المساعد الشخصي الرقمي

مشاهدة النسخة كاملة : حرارة الجمس هبلت بي اهباااااااااال..؟


ريان9
10/08/2009, 06:11 AM
السلام عليكم ورحمة الله وبركاته


كيف حالكم يااخواني ان شاء الله بخير



الصراحه عندنا جمس موديل 95 سوبربان سعودي للوالد


وعلته عله


حرارته ترتفع ارتفاع مهب طبيعي


رحت ووديته لكهربائي صارت المروحه ماتشتغل

زيناااااااااااه


بس خلااه تشتغل دايركت مع دق السويتش


وماادري هل تؤثر ام لا؟؟


وعلى حالته ماتغير قالي واحد الاديتر رحت وسييخت الراديتر كل شي من تصييخ وماء وكل شي اصلي


قالي واحد من الشباب يمكن يكون حساس الحراره قلت يمكن !! يالله نغيره بس نرتاااح غيرته


والعله موجوده ياصل الى بعد النص بشوي بالمكيف واحيانن ياصل للنص بدون المكيف جنن!!


ولقيت واحد يزين الأديتر لسيارته جمس وقالي حنا يالبشر يالله نتحمل هالحراره وشلون تبي هالجمووس الامريكيه تتحمل وهي جايه من اجوا خياليه امطار وثلووج وجا عندنا وانهبل مايلاام:d



المهم



سألت الوالد قلت له الظاهر اننا نبي نصرف عليه ومحنا خالصين وش الحل لانه هبل بنا وقالي الوالد انه ماكان كذا
بعد تركيب طرمبه الماء التجاريه ونا شكيت به شك غير طبيعي
والله صار شغلي الشاغل من ورشه لورشه بحلت به

قالي الوالد كد خربت طرمبة الماء وسااال واحد يعرفه قال لاتركب الا تجاري زين ورخيص ومجربها انه مثل الاصلي وقالي تراه تجاريه والله بديت اوسوس قلت يمكن تكون من الطرمبة لان الرخيص مخيس بديت اوسوس ازياااده نااااس تقول الا من الطرمبه ونااااس تقول لا ولا ادري وش الحل؟؟

تــكـــفـــون يـــالــــربــــع الـــــــــفـــزعــــــه


الصدق تخسرت خساير مهب معقوووووووووله


اتخسر ميخالف بس القى الحل .



تهقون انه من طرمبة الماء.؟؟


ماااش ماينخزا به اخاف ينكبن باحد السفريااات واتوووهق




قلت ازينه قبل واشيك عليه
Avalanche
10/08/2009, 08:42 AM
الله يكون بعونك ....

عندي كم سؤال

- الحرارة عندما تكون السيارة واقفة
أو حتى مع المشي بها ؟

- هل الثرموستات موجود أو لا
ابوشجاع911
10/08/2009, 09:08 AM
ارجو افادتنا ببعض المعلومات التالية لنتمكن من تشخيص العلة بشكل صحيح قدر الامكان
1- هل اشتريت السيارة مستخدمة كثير قبلك؟ وكم كان عدادها عند الشراء وكم عدادها الان
2- هل تم توضيب المكينة او القير قريبا
3- هل المشكلة حدثت فجأة او بعد تغيير اي شئ في السيارة (طرمبة الماء) مثلا
4- انت ذكرت انك قمت بتغيير طرمبة الماء وركبت تجاري (وهذا خطأ فادح) ولكن هل سبب تغييرك للطرمبة هو ارتفاع الحرارة او ان الطرمبة اللي كانت فيه تعطلت؟
5- هل السيارة تنقص زيت في المشاوير الطويلة او القصيرة وهل يطلع دخان لو بسيط من الشكمان
الاواكس
10/08/2009, 11:03 PM
حيا الله الجميع



بالنسبه للحراره الجمس انا عانيت منها في جمس 94 مكينه 454 في الصيف وهبلت بي يمكن اكثر منك وكرهت الموتر بسبتها


وكل ما جيت لمكانيكي قال هذي مشكلة 454


وفي النهايه جاني الحل عن طريق الاميل وسويتها وبحمد لله في اسوأ حالت الحراره فوق الربع


والطريقه سهله وغير مكلفه كالتالي :


رح دور لك ورشه فيها مكينه تغسيل مكاين وجب معك علبتين زيت فرامل او علبة فلاش اوبتلقا عند راعي الورشه ماده تغنيك عن هذا كله وهي اللي غسلو مكينة موتري بها وخلهم يغسلون المكينه مره ومرتين وثلاث واربع الييييييييييييييين تصير المويه اللي تطلع نظيفه مثل اللي داخله .


التكلفه مابين 50 الى 80 ريال عاد انت وشطارتك


بهذه الطريقه افتكيت من الحراره ولله الحمد



اتمنى ان اكون قد افدتك اخوي ريان وكل من يعاني من حرارة الجمس او اي موتر غيره


تقبل مشاركتي ,,,,
احمدالصالح
11/08/2009, 12:59 AM
اخوي رح عند اي ورشة وخله يركب مراوح مرسيدس اللي تجي ثنتين.
بدون لوحات
11/08/2009, 01:11 AM
اذكان ماء الاديتر يرجع للقربه غير غطاء الاديتر بنفس الرقم
سوبر VTC
11/08/2009, 01:12 AM
و عليكم السلام و رحمة الله

انا اخبر الجموس على وقت م94 و طالع كانوا اول مايشرون الجمس جديد طبعا حرارته

على 85 تحت النص شد بلد

و حتى المواتر الجديده م 2000 و طالع حرارتهن ثابته تحت النص لكن الادتير اكبر

و المنيوم

المهم انهم على طول يركبون بلف كابرس 75 و سعره ب20ريال

يفتح على حرارة 60 او 65

هذا رابط لجمس 94 كل شي سوواه و طلع الحل غسل السلندر



حرارة السيارة بهذلتني وفي النهاية أعانني الله عليها بفضل منه وتغلبت عليها بطريقة ؟؟؟؟ (http://www.mekshat.com/vb/showthread.php?t=161939) ‏(http://www.mekshat.com/vb/images/misc/multipage.gif 1 (http://www.mekshat.com/vb/showthread.php?t=161939) 2 (http://www.mekshat.com/vb/showthread.php?t=161939&page=2) 3 (http://www.mekshat.com/vb/showthread.php?t=161939&page=3) 4 (http://www.mekshat.com/vb/showthread.php?t=161939&page=4))




موفق
تيتشر
11/08/2009, 03:16 AM
اخوي انصحك بزيارة هالموضوع وان شاء الله تستفيد منه

http://www.mekshat.com/vb/showthread.php?t=146840 (http://www.mekshat.com/vb/showthread.php?t=146840)
نيوتن
12/08/2009, 04:19 AM
أخوي انصحك قبل كل شي تشيك على الشاكوش هذا يسبب مشكلة وارتفاع للحرارة دايم خصوصا اذا كان الجمس 400
محيسن1
12/08/2009, 05:42 AM
اخوي كبسوله لك رساله علي الخاص
ها وي الطير
12/08/2009, 06:16 AM
اذكان ماء الاديتر يرجع للقربه غير غطاء الاديتر بنفس الرقم
السلام اخوي عادي جداً يكون شي تافه جداًجداً مثل ماقال اخوي الفاضل حصلت معي مثل ماقال بدون لوحه
تقبل مروري وتحياتي لك