عندك يوكون؟ ساعدني لو تكرمت, في السيارة ((((( رسالة السرعة)))))

[fahd999]

السلام عليكم ورحمة الله وبركاته

اخواني الكرام

ابي فزعتكم كما تعودنا منكم

عندي يوكون واذا وصل السرعة الى 120 كم تظهر رسالة تنبيه في الشاشة (سرعة السيارة زائدة) وهذا تنبيه يعتبر طبيعي ..
ولكن السيارة تحتوي على مفاتيح معرفة معلومات الطريق على الشاشة نفسها مثل:
- كمية الوقود المتبقي
- ضعط الكفرات
- درجة الحرارة الخارجية
- وغيرها من المعلومات ...
الغير طبيعي هو عدم القدرة على معرفة المعلومات السابقة عندما تظهر رسالة التنبيه (سرعة السيارة زائدة) حتى اخفظ السرعة, بمعنى ان المصنع قالوا عشان يعرف السواق المعلومات لازم يخفظ السرعة :confused: !!!

هل هناك طريقة تجعلني اعرف المعلومات السابقة حتى لو تجاوزت السرعة 120 كم؟؟

ضروري تفيدوني ..

انتضركم يا لنشامى

أخوكم

[أبو سيف العمري]

الله يعافيك

ترى 120كم سرعة زايدة وأنا أخوك .... خليك من الـ100 ودون وسلامتك

[ebn-aljazerh]

بسيطه ياخوي الحل هوه أنك إذا تعديت الميه وعشرين أظغط على مفتاح إعادة ضبط الكيلومترات الموجود على عداد السرعه وينتهي الموضوع

[fahd999]

الله يعافيك

ترى 120كم سرعة زايدة وأنا أخوك .... خليك من الـ100 ودون وسلامتك


شكرا اخوي يانف على سرعة ردك
صحيح أنالسرعة الزائدة مضرة بالصحة :D

لكن مهما يكن اخفاء معلومات مهمة بهذه الطريقة غير صحيحة البتة :j

أحد ممكن يعطينا طريقة للحل؟؟

[fahd999]

بسيطه ياخوي الحل هوه أنك إذا تعديت الميه وعشرين أظغط على مفتاح إعادة ضبط الكيلومترات الموجود على عداد السرعه وينتهي الموضوع

مشكور اخوي ابن الجزيرة
وجزاك الله خير على سرعة ردك

تقصد مقتاح تصفير عداد الكيلوات ؟
بإذن الله اجربها

بارك الله في الجميع,,

[باثفندر]

الصراحة ما اعرف لليوكن بس كان عندي ونيت جمس تطلعلي كلمة ( اوفر سبيد ) كنت اضغط على الزر حق العدادات تروح ،، جرب .

[fahd999]

الصراحة ما اعرف لليوكن بس كان عندي ونيت جمس تطلعلي كلمة ( اوفر سبيد ) كنت اضغط على الزر حق العدادات تروح ،، جرب .

جزاك الله خير اخوي باثفندر
راح اجربها وان شاء الله تضبط

اكرر شكري لكم

[سوبر VTC]

و عليكم السلام و رحمة الله

عندي الجمس م2001 يعطي رسالة سرعه زائده اوفر سبيد

لكنه مابه مثل اليوكن و الجمس م2005 و طالع :no:

من ناحيه القياسات كميه البنزين المتبقي و خلافه......الخ

اذا كنت خايف من كميه البنزين المستهلك بالكيلو الواحد

فالجمس عاده يمشيك يالتانكي تقريبا 650 الى 700كيلو بسفر

موفق

[AL3ASHEG_999]

اليوكن الجديد ماتروح جربت كل الطرق بسيارتي ولا نفعت

[قمة افرست]

ماتروح لين تهدي
بعدين بعد 120 انتبه للطريق لازم تفتش بالطبلون:no2:

[fahd999]

و عليكم السلام و رحمة الله



عندي الجمس م2001 يعطي رسالة سرعه زائده اوفر سبيد


لكنه مابه مثل اليوكن و الجمس م2005 و طالع :no:


من ناحيه القياسات كميه البنزين المتبقي و خلافه......الخ


اذا كنت خايف من كميه البنزين المستهلك بالكيلو الواحد


فالجمس عاده يمشيك يالتانكي تقريبا 650 الى 700كيلو بسفر


موفق


كلامك صحيح القياسات مهمة اثناء الرحلات ..
والحمد لله الخطوط مليانه محطات ..
لكن لا تزال مشكلة عدم الاستفادة منها بعد 120 مشكلة قائمة

جزاك الله خير اخوي

[fahd999]

اليوكن الجديد ماتروح جربت كل الطرق بسيارتي ولا نفعت

اخوي العاشق

وش الرأي بضنك .. هل بحاجة الى برمجة او في طريقة اخرى تعمل للإستفادة من المعلومات بعد 120 كم

لنبحث عن طريقة واكيد فيه حل

جزاك الله خير

[fahd999]

ماتروح لين تهدي
بعدين بعد 120 انتبه للطريق لازم تفتش بالطبلون:no2:

اخوي قمة افرست
جزاك الله خير...
المعلومات الموجودة اثناء السفر مهمة للسائق والركاب

والله الحافظ سبحانه

[fahd999]

السلام عليكم ورحمة الله وبركاته
اخواني الكرام
السيارة موديلها 2009
جربت تصفير العداد اذا ظهرت رسالة السرعة الزائدة === ولا نفع
ضغطت كل الازرار اللي بالدركسون والازرار الجانبية === ما نفع

امس راسلت GM بالمشكلة هذه وابنتظار ردهم .. وان شاء الله ما يقولون (من أجل السلامة منعناها..) يعني سلامة الاطارات وحرارة السيارة ماهي مهمة !!!
وسأوافيكم بردهم ان شاء الله..

هل تعتقدون انها بحاجة الى مبرمج يصحح الوضع؟؟
ما قصرتوا .. واللي عنده افادة يفيدنا بارك الله في الجميع

[ابوشجاع911]

يعجبني اصرارك ياخوي فهد :) يعني بتحلها بتحلها الله لايعوق بشر :) انا قبل فترة استاجرت سوبربان 2008 وتعرف اللي مستاجر عينه دايم على عداد الكيلومتر لكن صارت هالرسالة مزعجة بقوة واذكر اني قريت الكاتالوج ولقيت هالمشكلة مذكورة فيه لكني نسيت بالضبط وهي تسمى معلومات الرحلة ولا ادري هو مكتوب انك ماتستفيد منها الا اذا كانت السرعة تحت 120 او هو مكتوب انك تضغط على ازرار معلومات الرحلة اللي جنب الطبلون على اليمين وتظهر لك مرة اخرى انا نسيت الان ولكني متاكد انها موجودة بالكتالوج

[fahd999]

يعجبني اصرارك ياخوي فهد :) يعني بتحلها بتحلها الله لايعوق بشر :) انا قبل فترة استاجرت سوبربان 2008 وتعرف اللي مستاجر عينه دايم على عداد الكيلومتر لكن صارت هالرسالة مزعجة بقوة واذكر اني قريت الكاتالوج ولقيت هالمشكلة مذكورة فيه لكني نسيت بالضبط وهي تسمى معلومات الرحلة ولا ادري هو مكتوب انك ماتستفيد منها الا اذا كانت السرعة تحت 120 او هو مكتوب انك تضغط على ازرار معلومات الرحلة اللي جنب الطبلون على اليمين وتظهر لك مرة اخرى انا نسيت الان ولكني متاكد انها موجودة بالكتالوج

ابو شجاع بارك الله فيك..
لو الميزة هذه غير موجودة ونعلم انها موجودة في سيارات اخرى لتمنينا انها موجودة .. واحتمال ندفع الآف الريالات عشان نضيفها .. وحنا دافعين قيمتها .. معناها تعطيل من الاستفادة من المعلومات..

على طاري الكتالوج .. البارحة قرأت الكتالوج ولم احصل ما يفيد لإزالة الرسالة..

اشكر لك تعقيبك ..

[أبو سيف العمري]

الله يعينك

ويبدولي إنهم في الشركة ودهم ما تنشغل بأي أزرار بعد هذه السرة الخطيرة وتبقىمركز في سواقة السيارة فحسب؟

[حيدر الو]

عندي تاهو نفس المشكلة لكن عندما زاد ضغط الاطار تحولت الشاشة الى افحص ضغط الاطار وكانت السرعة حول 140 لكن اذا زاد الهواء في الاطار تشتغل الشاشة فقط اما النقص تولع اللمبة الصفراء وكذلك مستوى الوقود اذا انخفض حتى لو كنت مسرع تختفى (سرعة السيارة فوق الحد)

[ERIC7]

اتمنا انهم يردون عليك لاني متعقد منها خصوصا اني امشي يوميا مشاويري العاديه حول 200 كيلوا ظروف العمل ولو بمشي كل وقتي تحت 120 جاني الصمرقع
ولاكن قد صارت معي كم مره اذا نسم الكفر ولا نقص البنزين تطلع لي علامة تنبيه في الشاشه مع اللمبه الصفرا
لاكن انا احتاج احيانن اعرف درجة الحراره ولا عدد الكيلوات اللي مشيتها
تخيل انك ماسك خط واللي موصف لك يقول بعد المحل الفلاني صفر العداد وبعد 70 كيلو ادخل يمين صراحه مشكله كبيره وننتظر الحل من جنرال موتورز ولا من الشباب

[alfajeralb3ee]

انا عندي يوكن 2004 امريكي
وطبلونه على الخط ما ينزل عن 150 كيلوا ومع ذالك رسالة التنبية (السرعه زائد ما تطلع عندي)
واقدر اشوف معلومات الرحله وكل شي بالشاشه .
غريبة
:confused: :confused: :confused:

[xsquad]

اعتقد ان هذي الميزة موجودة في 2007 وطالع

انا عندي يوكن 2004 وجبته قريب الميتين و ما طلعت معي

[ساري15]

السلام عليكم جميعاً

رسالة السرعة لا تضر في باقي الرسائل في حلة وجود أي خلل فني بالسيارة سوااااء من ناحية الإطارات او نقص الوقود اوغيره

فبمجرد حصول أي خلل تظهر الرسالة حتى لو تمشي 200
رسالة تحذير بأن ضغط لإطارات منخفض مثلاً تظهر في حالة حصول نقص ولو كان سرعتك اكثر من120

وكذا باقي التحذيرات ... لاتهتم

اما عداد المسافة وغيرها من المعلومات اللغير مهمه فلا تظهر الا دووون 120

والسرعة مابها خير حتى لاتندم في يوم من الأيام

وتحياتي للجميع

[ERIC7]

يا اخوان الموضوع يتكلم عن الموديلات 2007 وطالع

[ساري15]

وانا كلامي عن موديل 2008 لأنه معاااي ومجربه

وشكراااااااا

[ولد سدير501]

طيب ياشباب انا عندي سوبربان 2006 ولا طلعت للبر و مشيت كثير في التراب تجي رساله تقول قوه المحرك منخفض ومايشي اكثر من 60 وما اسبب