__ الطريق الى قطـــــــــر ____ الرجاء الدخوول

[ساري المملكه]

السلام عليكم ورحمة الله

بعد التحيه للجميع

ودي استفسر اخواني الي لهم خبرة بالطرق ابي اقرب خط بحيث يكون مختصر للسفر لدولة قطر _ حيث لم احصل على حجز من الخطوط ؟؟

علما اني ساكن بتبوك تتوقعو كم المسافة ؟؟؟ علما اني باذهب بروحي ؟ وايش تنصحوني بة الممشى باليل ولا النهار لاني اتاثر بحرارة الجو ويضيق صدري ؟ وهل يحتاج جواز سفر ولا البطاقة المدنية تكفي ؟

ارجو التفاعل

ولكم خالص شكري ومودتي

[دغيم1]

السلام عليكم ورحمة الله وبركاته
حياك الله أخوي
المسافة بعيدة عليك
ولكن ......
أطلع من تبوك على خط حفر الباطن - النعيرية - عريعره
- الهفوف - قطر .
طبعا الطريق سالك من طريق الحفر .. بس طريق النعيرية تحتاج لزيادة إنتباه .
طريق عريعره - الهفوف كذلك جيد بس تحتاج تتزود بالوقود من المفرق - ومسافته تقريبا 100كم .
وبعد الهفوف تسلك الطريق الدائري لقطر ماله داعي تدخل الأحساء .
طريق الهفوف سلوى تحتاج لزيادة أنتباه .
تمنياتي لك بالسلامة ورحلة سعيدة
تقبل تحياتي

[-المهـــــاد-]

لي ساعة اكتب ثلاث ردود وتمسح عن وصف الطريق واظغط اعتمد المشاركة يطلعلي تسجيل الدخول ودي ارد عليك بس عجزت

[عاصفة 2]

كذلك اذا كانت بطاقة الهويه الوطنيه الجديده فما يحتاج الى ان تاخذ الجواز ولا ان تجدده اذا هو منتهي فقد البطاقه الجديده
واما عن المسافه فهي بعيده جدا من تبوك يبغالك اتوقع 1700 كيلو الله يكون في عونك وتاصل بالسلامه واحرص ان يكون معك صحبه اقصد من اصدقائك

[أبو__خــالــد او الوافي]

تروح وترجع بالسلامة

[احمد المهندي]

حياك الله اخوي في قطر

اي استفسار في قطر انا حاظر

اخوك احمد المهندي من قطر

[ساري المملكه]

اخوي دغيم _ كفيت ووفيت الله يجزاك الجنة يامشرفنا اغالي

________________

المهاد _ الله يكتب لك الاجر اخوي وجودك بس هنا يدل على حرصك لمساعدتي _ لاهنت ياذيب بارك الله فيك

________________

عاصفة 2 _ مشكوور على التوضيح _ صح المسافة طويلة _ بس معزووم لعرس شخص عزيز على قلبي وتهون المسافة لجل عيونه

___________

3eal abo mt3b __ مشكور على الدعوة الحلوة بارك الله فيك

_______________

احمد المهندي

يسلم راسك شيخي والله على العين والراس اهل قطر لاهنت _ واهل قطر مابيقصرون وياي مشكور

[قيس عيلان]

و الله ما أعرف الطريق زين والاخوان ما قصروا

لكن أقولك تصحبك السلامة