مناطق حداق من فرضه الدمام أو الخبر

[Khalid-2004]

السلام عليكم ورحمه الله وبركاته...

انا اشتريت طراد من قبل ثلاثه شهور تقريبآ ولاكن لحد الآن لم اتوفق في الصيد مع ان لي اكثر من عشر سنين وأنا احدق على السيف وتوفقنا في اغلب الآوقات ولاكن وسبحان الله لم اتوفق مع الصيد باالطراد.....وين الهلالي الي كنا نسمع عنه...

هل هناك مناطق حداق او مراعي سمك معلومه لديكم من فرضه الدمام أو الخبر او المناطق القريبه لهم؟

أرجوالتكرم و ذكر المنطقه زائد احداثياتها إن وجدت أو ذكر مكانها أو وصفها.....

مثلآ

فرضه الدمام N 23.xxx.xxx E 48.xxx.xxx

ولكم الشكر الجزيل ولن انساكم من الدعاء مع أول شده خيط... :D

[Khalid-2004]

ماشاء ألله....سته وتسعون قرؤا الطلب ولا رد ولا واحد....

تراه ماهو ذهب ياشباب...كيلو الشعري بثمانيه ريال ويمكن اقل...

مع الشكر الجزيل مقدمآ....

[سمٌاري]

ولا تزعل وسع صدرك البحر يبيلة صبر أنت توك أول ثلاث شهور يبغالك تسأل وتاخذ خبرة أكثر مثل مامرينا فيها أول مابدينا ندخل بحر
المهم نصيحة لك انك تخليك تصيد مثل ماكنت على السيف وتخلي الشقى عنك لأني أخاف عليك تدمن بحر وبعدين ماراح تترك البحر حتى لو مافية صيد يعجبك
وعن الصيد هو توافيق ومثل هالأوقات من السنة ترا يقل الصيد هذا اللي أعرفة
وسامحني أذا تفلسفت عليك .

تحياتي .

[AKRM1234]

السلام عليكم ورحمة الله وبركاته
حياك الله اخي خالد اذا كنت تطلع من نقطة حرس الحدود بالدمام وتبي تصيد هالايام تطلع العصر يعني الساعه ثلاث وتروح منطقة النيوه أو نجمه جزيره تبعد عن ميناء الدمام 7 دقائق وتروح شمالها بالظبط لين توصل بين البويات اقصد مجرى البواخر والباخره الطبعانه واذا صار عليك المغرب خذ من الشعريه كل ثلاثه كيلو ولا ترمي باوره يعني مرساه خلك سحوب واخذ معاك خيوط رقم 60 مم ومجادير رقم 8 وطول الركه وراح تشوف كيف الصيد اخاف بعدين بتلزق صوابعك من السمت والله يوفقك واذا احتجت مناطق اخرى اكتب وانا راح اعطيك بعض المواقع مال الحداق سوى كانت قريبه او بعيده