العازل الحراري لزجاج السيارات؟؟ سؤال؟

[GعبدالمجيدG]

السلام عليكم ورحمة الله وبركاته
الإخوة الأعزاء أسعد الله أوقاتكم بكل خير

ياليت أحد يدلنا بالوصف على أفضل ورشة في مدينة الرياض متخصصة في تركيب العازل الحراري للسيارات؟

ولكم جزيل الشكر.

[ابو امنه]

موفق خير يالغالي

[ابولولو]

اخوي شف سلمك الله قبل دوار شارع الاحسا وانت باتجاه الغرب تجيك عماره عل اليمين اشوف سيارات واجد عندهم بعض الايام والعمال بعضهم فلبينيه انا ماشتغلت عندهم هم بجب عملي والاعضاء يفدونك اكثر

[GعبدالمجيدG]

ابو آمنه ،، ابولولو شاكر لكما تفاعلكما ،،
وبانتظار من يفيدنا أكثر ،، من اخواننا الأعضاء.

[ابوراس الدحمي]

والله مدري وايش قصدك هل تقصد عزل حراري لزجاج السيارة والا عازل ارضي
للسيارة ؟؟؟
تقبل تحياتي

[GعبدالمجيدG]

والله مدري وايش قصدك هل تقصد عزل حراري لزجاج السيارة والا عازل ارضي
للسيارة ؟؟؟
حياك أبوراس الدحمي اللي أقصده لزجاج السيارة يعني تظليل عااااازل..
شكرا لمرورك

[ابوراس الدحمي]

اشكرك على توضيح قصدك
والله اللي يمدحونه ومجربه واحد من الربع محل اظنه على طريق خريص ان كان
ما خاب ظني يسوي تضليل حراري عليه ضمان اسمه V-coolبس لك على القيمة
شوي (يعني غالي شوي )بس يعطيك نتائج مرضية
تحياتي::::

[ابوعلي الحربي]

يا غالي انا في سيارتي عازل من جونسون ويقولون افضل عازل ومن هالكلام المهم بصراحه الحراره تخف داخل السياره لكن مو بدرجه كبيره يعني شي نسبي فنصيحه لا تركب شي غالي خذ الامور من الوسط
لكن صراحه باليل السياره تحافظ على برودة المكيف ونسبيا

[GعبدالمجيدG]

أبوراس الدحمي
أبوعلي الحربي
شكرا على المعلومات الوافية
وان شاء راح امرعلى ( في كول ،،

[لاتكب البيالة]

السلام عليكم
العازل 3 اللي اعرف 3 انواع
1- كوري تضلل السيارة بالكامل ب 150 ريال طبعا انا جربته فرق بسييييييط جدا لكن ميزته يكسر النور يعني يكبس واحد بوجهك عادي
2- عازل امريكي السيارة ب 500 وافضل من اللي قبله وصراحة هذا مناسب جدا لاهو غالي وعزله معقول وتجي لفته طويله يعني مافيه خطوط بالدريشة هالنوعين تلقاه بالغرابي
4- عازل من كول او زيبارت او جينسون هذا العوازل اللي عليه العلم لكن انا رحت بسيارة صغيرة قالوا لي من 2000 وفوق

[monsixnet]

عليك ب الفى كول احلا كلام.

لكن ضلل السياره من الاربع جهات علشان يكون تعبك ما راح بلوشى

[GعبدالمجيدG]

1- كوري تضلل السيارة بالكامل ب 150 ريال طبعا انا جربته فرق بسييييييط جدا لكن ميزته يكسر النور يعني يكبس واحد بوجهك عادي
2- عازل امريكي السيارة ب 500 وافضل من اللي قبله وصراحة هذا مناسب جدا لاهو غالي وعزله معقول وتجي لفته طويله يعني مافيه خطوط بالدريشة هالنوعين تلقاه بالغرابي
4- عازل من كول او زيبارت او جينسون هذا العوازل اللي عليه العلم لكن انا رحت بسيارة صغيرة قالوا لي من 2000 وفوق
لاهنتوا جميعا على المعلومات الوافيه.

[WWS]

السلام عليكم
أخوي عبد المجيد أسعد الله أوقاتك و اوقات اخواني الأعضاء بكل خير و سعاده و محبه
الغالي
بخصوص التظليل العازل
1- 3M أو DRIVER >> طريق خريص بإتجاه الشرق بعد شارع بريده جنب الخطوط السعوديه قبل أسواق السدحان اللي على اليمين هذا شغله عدل حسب تجربه عدد من الأصدقاء
2- سوبر كوول SUPER COOL >> طريق خريص بإتجاه الغرب بعد محلات مكاتب تأجير السيارات اللي قبل دوار الإحساء تحت الشقق المفروشه جنب معرض شاشات القمم هذا تظليله حلو
3- في كوول v-cool >> ماأذكر موقعه بالتحديد بس هذا شغله كويس بس فيه من يقول ان الخامه اللي عنده مو اميريكيه صينيه لما تناقشه بها يقول ايه مواصفات اميريكيه بس كويس وغاااااااالي
4- زيبارت zipart >> لا غبار عليه من ناحيه الجوده و الشغل موقع اللي اعرفه و مريته و لا ادري هل له فروع بالرياض او لا تقاطع طريق الملك عبد العزيز مع مخرج ((9 )) بإتجاه الغرب بالخدمه على يمين بعد ورشه سيارات مع انه غالي بس حقه
5- دكس كوول dex-cool >> تقاطع طريق المللك عبد الله مع التخصصي بإتجاه الشرق بالزاويه اليمنى مااني عاارف عن الخامه اللي عنده بس شفت عنده مره زحمه و أكيد بيكون كوويس على الزحمه اللي عنده
6_ لومار LLumar >> طريق خريص بإتجاه الغرب بعد محلات المفروشات اللي مقابله وكاله هوندا عند الإشاره هذا شغل شغل شغل شغل عدل و غويلي شوي
7- صن إكس sun -x >> طريق العروبه بإتجاه الشرق بعد محلا ت قزاز السيارات هذا طال عمرك عندووه نوعين من التظليل:-
>> كوري بدون ضمان بس يضمن شغل اليد من حيث جوده العمل و هذا سعره قرابه 200 ريال كامل السياره حسب كلامه
>> إميريكي ضمان على ما اعتقد 10 او 5 سنوات مع ضمان شغل اليد بـ 900 ريال تقريبا ً هالكلام قبل 3 شهور
>>> و هنااااك كثير من محلات التظليل العااازل مااا اذكر موقعهاا مثل جونسون >> كار كير >> سولدر قارد
>> إذا كانت السياره اللي معاك تويوتا روح ظلل عندهم وإنشب لهم عشان الخصم وقول ماارحت للي برا جيت عندكم واذا مااعطيتون خصم براحتكم المحلات اللي برا افضل منكم :D :D
>>>>> يالغالي لما تظلل ظلل كامل السياره افضل لك لتحافظ على درجه الحراره الداخليه
>>>>>>>>>>> فائده التظليل العازل المحافظه على درجه الحراره الداخليه مو عزل الشمس
>>>>>>>>>>>>> هــذا و الله أعلم

[راعي المجاهيم]

اخوي لا تتعب نفسك و وفر دراهمك



ضلل ابو 150 ريال و متى مامليت فكها



مجرد رأي اطبقه دائما

[GعبدالمجيدG]

:wws
1- 3M أو DRIVER >> طريق خريص بإتجاه الشرق بعد شارع بريده جنب الخطوط السعوديه قبل أسواق السدحان اللي على اليمين هذا شغله عدل حسب تجربه عدد من الأصدقاء
2- سوبر كوول SUPER COOL >> طريق خريص بإتجاه الغرب بعد محلات مكاتب تأجير السيارات اللي قبل دوار الإحساء تحت الشقق المفروشه جنب معرض شاشات القمم هذا تظليله حلو
3- في كوول v-cool >> ماأذكر موقعه بالتحديد بس هذا شغله كويس بس فيه من يقول ان الخامه اللي عنده مو اميريكيه صينيه لما تناقشه بها يقول ايه مواصفات اميريكيه بس كويس وغاااااااالي
4- زيبارت zipart >> لا غبار عليه من ناحيه الجوده و الشغل موقع اللي اعرفه و مريته و لا ادري هل له فروع بالرياض او لا تقاطع طريق الملك عبد العزيز مع مخرج ((9 )) بإتجاه الغرب بالخدمه على يمين بعد ورشه سيارات مع انه غالي بس حقه
5- دكس كوول dex-cool >> تقاطع طريق المللك عبد الله مع التخصصي بإتجاه الشرق بالزاويه اليمنى مااني عاارف عن الخامه اللي عنده بس شفت عنده مره زحمه و أكيد بيكون كوويس على الزحمه اللي عنده
6_ لومار LLumar >> طريق خريص بإتجاه الغرب بعد محلات المفروشات اللي مقابله وكاله هوندا عند الإشاره هذا شغل شغل شغل شغل عدل و غويلي شوي
7- صن إكس sun -x >> طريق العروبه بإتجاه الشرق بعد محلا ت قزاز السيارات هذا طال عمرك عندووه نوعين من التظليل:-
>> كوري بدون ضمان بس يضمن شغل اليد من حيث جوده العمل و هذا سعره قرابه 200 ريال كامل السياره حسب كلامه
>> إميريكي ضمان على ما اعتقد 10 او 5 سنوات مع ضمان شغل اليد بـ 900 ريال تقريبا ً هالكلام قبل 3 شهور
>>> و هنااااك كثير من محلات التظليل العااازل مااا اذكر موقعهاا مثل جونسون >> كار كير >> سولدر قارد

بيض الله وجهك أخوي wws عز الله ان كفيت ووفيت..
راعي المجاهيم اشكرك على حضورك ووجهة نظرك.

[ابوبدران]

السلام عليكم

هذا رأي في التضليل مقتبس من رد سابق لي




السلام عليكم





أنا مضلل ( في كول ) كامل السيارة القزاز الأمامي والفتحة بـ 1900 ريال صرحه تفرقها في المشي في الشمس يعني ما تتعبك الشمس زى ألي ما ضلل أو مركب تضليله رخيصة

أعطيك مثال كنت راجع من الشرقية الساعة 2 الظهر إلى الرياض أشوف بعض الناس يحط شماسه أو سجاده أو أي شي يمنع حرارة الشمس بينما أنا ولله الحمد لم أضع أي شي لان ألتضليله عاكسه نسبه كبيره من ضوء الشمس والحرارة طبعا مع تشغيل المكيف و بعد ما تضايقك الشمس في المشاوير داخل المدينه في عز الظهر

كنت عندي حساسية من ضوء الشمس في الظهر يعني لازم البس النظارة الشمسية وإلا تدمع عيوني واقعد فترة لين اعتاد على الضوء لكن بعد التضليل ارتحت وصر الأمر عندي عادي


ملاحظه مهمة جدا


لا تظن انك أذا وقفت السيارة في الشمس تحصلها باردة لا تحصله حارة ولأكن اخف من السيارة ألي ما ضللت والديركسون حار بس ما يلسع زى ألي بدون تضليله
ركب أي ماركه تحب أهم شي أنها تكون ماركه( في كول ) ( جونسون ) ( زيبارت ) ( لومار ) ( كول لايت ) ( بدون ترتيب )

أيضا التضليل الماركة يكون تركيبه تحت أيدين ناس فهمه
وتناظر من خلال ألتضليله ما تشوف إشعاع مع الاضاءه في الليل وأنوار والسيارة ألمقابله يعني ألتضليله صافيه بنسبه عاليه جدا
ايضا عندي القارمن ما يستقبل الا باريل خارجي بسبب التضليلة

ونصيحه لا تكبها الا على سياره جديده علشان تتمتع به اكثر وقت ممكن

[محمد بن سعيد]

جزى الله صاحب الموضوع وكل من رد كل خير وبارك الله فيكم جميعاً على الردود المفيدة انا مركب ابو 100 ريال كوري لكن بركب تضليل كمبيوتر افضل واضمن لأن اللي عندي لها شهرين وبدت تنفك مع فتحة القزاز

[عاشق وادي الدواسر]

7- صن إكس sun -x >> طريق العروبه بإتجاه الشرق بعد محلا ت قزاز السيارات هذا طال عمرك عندووه نوعين من التظليل

فيه له فرع ثاني على طريق خريص بعد ماتخلي العثيم حق النسيم على يسارك يجي هو على يمينك جنب الاتصالات السعوديه



وتبي الشور انا مضلل موتري كوري عازل ب 80 ريال وزي السكره ولله الحمد ولا يلعبون عليك يقولون عازل ب 150



وبالتوفيق يالغالي

[GعبدالمجيدG]

الإخوة الأعزاء/أبوبدران ، محمد سعيد ،عاشق وادي الد واسر
بارك الله فيكم وفي كل من أفادنا في هذا الموضوع..