المساعد الشخصي الرقمي

مشاهدة النسخة كاملة : الى قمة افرست وعاشق z71 للأهمية ولايهون باقي الأخوان


saad.saud
15/08/2009, 02:19 AM
السلام عليكم
أخواني أنا شفت مشاركاتكم في منتدى الجمس واليوكون وقلت مالي بعد الله الا أنتم
معي يوكون 2006 سعودي دبل ماشي تقريبا 120000 كم
المشكلة :
1 . مع اللف يمين أويسار يطلع صوت خفيف مثل التكة .؟؟؟؟
2 . اذا عشقت الدبل يطلع صوت حول الدفرنس الأمامي كأنه (حنه ) ورحت يم مركز (جيركو ) وفحص كمبيوتر وقال ماعندك مشكلة كهرباء ولكن المشكلة هي الرمان اللي يشبك الدبل مع العكوس الأمامية ؟؟؟؟
اللحين وش الحل لمشاكلي وأين اصلحها بالرياض ...
والله يجزاكم خير على مجهوداتكم مع باقي الأخوان
سوبر VTC
15/08/2009, 02:29 AM
و عليكم السلام و رحمة الله

افتح السويتش لكن بدون تشغيل الموتر :no2:
اشبك الدبل الخفيف
راح تسمع اولا صوت اشتغال دينمو الدبل اللي تحت القير => يطلع صوت طقه منه
لانه يعشق ==> كل الجموس و الشفر يطلع صوت دقه (تخوف :no:)
بعد ما يعشق
حتى موتري
راح تسمع مباشرة صوت دينمو او حساس الكارونة الاماميه
حيث يشبك الكارونة مع العكوس

انا اقول موترك مابه الا العافية


موفق
سوبر VTC
15/08/2009, 03:11 AM
للفائده


هذه صورة الحساس اللي راكب عليه الفيش 6اسلاك

http://www.mekshat.com/vb/../pix/upload02/images80/mk53291_oijg.jpg

هذا مكان الدينمو بجنب عمود الدبل





http://www.mekshat.com/vb/../pix/upload02/images79/mk53291_ibdbpii44.jpg



http://www.mekshat.com/vb/../pix/upload02/images80/mk53291_jhdbh44.jpg





http://www.mekshat.com/vb/../pix/upload02/images78/mk53291_odjhobn22.jpg

http://www.mekshat.com/vb/../pix/upload02/images78/mk53291_nldb11.jpg
قمة افرست
15/08/2009, 03:36 AM
ماقصر اخوي سوبر شرح وافي
اتبع الطريقة الي قالك بفتح السويتش وشبك الدبل اذا هو الصوت المقصود فلا مشكلة
صوت التكه اثناء الالتفاف اقصى مالها ذراع او جلد
شيك على الاذرعه يمكن تبي تشحيم هذا اول شي
والصوت هذا تسمعه ونت شابك الدبل ولا مفصول يعني له علاقة بالدبل
الافضل االفحص عند مهندس اخر للتاكد
لان من الصعب الحكم على خراب الرمان ونقول انه رمان خاصة لم يظهر صوت


بلغنا وش صار معك

تحياتي
عاشق z71
15/08/2009, 10:03 AM
اولا وش قصدك بالتكه ؟

اذا هي طقطقه ياليت تقول وين تحس مكانها بالظبط

بالنسبه للدبل

هل قصدك اثناء ظغطك للزر ؟ ولا قصدك اذا شبكته ومشيت عليه يطلع هالصوت ؟

لي عوده
ابو امنه
15/08/2009, 11:54 AM
ماقصر سوبر بيض الله وجهه
موفق خير يالغالي
saad.saud
15/08/2009, 01:01 PM
أولا السلام عليكم
ثانيا مشكورين على سرعة تجاوبكم والله انكم رجال ينخا بكم
ثالثا نجي للمشكلة :
1 . صوت التكة ( الطقة الخفيفية ) كأنها من الكفرات اللي قدام او من تحت كرسي السواق اذا لفيت يسار او من تحت كرسي الراكب اذا لفيت يمين
2 . وديت السيارة لأكثر من ورشة هذا الصباح ( جيركو - الجميح -القرعاوي - .... )وكلهم اتفقوا على أنها الرمان اللي بالدبل . قلت ياولد (مابدهاش) نروح لجيركو لأنه اول واحد قالي الرمان وارخص من غيره . والليلة يطلع ان شاء الله
3 . بالنسبة للصوت فكان بدون دبل (تمشي عادي ) تسمع صوت خفيف من مقدمة السيارة مثل صوت الكورونة اذا بدت تخرب (اووو اوووو ) يعني مثل ( وش اقول ) ولكن اذا عشقت الدبل تسمع الصوت واضح .. وان شاء الله ينتهي اليوم .
4 . بس بقت مشكلة الطقة الخفيفة مع اللفة
ولا أقول الا الله يوفقكم وين مارحتوا ويرزقكم الحلال
عاشق z71
15/08/2009, 04:22 PM
الطقه الخفيفه احتماللات كثيره اهمها واقربها


جلد البدي وهذي تسوي مثل الاعراض الي انت قلتها

ثانيا جلد المقص لانها تكون منتهيه ومسويه فراغ او فجوه ومع لف الطاره يصقع ويطلع هالصوت بسبب هذا الفراغ
سوبر VTC
15/08/2009, 05:31 PM
3 . بالنسبة للصوت فكان بدون دبل (تمشي عادي ) تسمع صوت خفيف من مقدمة السيارة مثل صوت الكورونة اذا بدت تخرب (اووو اوووو ) يعني مثل ( وش اقول )


بس بس بس اصبر وقف جابك الله :D :p

ذكرتن بشي

عندي بالجمس م2001 و له الان تقريبا 3سنوات
و به جمسين اخرين
كلهن اذا مشيت على سرعه 50 تقريبا همن رفعت رجلك تسمع صوت وووووووو
المهم ان الجمسين اللي فوق غيروا فلنجات العكوس الاماميه طبعا الفلنجه تجي مع
الرمان كامله مكبوسه من المصنع
و لاراح الصوت :no::no:
طبعا اذا ماشيت مثلا على سرعه 140 على اي سرعه
يختفي الصوت تماما
الصوت يطلع اذا رفعت رجلي عن البنزين
خصوصا سرعه 60 او 50
الوالد بحكم ان ميكانيكي
اشار علي ان افك عمود الدبل
و اشوف الصوت يروح ام لا
و انا كل يوم باكر :D
saad.saud
15/08/2009, 06:14 PM
السلام عليكم
طبعا اذا ماشيت مثلا على سرعه 140 على اي سرعه
يختفي الصوت تماما
الصوت يطلع اذا رفعت رجلي عن البنزين
خصوصا سرعه 60 او
اخوي سوبر Vtc
الله يخلي لك الوالد ويطول بعمره على الطاعة
المشكلة مثل ما قلت لكن الصوت يزيدعند تعشيق الدبل
الورش قالوا يمكن الفلنجات لكن رمان الدبل اكثر احتمال
سوبر VTC
15/08/2009, 07:35 PM
السلام عليكم
طبعا اذا ماشيت مثلا على سرعه 140 على اي سرعه
يختفي الصوت تماما
الصوت يطلع اذا رفعت رجلي عن البنزين
خصوصا سرعه 60 او
اخوي سوبر Vtc
الله يخلي لك الوالد ويطول بعمره على الطاعة
المشكلة مثل ما قلت لكن الصوت يزيدعند تعشيق الدبل
الورش قالوا يمكن الفلنجات لكن رمان الدبل اكثر احتمال


و عليكم السلام و رحمة الله

الله يجزاك خير يابعدي

ابعطيك معلومه و انت ابخص

غالبية الموتر سواء تويوتا او امريكي او نيسان
اذا شبك الدبل لازم يطلع صوت من جرم الدبل
لان التروس و الرمان و جنزير الدبل يدورن مع حركه الموتر

الدليل اني اذا فصلت الدبل راحت الاصوات

من وحهة نظري ان هذا شيئ طبيعي

موفق و ييسر الله امرك

الفلنجات سبق اني غيرت وحده الجهه اليسار
تحصل موضوعه بتوقيعي
ناس غيروا الفلنجات جديده بسعر تقريبا 700 و طالع
و لا راح الصوت
الفلنجه بين خرابه
خصوصا اذا ضربت جرف قوي جدا بشعيب مثلا
و الفلنجه رمانه قوي جدا قليل جدا يخرب

انت تقول فيه صوت بدون شبك الدبل
طيب فك عمود الدبل و شف هل راح الصوت ام لا
قمة افرست
15/08/2009, 09:15 PM
أولا السلام عليكم


3 . بالنسبة للصوت فكان بدون دبل (تمشي عادي ) تسمع صوت خفيف من مقدمة السيارة مثل صوت الكورونة اذا بدت تخرب (اووو اوووو ) يعني مثل ( وش اقول ) ولكن اذا عشقت الدبل تسمع الصوت واضح .. وان شاء الله ينتهي اليوم .
4 . بس بقت مشكلة الطقة الخفيفة مع اللفة
ولا أقول الا الله يوفقكم وين مارحتوا ويرزقكم الحلال


يبدو ان المشكلة فعلا رمان دام تسمع صوت واضح زي ماذكرت فغالبا رمان
وفي بداية خرابة
ياليت تذكر
سعر القطع وشغل اليدلنستفيد وباقي اعضاء المنتدى

دمت سالما
saad.saud
16/08/2009, 01:48 AM
السلام عليكم
شكرا لتفعالكم معنا
أخوي سوبر
الصوت بدون دبل صغير لكم مع الدبل أقوى كأنه ( حنة )
أول ماشريت الموتر اذا عشقت الدبل كان عادي بدون صوت لكن من شهرين تقريبا طلع الصوت بالدبل أو بدونه
أخوي قمة افرست
قيمة القطع ( 4 رمان +3 صوفة + 1 وردة ) تقريبا 700 ريال
شغل اليد لدى (جيركو) (1000 ) ألف ريال
والسلام عليكم
ابوابراهيم3
18/08/2009, 12:02 PM
بالنسبة لطقطقة انا معي z71 موديل 2008 وفية نفس الي تقولة
ابو شكاع
19/08/2009, 04:00 AM
عاد جاكم اللي يقال له مايحتاج
شف الله يسلمك
الصوت اللي تقول عليه
ووووووووووووووووو
خلن اقول لك وش الصوت اللي أسمعه بموتري اليوكون 2002
لما اوصل سرعة 120 مثلا وارفع رجلي ...الصوت كالتالي خلن امثله لك
كأنك تاكي بجنب طريق سيد واحد يعني مثلا طريق الرياض القصيم القديم من عند شقراء ...همن يجيك ددسن موديل 79 من بعيد يمشي طبلون الددسن
هذا الصوت تقريبا اللي كنت اسمعه ...وهذا أقرب شي لوصفه
مثل ماقال اخينا سوبر فيتك ...رحت للورشة قال عندك الفلنجة العكس الأمامي الأيسر اذا منب واهم ...أو هو الأيمن بس أغلب الظن انه الأيسر
وغيرها له قصت بحدود 1000 ريال
وراح الصوت تماما ... قلت له وش السبب طيب ليش يصير له تسذاتا
قال بوقت الأمطار ..وتبتل بالماء << تبتل يعني يجيها ماء مهوب تبتل يعني تطول ككككككك
يقول لما يجيها ماء وتوقف على طول الموتر وتطفيه ...يقول المفروض لما يجيها ماء وتوصل مشوارك ..خل الموتر يشتغل شوي لمين تحس انها نشفت من حرارة مكينة الموتر بعدين طفي
والله أعلم ...وبهالمناسبة أحب أشكر الأخ سوبر فيتك وبقية الإخوان على تفانيهم جزاهم الله خير
بالتوفيق
saad.saud
29/08/2009, 03:30 AM
بسم الله الرحمن الرحيم
أولا الشهر مبارك عليكم لإني توي جاي من مكة وجبت العيد ....!!!!!
ثانيا اليوكون يوم كان بالورشة تم تغيير (4 رمان +3 صوفة + 1 وردة ) وتمت تجربة السيارة عند تعشيق الدبل ولكن الصوت ماراح (يعني ما استفدنا من هالقطع وياحسافة 700 ريال )
طبعا قام الفني بالورشة بتغيير الفلنجات من سيارة ( كانت تتصلح عندهم ) طبعا يوكون ولا كان فيه أي مشكلة (يعني شغلة تشليح من أقرب سيارة ) وجربنا السيارة برا بالدبل ولا راح الصوت
قام مرة ثانية وفك الدفرنس الأمامي من اليوكون (بتاع التشليح ) ولا راح الصوت
قام مرة ثالثة وفك الدبل ( من خوينا راعي اليوكون ) وركبناه بموتري وجربنا الدبل ولا راح الصوت
قمنا رجعنا السيارة وركبنا محركاتنا الأصلية (الدبل والدفرنس والفلنجات ) وقلت لهم ابجرب الموتر برا وعليها مابعد قبلت عليهم وقلت حرام ادفع (1000 ) ريال على الفاضي .
يالله يابوسعود مايحتاج نعشق الدبل ....
المهم غسلت السيارة بستم بالديزل علشان ننظف السيارة من الأوساخ عقب كل هالعمليات الفاشلة ....
وأول يوم من رمضان وعلى (مكة )الله يشرفها .... لكن بعد أول يوم ويوم الأثنين الماضي أشغل السيارة وتطلع لي رسالة ( يجب تصليح الدفع 4 عجلات ) لا عادها الله من رسالة
واشغل السيارة من جديد واطالع لمبات الدبل على اليسار ومافيه مشكلة ولعن كلهن وبعدها ثبتت لمبة الدفع الخلفي (يعني الموتر كأن مافيه مشكلة ) وتطلع الرسالة ثاني مرة
قمت اغير الدفع الى الدفع الرباعي قامت اللمبة الدبل تأشر ولا ثبتت على الدفع الرباعي
قمت وجربت الدبل الكبير ونفس الدبل الصغير يؤشر ولا يحول للدفع الرباعي
قمت ورجعت الدفع الى الخلفي ( العادي ) وتحول طبيعي .. لكن لاتدور دبل
رجعت من مكة والرسالة قبالي على الطبلون .. ما راحت
الحين صارت المشكلة الرسالة ولا عندي دبل
افيدونا بالحل يا أهل العلم ولا ورشة سنعة ( يقول لك هذي المشكلة ) ويصلحها
الله يتقبل صيامكم وقيامكم
والسلام عليكم
saad.saud
29/08/2009, 04:04 AM
للرفع ..... يارب يجي حل للمشكلة
قمة افرست
29/08/2009, 05:39 AM
مبروك عليك الشهر
والمشكلة بسيطة ان شاء الله

اول شي افصل اصبع السالب لمدة ربع ساعة وبعدين اشبكة وشغل
اذا اللمبة واللعه
شيك على الفيوز حقت الدبل اذا تمام
يكون الخلل من حساس الدبل ويجي راكب بنفس دينمو الدبل قيمته ماذكر حول 300 ريال

وان شاء الله الامر سهل وبسيط
saad.saud
29/08/2009, 08:11 AM
الله يعطيك العافية الحين سيتم العمل بشورك لكن الفيوز بالكبوت او بالمرتبة الداخلية
saad.saud
29/08/2009, 08:38 AM
فصلنا السالب ربع ساعة
وتم خلالها التشييك على الفيوز وطلعت سليمة
بعدها شبكنا اصبع البطارية والرساله موجودة
معناها حساس الدبل
اوكي كذا معناه الحساس خربان ..... بس وين اصلحه
سوبر VTC
29/08/2009, 04:44 PM
شف يابعدي
الخسارة بالعمر مهب بالمال
و ان شاء الله تكفير ذنوب

بالنسبة للمبه الدبل
سبق انه بموتري 2001
تاشر اللمبه سواء الدبل الخفيف او الثقيل
و كانت المشكله من حساس الكارونة الامامي
دينمو الكارونة يقوم بشبك الكارونة + العكوس
قيمته جديده ب400ريال كرتون ازرق جي ام

طبعا انا حركت الفيش و اشتغلت :good:
حرك الفيش انت و شف

على فكره الدبل له صوتين

اول شي طف الموتر و افتح السويتش على اون
و اشبك الدبل الخفيف

اول صوت
صوت تعشيق دينمو الدبل اللي تحت القير
بعد ما ينتهي هذا الصوت
يليه الصوت الثاني بعده مباشره
اللي هو صوت دينمو الكارونة
اذا انت ما سمعته تراه ما شتغل
و دليل ذلك => تبدا اللمبه تاشر
سوبر VTC
29/08/2009, 05:03 PM
هذا دينمو الكارونة الاماميه


http://www.mekshat.com/vb/../pix/upload02/images78/mk53291_odjhobn22.jpg

http://www.mekshat.com/vb/../pix/upload02/images78/mk53291_nldb11.jpg

اذا خرج الدينمو معنى ذلك ان شغال
اذا لم يخرج الضاغط يحتمل انه (مجيم) خربان او ان الدائرة الالكترونية بداخل
الدينمو مقطوعة او ملتمسة و تستبدله بواحد و اذا كان ملتمس ثم شبكت الدبل
فانه على طول يقطع الفيوز
جديد
دينمو الدبل + حساس الكاورنة الاماميه قليل جدا جدا يخربن
الا اذا كان هناك التماس او دخول للماء ربما
و ان شاء الله و باذن الله ان مشكلتك من الحساس




هذه صورة الحساس اللي راكب عليه الفيش 6اسلاك
ركاب تحت القير



http://www.mekshat.com/vb/../pix/upload02/images80/mk53291_oijg.jpg

الحساس لوحده
و هذا به عيب مصنعي دايم يخرب
اخبر احد الربع غيره مرتين


http://www.mekshat.com/vb/../pix/upload02/images80/mk32037_4.jpg



هذا مكان الدينمو بجنب عمود الدبل






http://www.mekshat.com/vb/../pix/upload02/images79/mk53291_ibdbpii44.jpg




http://www.mekshat.com/vb/../pix/upload02/images80/mk53291_jhdbh44.jpg
ا



لكن دامهم فكوا بالرمان و الفلنجات
فتاكد من فيش حساس الكارونة الاماميه

فائده
اذا رفعت الموتر من الامام بعفريته
همن شبكت الدبل الخفيف مثلا
راح يوقف الكفر و ماراح يدور بيدك
لان دينمو الكارونة الامامي شابك العكوس و الكارونة

و لو دار الكفر بيدك و الدبل معشق و اللمبه تاشر
فذا دليل على ان فيش الدينمو به مشكله
او انه خربانه
اهم شي اسمع صوته اثناء تحريك الفيش
قمة افرست
29/08/2009, 08:03 PM
كلام سليم اخ سوبر


الاخ سعد تاكد من الفيش بنفسك او عند اقرب بنشر افصل الفيش ورجعه يمكن ماهو شابك مزبوط
بالنسبة لتركيبة
من اي منطقة انت ان شاء الله يدلونك الشباب على مهندس جيد
saad.saud
29/08/2009, 08:22 PM
انا من الرياض ... والمشكلة اني لما اعشق الدبل مايطلع اي صوت مثل اول
قمة افرست
29/08/2009, 08:30 PM
ان شاء الله ماتتعدى الفيش يمكن منفصل ماهو منشبك صح

اذا مرة المشكلة كبيرة بتكون بالضاغط الي هو محرك 4x4 والسيارة موديلها حديث ان شاء الله بسيطه

http://www.autopartswarehouse.com/images/product_images/images/dorman/RB600101.jpg

http://www.autopartswarehouse.com/images/product_images/images/a1_cardone/48-109.JPG


طريقة التشييك

نبدا بفيش الحساس احتمال يكون ماهو شابك

اذا المشكلة موجود لازم تشوف مهندس يفك الحساس وينظفه ويتاكد من الينمو شغال ولا لا
الصور اعلاه لسيارة سيير ا 2006 قد تختلف قليلا

ولاتنسى تطلعنا وش صار معك نستفيد ويستفيد باقي الاعضاء وان شاء الله خير

الاخ سوبر لديه تجربة جيدة بهذا الخصوص
سوبر VTC
29/08/2009, 11:55 PM
هنا فيوز الدبل اذا كان مقطوع راح تطلع رسالة افحص الدبل بالاضافة الى انه
راح تطفى لمبات ازرار الدبل
سبق اني فصلت و شبكت فيوز الدبل و اشتغل الدبل
و ذلك عن تجربه شخصيه بالنفود :good:



http://www.mekshat.com/vb/../pix/upload02/images78/mk53291_dfbd33.jpg



اذا مافيه صوت للدبل نهائيا
تاكد من فيش دينمو الدبل 6اسلاك
سوبر VTC
30/08/2009, 12:02 AM
http://www.autopartswarehouse.com/images/product_images/images/dorman/RB600101.jpg









جزاك الله خير اخوي قمه فرست
هذا الحساس اللي ب400ريال كرتون ازرق جي ام GM
طبعا يجي من م2000 الى م2006
م 2007 و طالع مادري هل هو نفسه ام لا
هذا الحساس فيشه 4اسلاك
و م99 و تحت فيشه 2سلكين فقط
طبعا هذا الحساس كبس يعني ما تقدر تصلحه :no2:
معلومه مهمه

(((تركيبه)))

يكون عن طريق ربطه باليد فقط + وضع تيب او شطرطون حق السباكه
في نهاية السنة من الاسفل عشان منع خروج زيت الكارونة
بعد تشده بيدك و يوقف
تربطه بمفتاح كبير او جلمبو
تشد عليه و تلفه تقريبا ربع دورة فقط
اذا تعديت ربع دورة
ينكسر الحساس من عند السنه لانه بلاستيك :no:
فانتبه :good::good:
saad.saud
30/08/2009, 02:17 AM
يا أخواني والله ما أعرف وشلون اشكركم .... لكن بشهر رمضان الفضيل ( الله يوفقكم )
المشكلة أني غشيم بالشغلات .... دلوني على ورشة بالرياض
ومرة ثانية (الله يوفقكم )
saad.saud
30/08/2009, 08:07 PM
السلام عليكم
يا أخواني وين الورشة بالرياض اللي يصلحون هالحساس
قمة افرست
30/08/2009, 08:22 PM
اكتب موضوع بالصفحة الرئيسية
استفسار عن ورشة مختصة باصلاح دبل الجمس بالرياض
سوبر VTC
31/08/2009, 06:49 AM
هنا الورش بالنسبة لقير الجمس + الكوارين




عندك تشليح آل موسى في الصناعيه القديمه
فيه لبناني مسيحي دكتور كارونات للجمس فقط ويوزن الكوارين بالمللي
ادخل شارع العنوز وجهك شرق وخل السالم على اليسار وتعد اول محطة يبي يجيك مطعم بخاري على اليمين فيه شارع مقابله من شمال ادخل معه يجيك التشليح يسار...
والقيور فيه هندي بصناعية الخليج
دكتور قيور جموس وشفر اسمه صابر رقم الورشة 217
كاسره بالسعر لو فيه مشكلة توضيب
وفي عندك ورشة مشعل العتيبي على شارع الريم بالصناعية القديمة تخصص قيور جمس من 40 سنه
وفي عندك صناعية ام الحمام ورشة القحطاني رقم 11 سوداني فلته في الكهرباء
تبي زياده وإلا خلاص

هنا سؤال



سيارتي جمس م98دبل بها صوت مدري من رمانات العكوس اومن الدبل اوالدفرنس الخلفي اوالامامي او العامود (ضيقت صدري )غيرت الدبل مرتين والدفرنس الخلفي مره وخسرتني الان حوالي 10الآلف ريال ولازانت وهي الان بورشه بالرياض اذا احد منكم يخبرلي راعي ورشه فنان ادخل السياره عنده ويظمن لي شغله تكفون دلوني وجزاكم الله خير

هنا الاجابه





فيه ورشة جامعة الملك سعود تلاقيها بعد مدخل بوابة الجامعه من الجهه الشرقيه بعد ما تدخل على طول تلاقيها فوق على اليمين تطلع لها طلوع بالطلعه والمشرف على الورشه سوداني اجودي وحبوب اسمه فيصل
رح له وعلومك كلها بتصير طيبه ...وانسى انك ترجع له مره ثانيه لانه لاركب لك الشئ بيضمن لك شغله صح
بس وانا اخوك اول ما تجيه بيسلخك شوي الا اذا انت راعي طويله وراعي بال طويل في المكاسر وتراه حبوب
وانا باذن الله والضامن الله اضمن لك شغله ....الورشه هذي انا معاملها من ست سنين ولا بعمري اشتكيت منهم
بس اغلى شئ عندهم السمكره سمكرتهم صحححححححححح مثل الوكاله بس ياهم بالسمكره يصلخونك صلخ
اما بالمكيانيكا فالسعر مقارب لكل الورش بس على حسب مكاسرك له ...


وفيه ورشه ثانيه نفس المستوى بحي الملك فهد اللي فيها سوداني والعماله كلهم فلبينين تلاقيها لاجيت ووراك اسواق العويس روح على طول بتجيك المطاعم على يديك اليمين طوول الين تجيك اشاره وديور لا ديورت
بتجيك على يمينك محطه بنزين وورشه خلها على يدك المين ولف يمين وطووووووول الين تجيك الورشه على يمينك بس هاه موب ورشة المحطه لالا فيه ورشه بعدها لا لفيت يمين والمحطه صارت على يمينك طووول كانك تبي شارع الامير محمد ابن سعود المرسلات قديما وتلاقيها قبل لا يجيك هالشارع على يمينك شغلهم بعد حلو
saad.saud
02/09/2009, 03:23 AM
بسم الله الرحمن الرحيم
شكرا لكم يا أخواني على تجاوبكم وأبشركم صلحنا هالرسالة الل جابت لي المرض وكانت من عدد 2 حساس للدبل وصلحناها عند منير ( لا احد يطلب اسم الورشة الا على الخاص ) لأني ما ودي اخرب على الرجال ...
بس بقت مشكلة الصوت عند تشغيل الدبل وخاصة اذا لفيت يمين او يسار
سوبر VTC
02/09/2009, 03:40 PM
الله يبشرك بالخير

كم قيمه كل حساس ؟

العكوس لازم تطقطق اذا كنت لاف الدركسون خصوصا عند شبك الدبل الثقيل
و انتبه تلف الدركسون بالزفلت خصوصا الثقيل
تندمر العكوس

انت مر على الورش السابقه بخصوص الصوت

موفق
saad.saud
03/09/2009, 03:22 AM
بسم الله الرحمن الرحيم
الحساس الدائري (الكتاوت)قيمته 330 ريال من التقوى
الحساس الثاني (يشبه اتوماتيك الدبل ) قيمته 430 من الحمد
المحب للخير
14/09/2009, 12:17 PM
بسم الله الرحمن الرحيم
الحساس الدائري (الكتاوت)قيمته 330 ريال من التقوى
الحساس الثاني (يشبه اتوماتيك الدبل ) قيمته 430 من الحمد


السلام عليكم ورحمة الله وبركاته:

حياك الله يالغالي أنا معي جمس 2006

وقبل يومين طلع عندي كتابة: يجب تصليح الدفع 4 عجلات.


أول مرة أشوفها ولا أعلم مامشكلتها؟


ورأيت موضوعك هذا وقد ذكرت هذه المشكلة والحمدلله تم حلها؟


هل بالإمكان مساعدتي بارك الله فيك فأنا من سكان الرياض وأبي أخلصها بإذن الله تعالى قبل العيد.
saad.saud
16/09/2009, 04:04 AM
السلام عليكم
حط بعد اسمي ات هوتميل دوت كوم وراسلني اعطيك الوصف للورشة مضبوط