عندي مشكله وأبي حلها ....... تكفون [الأرشيف]

مشاهدة النسخة كاملة : عندي مشكله وأبي حلها ....... تكفون

سعود27

11/08/2009, 08:26 PM

سارتي لآند كروزر 99 وعندي مشكلة الحرارة وهي أني ألاحظ ارتفاعها عند الأزدحام أو الوقوف وإذا مشيت شوي تنزل وتكون بوضعها طبيعي ورحت لورشة وقالي لآزم تغير الديتر .

vx.95

11/08/2009, 09:10 PM

الحرارة عندك طبيعيه .والشيء الثاني تبي الحرارة ماترتفع ركب مراوح كهرب وعليك بمروحة الفياغرا لأنها الصراحه أفضل شيء للجيوب صح غالية شوي لكن تركبها وأنت مرتاح ....وتدري ليه ترتفع الحراره معك لأن مروحة الجيب سير والمعروف عن مراوح السير ماتبدأ تبرد الأديتر إلا إذا مشى الموتر لأنها تبدأ تزيد سرعتها .ومروحت الكهرب تشتغل إذا أرتفعت حرارة الموتر سواء يمشي الموتر وإلا واقف .

قمري قيال

11/08/2009, 09:24 PM

مثل ماقال الاخ vx
وانا عندي لاند g وماتجي فيه مراوح كهرب وركبت وحده ومشت حاله

باترول03

11/08/2009, 10:23 PM

انا اذا طولت الوقوف دعست شوي على البنزين ارفع عداد المكينة الى 650 لفه/دقيقة Rpm
وتركد الحرارة ويبرد المكيف وعادة يكون السبب بواجي واسلاكها
وعلى فكرة موية الرديتر يبيلها تغيير كل سنة تقريبا وماتكلف واجد

مروحة الكهرب جيدة ولكن المروحة السير اضمن

سعود27

11/08/2009, 10:58 PM

الأخ vx والأخ قمري القيال والأخ باترول 03 شكراً على مروركم بس معقوله أن الحرارة توصل على النص وتكون طبيعية ؟

ابوحمد666

11/08/2009, 11:08 PM

الاخ سعود
شيك على تماتيك المروحه لا يكون خربان
شيك على الاديتر لايكون متسخ ويحتاج تسييخ
شيك على بلف الحراره
بعدين ترى جونا ها الايام حر مره فشي طبيعي ارتفاع الحراره
اما بالنسبه لمراوح الكهرباء فا اذا كنت راعي طلعت للبر فما انصحك بها لانه توقع تخرب عليك في اي مكان
تحياتي لك

رعد الصحراء

12/08/2009, 01:50 AM

سوبر VTC

12/08/2009, 02:19 AM

و الله يابعدي الجمس عندي م2001

كنت بمكه العام الاول و الظهر بعز الحر :no:

جلس الموتر شغال مع المكيف لمده تقريبا 10دقايق و الحرارة تحت النص على حرارة

85تقريبا

و بعد 10دقايق ارتفعت الحرارة الى فوق النص بقليل و لم تتحرك نقصا او زياده

و لو ادوس بنزين شوي كانت نامت الحرارة :good:

انا اقول موترك مابه الا العافيه

اخبر مره دخلت المعارض العصر قبل 8سنوات تقريبا و كان معي هايلوكس جديده ما مشت الا 70000الف
طولت بالمعارض ادور مع اللي يلفون بالحراج و المكيف شغال
بعد ذلك و انا متوقف لفترة طويله ارتفعت الحرارة الى النص او فوق النص
و الجو كان في اغسطس تقريبا
علما اني لو اطفي المكيف سوف تنزل الحرارة

موفق

سوبر VTC

12/08/2009, 02:24 AM

الأخ vx والأخ قمري القيال والأخ باترول 03 شكراً على مروركم بس معقوله أن الحرارة توصل على النص وتكون طبيعية ؟

اذا الحرارة ثبتت على النص فما موترك مابه الا العافيه :good:

اقرب دليل دس بنزين لمده دقيقه فقط و البنص او الكمبريشن على تقريبا 1.5

ستلاحظ ان الحرارة تنزل بسرعه :good:

قمة افرست

12/08/2009, 03:53 AM

سارتي لآند كروزر 99 وعندي مشكلة الحرارة وهي أني ألاحظ ارتفاعها عند الأزدحام أو الوقوف وإذا مشيت شوي تنزل وتكون بوضعها طبيعي ورحت لورشة وقالي لآزم تغير الديتر .

انا خبري بالاندكروزر ومن تجربة
اشغل المكيف في عز الظهر ساعتين مايسخن وهو واقف
تركيب مروحة بجيب ماينفع فيه عندك مشكلة
ابداء بالاديتر اذا متسخ وترى التسييخ يجيب نتيجة بالتويوتا
واذا كان ماء الاديتر عادي وفيه لوشوية صداء اما غيرة باديتر جديد ولاسيخ الاديتر وحط ماء اديتر اصلي
افحص غطاء الاديتر لايكون ينسم شوف حوله تهريب ماء اذا سخن
شيك على تماتيك المروحة
بلف الحرارة

الترهيم بجيب هو مرهم من بلدة فيه مروحة اضافية شيك عليها يمكن ماتشتغل
الي براء تحت الشبك

دمت سالما

adil33

12/08/2009, 05:29 AM

مشكلتك بالرديتر اما انك تغيره او تصيخه او اكشف على الغطاء حق الرديتر احتمال تكون الجلدة الي بداخله هريانه وتعبانه وابيك تتاكد من بلف الحرارة اذا راكب البلف يكون تعبانه وما عاد يقوم بعمله بالشكل المطلوب واذا كان ما فيه بلف فركب بلف لانه ينظم عمليه التبريد بشكل ينفع الماكينة واذا غيرت او صيخت الرديتر جرب مويا مقطرة فقط لوحدها لا تضيف اي نوع من المويا الثانيه لا خضراء ولا حمراء والله يوفق الجميع