المساعد الشخصي الرقمي

مشاهدة النسخة كاملة : اليوكون ولا التاهو ولا الفوتشنر تويوتا


رايق1
16/08/2009, 02:40 AM
اخواني لي صديق عزيز علي وشاورني يبي يشتري سياره جديده وعمليه في المدينه والبر ومحتار مابين اليوكون التاهو ولا الفوتشنر تويوتا وبصراحه انا ما جربت كل الثلاث
ابي رايكم اخواني وشكراً.
سوبر VTC
16/08/2009, 05:30 AM
عليه بالتاهو و الا هو مثل الجمس من ناحيه المحركات و القير

و هو يتحمل المكده افضل من التويوتا

و هو ارخص من الجمس

و الجمس سمعه فقط

اهم شي ياخذ دفرنسين لانه عند الحاجه ماله ثمن :good:

ميزة الجمس و التاهو مريح بالخط عن تجربه

و معروفه السيارات الامريكيه بالسفر :good:

و ايضا 8سلندر و اقل صرفيه و نشيط

اهم شي الاستخاره بعد الاستشاره

موفق
رايق1
16/08/2009, 06:27 PM
بس ياخوي سوبر يقولون ان التاهو وانت ماسك الخط تسمع صوت ازيز الهواء من النوافذ والطبلون هل هذا صحيح واليوكون شعبيته اكثر على ما اظن
سوبر VTC
16/08/2009, 10:32 PM
بس ياخوي سوبر يقولون ان التاهو وانت ماسك الخط تسمع صوت ازيز الهواء من النوافذ والطبلون هل هذا صحيح واليوكون شعبيته اكثر على ما اظن


هلا و غلا

انا على ما سمعت ان صوت الهوا اقل
اذا تبي توفر دراهم خذلك تاهو نفس البدي و المحركات
الفرق في الشبك الامامي + بعض الاكسسوارات الداخليه
الجمس اكثر شعبيه بس ليش اخذه و فيه بديل عنه مايفرق

افضل حل جرب سواقه جمس او تاهو من حقين اجار السيارات

و شف يصلح لك ام لا

موفق
سالم11
16/08/2009, 10:39 PM
سوبر فتك جعلي ما اعدمك يا الغلا وش تقول التاهو يتحمل المكده أفضل من التويوتا لو قلت النيسان أطيعك

الفورنشنر مشكلته صوت الهواء وضيق والا الموتر نشيط
البرادو والا لاند مفخرة الارض

التاهو راحة خط ووسيع صح
رايق1
16/08/2009, 11:08 PM
انت صادق يا السوبر ان الامريكي مريح في السفر بس كم يفرق التاهو عن اليوكون في السعر؟؟؟
رايق1
17/08/2009, 05:53 PM
ياشباب والسؤال للمختصين
يقولون ان أسعار السيارات الامريكي بالذات بترخص بعد ثلاثة شهور
هل هذا الكلام صحيح ؟
رايق1
17/08/2009, 07:40 PM
آلووووووووووووووووووو
السوبر موجود:confused:
seflumber
17/08/2009, 10:55 PM
السلام عليكم ورحمة الله وبركاته
أخوي رايق
من رأيي
أن إختيار نوع السيارة يكون مبني على نوعية الاستخدام بعد الشراء
-إذا كان خويك راعي مراقى نفود وتحدي ومطامر بين الشعبان "راعي صيد"
ياخذ فورتشنر 6 سرندل
وعيوبه قليلة جداً وهي الضيق مثله مثل المفخره والفتك والمطب القوي وصوت الهواء من أعلى الباب الأيمن الأمامي وهذي لها حل , بعد 300 الف كيلو يحتاج
توظيب القير الاوتوماتيك وفرز رأس المكينة أوتغييره لتقوسه عادة في التويوتا.
- إذا كان يبي السيارة للعائلة ويحتاج سيارة مريحة بالسفر و لطلعات البر الخفيفة واذا طلع النفود يرفق على الموتر واذا لقا جاده فيها بطناج يديور للزفلت
ياخذ تاهو قوي جداً غمارة وسيعه مريح نصبه والفرق بينه وبين اليوكن الشعار
لأن شركة شفر المصنعة للتاهو فرع من الشركة الأم جي إم سي
اليوكن أغلى جديد ومستعمل بفرق حوالي 10000 ريال تقريباً .
من عيوب الجي ام والشفر بعد طلعات البر الأصوات وبعد 200 الف كيلو يحتاج
توظيب القير وتغيير تكايات بلوف (صبابات الزيت) داخل المكينة .
وآسف على الاطالة ,,,
أشيقري تميمي
17/08/2009, 11:12 PM
السلام عليكم ورحمت الله
شف وانا اخوك اذا كان له نية بالشراء لايقرب الامريكي التاهو لان ممكن تصير له نفس ازمة الجموس الجديدة في القير ونصيحه لايقرب الامريكي كله لانه ما يتحمل عندك في الجو في بر ولا مدينة وعلى فكرة ترى سياسة الامريكي شينه يعني مثل تغيير الزيوت له وقت محدد فاذا ماغيرته يسبب لك مشاكل في المكينة
وياخذ له عملاق اليابان التيوتا لانه ممتاز وعلى فكرة الفورتشنر خفيف ونشيط :good:
واذا بغى يشري فورتشنر لايقرب عبداللطيف جميل النصاب ويروح للبازعي
وتقبل تحياتي
سوبر VTC
17/08/2009, 11:19 PM
ههههههههههه :D:p

اخوي سالم و رايق :)

يالربع لا تحرجونن :p بالاسئله

ان اشوف اليوكن الجمس و التاهو مع الربع يمدحونه

و سبق اني سافرت عليه الموتر و انا السواق قبل شهرين

جمس يوكون م2007 او هو
2008 و الله اني ناسي

الموتر يستاهل :good:

هذا رابط لرابطه الجمس و التاهو
و هم ابخص من و راعين تجربه

رابطة ملاك (اليوكون , دينالي , تاهو , السوبربان ,z71) (http://www.mekshat.com/vb/showthread.php?t=171953) ‏(http://www.mekshat.com/vb/images/misc/multipage.gif 1 (http://www.mekshat.com/vb/showthread.php?t=171953) 2 (http://www.mekshat.com/vb/showthread.php?t=171953&page=2) 3 (http://www.mekshat.com/vb/showthread.php?t=171953&page=3) 4 (http://www.mekshat.com/vb/showthread.php?t=171953&page=4) 5 (http://www.mekshat.com/vb/showthread.php?t=171953&page=5) ... الصفحة الأخيرة (http://www.mekshat.com/vb/showthread.php?t=171953&page=26))


و العذر على القصور يالربع

موفقين
سوبر VTC
17/08/2009, 11:31 PM
من عيوب الجي ام والشفر بعد طلعات البر الأصوات وبعد 200 الف كيلو يحتاج
توظيب القير وتغيير تكايات بلوف (صبابات الزيت) داخل المكينة .
وآسف على الاطالة ,,,




انا مادري منين تجيب هالكلام :confused::confused::confused:

اي موتر امريكي خصوصا الجمس و الشيروكي اذا شغلته و هو بارد الصبح يطلع صوت لقلقه لمده 5ثواني ثم اذا رقى الزيت اختفى الصوت
و هذا الصوت طبيعي جدا و هذا الصوت صوت الصبابات حقات البلوف
لان الصبابات يحتكن مع عمود التيمن و اذا رقى الزيت اختفى

و كلامي هذا نفس كلام فني و مهندس الوكاله و نفس كلام اهل الورش

القير مواتر ماشيه على 200 و 300الف م2000 و طالع

و لاخرب القير :good:

و القير قوي جدا اسمه ال تي ون يركبونه للمرهمات الجيوب :good:

القير ما يخرب الا اذا دخل الماء على القير او كان الزيت ناقص

او باستخدام سيئ و هذا يسبب احتراق الكلتشات

بعدين توجد كامري م98 تماتيك ماشيه حول 400الف و المكينه و القير تمام :good:

كامري 2001 تماتيك ماشيه 330الف القير و المكينه تمام :good:

الجيوب تويوتا ماشيه على 400الف م98 و طالع و لاخربت المكينه او الراس

و القير تماتيك
المميـز
18/08/2009, 01:57 AM
اخوي رايق1

إذا كان عدد أفراد العائله خمسه أو أكثر أنصحك بالتاهو ( دبل )

وإذا كان أفراد العائلة أربعه أو أقل أنصحك بالفورتنشر ( دبل ) 2009
6 سلندر 2009 بس غيره لاتقربه

هذي وجهة نظري عدد العائله هي اللي تحكمك في شراء السياره

وطبعا إذا كان عدد العائله قليل .. اكيد الفورتشنر أفضل للبر والديره
لصغر حجمه ولقوة مكينته :good:

وعليك
بالاستخاره بعد الاستشاره
seflumber
18/08/2009, 08:39 AM
الأخ العزيز سوبر فتك

"انا مادري منين تجيب هالكلام :confused::confused::confused:"
من خبرتي في السيارات التي تتعدى 26 عامأ
اشتريت خلالها أكثر من 20 سيارة
ولكن أعود وأقول

كلامي خطأ يحتمل الصواب وكلامك صواب يحتمل الخطأ
وبيني وبينك ورشة عبدالرحمن الجميح خلف الوكالة اللي بطريق خريص
اسأله صوت طقطقة البلوف عند بدء التشغيل طبيعي والا لا
أنا مريت عليهم قال شغل يد 1000 ريال لتغيير الصبابات والقطع تقريباً 1200 ريال
والتجاري 700 ريال
أما من ناحية القيور الاوتوماتيك قصدت بكلامي عمرها الافتراضي قد يزيد أو ينقص قليلاً
وعلى فكرة أنا واحد من إخواني شايب تصدق عنده بيوك موديل 82 ماوظب قيره الى الآن !؟
لكن لو هو مستخدم طبيعي يمشي كثير على السيارة ويسوق بسرعات عالية صدقني مايكمل عمره الافتراضي .
وبخصوص تقوس رأس مكينة التويوتا أتحدى أنه يوجد جيب تويوتا ماشي أكثر من 400 الف مايشتكي من الحرارة
اللي سببها تقوس الراس ورح اسأل الورش يا أخي أنا لاقي كامري 6 سرندل ماشية تحت 200 الف فيها تقوس
أنا راح عمري بالصناعية ولا أقول لك كلام مبني على يقولون الأشياء هذي أنا شفتها ومارستها بنفسي .
ومره ثانية آسف على الاطالة ,,
shaheenshah
18/08/2009, 09:47 AM
انا اقول خذلك برادو اصرف لك

وبالنسبة لصوت طقطقة البلوف اذا كان الصوت خفيف اول ما تشغل ويختفي خلال ثواني فهذا شي طبيعي خاصة اذا كانت السيارة واقفة لمدة طويلة
وبالنسبة للقير العملية عملية حظوظ يعني ومن تجربة شخصية يمكن يمشيك القير 500 الف و لايحتاج توضيب بالرغم من انك جاير على الموتر ويمكن يمشيك 50 الف ويخبط حتى لوكنت محافظ على الموتر
رايق1
18/08/2009, 05:39 PM
أخيراً شكراً لكل من شارك في الموضوع وشكراً على هذا التفاعل ودمتم...

http://www.mekshat.com/pix/upload03/images121/mk40304_1980_p158923.gif
رايق1
18/08/2009, 07:12 PM
خلاص خوينا سحب النظر عن الفوتشنر بس محتار بين اليوكون والتاهو يقول اليوكون شكله أجمل .
أرجو افادتنا . وشكراً
المميـز
20/08/2009, 04:38 AM
خلاص خوينا سحب النظر عن الفوتشنر بس محتار بين اليوكون والتاهو يقول اليوكون شكله أجمل .
أرجو افادتنا . وشكراً


دام ان اليوكن بوجة نظره أجمــــل .. اجل يتوكل على الله وياخذه ومبرووك مقدما :)

لكن لو هو انا أخذ التاهو لأنه بوجهة نظري أجمل ونفس المواصفات وأرخص ;)
سوبر VTC
20/08/2009, 05:25 AM
دام ان اليوكن بوجة نظره أجمــــل .. اجل يتوكل على الله وياخذه ومبرووك مقدما :)







و الله من زين الراي :mad:


:j