________ في حاله حصل لك هذا ؟ ماذا تفعل ؟ [الأرشيف]

مشاهدة النسخة كاملة : ________ في حاله حصل لك هذا ؟ ماذا تفعل ؟

ساري المملكه

12/08/2009, 02:30 AM

حياكم وبياكم جميعا :D

عندي سؤال

ابي اشوف خبرتكم بهالمواقف يمكن تنفعنا في الايام القادمة

سؤالي في حالة التغريزة وشهي افضل طريقة لتطليعها من هالوهقة بدون اية عناء خصوصا لكانت السيارة صغيرة ونت بروحك ؟

الله الله بالردوود

ابو نوره 2006

12/08/2009, 02:43 AM

نسم الكفرات على الاخر
.............

ابولولو

12/08/2009, 03:42 AM

ابونوره اسمحلي استاذي اهم شي اذانسم يكون فيه ماطور والي وشلون يمشي اذا صادف حصي اوشوك اول شي الماطور واذا مافيه ماطور نسم خفيف وبرح للموتر واهم شي انك تحط في بالك انك لوحدك وتكون الشغله متعبه هذي الحقيقه واهل الجيوب يتعبون شوي كيف السياره الصغيره وشكرا

راعي السيل

12/08/2009, 08:59 AM

السلام عليكم
انا صار لي هذا الموقف مره والطعوس كانت رطبه بسبب المطر ، ولا بعد في دحديره
تعلقت السيارة على بطنبها من ، جهة المكينة وصار الكفرات تدور في مكانها ، حاولت احط حصى تحت الكفرات وعلى جنبها ثم قمت بطريقة غبية مالها داعي ، صرت احفر للكفرات الامامية لاني كنت اعتقد ان هذا بيساعد السيارة في الطلوع ، لكن الي صار انها تعلقت زيادة وصار مافيه امل الا في الله ثم في استخدام العفريته ورفع كل كفر لحاله ثم وضع حصى او رمل تحت الكفر حتى يكون ملاصق لسطح الارض.
اخرتها جاني واحد معه جيب وسحبني ومن بعدها وانا ما ادخل الا بالنمره الاولى والضغط على 5 خخخخخخخخخخخخخ

كساب الطيب

12/08/2009, 10:18 AM

اذا كنت لحالك وما تبي العنا ومعك صغيره لا تطب الغراز او الصحراء لان لها اضرار على الصغيره

ارجوو تقبل تعليقي بصدر رحب......

مربط القعاسي

12/08/2009, 10:41 AM

كساب الطيب

بيض الله وجهك وشوله تدوخ راسك وتدخل البر ولا النفود ونت معك سيارة صغيرة

اذا انت تحب البر اشتر جيب وذا ماتقدر عليه اشتر هايلكس واذا ماتقدر اشتر ددسن واذا ماتحب البكب اترك البر عنك

هاذ افضل حل

ابو البر

12/08/2009, 12:23 PM

اقول مثل ما قالو الآخوان وازود / مالك ومال البر يا بو (سياره صغيره ).

وقف بجتب الطعوس وخذ عفشك وعلى رجلك .......اكشت .

ولا اقول لك اقرب / حديقة .

كرفان

12/08/2009, 12:27 PM

راعي السيل

12/08/2009, 10:47 PM

هالحين يعني اذا شريت جيب خلاص ما راح تغرز؟!!
ياليت لو احد منكم يروح للثمامة ايام اجازة نهاية الاسبوع ويشوف السيارات من كل نوع هناك وتمشي على الرمل كانه مزفت ماشاء الله.

الثويرات

12/08/2009, 10:52 PM

التنسيم اول شي تسويه.

والحاجه الثانيه ان كل تغريزه لها طريقا لكي تخرج السياره هل هي تغريزه بارض مستويه او ثولثه او متعلقه بشجره او برمل في بط السياره

الكونترولCONTROL

12/08/2009, 10:55 PM

لكل موقف حل .!! أنت قل لي الحالة بالكامل و أقول لك كيف أتصرف
.!! فكوني مثلا:ـ قريب من الطريق يختلف من كوني مختفي عن الأنظار
و في الغالب : لا تحاول اكثر من طاقتك و غادر المكان الى اقرب
طريق بعد أن تقوم بإخفاء اغراضك الضرورية في مكان آمن .!
و ان كنت بالليل يمدحون النوم الى الصباح
ما له داعي تتصل على أقاربك أو معارفك و تشغلهم.

أبـوالبـــراء

12/08/2009, 11:08 PM

قفلة واستودعه الله

راعي الركيات

13/08/2009, 01:38 AM

في حال انك لاقدر الله غرزة في البر وانت لوحدك حاول انك ماتستنزف كامل قواك في اخراج السيارة بل ابحث عن الحلول

السهله بعدها توجه الي اقرب طريق وانت تعلم وجهتك والمسافه التي سوف تقطعها

واسال الله ان لايجعلنا في مثل هذه المواقف

ابو البر

14/08/2009, 06:24 PM

صار معي مره موقف / طاحت سيارتي في (نقعه ) بالليل
واتصلت على الدفاع المدني قامو اعطوني رقم جوال / ويوم اتصلت على الرقم اللي عطوني
طلع لي راعي صطحه .