المساعد الشخصي الرقمي

مشاهدة النسخة كاملة : استشارة ((مشكله في لاند كروزر ))


شعيب الحزيمي
15/08/2009, 04:33 AM
السلام عليكم ورحمة الله وبركاته


كنت مسافر ولاحظت ان انبير البنزيم ما يمشي مظبوط


شوي وضعف الموتر ثم قام يقطع ثم طفاء

حاولت اشغله عيا ولاحظت ان لمبة البنزيم والعه حولت على التانكي الصغير واشتغل الموتر والحمد لله

ثم بعد فترة رجعت للتانكي الكبير الانبير يشر على النص والموتر شغال ولا كان فيه مشكله

ولان المشكله تحصل لي لاول مرة حبيت استفيد من خبراتكم في تحديد المشكله

هل هي من طرمبة البنزيم او الصفايه او العوامه او في الاسلاك والفيوزات

قبل لا اروح للورشه ويقومون يتعلمون في موتري .... يمكن يقولون غير الاديتر

نوع السيارة ........ لاند كروزر....(2001)
شعيب الحزيمي
16/08/2009, 07:04 AM
سبحان الله وبحمده سبحان الله العظيم
براد نجد
16/08/2009, 10:53 AM
زين اذا قالك غير الأديتر يمكن يقولك الأستبنة ناقص هواها ههههههههه0000رح للكهربائي خلة يكشف على فيوز العوامة وفيوز العدادات المشكلة عندك بالتانكي الكبير 00كشف فقط بدون فك00وسلامتك0
ساري 111
16/08/2009, 09:00 PM
اذكر اثنين من الشباب معهم مثل موترك موديل 2003
حصلت معهم اكثر من مره ان التاكي الثاني مايعطي قراءة صحيحه اذا صارو ماسكين خط
يقولون اذا وصل الربع طفى الموتر طبعاً لان البنزين خلص بس الامبير يعطيهم باقي الربع
هالمشكله بالتانكي الصغير اما الكبير مافيه اي مشكله

انا معي 2007 لاكني لااعاني من هذه المشكله ولله الحمد
شعيب الحزيمي
17/08/2009, 02:18 AM
زين اذا قالك غير الأديتر يمكن يقولك الأستبنة ناقص هواها ههههههههه0000رح للكهربائي خلة يكشف على فيوز العوامة وفيوز العدادات المشكلة عندك بالتانكي الكبير 00كشف فقط بدون فك00وسلامتك0
هههههههههههه لا تستبعد


مشكور اخوي على المعلومات الثمينه
حواجز
17/08/2009, 02:32 AM
تحدث لدي هذه المشكلة عندما أغير التانكي وأنا على نفس الدعسة ولا هديت.
صرت بعدها أهدي تقريبا على سرعة أربعين أو أقل ثم أغير التانكي، والامور تمام بحمد الله.

الله ييسر أمرك
Magellan
17/08/2009, 02:41 AM
ضعف في الطرمبة وبداية خراب فيها...
لأن اللاندكروزر فيه طرمبتين للتانكي الرسمي والصغير
فأنت حولته وأشتغل لأن التانكي الصغير ماعليه إجهاد ولاتشتغل طرمبته دايم
ويوم حولته للتانكي الرسمي اشتغل مضبوط بسبب إن الطرمبة بردت...
شعيب الحزيمي
17/08/2009, 11:39 AM
اذكر اثنين من الشباب معهم مثل موترك موديل 2003
حصلت معهم اكثر من مره ان التاكي الثاني مايعطي قراءة صحيحه اذا صارو ماسكين خط
يقولون اذا وصل الربع طفى الموتر طبعاً لان البنزين خلص بس الامبير يعطيهم باقي الربع
هالمشكله بالتانكي الصغير اما الكبير مافيه اي مشكله

انا معي 2007 لاكني لااعاني من هذه المشكله ولله الحمد


مشكور اخوي المشكله في التانكي الاول والان شغال مظبوط بس ماني مرتاح للوضع
مستور الحال
17/08/2009, 11:50 PM
انتبه لغطى البنزين يمكن بلفه خربان قد حصلت معي نفس المشكله وخاصه ايام الصيف سيارتي كنت باترول موديل 95 بخاخ غيرت الغطى وماشي تمام ولله الحمد
شعيب الحزيمي
18/09/2009, 03:30 AM
حواجز

الان اسوي مثلك و سالك الوضع
شعيب الحزيمي
18/09/2009, 03:33 AM
ما جلان

مشكور على المعلومات الجديده
شعيب الحزيمي
18/09/2009, 03:36 AM
مستور الحال

شرهك على اللي قد شاف غطاء البنزيم ( هو له بلف )
مخاوي العريس
18/09/2009, 04:40 AM
أخوي أنا صارت معي نفس المشكلة ولقيت التانكي وصخ ومنسدة الصفاية اللي داخله
أحرص على تنظيفة .
64 الحر
18/09/2009, 04:50 AM
سارت معاي كم في لاندكروزر 2006
أمير البراري
18/09/2009, 07:30 AM
أسمع يالغالي ..
أنا معي جي إكس 2007 .. نفس ماصار لك دايم يصير لي من شريته ..

شف كان العداد حق التانكي الصغير مايعطيك مضبوط إذا مسكت خط ..
فهذا شي طبيعي والسبب .. إنها الطرمبة للتناكي الصغير ضعيفه ولا تتحمل الحرارة فما تعطيك القرآة صحيحة ..
وعلشان تأكد من صحة كلامي .. أمسك خط بالتانكي الصغير إلين يقضي ويقطع عليك .. طبعاً المؤشر يبي يكون على الربع تقريباً .. طف الموتر وخله يبرد ... بعدها إذا برد .. دق السلف وشف يعطيك القرآءة مضبوطة أو لا ..


أما إذا كانت المشكلة في الديرة فأتوقع الطرمبة حول حروه خراب ..
باااارق
18/09/2009, 08:05 AM
السلام عليكم جميعا
اخوي شعيب الحزيمي كل عام وانت بخير
باللنسبة للعطل الي في الانبير حق البنزين عندك سلمك الله العوامة الي في داخل التانكي تحصلها خربانه
وتقبل تحياتي واشواقي عاشق عنيزة