هل فك عامود الدبل للفور تشنر بشكل خاص والجيوب بشكل عام يضر

[بقايا امل]

السلام عليكم ورحمة الله وبركاته
يشرفني اكون بينكم في هذا المنتدى الاكثر من رائع
الاستفسار مثل منتم شايفين العنوان هو فك عامود الدبل قريت في اكثر من منتدى انه اذا فكيته يخرب الجنزير حق الدبل
مثل منتم عارفين اذا كان دفع رباعي مستمر يصير الموتر ثقيل فاحبيت اخذ رايكم هل افكه واذا جاء وقت الشتاء ارجعه يعني ما تتضرر السياره
والسؤال الثاني طبعا فوق البيعه زيت الدبل والقير الزيوت بشكل عام متى تتغير مع العلم ان السياره ماشيه فوق المية الف
ودمتم سالمين
والسلام عليكم

[مطرح الضبئ]

الي اعرفة انه مايضر وخاصة انه اخف واحسن للسيارة وخاصة اذا كان الدبل كهرب

وشكراُ

[الكايف2]

اولا حياك الله اخوي في المنتدي الغالي بين اخوانك واتمني ان تفيد وتستفيد
بالنسبه لفك العمود عشان يخف الموترركب فرارات وكنك فاك العمود وكلمة ان الجنزير يخرب هذا يجاوبك عليه المختصين وهم كثر في هذا المنتدي الغالي

[بقايا امل]

الدبل اللي عندي عادي
ومشكور اخوي مطرح الضبئ على المرور

[بقايا امل]

اولا حياك الله اخوي في المنتدي الغالي بين اخوانك واتمني ان تفيد وتستفيد
بالنسبه لفك العمود عشان يخف الموترركب فرارات وكنك فاك العمود وكلمة ان الجنزير يخرب هذا يجاوبك عليه المختصين وهم كثر في هذا المنتدي الغالي
بالنسبه اخوي للفرارات ماتركب عندي لانه عكوس مو دفرنس
وسعدني مرور

[راعي الركيات]

اولا الله يحيك في مكشات

ثانياً اعتقد انك ماراح تستفيد من فك العمود شي

بالعكس بتفتقد السيارة الي الثبات مع السرعة والسبب انها مصممه للدفع الرباعي المستمر

والله اعلم

[المميـز]

فكت عمود الدبل ماتضر السيارة مرررره

بس اهم شي اذا جيت ترجعه ... خل اللي يركبه لك يشد عليه صح

عشان لا يبدأ يسبب لك رعشه بالسياره يعني اهتزاز على خفيف

وإذا فكيته لاتنسى تعطينا النتيجه وكيف صار خف الموتر معك ؟؟

***

اخوي راعي الركيات ... الفورتشنر بعضه يجي بدون دبل

وثباته على الخط ممتاز جدا ومحد اشتكى منه !

ولكن الرباعي المستمر يعطيك ثبات اكثر على الردميات :good:

[صوت الجزر]

فكت عمود الدبل ماتضر السيارة مرررره



بس اهم شي اذا جيت ترجعه ... خل اللي يركبه لك يشد عليه صح


عشان لا يبدأ يسبب لك رعشه بالسياره يعني اهتزاز على خفيف


وإذا فكيته لاتنسى تعطينا النتيجه وكيف صار خف الموتر معك ؟؟


***


اخوي راعي الركيات ... الفورتشنر بعضه يجي بدون دبل


وثباته على الخط ممتاز جدا ومحد اشتكى منه !


ولكن الرباعي المستمر يعطيك ثبات اكثر على الردميات :good:






هذا الكلام :good: :good: :good: :good:

[sameer_1798]

ياخوي عمود الدبل إذا فكيته مايضر السيارة اللي دبلها رباعي مؤقت .... أما المستمر مثل سيارتك لا أعلم عنه .

[ابو ناصر2020]

سؤال كان يدور في خاطري كثير

موفق خير يارب

[م.أبوإبراهيم]

بالنسبة فك عمود الدبل اتوقع ما راح يمشي الموتر لان فيه نظام إذا ما حمل دفرنس قدام ما راح يمشي الي ورى وانا فكيت عمود دبل الدينالي ما تحرك من مكانه حتى راعين ال في اكس ار ما يقدرون يركبون فرارات لانه إذا فصل الفرار ما يمشي الموتر وجرب انت فكه إذا مشى وصار عادي الموتر من تعشيقات وغيره اتوقع احسن

[محمد بن سعيد]

خله على شد البلد ازين لأن هذا فيه قير ولو بكره يخرب عليك بلشت به

[فاقد الشاص]

حياك الله بمنتداك

فيه حل ويصير مثل اي سياره دبل عادي (غير مستمر)

عندك ورشة الشامل بالرياض يفكون الترس اللي يخلي الدبل مستمر ... وتصير سيارتك دبل بس غير مستمر

طبعاً الترس اللي يبي يفكه لاتخليه بالورشه... خذه لانك يمكن تبي ترجع السياره زي ماكانت

وتكلفة هذ الشغله 1000ريال

وبهاذي الحاله سيارتك دفع خلفي وااذا بغيت الدبل عشقه ... زي باقي السيارات...

واتمنى انك اذا بغيت تسوي هالطريقه تتحفنا بالصور من بداية العمل وختى نعايته....

الله يكون بعونك ... وارجو اني افتدك.

[عاشق بترول]

السلام اخوي الكريم انا شخصين مجرب على الموتري ولاصر شي واقول عاادي

[ابودوس]

بالنسبه اخوي للفرارات ماتركب عندي لانه عكوس مو دفرنس
وسعدني مرور
انا ركبت فرار واهو عكوس وكثير ركبو فرارت ودمت كما تحب

[أبو لينا]

الدفع الرباعي المستمر مايمشي إذا فكيت عامود الدبل
بينما إذا كان الموتر دفع خلفي يمشي الموتر من
ناحية الضرر مأقدر افيدك.....
الي معي دفع خلفي وتمنيت اني مأخذت الموتر على الرغم ان الموتر خفيف
ليش المنحنيات الي فيها ماء او رمل ما أتعدي سرعة 40 تقول ليش؟؟؟؟؟؟؟
اقولك كثير من المرات الي يزحف (يتزحلق ) السيارة في المنحنيات
أذا كان موترك دفع رباعي مستمر خلة على حالة لا تغيرة ......

[بارق بيشة]

أخواني الكرام

أنا كنت مسافر وعلى الطريق حسيا فيه رعشة في العمود رحت للورشة على طريقي وقال افك عمود الدبل قلت تم فك عمود الدبل ويم فك العمود ما تحركت السيارة من مكانها لين عشقت الدبل الثقيل واعتقد ااشتغل لدبل الخلفي اما الأمامي كأن مافيه كفرات ولازالت الرعشة موجودة ترى ما الحل تكفون ( فور تشنر 4 سلندر 2006 )

[كم كيلو باقي]

^
يمكن يحتاج ترصيص كفرات

وبالنسبة لدبل الفورتشنر الأفضل ( من وجهة نظري )

فصل الدفع الرباعي المستمر ( ماتفك عامود الدبل ) بس تفك الرباعي المستمر
ويعرفلها واحد اسمه الدهش بمخرج 18 ابحث عنه بقوقل .. مشهور يفك الرباعي المستمر للاند الجديد
بس كلمه قبل لأن انا اخبره للاندكروزر يفك جرم الدبل ويطلع منه قطعتين تخلي الموتر دفع خلفي وبأي وقت تشبك الخفيف أو الثقيل

ومن عيوب فك عامود الدبل لو احتجت يوم للدبل سواء كنت بتطلع رصيف او بتدف او تسحب احد او بالمطر ماراح يحصل لك يعني حرام فرق السعر عشان تاخذ دبل واخرتها تفكه

[المنيعي1]

أنصحك أن تتركه على وضعه لأن الدفع المستمر ممكن يسببلك مشاكل أنت بغنا عنها .

ولا أعتقد أن السيارة تتغير من ناحيت العزم لأنه مايشبك الدبل إلا أذا دخلت في مكان رملي, مع الزفلت هو مفصول أصلاً .

أما من ينصح بتركيب الفرارات فهيا لاتركب ليس بسبب العكوس ولكن كل الجيوب الجديدة ومنها الفورتشنر لايركب عليها فرار بسبب عدم وجود فلنجة بارزة مثل الربع والشاص التويوتا والنيسان هي فقط من الموديلات الجديدة التي يركب عليها فرار.
ولكن على ذمت يقولون أن الجيوب الجديدة تفصل تلقائياً وتشبك عند الحاجه . فحاول أن تجرب بنفسك أرفع الموتر بعفريتت البنشري من الأمام بحيث تكون الكفرات الأمامية كلها مرفوعة وحرك الكفر بيدك وشوف عمود الدبل هل يتحرك أو لا أذا مايتحرك فهذا المطلوب.