مشكلة في قير جمس 94 . الإخوة الخبراء.. تكفون .. تراها تهز الرجاجيل

[جمرة غضا]

السيارة جمس 94 مكينة 454
من فترة وأنا أحس القير التغيير من الاول للثاني يتأخر شوي .. مع ان زيت القير مغير من أقل من 50000 أما الفلتر فوالله ما غيرته من طلعته من الوكالة .. المهم قبل أسبوع فجأة السيارة صارت ما تمشي لما تدوس أبنص .. أو تمشي 5كم بالكثير .. وديتها على سطحة وقالوا لي الورش حلابات البخاخات متسددة وأثرت على طرمبة البنزين .. المهم غيرنا الطرمبة مع الصفاية والفلتر الداخلي ونظفوا الحلابات .. وفعلا اشتغلت السيارة ممتاز ... لكن .. من طلعت من الورشة وصعوبة تغيير القير من الأول للثاني .. صارت بزيااادة وبقوة وأصعب ... وما يغير الا بطلوع الروح ..شوي وتطمر السيارة .. ونفس الشي بالنسبة من الثاني للثالث لكن أخف .. المهم قال الفني غير زيت القير مع الفلتر .. ولما بدا يفك الجيربوكس وشاف الزيت محروووووق .. خاف وقال ترى أخاف ما يلقم معك القير مرة ثانية طالما الزيت محروق مرة، واحسن خل نزوده وبس ... وانها قد صارت معه في نفس السيارة من قبل .. قلت له اتكل على الله .. وفعلا جبت له فلتر مع الوجه من الوكيل بالبيد ,, وغيرها والحمد لله ما صار شي ... لكن المشكلة في صعوبة التغيير ما انحلت,,,
وانا خايف والله تكبر ولا يخبط القير ...


الصراحة قريت في المنتدى انه ممكن تصير من حساس كهرباء للقير ...او ممكن تصير بداية تخبيط..

فأرجو من الخبراء مساعدتي أو اقتراح ورشة جيدة في ام الحمام او العروبة او حتى اللإصناعية القديمة

[اللهيب ssss]

ان شاء الله يفيدونك الشباب ..........
والله يعينك

[ساري 111]

والله اذا الزيت محترق فهو خبط او قريب تخبيطه

كم ماشي الموتر ؟؟؟

[جمرة غضا]

الموتر ماشي 145000 .. لكن مثل ماقلت آخر ما غيرت الزيت لما كان ماشي 100.. يعني الان له حدود 45 بس .. اما الفلتر صحيح ما غيرته أبد

[ولد الجبور]

يخي الجمس كله خربات بس عشانه سمعه ون مجرب عندي واحد يوكن 2007 ورد الجميح مشفت وراه الا الخربات ون ما استخدمه بي عنف وشف في يتفكك و الا لبات الي قدام اذا جيت اغسله تدخله مويه ومشكله اذا جيت تشغل المكيف يطلع صوت قوي مدري وشو وان والله اعطيكم نصيحه لالالالالالالالا تشترون جمس لاحوض ولا يوكن وارجو ان تقبلو نصيحتي الله هم ني ابلغت اللههم فشهد

[Magellan]

القيور فيه هندي بصناعية الخليج
دكتور قيور جموس وشفر اسمه صابر رقم الورشة 217
كاسره بالسعر لو فيه مشكلة توضيب

وفي عندك ورشة مشعل العتيبي على شارع الريم بالصناعية القديمة تخصص قيور جمس من 40 سنه

اما صناعية ام الحمام والعروبة فماعندي علم لكن قير موترك سهل فكه وتوضيبه لذلك الكثيرين يقولون ممكن نوضبه ، ولذلك لازم تختار واحد معرفة إن كان طلع الخلل القير في صناعية ام الحمام او العروبة

الشيء الثاني النقزة في التغيير بعض الاحيان فيه بلف يسمى مخ القير ممكن يكون المسئوول عنها
والله أعلم

[efi4500_2002]

ما لك الا تغير الفلتر مع الزيت لانه اغلب مشاكل القير الاتماتيك من الفلتر و اغلب الورش
اذا جيتهم قالوا توضيب ( يبون يسرقونك )

ماراح تخسر شي غيره لتتاكد اذا من الفلتر او نفس القير

[جمرة غضا]

القيور فيه هندي بصناعية الخليج
دكتور قيور جموس وشفر اسمه صابر رقم الورشة 217
كاسره بالسعر لو فيه مشكلة توضيب

وفي عندك ورشة مشعل العتيبي على شارع الريم بالصناعية القديمة تخصص قيور جمس من 40 سنه

اما صناعية ام الحمام والعروبة فماعندي علم لكن قير موترك سهل فكه وتوضيبه لذلك الكثيرين يقولون ممكن نوضبه ، ولذلك لازم تختار واحد معرفة إن كان طلع الخلل القير في صناعية ام الحمام او العروبة

الشيء الثاني النقزة في التغيير بعض الاحيان فيه بلف يسمى مخ القير ممكن يكون المسئوول عنها
والله أعلم

جزاك الله خير .. أخي ماجلان ..

رحت للصناعية وفريتها أدور شارع الريم ما احد عرفه .. المهم دلني رب العالمين على ورشة باكستاني فنان .. فحصها كمبيوتر ب50 ريال .. وقال المشكلة من حساسات بين المكينة والقير قريبة من البخاخات (عشان كذا شكيت في اللي نظف حلابات البخاخات يكون أثر عليها) .. وفعلا فكها وحصلها خربانة قطعة كهربائية بلاستيكية مربعة وفيها بروزات دائرية وبعد حصل شيء في المكينة مثل الحساس محترق قيمته 120 ريال .. وبعد لقى لي الثلاجة الحار مشقوق ويهرب وصلحه (أظن له علاقة بالتكييف الحار).. وما كلفتني العملية كلها.. 550 ريال ..

وربي فكنا من اللي يقولون توضيب .. يمكن لو وظبنا ما انحلت المشكلة ...

[~EmPeRor~]

الحمدالله انحلت مشكلتك

يالغالي فية حساس على الابنص في المكينة << حق الدعسة الفجائية اذا خرب يطول الموتر بالنمرة اكيد هو الي كان خربان

على كل حال بالتوفيق يالغالي

[ابوبدرالشمري]

حياك الله أخي الكريم ....جمرة غضا

حبيبنا ..أنا نفس المشكلة ..فياليت ..وأنا أخوك تدلني على ورشة الباكستاني ..
ولك مني الدعاء ....

[ابوبدرالشمري]

إجابة أيه الأخوة الكرام // وجزا الله خيرا من دلني على الأخ جمرة غضاء

[ملك الفكتوريا]

الحمد لله والامريكي له حلول كثيرة وسهلة وما تلكف لكن الاهم عدم الاستعجال



غير الزيت والفلتر وانتبه لنوع الزيت يالغالي