي //

[غواص جونيور]

انا موافق شاهين بلابتوب لكن معاه انفلونزا

[الهواوي 502]

لاوالله مانوبيه

[الهواوي 502]

ارجو من المشرف اقفال الموضوع

[شقرااااان]

ياراعي الابتوب هونا من الجوال شكلك ماتبيه

غندي شماغين بسام بصمه 7 جدد ما اتلبسن

اطلب زودك على الابتوب

[الهواوي 502]

تراا هاذي مهب حركات الريجيل ونا اخوك

[الهواوي 502]

ارجو من المشرف اقفال الموضوع

[عروق الدهنا]

الهواوي

الله يرزقك قل امين من واسع فضله

=====================

اما بالنسبة لخوي راكان

ياخي انا احط بذمتي انه مالك ومال المقناص

وعلمك ماهوب علم واحد راعي شبب

الرجال مارد عليك وترجع وتقلل من قيمت موضوعه
وانا والله ما اشوف به شي عادي
كمبيوتر بمبلغ وقدره
وطير بمبلغ وقدره
يعني مقاطع عادي
ولا ادري ان وش تحسبه

لكن اما اقول الا الله يكملك بعقلك

ويخلف على اهلك قل
آآآآآآميــــــن
وتراه دعوتي زينه ولاتزعل


تحياتي

[الهواوي 502]

الهواوي



الله يرزقك قل امين من واسع فضله


=====================


اما بالنسبة لخوي راكان


ياخي انا احط بذمتي انه مالك ومال المقناص


وعلمك ماهوب علم واحد راعي شبب


الرجال مارد عليك وترجع وتقلل من قيمت موضوعه
وانا والله ما اشوف به شي عادي
كمبيوتر بمبلغ وقدره
وطير بمبلغ وقدره
يعني مقاطع عادي
ولا ادري ان وش تحسبه


لكن اما اقول الا الله يكملك بعقلك


ويخلف على اهلك قل
آآآآآآميــــــن
وتراه دعوتي زينه ولاتزعل




تحياتي


بيض الله وجهك


وهاذا رجال مايشره عليه لن عقله صغير ومسوي يعرف لصقااارة

[__ابوهلا__]

الهواوي مافيه شي
فيه اطيور اسعاره
ألفين واقل فيه ناس بيبادلونك انشالله بس انت وسع بالك
ونا شهر 11 ببادلك بس اصبر

[مرخان 1]

يا الهواوي الله يرزقك النادر وياكلك من صيده

[مهاجر الخلان]

ياعروق الدهنا راكان ينقل الطير وهو ورع ومن لابة صقاره ابو عن جد

والطير يفرق سعره لا صار صاقره

وراعي شبب وعلوم غانمه

والمزح واللكاعه ماتعذرب الرياجيل ياطويل الذراع

تصرف بذمتك الحين

[عروق الدهنا]

والله ياخوي مهاجر الخلان كلً له سلوم وعوايد

حنا عوايدنا مانقلل من قيمة الرجال
ولا نضحك ناس على ناس

والسلوم والعوايد
اذا جاك رجال وطلبك تتم طلبه وان ماحصلت
تدعي له ان الله يرزقه من واسع فضله

وتحياتي

[مهاجر الخلان]

السلوم والعوايد ماتوسع ذمت الرجال

يومك تحط بذمتك انه ماهوب صقار

[عروق الدهنا]

الهواوي



الله يرزقك قل امين من واسع فضله


=====================


اما بالنسبة لخوي راكان


ياخي انا احط بذمتي انه مالك ومال المقناص


وعلمك ماهوب علم واحد راعي شبب


الرجال مارد عليك وترجع وتقلل من قيمت موضوعه
وانا والله ما اشوف به شي عادي
كمبيوتر بمبلغ وقدره
وطير بمبلغ وقدره
يعني مقاطع عادي
ولا ادري ان وش تحسبه


لكن اما اقول الا الله يكملك بعقلك


ويخلف على اهلك قل
آآآآآآميــــــن
وتراه دعوتي زينه ولاتزعل




تحياتي



مهاجر الخلان
حرصك على خويك ان دل دل على طيبك

وانا قلت احط بذمتى انك مالك ومال المقناص
ومقصدي وانا اخوك انه مالك بسلووم اهل المقناص
والصقاقير بهم الطيب وبهم الردي ويكرم المنتدى واللي به
واخونا راكان انشاء الله انه طيب ومن لابتن طيبه
بس انا عطيته الرد ذا
عشان ينكوي مثل ما انكوى اخونا هواوي منه

وبعدين نصيحه يستفيد منه سوى هو كبير ولاصغير
لاتضحك ناس على ناس

هذا والله اعلم

تحياتي

[الهواوي 502]

السلوم والعوايد ماتوسع ذمت الرجال

يومك تحط بذمتك انه ماهوب صقار

اخوي ... راكان خويك انا ماقلتله شي ثلاث مرااات يقعد يضحك مسوووي يبي يضحك ونا ماقلتله شي

وبنشدك وحطها بذمتك الحركات هاذي الي يسويها حركات ريجيل...؟

[الهواوي 502]

عروق الدهناء بيض الله وجهك والله انك لحيتن غااانمه

وبيض الله وجهك

[مهاجر الخلان]

الهواوي عروق الدهنا

ردودكم ردود رياجيل هذي ماهي مجامله صدقوني حقيقه

اما عن خويي هو رجال مزاح جدا جدا جدا

ويضحك الي قاعد على قبر ابوه

انا تحمست شوي وانتم اخجلتوني بعلومكم

ابا ادق عليه ومايصير خاطركم الا طيب

[عروق الدهنا]

اخوي مهاجر الخلان

علمك غانم

ورايك بيضا
ووقفتك مع خويك محسوبتن لك وانا اخوك
وقل آمين الله يخليك لعينً ترجيك

العذر والسموحه على ما بدر مني
وحنا اخوان
والشيبان يقولون
اطيب الاخوه اللي تجي عقب زعل

تحياتي

[شقرااااان]

السلاااااااااام وعليكم

اشهد بالله ان غبرتكم قايمه

وسعو صدوركم ياطوال الأعمار الدعااااااوي مزوح تجي وتروح والمقصد نعبرها لين ننقل


عروق الدهانا يامال السيل ياهاك القاع علومك غانمه والساعه المباركه الي تعرفنا فيها على شرواك


الهواوي 502 اركد ترانا 305 خخخ امزح لاتصدق

يابن الحلال لابتك كلهم خويلي وحبيت امزح معك واسمحلي

ان كان ازعجتك وتراك من اليوم خويي >>>> قطة وجه


مهاجر العشا بكره بظهرك مهوب تعطينا ركبه مثل الخميس الي فات

[الهواوي 502]

اخوي مهاجر الخلان



علمك غانم


ورايك بيضا
ووقفتك مع خويك محسوبتن لك وانا اخوك
وقل آمين الله يخليك لعينً ترجيك


العذر والسموحه على ما بدر مني
وحنا اخوان
والشيبان يقولون
اطيب الاخوه اللي تجي عقب زعل


تحياتي



بيض الله وجهك يامهااجر الخلان..

والعذر والسمووحه ان طلع مني شي مايرضيك انت وخويك

وانتو اخواااني كلكم

تحياتي:)

[ناصر الحمد]

مساك الله بالخير ياخوي الهواوي

في شيهانه 13 ونص في 13

تنقل بكر صايده الكراوين

الشيهانه مقابل الكمبيوتر و 1500 ريال وشرايك

[الهواوي 502]

السلاااااااااام وعليكم

اشهد بالله ان غبرتكم قايمه

وسعو صدوركم ياطوال الأعمار الدعااااااوي مزوح تجي وتروح والمقصد نعبرها لين ننقل


عروق الدهانا يامال السيل ياهاك القاع علومك غانمه والساعه المباركه الي تعرفنا فيها على شرواك


الهواوي 502 اركد ترانا 305 خخخ امزح لاتصدق

يابن الحلال لابتك كلهم خويلي وحبيت امزح معك واسمحلي

ان كان ازعجتك وتراك من اليوم خويي >>>> قطة وجه


مهاجر العشا بكره بظهرك مهوب تعطينا ركبه مثل الخميس الي فات

لاعااادي يارجال وماصار شي يا305 هههههههه

تحياتي:)

[غازي الذيابي]

الله يرزقكـ الشيهانه الي تذوق صيدها والبيع مافيه شي ولا هو حرام الله يوفقك

[تمياط]

الله يرزقك الشيهانه الي في خاطره وياشباب (((البيع ماهو عيب)))

[راعي عمااااش]

بع جهازك وزدها بالي عندك ودور طير على راحتك