طرق طبخ الدخل

[مجنون زانيتي]

السلام عليكم ورحمة الله وبركاته:

عشان نطلع بفائده ، والكل يفيد و يستفيد

طرحت الموضوع هذا

الكل يحط الطريقه المفضله بالنسبه له لطبخ طيور الدخل

أو الطريقة اللي يعرفها ؟

لتعم الفائده

بالنسبه لي انا شخصيا

طبخت قبل ايام معدوده 35 دخله

وخليتها مرق

واليكم الطريقه ( لكن اعذروني مافيه صور ) .


اول شي

قطعت بصله كبيره قطع صغيره

وحطيتها في القدر

وبديت أحمس البصل مع حبتين دخل ( بدون زيت ) لأن شحم الدخل يكفي

الين استوى البصل

حطيت الكميه المتبقيه من الدخل على القدر

وخليتها تتقلب شوي ( أقل من دقيقتين )

اضفت مويه حاره ، واضفت الفلفل ( حبتين ) ، وبهارات مهران ، و ليمون اسود

وخليتها بضعة دقائق ثم اضفت الملح ( على حسب كمية المويه ) .

انتظرتها تقريبا 15 دقيقه الين استوى الدخل .

طلعت مرقه مجنونه

وتناولناها بالخبر البر .

تحياتي

ياليت تفيدونا بالطرق الاخرى .

[العتين]

الله يجزاك الخير

[shaheen70]

الله يعافيــــــك علــــى الطريـــــــقة
وياليت فية صور يجي الموضوع أقوي وتقبل مروري

[صقار الأسياح]

انا طريقتي اقطع بصل وبهارات واخايه على النار شوي ثم احط الدخل واحمسه شوي ثم احط الماء لمدة عشر دقايق كاتم طبعاً ثم احط الرز اللي له عشر دقايق منضف بالماء ثم خله سبع دقايق وشف مع الببسي تحت ضل شجره الظهر ياربااااااااااااااااااااااااااااااه

[Y A S S E R]

ياليت احد يبيع دخل مالي خلق قوايل :d

[مردد الكدري]

صقار الاسيااااااااااح ذبحتنا بالكلام هذا ههههههههههههه

[راعي الدويمع]

يعطيك العافيه

[111الشاهي]

يعطيك العافيه

[سنـــــــــام]

دخله عدد 12 حبه << للشخص الواحد
صيخ شوي
ملح
فحم ممتاز وأكيد جمر لهب لهب << :)

شك الدخل بسيخ وخلهن فوق الجمر تقريبا" 15 سم

بعد تغير لونها إلي أول درجة حط الملح على دفعات أول الأستواء نصف أستواء أستواء كامل

وأذا الفحم طيب ماتبطي عشر دقايق كثير << وأذا مستوي زيادة أبشر بالعافية :)

[ألأطلسي]

اناعندي نصيحه للإخوان في طبخ الصيدالبري عموماوجربتهافي جميع الصيد
انك لاتضيف اي بهارات عندالطبخ ماعدا مايلي
زيت الزيتون حق الوطنيه
البصل الثوم بزاربلدي وكمون بلدي 
اماالليمون الاسود والماجي وغيرهابعدعنها حتى لاتمررالطعا

[البرنوووو]

عليك بالعافيه

[الريمى]

طيب الطبخ :)
اما بالنسبه لى طريقه من 15سنه وانا استعملها وهى 40 الى 50 او اكثر من الدخل وعدد 2الى 3 بصل وقصدير هو الافضل.. واذا كان مافيه قدر ضغط الكاتم
تنظف الطيور بدون غسل وتنظيف البطن الكرش الخ ...لان اذا غسلتها راح تكون كميه الماء شوى زايده وانا افضلها بدون ماء يعنى يكون حتى يكون لونها اشقر من الزيت اللى تنحمس فيه ويكون زيت صافى...
الطبخ على جمر ويكون الجمر فى مكان بعيد عند الهواء القوى لان القصدير يحترق اذا الجمر اشتعل وينفتح ...توخذ ملعقه من البهارات وتوضع على الطيور مع البصل وتخلطها بيدك ثم توزعها بالقصديرمع الملح وتجعله على شكل مستطيل وتدبل القصدير 3مرات وتحكم اغلاقه ولا يتسرب منه اى شى من البخاروتجعل الجمر متساوى على قد القصدير ويوضع على الجمر وبعد 5دقائق ينتفخ القدير ثم تاخذ عود ابحجم عود الاسنان عندما يصبح منل الوساده او المخده :) وتثقبه من الاعلى بالنصف ويتبخر حتى لاينفجر من الاسفل ويصب الزيت وبعد 40 دقيقه قول بسم الله وادع لى مع خبز صاج وهو الافضل لدى ..
البهارات بالنسبه الى خلطتى ..المقدار بالكاسه او البياله او الاستكانه الشاى ..
عدد1 كاسه فلفل اسود نص كاسه فلفل احمر 2كاسه كركم 3كاسه كمون 4 كاسه حبه حلوه 5 كاسه كزبره 2كاسه دارسين قرفه 2كاسه ورق غار1كاسه زنجبيل 1كاسه قرنفل مسمار 1كاسه جوزه الطيب 2كاسه هيل 2كاسه ثوم مجفف تخلط مع بعض وتوخذ الكميه المطلوبه ...
طبعا حسب الاضافه لومى ليمون اسود شنه وهذولا يسببون مراره بالاكل اذا زادت الكميه قليل والافضل مانحطهن...
البهارات غير مطحونه واذا تريد الرائحه تكون اطيب الكركم يشوى بالنار وهو كامل شوى خفيف ثم يطحن والكزبر تحمس بدون زيت فى قدر نفس القهوه حمس خفيف الى ان يتغير اللون بشكل بسيط ..
الفلفل الاسود حرارته داخل المعده اما باللسان يكون خفيف وفى البطن يكون حار جدا اذا تم الاكثار منه بعكس الفلفل الاحمر التى تكون حرارته باللسان ..
وبالنسبه الى الطبخ فى قدر الظغط او الكاتم على الغاز وعلى نار هادئه من 12 الى 13 دقيقه بس بالقصدير فرق السما عن الارض وتحياتى للجميع ارجوا انى ماطولت عليكم

[رعد الصحراء]

الله يعطيك العافيه

[زايــ ابومحمد ــد]

الله يعطيك العافيه



تحيــــــاتي
زايـــ زايد ـــــــد

[السِّعر]

[]يعطيك العافيه[/]