الفزعة قبل ماينفجر الراس

[ايسر 2009]

بسم الله الرحمن الرحيم


السلام عليكم ورحمة الله وبركاته
يا أخواني اعضاء منتدى مكشات وخصوصاً اعضاء خيمة السيارات.
حتى لا أطيل الكلام اليكم المفيد
عندي جيب نوع باترول بابين 2001
وعندي مشكلة ارتفاع الحرارة حيث يفور الراديتر والحرارة نصف وبيني وبينكم الراديتير لك عليه نصف عمر بس قالوا لي الميكانيكيين يمكن يكون من راس المكينة
ابي فزعتكم بخبراتكم حيث اني لا اعلم اين العطل كيف اعرف انه من الراديتر او من راس المكينة.
افزعو لي قبل ماينفجر راسي او راس الباترول
والسلام خير ختام

[محيسن1]

السلام عليكم اخوي ايسر 2009
قبل لاتلعب في الراس
اذا الحرارة تنزل اذا وقف الموتر فالراس سليم
لان الراس اذا احتر ماتنزل الحرارة كنت ماشي او واقف وبعدين خل الموتر لين يبرد وافتح غطاء الراديتر وشغل الموتر اذا الموتر مافور فالراس سليم لان لو الراس فيه شي يظهر الماء كله من الراديتر
وغير الراديتر وراح تشوف الفرق بأذن الله

[ايسر 2009]

تسلم يامحيسن على هالمعلومه وجزاك الله خير

[ms662]

اخوي الحراره اسبابها كثيره
غطاء الرديتر وصارت معي
تماتيك المروحه
بلف الحراره
وبعد ماتتأكد من الامور هاذي وانها سليمة سو تسييخ للرديتر تراه ان مانفع ماضر ورخيص 80 ريال وتغير المويه الى مقطره بس لاتحط اخضر ولا احمر او مويه من الحنفية
واذا كان الموتر مع الحراره تحس ان عزمة طايح تأكد من وزنية البلوف ترى لها اثر كبير جدا لاتكون قافلة
وبالتوفيق

[جيبي جايزلي]

الله يسهل امرك وان شاء الله تبي تلقى الحل

[سالم11]

يا كثر مشاكل الباترول عجيب صراحه ما نشاهده من كثرة مشاكل الباترول حتى من الموديلات الجديدة

شيك على الخراطيش
وغطا الاديتر

[ابو امنه]

موفق خير يالغالي

[قناص خلاوي]

قبل تسوي اي شي
غير غطاء الاديتر بواحد اصلي
تراها صارت معي وصار البلا بالغطاء بس

[اليوسفي2006]

أخوي آيسر 2009
السلام عليكم و رحمة الله و بركاته ,,,,,,,,,,,,,
علشان ترتاح من الحرارة و لا ينفجر راس المكينة و لا ينفجر راسك أتبع الآتي :
1 - روح لراعي الرديترات و خله يشيك على تماتيك المروحة لا يكون خفيف يعني خفيف بالمرة
2 - خله يفك لك البلف حق الحرارة و جب بداله واحد أصلي من الوكاله و نفس درجة الحرارة
3 - قله يسوي لك تسييخ و تشييش للرديتر
4 - وقبل ما أنسى خله يتأكد من سير المروحة لا يكون مرتخي
و أتمنى ان مشكلتك تنحل أن شاء الله

[adil33]

تاكد من وزن الديلكو

[هاوي ددسن]

شف اخوي اذا كان الخرطوش منتفخ فهذا من الراس
لكن شيك على طرنبه المويه وغير الاديتر الى المونيوم وتشوف الفرق ان شاء الله