المساعد الشخصي الرقمي

مشاهدة النسخة كاملة : لاصحاب الخبرة بالسيارات والترهيمات وخاصة جيب اللكزس###


نجم الصمان
13/08/2009, 06:09 PM
السلام عليكم ورحمة الله وبركاته

يا شباب عندي جيب لكزس امريكي بتانكي بنزين واحد وابي اركب عليه التانكي الثاني مثل الخليجي.

اللي عنده خبره ياليت يفيدنا



ومشكورييين
1ملسون
13/08/2009, 07:53 PM
يفيدونك الشباب انشاء الله
مالي علم والله بس الربع ما يقصروووون
سوبر VTC
13/08/2009, 08:22 PM
و عليكم السلام و رحمة الله

حياك اخوي نجم الصمان ==> القهوة ياولد على قولة اخوي سيفلر سنايبر


.. القهوة للضيوف يا ولد ..
http://www10.0zz0.com/2009/03/07/18/302332903.jpg



اعتذر اخوي نجم الصمان على التاخر في الرد على جوالك الخاص

الرقم راح في خبر كان :no: فالعذر و السموحه :(

و الا ما كنت ناسي

بالنسبة للتانكي كلمت شخص بالرياض و قال حنا مانركبه

و لا عرف احد يركبها و يقول يمكن يركبونه حقين تشاليح الحاير

طبعا عندنا العثيم الكهربائي يقول سبق اني ركبته للجيوب

و يكلف واجد

المطلوب كتالي

تشري تانكي من التشاليح و يركب فوق الستبنه نفس الجيب السعودي

قيمته بالتشاليح تقريبا من 700 و طالع

طبعا يجي معه ليات بين التانكي الصغير و الكبير + قسام + طرمبه

يعني تاخذ اغراضه كامله من التشليح

تركيب التانكي 500ريال ===> + تشبيك الظفيره الى الطبلون
شد بلد

شغل اليد 700ريال

الاجمالي تقريبا = 2100ريال

يعني كل هالشغل من اجل تركيب تانكي الصغير (45لتر)

الظفيرة شد بلد و توصل الى زر التانكي اللي يسار الدركسون مثل السعودي

اتمنى ان الصورة اتضحت

و اعذرنا على القصور

تحياتي
نجم الصمان
14/08/2009, 10:19 AM
1 ملسون

ما قصرت وجزاك الله خير



سوبر vtc

عذرك مقبول ،، ويعطيك العافيه على المعلومات


وجزاك الله خير



واذا فيه احد عنده اضافه يتكرم علينا بها



ومشكوريييين
monsixnet
14/08/2009, 02:00 PM
-

عز الله ماتسوا الشغله 2100 ريال.............
عبدالعزيز-1
14/08/2009, 02:13 PM
طال عمرك ركب لك تانكي استرالي من عند الرمايه سعته 145 لتر .

وشغله فك وركب بدون ليات وبدون افياش وبدون اي شي لانه تانكي واحد يعني مايحتاج ترهيم ويركب مكان تانكي الوكاله وانا انصحك فيه عملي وبقوووه.

بس سعره غويلي شوي لكن ميزته مايحتاج تلعب بالموتر ومايحتاج ترهم اي شي
نجم الصمان
18/08/2009, 12:15 AM
monsixnet

يعطيك العافيه على المشاركه ، واذا تركيبها بيكلف 2100 وبيمشيني التانكي الاضافي 300 كيلو اشوفها تستاهل ،، وياليت اللي عنده خبره كم يمشي التانكي الاضافي يخبرنا.


عبدالعزيز-1

الله يطول عمرك على طاعته يالغالي ،، بسالك كم سعره ، وهل ركبته او تعرف احد ركبه؟



ومشكورييييين
سوبر VTC
18/08/2009, 12:26 AM
هلا اخوي نجم الصمان

غالبيه الجمس و النيسان و التويوتا اتكلم عن الصالون و ايضا الجيب الحوض

كلهن يمشن بالديره باللتر الواحد 5كيلو تقريبا

اذا افترضنا ان التانكي الصغير حق موترك 45لتر
طبعا مكتوب بالكاتلوج
= 45 * 5كيلو = 225 كيلو ==> هذا الكلام بالديره

بالسفر اذا كنت مثبت السرعه على 140 او 130

اكيد و الله اعلم ان التانكي يمشي 300 و طالع على حسب دعس الرجل

مسافه الخط بين الرياض و القصيم تقريبا 350كيلو
اذا كنت على سرعه 140 و تحت و التانكي 90لتر
استهلاك البنزين كالتالي (تقريبي)
طبعا يختلف من شخص لاخر و على حسب الدعس و التهدئة و الدعس مره اخرى و عوامل الهواء

350 كيلو % المستهلك من التانكي بعد الوصول (55لتر) = 6.36كيلو للتر الواحد
اذن التانكي الصغير تقريبا = 6.36 * 45لتر = 286كيلو (تقريبا)

جرب صفر عداد الموتر بالديره و شف كم يمشي
اذا افترضنا انه مشى بالتانكي 450كيلو و التانكي 90لتر
اقسم 450 على 90 = 5كيلو للتر الواحد
= 450 % 2 نص التانكي الاساسي (45) = 225كيلو

او

اذا عبيت بنزين شف كم اخذ لتر؟؟؟
و اقسمه على الكيلو اللي عندي (الممشى)

موفق
موادع 1
18/08/2009, 12:43 AM
والله مبدع بحق اخوي سوبر فتك
جزاك الله كل خير على خدمة اخوانك
وجعلها الله في ميزان حسناتك
YZNQAZ
18/08/2009, 08:24 AM
طال عمرك ركب لك تانكي استرالي من عند الرمايه سعته 145 لتر .

وشغله فك وركب بدون ليات وبدون افياش وبدون اي شي لانه تانكي واحد يعني مايحتاج ترهيم ويركب مكان تانكي الوكاله وانا انصحك فيه عملي وبقوووه.

بس سعره غويلي شوي لكن ميزته مايحتاج تلعب بالموتر ومايحتاج ترهم اي شي

مشكور اخوي وعندي استفسار
هل يوجد تانكي للباثفايندر 2004 في الرماية وحجمه كبير
نجم الصمان
27/08/2009, 01:53 AM
سوبر vtc

موادع 1

YZNQAZ



بارك الله فيكم


وشهر مبارك على الجميع



ومشكورييين
عبدالعزيز-1
27/08/2009, 02:12 AM
والله مدري اذا فيه للباث ولا لا بس مر الرمايه واسئلهم لانهم هم وكلاء Arb

واذكر سعر تانكي اللاندكروزر واللكزس كان 3700 الظاهر