المساعد الشخصي الرقمي

مشاهدة النسخة كاملة : انا مركب مساعدات اماميه جبريال البيضاء لكن كيف اقدر اتحكم فيها ؟


Fmejrad
17/08/2009, 02:30 PM
السلام عليكم ورحمه الله وبركاته ,,

اخواني الي لهم خبره بمساعدات جبريال ,,

انا ركبت على سياراتي مساعدات جبريال البيضاء الي تجي زيت وقيمتها كلها ب 280 ريال ,,

لكن احس الموتر قاسي مرهـ , وسمعت انه تقدر تتحكم فيها ,, يعني تخليها لينه او وسط او قاسي ,,

ممكن تعلموني الطريقه ؟ وكيف اعرف اذا المساعد منفقع ؟

وهل اليايات الخلفيه لها سبب في قساوه الموتر ؟ لان الموتر قااااااااااسي مره لو امشي على عيون القطط احس السياره كلها تلعب وترج ,, فمحتار مادري وين المشكله ,, هل هي من اليايات الخلفيه ام من المساعدات ام لاني رافع السياره على اخر شي من قدام " لان سيارتي ترفعها وتنزلها بواسطه مسمارين تلفهم يرفع وينزل "

وجزاكم الله خير

السياره همر 2003 H2 ,,

طبعاً قبل كم ساعه طرحت موضوع شبيه لموضوعي هذا لكن موضوعي هذا طرحته حتى اعرف السبب واعرف كيف اقدر اتحكم بوزنيه مساعدات جبريال
النيزك الناري
17/08/2009, 02:52 PM
لعل الاخوان يفيدونك
موفق انشاء الله
بليرز2005
17/08/2009, 04:27 PM
وعليك السلام ورحمة الله وبركاته،،،

إذا كانت نفس النوعيه الي عندي كنت مركبها على بليزر 89 لازم تكبس عليها على الأخير بعدين تفر المساعد على اليمين أول السيار تسمع صوت تك ـ تك مريتن وعندك على المساعد ورقه لزق مكتوب عليها كم مره لازم تسمع هذا الصوت عموماً هو ثلاثه أقسام خفيف ومتوسط وخشن.
أتمنى أني أفدتك بهذه المعومات البسيطه.

والله ولي التوفيق.
Fmejrad
17/08/2009, 04:33 PM
وعليك السلام ورحمة الله وبركاته،،،

إذا كانت نفس النوعيه الي عندي كنت مركبها على بليزر 89 لازم تكبس عليها على الأخير بعدين تفر المساعد على اليمين أول السيار تسمع صوت تك ـ تك مريتن وعندك على المساعد ورقه لزق مكتوب عليها كم مره لازم تسمع هذا الصوت عموماً هو ثلاثه أقسام خفيف ومتوسط وخشن.
أتمنى أني أفدتك بهذه المعومات البسيطه.

والله ولي التوفيق.

يعطيك العافيه اخوي ,,

انا شيكت على النوع الي عندي ولقيته انه مافيه 3 اسهم !

هل معناته انه طقه وحده ويختلف عن النوع الي عندك ابو 3 طقات ؟
نيسان 807
17/08/2009, 06:13 PM
مساعدات الجبريال فرهآ وراح تحس بفرق وزي ماقالك بليرز2005 عندك ثلاث اقسام وانت المفروض داخل المدينة تحطه على الخفيف او اللين
Fmejrad
17/08/2009, 06:44 PM
مساعدات الجبريال فرهآ وراح تحس بفرق وزي ماقالك بليرز2005 عندك ثلاث اقسام وانت المفروض داخل المدينة تحطه على الخفيف او اللين

اذا جيت افرها هل لازم افكها ؟

والشي الثاني شلون اعرف ان النوع الي عندي هو ابو 3 طقات ؟

انا الي عندي لونها بيضاء

وشاكر لك اخوي
بليرز2005
18/08/2009, 03:16 PM
الله يعافيك أخوي،،
أكيد لازم تفك المساعد من مكانه وتكبسه على الأخير وبعدين تفره من الناحية الي تحت.
Fmejrad
19/08/2009, 02:11 PM
الله يعافيك أخوي،،
أكيد لازم تفك المساعد من مكانه وتكبسه على الأخير وبعدين تفره من الناحية الي تحت.

طيب اخوي قبل لافكهـ شلون بتاكد قبل هل حقي من النوع الي 3 طقات ولا ابو طقه وحده ؟
قمة افرست
19/08/2009, 03:48 PM
زي ماقالك بليزر
فرها لان تجي قاسية
وتقدر تخفف فيها
واذا تبي نصيحتي طشها ماتنفع قاسية تكسر الموتر
واذا تبي مساعدات في كيلو 9 بجدة محل يبيع جميع انواع المساعدات لكل السيارات ورخيص وممتاز
وهو متخصص بالمساعدات
اما الجبرايل ماتنفع بالمرة
علي عليوه
19/08/2009, 03:50 PM
شوف أخوي

الجبريل يجي منه نوع تقدر تفره على كلام الاخوان
ونوع ماله الا ضغط واحد وهو قاسي فعلا ويستخدمه اللي يروحون للحرات وغيرها
لكن إن كنت بالرياض رح لوكيله السبت اللي بدوار الخرج بالصناعية القديمة
فيه شايب على كيفك اسأله ويطلع معك الهندي ويعلمك عن نوعها هل هي تقبل
الفر وتغيير المقاس والا لا
إن كانت تقبل لازم تفكها ,, وارجع له مره ثانية وهي معاك مفكوكه ويفرها لك على اللي تبي
وأنصحك بالوضع الوسط لأن الأدنى كأنك ماركبت مساعد
وموفق إن شاء الله
شمالات نجد
19/08/2009, 03:58 PM
موضوع مفيد

الله يعطيكم العافية
Fmejrad
20/08/2009, 02:28 AM
زي ماقالك بليزر
فرها لان تجي قاسية
وتقدر تخفف فيها
واذا تبي نصيحتي طشها ماتنفع قاسية تكسر الموتر
واذا تبي مساعدات في كيلو 9 بجدة محل يبيع جميع انواع المساعدات لكل السيارات ورخيص وممتاز
وهو متخصص بالمساعدات
اما الجبرايل ماتنفع بالمرة

يعطيك العافيه اخوي لكن انا بالرياض :(


شوف أخوي

الجبريل يجي منه نوع تقدر تفره على كلام الاخوان
ونوع ماله الا ضغط واحد وهو قاسي فعلا ويستخدمه اللي يروحون للحرات وغيرها
لكن إن كنت بالرياض رح لوكيله السبت اللي بدوار الخرج بالصناعية القديمة
فيه شايب على كيفك اسأله ويطلع معك الهندي ويعلمك عن نوعها هل هي تقبل
الفر وتغيير المقاس والا لا
إن كانت تقبل لازم تفكها ,, وارجع له مره ثانية وهي معاك مفكوكه ويفرها لك على اللي تبي
وأنصحك بالوضع الوسط لأن الأدنى كأنك ماركبت مساعد
وموفق إن شاء الله

اقتراح جداً رائع ,, بمرهم هاليومين ان شاءالله

تشكر اخوي


موضوع مفيد

الله يعطيكم العافية

حياك ربي والله يعطيهم العافيه بجد ماقصروا