المساعد الشخصي الرقمي

مشاهدة النسخة كاملة : استفسارعن امكانية تغيير جنوط الشاص من شنبر الى تيوبلس


راع المهيلات
04/08/2004, 04:43 PM
الرجاء من الأخوه اعضاء منتدانا الغالي نسئلكم عن امكانية تغيير كفرات الشاص من شنبر الى
تيوبلس وهل هي عمليه وكم تكلف وبأ نتظاركم
داورد
05/08/2004, 11:23 PM
أما عن سؤالك : إذا كان الشاص اللي عندك من الموديلات القديمة 99 وتحت فعندك جنوط النيسان الـ DX او جنوط الباجيرو العادي مثل اللي مع الشرطة بعد ما يخرط وتوسع الفتحة اللي في الوسط .

أما إن كان من الموديلات الجديدة يعني من 2000 وفوق فهناك جنوط الفكسار او جنوط الـ GX الجديد بعد ما تخرط حتى ما تحك في الهوب ( شغل القصيم ) .

وهي عملية ومجربة .

الاسعار : ؟؟؟؟؟؟؟؟؟

أرجوا اني قد افدتك , وشكراُ

اخوك (((((((((((داورد))))))))))))
راع المهيلات
06/08/2004, 07:48 PM
لاهنت ياداورد ويعطيك العافيه والله يعينا نتلها للقصيم
لاكن جنوط الفكسار عريضه يعني لازم تغير الكفرات عراض ارجو التوضيح
داورد
07/08/2004, 11:19 AM
كلامك صحيح مع جنوط الفكسار لازم تغير الكفرات الى العريضة .

لاكن انا قلت لك ركب جنوط الـ GX وهذا خطأ مطبعي , الصراحة هي جنوط الـ G لانها هي اللي دايم يركبونها وانا توقعت انها للجي أكس .


وانا حاضر لأي استفسار.
شـ2002ـاص
07/08/2004, 10:38 PM
السلام عليكم جميعا و بالنسبة لسؤالك أخوي راعي الصهبا الشاص و الكبسولة ( الربع ) ماتركب عليه جنوط الفكسار ولا الجي أكس البنزين ، لأنه مبرز من الوكالة ، ولكن تقدر تركب عليه جنوط الجي أكس الديزل وحط خطين تحت كلمة الديزل ، لأنه يجي مبرز من الوكالة مثل الشاص و يتركب عليه 100% بدون لاخراطة ولا دعثة و طبعا الجنوط حديد و عريضة يعني مقاس الكفر 275/70/16 أما الشمبر 235/90/16 فيه ناس يحشرون أم الكفر الصغير على الجنط بالقوة ولكن لامنظر ولا ممشى لأنة ينفصخ من الجنط بسهولة إذا نسمت الكفر و نصيت الرملة ، و ميزة الجنط الديزل أنه وكالة و يتحمل إذا رصيت الشاص بحمولة ثقيلة و سعر الأربع جنوط المستعملة النظيفة من 600-1200 ريال ، الحل الثاني إذا أنت طول الله عمرك و الحاضرين كنت راعي كشخة و ما تحمل الشاص بذيك الحمولة فمالك إلا جنوط الكروم شكل اللكزس أو الفكسار حسب لون الموتر و إذا جيت تبغى تشتري قلة جنوط لكزس كروم ديزل : ليش تقول ديزل ؟ علشان يعطيك الجنط المصبوب بتبريزة و سعر جنوط الكروم الأربعة من 1000-1400ريال طبعا الكروم ماتجي أصلية ولكن تجارية و يكون فيها رجة بسيطة على ال80 و إذا صملت تشتري أكمل شرح حل الرجة في جنوط الكروم لأن يدي تعبت من الكتابة و عندي مشيوير ....... طبعا الكلام اللي كتبتة ينطبق على الشاص من موديل 2000 و طالع ابو خمسة مسامير أما من 99 ونازل ابو ستة مسامير له جنوط كروم حقت الفكسار ال97 لمتد ، تجي مذهبة و مجنونة ..... و اسف للإطالة و أنا عندي شاص 2002 أبنزل لك الصور و هو عليه جنوط الديزل و الكروم ... و يقولك إسأل مجرب ولا تسأل طبيب ، هذا علمنا و سلامتكم
راع المهيلات
08/08/2004, 03:31 PM
لا هنت يا شــــ2002 ــا ص على هالشرح الوافي
واستفسار عن نوعية الكفرات هل كفرات الشنبر 16 تركب على جنوط الديزل او لازم كفر عريض
شـ2002ـاص
08/08/2004, 09:41 PM
و الله اخوي انا قد شفت واحد مركبه عليه و لكن منظره يخرب شكل السيارة و بعدين يمكن ينفصخ الكفر من الجنط بسهولة ، و لكن إذا كنت ماعندك نيه تغيير الكفرات لأنها جديدة أو غيره ففيه جنوط نفس مقاس جنط الشمبر حق الوكالة و لكنها تيوبلس ( بدون لستك ) و كثير من أهل قطر يركبونها خاصة طيور البر ممكن تحصلها في الغرابي بالرياض في شارع المستعمل <<< يسمونه كذا
راع المهيلات
09/08/2004, 06:09 PM
مشكور ياشـــ2002ـــاص ولا عد مناك