اذا نفذ الوقود من عندك كيف تتصرف؟؟؟؟؟؟؟

[ابوراس الدحمي]

انا اطرح هذا التساؤل ليشترك الجميع ويفيدنا بخبراته :good:

مثل هذا الموقف حصل معي انا ومجموعة من الشباب كانت عندنا سيارة اكسنت

وكنا نازلين مع عقبة (طريق منحدر الى تهامة عسير) طبعا الطريق ترابي

وما هو شديد الصعوبة في نفس الوقت.. والا ما نفكر اصلا بالنزول .....

بس السواق الله يهديه اخذ زي ما تقولون مطب وهو مسرع وهوعبارة عن تلّ ترابي بسيط يقطع الطريق بس...........

الطااااااااامة ان تانكي البزين انخرم (انخرق):confused: من ضربة المطب وواصلنا المسير لمسافة معينه

وانا اشم ريحة بنزين وعداد البزين نازل بسرررررعة عندها وقفنا السيارة

والاسوأمن هذا كله وصلنا منطقة ما يغطيها الجوال وحنّ نشوف البنزين ينزل من السيارة:( ....

فيه واحد من الربع يحب على طول الطريق يمّضغ علك:eek: على طول سحبت العلك منه

ونزلت تحت السيارة أسدّ الخرم وكانت فتحة الخرم صغيرة بس فقدنا الكثير من البزين:(

ثم دوّر صاحب السيارة وطلع( رجع طريقه) والباقين جلسوا تحت عشان بس صاحب السيارة يتصل بأي واحد من مكان تغطية الجوال وما وصل لأن السيارة اثناء الطلوع رجع البزين اسفل التانكي على ما اظن, والظاهر ما بقي شي منه ووقفت السيارة مكانها

وكمل صاحب السيارة مشي لمسافة تزيد على 10 كليو صعود حتى حصلّ تغطية وكلم واحد وجانا فازع بعد انتظار دام اكثر من 7 ساعات ....

ممكن هذا الموقف بسيط مقارنة بمواقف اخرى :D:D:D

ننتظر منكم كيفية التصرف في مثل هذه المواقف ليستفيد الكل ......

وتحياتي للجميع

[bn 3mir]

والله يا خووووووووي اول شي الحمد لله اللي نجاكم
وثاني شي انا لو يصير لي هالموووقف ما ادري وش اسوووي
لان في ارتبااااك وتفكير في كيييييييف نوصل بس
اما انت ما شاء الله عليييييك ... حليتها
وبيض الله وجه خوووويكم اللي جاكم بعد زمن مدته 7 ساعات
بس المهم انه جاء ........... والله يوفقكم جميعا

[ابوراس الدحمي]

شكرا لمرورك بن عامر بس الحل كان مؤقت ولا اعطى نتيجة مرضية
تحياتي لك خاصة وللجميع عامة

[إبن فيصل]

والله أن الموضوع بصراحة مشكلة بس الواحد يحسب حساب كل شي يعني لكل طريق أو خط بتروح له تعمل حسابه فيه تغطية جوال والا لا فيه زفلت والطريق فيه ماره كثير والا لا مقطعة فيه محطات والا قليلة والسيارة وهو الاهم زينة والا راعية خرابات وبالنسبة للتانكي فيه سيارات يحطون صاجه للتانكي تحميه بإذن الله من المشاكل الي ممكن تصير له.

[ولد الساحل]

اولا الحمد لله علي السلامه
1- من عرفت ان التانكي يهرب وسكرت الفتحه قدرت البانزين الي معك هو يرجعك ولى لا لنفس المسافه الي قطعت لان الكسنت سيارة صغيرة ولا تصرف بانزين.
2-المفروض مايرجع صاحب السيارة لحاله لازم يكون احد معه وتختارون انحف واحد :D حتي لاتتعرض السيارة للنزول وتتلف مرة ثانيه .
3-في رقم للطواري 112 للاتصال وطلب المساعدة.
4- دايما خل معك اكثر من شريحه جوال - اتصالات -موبايلي - وزين يمكن وحدة منهم تلقح.

[سوبر VTC]

الحمدلله على السلامه


انا اخبر دايم كرتير الزيت ينشق للسيارات الصغيره بسبب الحصى


و الحل تجيب صابونه و تفركه على نفس الشق او الخرم


همن يوقف التهريب باذن الله


فيه حل اخر



احد الربع وقت الصيد بعز الحر
صار عنده تنسيم برصات الاديتر
باترول صالون
المهم معه المعجون او الصلصال او العجين اللي يخلط
هو مثل العصارين اللي يخلطن لكنه مهب سايل
عبطهن مع بعض و لزق على نفس التنسيم
و ضبط الاديتر :good:
اللي يبيه يلقاه عند ساكو اهم شي اذا اخذت قطعه منه تسكر الغطاء عشان ما ييبس العجين
و استخداماته كثيره خصوصا لو انشق عليك كرتير الزيت
و يجي مثله نفس العلبه لكن عليه رسمه نار لاستخدامات اخرى
اخبر سعره ب19 او 21ريال
العصارالسائل العادي الامريكي الاصلي ب4ريال
هذي صورته



http://www.mekshat.com/vb/../pix/upload01/prof004/mk53291_www1.jpg


موفق

[ابو امنه]

الحمدلله على السلامة
تصرف حكيم
موفق خير يالغالي

[ابوراس الدحمي]

اشكرك مرورك البورونزي

لوكانت المشكلة الكارتر كانت هيّن المشكلة,, لكن الحمولة الزائدة في الخلف

وتقدر تقول ان السيارة من الامام مرفوعة بس اللي شفت البزين يتهرب

والمعدات اللي ذكرت في ردك ماهي معاي::: اصلا ما تقوقعت حدوث مشكلة زي ذي

بالنسبة ياخوي (ولد الساحل ) نصائحك قيمة جدا تؤخذ بعين الاعتبار مسقبلا

ان شاء الله واتشرف بردّك

تحياتي::::

[المميـز]

أفضل الحلول .. تجهيز الموتر بكل الاحتياطات اللازمه

والجوال .. يستحسن وجود الثريا لانه مع الثريا حياة أسهل :)

ولكن إذا كان الوضع مثل حالكم !!

الخرم ممكن يتعالج مثل ماسويتوا بالعلك أو تقدر بكيس نايلون مع شوية حراره ومفك

وفيه حلول مثل ماقالوها الاخوان في ردودهم السابقه

والحمد لله على سلامتكم ..

[ابوراس الدحمي]

مشكور يالمميز دائما مميز في ردّك وعساك على القوة

يشرفي قرائتك وردك للموضوع

تحياتي

[عقيعقب]

تصدق شفت مثل هالقصة بفيلم هندي

خصوصاً مشهد العلك :d

[ابوراس الدحمي]

ما دام انك شفت الفلم ذا قلي بالله وايش سوى البطل عشان الاخوان يستفيدون من
هذه المواقف ...
لا تقوللي ان البطل شال السيارة على ظهره هههههههههه ترى ما لنا حيل
اشكرك على تواصلك يا عقيعقب بس لازم تتصرف في مثل هذه المواقف
تقبل تحياتي :::::

[الناب]

الحمد لله ما قد صار لي هالموقف

لكن أتصل على رقم 112
حتى لو مافي أبراج

بارك الله فيك
موفق خير

[سنـــــــــام]

أنا صار معي موقف أنا وخوياي غير

وشلون غير ياسنــام << أعلمكم بختصاااار

طلعنا على فتك 2004 وفتك 2005 نطرد كدري وقطا حمر

تعطل 2004 وقلصنا الموتر إلا أن شفنا الزفلت وش سوينا ؟؟

قالم الربع شباب تقعد عند البنادق والزهبه والباقي يطلع يصلحون الموتر ويرجعوون

قلت الديرة قريب يروووحوون ويرجعون بسرعة

تبرعت أنا وأبوعبدالله قلنا حنا نبغا نجلس بس نزلو الأغراض والعزبة <<مستانسين هههههه

الله يرحهم الحال بس والله يارجال جلسنا من الساعة 8 الصباح إلي الساعة 4 ونصف العصر :(
المشكلة ماندري ربعنا صار عليهم شي فيهم شي ؟؟ والمشكلة أخووكم سنام مانزل

جواله من السيارة قلت يركبوون طرمبت البانزين بدقيقة ويرجعووون والله لايوريكم

نفسية أنا وأبووعبدالله << لافطوور ولا غدا مامعنا إلا قطاه وحده شويناها على الدافوور :) من الجووع والله يعين

ولابد من أخذ الحيطة والحذر من المواقف إلي ترفع الضغط وتربك خوياك .

[البانلي]

اول شي السلام عليكم

السراحه انا مجرب الحركه هاذي بس فيه شروط
انا يكون السياره نضام الحقن عادي يعني (كلبليتر) انك تجيب دبت الغاز واركب المحول الازرق حق الغاز واوصل الي وبعدين اركب الي في مدخل البنزين وانتضر شوي بعدين تشغل السياره بس راح تكو السياره بطيه شوي بس المهم انه تمشي

وارجو ان الفكره تكون حازت على رضاكم

[بن علوي]

هذا الرقم (( 112 )) عن طريق الاقمار الصناعية حتى ولو كان لا يوجد شبكه وحتى لو لم يكن شريحه وحتى لو لم يكن رصيد انصح بنشره للفايده والنفع للجميع إذا لم يكن في شريح في الجوال يستخدم للجوالات الجيل الثالث وفقط اما اذا يوجد شريح بدون رصيد او شبكه فيستخدم لجميع الجوالات

[1ملسون]

انا اطرح هذا التساؤل ليشترك الجميع ويفيدنا بخبراته :good:

مثل هذا الموقف حصل معي انا ومجموعة من الشباب كانت عندنا سيارة اكسنت

وكنا نازلين مع عقبة (طريق منحدر الى تهامة عسير) طبعا الطريق ترابي

وما هو شديد الصعوبة في نفس الوقت.. والا ما نفكر اصلا بالنزول .....

بس السواق الله يهديه اخذ زي ما تقولون مطب وهو مسرع وهوعبارة عن تلّ ترابي بسيط يقطع الطريق بس...........

الطااااااااامة ان تانكي البزين انخرم (انخرق):confused: من ضربة المطب وواصلنا المسير لمسافة معينه

وانا اشم ريحة بنزين وعداد البزين نازل بسرررررعة عندها وقفنا السيارة

والاسوأمن هذا كله وصلنا منطقة ما يغطيها الجوال وحنّ نشوف البنزين ينزل من السيارة:( ....

فيه واحد من الربع يحب على طول الطريق يمّضغ علك:eek: على طول سحبت العلك منه

ونزلت تحت السيارة أسدّ الخرم وكانت فتحة الخرم صغيرة بس فقدنا الكثير من البزين:(

ثم دوّر صاحب السيارة وطلع( رجع طريقه) والباقين جلسوا تحت عشان بس صاحب السيارة يتصل بأي واحد من مكان تغطية الجوال وما وصل لأن السيارة اثناء الطلوع رجع البزين اسفل التانكي على ما اظن, والظاهر ما بقي شي منه ووقفت السيارة مكانها

وكمل صاحب السيارة مشي لمسافة تزيد على 10 كليو صعود حتى حصلّ تغطية وكلم واحد وجانا فازع بعد انتظار دام اكثر من 7 ساعات ....

ممكن هذا الموقف بسيط مقارنة بمواقف اخرى :D:D:D

ننتظر منكم كيفية التصرف في مثل هذه المواقف ليستفيد الكل ......

وتحياتي للجميع


الحمد لله على السلامه وحسن التصرف هو المنقذ بعد الله
بس السؤال الاهم وش اسم العلك اللي كان يستخدمه خويك شكله بيحط ماع العزبه والله :D

الحمد لله على السلامه
ودائما التفكير المنطقي والسليم مهم حتى لو مافاد بس اهم شي فيه منطقيه

والله لو اقول لواحد ممن الشباب عطي العلكه حقتك بسد التانكي ان يضحك علي سنه كامله

[ابوراس الدحمي]

البانلي وسنام بيض الله وجهكم على المرور الكريم

كانت معنا دبة غاز والله ما فكرنا في مثل هذا الحل

يمكن بك اكيد انه افضل حل قرأته لحد الان

[عقيعقب]

ما دام انك شفت الفلم ذا قلي بالله وايش سوى البطل عشان الاخوان يستفيدون من
هذه المواقف ...
لا تقوللي ان البطل شال السيارة على ظهره هههههههههه ترى ما لنا حيل
اشكرك على تواصلك يا عقيعقب بس لازم تتصرف في مثل هذه المواقف
تقبل تحياتي :::::



وأشكر لك رحابة صدرك وسعة أخلاقك :good: