المساعد الشخصي الرقمي

مشاهدة النسخة كاملة : ما هي أفضل طريقة لطبخ لحم الحاشي ؟


جلوبلستار
03/08/2004, 05:22 AM
السلام عليكم ورحمة الله وبركاته

ما هي أفضل طريقة لطبخ لحم الحاشي ( كبسه ) ؟
أيمن
03/08/2004, 03:00 PM
وعليكم السلام ورحمة الله وبركاته ..

هلا أخوي "جلوبستار"
بالنسبة لطبخ الحاشي وكبسته مثلها مثل طبخ وكبسة لحم الغنم إلا أن طبخ الحاشي يزود عن طبخ الغنم في الوقت.
سؤالي هل تقصد بالكبسة يعني أن يكون الأرز مع اللحم في قدر واحد ..
أو منفصلات كل في قدره !

تحيتي
العنكبوت
04/08/2004, 10:56 PM
اخوي جلوبلستار

من ناحيه طبخ لحم الحاشي او غيره

اجيب اللحمه واغسله واحطه بالكاتم واملاه ما الا حد اللحم

واحط به ثوم وقرفه واكتمه له ساعه الا ربع (( احبه ذاااايب ))

وبعده افكه واكب ماه وبعض الاحيان اشيل لي كاس احطه مع الرز

والا اوزعه على الربع الي يحب مرقه اللحم

واغسل القدر وارجع اللحمه واكشنه له دقيقتين ثم احط الما ولا قام

يفور احط الرز واكتمه وبالهنا والعافيه
بـران
05/08/2004, 06:50 AM
وعليكم السلام ورحمة الله وبركاته ..

جلوبستار .. عندك في الديرة واحد من الشباب كبِّيس حاشي ( يضبط كبسة الحاشي 100%100 )
الرماي
05/08/2004, 08:23 AM
مايقصرون الشباب وياك
ابوفزعه
05/08/2004, 11:10 PM
انا اقول حسب لحمة الحاشي اللي انته ماخذه يمكن الحاشي عمره صغير ولحمته ماتاخذ معك وقت بالطبخ

اذا انت تطبخه بقدر عادي خل طبخك له ساعه الاربع وبعدين حط الرز بس شييك عليه هي استوت والا لا

اما اذا كنت تطبخه بقدر كاتم خل الطبخ 25 دقيقه وبعدين حط الرز

ملاحظه: لحمة الحاشي اذا هي مثلجه يتغير طعمه ووقت طبخه

واللي دايم يطبخ لازم يمر باخطاء كثيره بس مع الوقت يظبط الشغله
الضاري
07/08/2004, 06:28 AM
25 دقيقة بالكاتم الصيني ..... وألحق أهلك ...:good:
قصيمي دب سريع
11/08/2004, 10:15 PM
انا اقول على حسب لحمة الحاشي
ان تسانه هرش والله لو تقعد تطبخه ساعتين
ان يقلب لونه اسود ومايبرد تسبدك اذا كبين الغداء
ولكن اشر لك حاشي طيب
وياريت لحمتك تصير قويصره
يعني من الي تحت السنام
وادع لدب
عموما اهم شي تكشنه بالبصل علشان تصير متدوخله مع الكشنه وبعدين كب الطماط واقصر عليه وغطه ربع ساعه لين تشوف ان قدرك صار به ماء من اللحمه
همن عاد كب ماك وحط خرابيطك من دارسين وليمون اسود ماطحن وحبتين هيل وغط القدر لك نص ساعه وبعدين افتشه وطلع لك قطيعه ان لقيته 100 بالميه كب رزك وان لقيته تبي شوي خله تطبخ زود وقطو قصدي وبس
هريدي
12/08/2004, 02:24 AM
الأصل كُتب بواسطة قصيمي دب سريع

وياريت لحمتك تصير قويصره


"ياريت"

الأخ من محافظة القصيم بسوريا :)






الأصل كُتب بواسطة قصيمي دب سريع


علشان تصير متدوخله مع الكشنه


أنا اقترح يا أخوي قصيمي .. أنك تسجل كلمة مدوخل (ومشتقاتها) كعلامة تجارية لقصيمي دب سريع. :)
قصيمي دب سريع
12/08/2004, 05:54 AM
هريدي
من حبي لكلمة مدخول اذا بغيت ارد على واحد دخلت المنتدى وطلعت ثلاث مرات علشان يصير ردي متدوخل
عموماانا احب كل شي لازم يصير متدوخل

ابيك تخيل رز ماتدوخلت به طعم اللحمه كيف شكله
اذا طبخت اكره اني اطلع اللحمه احس اني راعي مطعم
ماحب اخليه بدزدر والرز بالدزر الثاني
مارتاح الا اذا دلقت رزي عليه وهمن غمته بطباقت القد رعلشان اذا فتحت القدر بختبي من القهر
وقالت يادب بغيت اموت
حاشا هذي مو كبسه هذي بنت اختي
عموما ناوي احط بعدين طبخة الحمبص المتدوخل,,,,لا تحسبن قروي ماعرف اقول حمص بس احب اسميه حمبص
والله ان تدعي لي ربة كل بيت
تعرفون مطعم العجمي وحمصه المشهور انا اضبطه لكم مو مثله بس حوله
000sss000
21/12/2009, 02:24 PM
طبخ الحاشي له طريقتين على مااعتقد حسب معرفتي
الطبخه الاولى واللذيذه اسمها خصيل عند الحضارم وهي تحط اللحم في قدر ضغط لوحده وتحط بصل وثوم وطماطم وبهارات وتضيفها وتصكر الضغط ربع ساعه تقريبآ
الثانيه طبخه مع الرز بس تكون في ضغط بالهنا والعافيه
زود الرياض
21/12/2009, 04:06 PM
مثل ما قالوا بعض الاعضاء

ان نشاء الله يفيدونك بكل شيء
فارس شمال
21/12/2009, 05:16 PM
السلام عليكم ورحمة الله


والله انكم ماقصرتوا وبيض الله وجيهكم

سؤال للطبيخه

ياشباب كل ماجيت اطبخ اللحم الغنم بالكاتم واحط الرز عليه

يطلع الاكل دسم بالحيل .... حتى الرز تقول اني كابن عليه جركل زيت

وش الحل اني اخفف من دسامته


تحياتي
أبوحمزه
09/09/2014, 02:03 PM
اذا طبخت اللحم كب الزيت اللي يجي اعلى الماء
وحط رزك وخمس دقائق وبسمله