المساعد الشخصي الرقمي

مشاهدة النسخة كاملة : استفسار عن مشكلت قير الفتك


عادل404
15/08/2009, 01:38 PM
السلام عليكم ورحمة الله اهنئ اعضاء مكشات بقرب حلول شهر رمضان المبارك جعلنا الله واياكم من صوامه وقامه , عندي استفسار بسيط انا معي باترول 2007 فتك سمعت انه فيه مشكلة في القير يحتمي بعد ذلك يخلط الماء مع الزيت يعني توظيب انا والله الحمد ما اشتكي من شي ولا سمعت احد من ربعي اشتكا من هذا الموضوع. هل هذا الكلام صحيح واذا كان صحيح ماهو الحل بتصوركم وهل زيت القير يغير ولا لا وكل كم يغير ؟ ارجو افادتي عن هذا الأستفار لأنه امر محيرني ولكم جزيل الشكر,,,,,,,,,,,,,,
البديوي 2
15/08/2009, 03:47 PM
سمعت انا مثل ما سمعت انت

لكن واحد من الربع ميكانيكي

يقول لا تغير الزيت القير ابد

ترا تغيره يدمر عليك القير

واما اختلاط زيته مع الماء

يقولون انهم يفصلونه عن الاديتر

واما انا اقول ابو عيون فطس ابخص منا

يعني حنا الي ما صنعنا شي اذكى من الياباني الي ما خلا شي الا واصنعه

اقوووول

اترك موترك شد بلد

وخل عنك الخربطة والبربطه

ههههه

تقبل مروري

ولو فيه شوي عبط

بس تحملنا
البديوي 2
15/08/2009, 03:48 PM
سمعت انا مثل ما سمعت انت

لكن واحد من الربع ميكانيكي

يقول لا تغير الزيت القير ابد

ترا تغيره يدمر عليك القير

واما اختلاط زيته مع الماء

يقولون انهم يفصلونه عن الاديتر

واما انا اقول ابو عيون فطس ابخص منا

يعني حنا الي ما صنعنا شي اذكى من الياباني الي ما خلا شي الا واصنعه

اقوووول

اترك موترك شد بلد

وخل عنك الخربطة والبربطه

ههههه

تقبل مروري

ولو فيه شوي عبط

بس تحملنا

والشباب يفيدونك اكثر ان شاء الله
سوبر VTC
15/08/2009, 07:42 PM
و عليكم السلام و رحمة الله

يحط اديتر خارجي للقير بسعر تقريبا 600ريال مع الشغل عندنا ببريده

العيب ان مبرد الاديتر اللي بوسط طبلة اديتر الماء له وجه او سيلة

هذي تنسم و يدخل الماء من خلالها الى القير

متى تنسم؟؟

احيانا اذا جلدت الموتر بنفود مثلا و احتمى الموتر تضعف السيلة او الوجه

المواتر توافيق

اقرا وردك و توكل على الله

للايضاح ادخل الرابط التالي


معك Vtc ؟؟ تفضل باالدخول موضوع يهمك !! (http://www.mekshat.com/vb/showthread.php?t=155215)
سوبر VTC
15/08/2009, 07:47 PM
واما انا اقول ابو عيون فطس ابخص منا
يعني حنا الي ما صنعنا شي اذكى من الياباني الي ما خلا شي الا واصنعه


اكيد انهم ابخص منا
لكن العيوب المصنعيه لابد منها :no:
احد الربع رجال كبير بالسن معه فتك م2003
خبط عليه القير و وظبه ب7000الاف ريال
و حط اديتر خارجي

عندك بعض الجموس و الفورد و الشيروكي و التويوتا...الخ

كلهن يجي مبرد القير بداخل طبه الاديتر
و مواتر ماشيه على 200 و 300 و 400الف كيلو

و لم نسمع او اشوف او ذكرلي انهن خبطن قيورهن بسبب الماء

و كل سيارة لابد لها من عيوب مصنعيه :good:
عادل404
16/08/2009, 11:26 AM
الله يجزاكم خير على اهتمامكم وتواصلكم واجابتكم على تساؤلي انا اشوف ان الباترول بدء يتخذ نظام الأمريكي يعني بمسألة الحساسات وغيره يعني متى سمعنا الباترول يقف بالخط بدون اي مقدمات. واحد من اخوياي جاي من الساحل معه 2003 يقول فجئه وبدون مقدمات طفاء الموتر المهم وين يراعي السطحة وللمدينة على ساكنها افضل الصلاة والسلام ويلقون المشكلة بعد الكشف على الموتر ( حساس داخل الماصورة الي تطلع من قربة الهواء ) المشكلة سعره غالي مرة فوق الألف ريال وتركيبة ما ياخذ عشر دقايق يركب بعشرين ريال. يقولون ان نفس الفيش الي بالماصورة بس فرق بسيط الهو حق المكسيما سعره بمية ريال. ولكم جزيل الشكر على مروكم,,,,,,,,,
بن سليمان
16/08/2009, 11:46 AM
كل قير تماتيك له بلف تبريد ومن الخطر تدخل بالسيارة في منقع ماء وخصوصا إذا كان الماء عميق لأنه احتمال يدخل ماء على القير من خلال بلف التبريد وهذا كثير من الناس يجهلونه واذا دخل الماء على القير لابد من تغيير زيت القير بسرعة وأغلب من يخرب القير عندهم تحصله قبل لا يخرب ويخبط داخل في الموتر بمجمع ماء وأما تغير الزيت اي سيارة لازم تغير زيت قيرها مع الفلتر لكن تختلف مدة التغير من سيارة لسياره على حسب لزوجة زيت القير واستخدام السيارة يعني السيارة اللي تستخدم في استخدامات شاقة غير السيارة اللي تستخدم استخدام عادي من ناحية مدة تغير زيت القير